قصة يتيمتى
البارت الواحد والعشرون21
بقلم شذى المكرم
اليوم التاني كانت الخدمة بتاعتهم والناس بدت تجي من بعد الفطور وضبحو الخرفان وما شاء الله هم اسرة كبيرة وتقريبا الحي كلو جا عشان يخدم نقصت بعض الحاجات قالو لهمسة تسوق وحدة من البنات تمشي معاها السوق
ملك: همسة انا بمشي معاكي
همسة: ممكن
ملك: خلاص بكلم سليم دقيقة
همسة: تمام الزمن دا انا بمشي بشوف عاوزين شنو
ملك: اوكي .
ومشيت اتصلت على سليم
ملك: سليم
سليم: نعم
ملك: عاوزة امشي مع همسة السوق في حاجات ناقصة
سليم: لا مستحيل ممنوع تطلعي من البيت
ملك: ليه بس وانا كلمتها انو امشي معاها
سليم: انتي ما بتعرفي موقع هنا ولو ضعتي منها في السوق
ملك: انا ما شافعة عشان اضيع ثم معاي تلفوني حصل ذي ما قولت بس ما حيحصل
سليم: لا يعني لا
ملك: الله يرضى عليك
سليم: ماشة مع منو
ملك: همسة
سليم: خلاص تمام بس خلي بالك من نفسك
ملك: حبيبي انا تسلم والله حأنتبه يلا باي . اخيرا وافق غيرت توبي بعباية ولبست شرابات طويلة وطلعت لقيتها حارساني
همسة: نمش
ملك: يلا . طلعنا برا واقفين كدا حارسين واحد من الشباب يطلع نكلمو يوصلنا
ملك: ونعمل شنو
همسة: السوق شوية بعيد من هنا الا زول يوصلنا . في كلامنا جا طالع وليد من شافنا جا علينا
وليد: ليه واقفات كدا نسيت كيفكم
الاتنين: تمام . مدا ايدو سلم على همسة ولمن جا دوري
ملك: معليش ما بصافح . اتحرج بس سكت
وليد: مالكم
همسة: عاوزين نمش السوق وما لاقين البوصلنا
وليد: كان تكلموني
همسة: يعني حتوصلنا
وليد: معقولة زول بشوف القمر وما بوصلو . وكان بعاين لي
همسة: يا بكاش انت ههههههه
وليد: دقيقة بس اجيب مفاتيحي
همسة: اوكي . ومشى جوا
همسة: اخيرا لقينا البوصلنا
ملك: ما لقيتي غير دا تطلبي منو
همسة: مالو وليد والله ظريف
ملك: واضح . دقيقتين وجا طالع
وليد: نمش
همسة: اوكي . اتحركنا كدا سمعت صوت سليم بناديني
سليم: ملك
ملك: نعم
سليم: موش طالعين على السوق خلاص
ملك: اي
سليم: تمام بوصلكم انا لانو طلع لي غرض داير اشيلو
همسة: بس كلنا ماشيين مع وليد
سليم: ماف مشكلة مدام وليد ماشي يوصلنا التلاتة
ملك: فكرة حلوة ارح معانا . كنت مبسوطة انو سليم ماشي معانا لانو ما ناوية اطلع مع وليد لانو نظراتو بتوترني
وليد: انت عربيتك وين
سليم: قاعدة
وليد: فيك توصلهم معاك بس
سليم: برضو فكرة نمش؟
ملك: نمش . ومشينا ركبنا عربية سليم طبعا انا قدام معاهو في الطريق
ملك: ناوي تشتري شنو
سليم: ولا اي حاجة
ملك: كيف يعني
سليم: الصراحة خوفت تضيعي هناك وبس . عاينت ليهو وابتسمت
همسة: في زول ورا على فكرة
سليم: زول ما يقدر يحب في مرتو ولا شنو ههههع
ملك: سلييييم . وضربتو في كتفو
همسة: سليم ما حكيت لي اتعرفت على ملك كيف
سليم: دا سر بينا الاتنين بس ممكن تسأليني حبيتها كيف
