قصة حافيه على أشواك من ذهب ا لبارت السادس6 بقلم زينب محمد

قصة حافيه على أشواك من ذهب ا

لبارت السادس6

بقلم زينب محمد

جلست شمس في بهو القصر الفخم الذي يقام به الحفل الصغير الذي أقامه بيجاد.. والذي لا تعلم ماهيته بعد

وعينيها تدور في المكان بتعب وإحساس بالوحده والغربه يسيطران عليها وهي تتابع ما يحدث من حولها بتعجب.. عالم غريب يدور من حولها رجال ونساء تظهر عليهم اثار الغنى الفاحش يملئون المكان يتحدثون ويتضاحكون بتكلف ...

أجواء بارده ومتكلفه لم تعتاد عليها

لا تعلم لما هي هنا ولماذا اصر على ان تحضر معه وهو يتعمد تجاهلها منذ نزلت برفقته للحفل...

تجلس بتوتر على اطراف مقعدها وكأنها على استعداد للفرار في اي لحظه وهي تلاحظ عيونهم التي ترمقها بين أن و اخر بفضول وتعجب وكأنهم يدركون حقيقتها وانها دخيله بينهم.. 

عينيها تتابع بألم بيجاد الذي يحتضن احدى الفتيات الجميلات وهو يضحك ويتمايل بها برقه على انغام احدى الالحان الرقيقه دون ان يعيرها او يعير وجودها ادنى اهتمام وهو يتنقل من فاتنه لاخرى امام عينيها ..

لتلتمع عيونها بالدموع وهي تتذكر حفل أخر وهي تكاد تبكي بحسره وهي تتزكر زكرياتها معه..

فلاش باك... 

جلست شمس بجوار بيجاد بداخل سيارته وهي تتابع الطريق من النافذه وتقول بتوتر .. 

= انا خايفه اوي.. دي اول مره اعمل فيها حاجه زي كده وخايفه حد من البلد يشوفني معاك ويبلغ ابويا.. 

ابتسم بيجاد وهو يتأمل توترها بحنان.. 

= متخافيش يا حبيبتي محدش هيشوفك احنا هنحضر حفلة افتتاح القريه وهرجعك في الميعاد الي بتروحي فيه كل يوم وبعدين مين من البلد عندكم هيكون في مكان زي ده.. 

شمس باحتجاج ضعيف.. 

=عندك حق بس كان لازمته ايه احضر معاك حاجه زي دي.. وبعدين انا خايفه عليك انت كمان لصاحب الشغل بتاعك يعرف ويعملك مشكله..

ابتسم بيجاد بهدوء..

= متخافيش يا شمسي واهدي كده واسترخي انا زي ما قلتلك معرفه اني هحضر انا وخطيبتي افتتاح القريه وهو معترضش وموافق.. يبقى لازمته ايه القلق ده بس.. 

ابتسمت شمس وقد اصطبغ وجهها بحمرة الخجل  وهو يرفع يدها يقبلها بحنان.. 

= اهدي يا حبيبي واسترخي 

انا جايبك هنا عشان ترتاحي وتغيري جو مش عشان تشدي اعصابك وتخافي بالشكل ده..

ثم احتفظ بيدها بداخل قبضة يده وقبلها بحب ثم وضعها على مقود السياره وغطاها بقبضة يده وقاد بها وهو يتأمل ملامح وجهها الخجله بعشق .. 

ثم قال بحنان وهو يشير للخارج

= خلاص كلها دقايق ونوصل للقريه..

فهزت رأسها بموافقه وهي تنظر بدهشه الى مدخل القريه السياحيه الضخم ذو البوابات الحديديه الفخمه والمشغوله بروعه والاشجار والمزروعات الرائعه التي تملأ المكان 

والذي تقف الحراسه على بابه فتحول دون دخول اي شخص لا يحمل تصريح رسمي بدخول القريه.. 

فتوترت وهي تحاول الانزواء للاسفل وتتخيل انها سوف تطرد ولن يسمح لها ابدا بالدخول

ولكنها شعرت ببعض الهدوء وهي تشاهد جاد يفتح زجاج السياره بثقه.. 