همسة: اها حبيتها كيف
سليم: من طيبتها وقلبها الابيض وقوة تحملها
همسة: بالفعل ملك قلبها ابيض . بقينا نتونس التلاتة لمن وصلنا السوق واشترينا الحاجات الناقصة ورجعنا البيت وخلاص الشغل بدأ انا مسكت الشاي لانو رفضو لي اقطع وكدا فعملت الشاي والبنات بتوزع لمن اليوم التاني كان الفطور والمناسبة سليم جا شال الجلابية بتاعتو
همسة: خلينا نجهز بعد دا
ملك: اوكي دقيقة اجيب حاجاتي . مشيت الغرفة وشيلت توبي ومستلزماتو كلها ومشيت لبست مع همسة وهي مكيجتني حلو
همسة: طالعة حلوة شديد
ملك: حلوات عيونك حبيبتي
همسة: والله ما الرسم درعة عديل الليلة سليم حيجن
ملك: عيب يا بت . خجلتني طلعنا برا البنات بعاينو فيني ساي مشيت لحبوبة
حبوبة: طالعة سمحة يا بت خليكي كدا دايما
ملك: سمحة انتي حبوبة
حبوبة: امشي افطري
ملك: كويس . مشيت فطرت مع ناس همسة اتصل علي سليم
سليم: تعالي خليني اشوفك
ملك: وين بس
سليم: في الباب الخلفي خمسة دقايق
ملك: تمام . مشيت بالراحة لقيتو واقف مشيت عليهو بتمختر كدا ورفعت ليهو حاجبي
ملك: كيف وكيف
سليم: ....... . ما رد كان بعاين فيني بس لوحت في وشو
ملك: سليم
سليم: يستحسن انو تمشي عشان حتحصل حاجات انا ما مسؤول منها . بالراحة انسحبت ورجعت بعد الفطور الرجال طلعو على الجامع للعقد ولمن رجعو تعالو شوفو ضرب السلاح والاصوات وطبعا بخاف من صوت السلاح مشيت قعدت جنب حبوبة ومسكت فيها قوي
حبوبة: يا بتي ما تخافي دا عادي عندنا
ملك: بس كتيرة شديد خلاص خليهم يوقفو
حبوبة: دا بدل على انو العريس اهلو بعزيهو عشان كدا ضربو كتير كدا طبعا السلاح شغال والنسواين بزغرتو شوية ودخلو الرجال يباركو لام العريس واخواتو شوية وجانا سليم
سليم: حبوبة دي مالا قاعدة كدا
حبوبة: مرتك خايفة من السلاح . قال بصوت عالي
سليم: مصطفى خليهم يضرب زيادة
ملك: سليم النبي لا كفاية
سليم: هههههه خلاص خليتو
سليم: حبوبة الف مبروك لخالد بيت مال وعيال
حبوبة: الله يبارك فيك
المسا كان الحفلة واستلام العروس اتجهزنا ولبست توب كلهم جهزتو لي عمتو نادية ومشيت مع سليم الحقلة كنت بعاين في العرسان ساي وكيف انهم مبسوطين واتمنيت لو كنت محلهم لاني ما عشت الحاجة دي لاحظ لي سليم
سليم: نعيد عرسنا من جديد؟
ملك: ما ممكن
سليم: انتي بس قولي وانا بعملو ليكي
ملك: لا ما عاوزة من الدنيا دي غيرك جنبي
سليم: وانا دايما جنبك وعارفة حاجة
ملك: شنو
سليم: التوب حلو فيكي شديد ومع الرسم دا احلى . خجلني
ملك: تسلم
خلصنا الحفلة وخلاص انتهت مهمتنا لمن رجعنا البيت
سليم: ستفي حاجاتك قبل ما تنومي عشان نسافر الصباح
ملك: تمام تصبح على خير
سليم: وانتي من اهل الخير
و اي واحد مشى بإتجاه بكرة خلاص حنرجع.....
"هذا الدفء الذيّ
يُخلّفه وجودك يُذيب صقيع الأيام"😴❤