ويبتسم للحرس الموجود بهدوء والذي ولدهشتها.. اسرعوا بفتح بوابات القريه دون ان يبرز لهم اي تصريح او اثبات لهويته

شمس بتعجب.. 

= مش انت قلتلي انهم المفروض يشوفوا بطاقتك او تصريح دخولك للقريه قبل ما يدخلوك 

ابتسم بيجاد وهو ينظر لها بحنان.. 

= اه هما المفروض فعلا يشوفوا تصريح دخولي بس هما عارفيني وعارفين ان انا سواق بيجاد بيه فبيدخلوني عادي..

شمس بتعجب.. 

= طيب وبيجاد بيه ده سابك في يوم مهم زي ده ازاي مش المفروض كنت جبته ووصلته للقريه.. 

ابتسم بيجاد و هو يتأمل وجهها بعشق.. 

= عشان بيجاد بيه هو كمان جاي هنا ومعاه حبيبته الي بيموت فيها وبيعشقها ومش عاوز حد يبقى معاه هو وهي وعاوز يكونوا لواحدهم.. ها فهمتي والا فيه حاجه تانيه.. 

ابتسمت شمس بفتنه فأذابت قلبه وهي تقول بخجل .. 

= أكيد إنت زهقت مني عشان بسئل كتير مش كده.. 

رفع بيجاد يدها التي يحتفظ بها في داخل يده وقبلها وهو يقول بحنان.. 

=انا عمري ما ازهق منك يا شمس دنيتي.. بس انا عاوزك تسترخي وتتمتعي بالجمال الي حواليكي..

ثم اتبع قوله بالضغط على احد الازرار فارتفع سقف السياره للخلف بهدوء حتى اختفى تماما 

لتشهق و قد اتسعت عينيها بدهشه وهي تتأمل الطريق المزين باندر الانواع من الازهار والاشجار التي تستطف على الجانبين وتحيط بنافورات رائعة الجمال تنتشر على طول الطريق

فضحكت بسعاده وهي تشعر بالهواء يتلاعب بشعرها برقه ففردت زراعيها بسعاده كأنها تطير تستقبل الهواء وهي ترفع وجهها للشمس التي قبلت 

وجهها بأشعتها الذهييه 

فأشعرتها بالدفئ والسعاده وهي تشعر وكأن قلبها قد امتلئ بعشق وحب جاد حتى فاض وملئ الكون ..

ثم ابتسمت وهي تلتفت اليه وتتأمله بعشق ثم قالت بسعاده..

=المكان هنا حلو اوي يا جاد كأنه حته من الجنه يا بخت إلي هيعيشوا فيه.. 

ابتسم بيجاد وهو يتأمل وجهها بعشق وهو يهمس لنفسه بإفتتان.. 

= المكان وصاحب المكان فدى الضحكه الحلوه الي هتجنني دي 

ترك الطريق الرئيسي و اتجه الى طريق خاص وقاد الى شاطئ مغلق ببوابات الكترونيه وتوقف بسيارته بجانبها وادخل عدة ارقام ثم قال وهو يدعي انه يمزح معها وهو قد قام فعليا بإختيار فيلا رائعه لها وينوي ان يجعلها تؤسسها بالطريقه التي تروق لها.. 

= انا كنت عارف ان المكان هنا هيعجبك وعشان كده خليتهم يعملوا حسابنا في فيلا على البحر و هنفرشها مع بعض  على زوقك.. 

ضحكت شمس وهي تقول بمرح.. 

= فيلا مره واحده.. وكمان هتفرشها على زوقي.. طيب انا عاوزه اشوف الفيلا دي دلوقتي واتفرج عليها كمان .. 

ضحك بيجاد وهو يتوقف بسيارته على الرمال وقال وهو يترجل من السياره ويفتح بابها.. 

ويفاجأها بحملها منها.. 

صرخت شمس بصدمه وهي تحاول النزول من فوق زراعيه.. 

= انت بتعمل ايه ياجاد نزلني.. 

نزلني .. نزلني يا جاد.. لو حد شافنا هيقول عليا ايه ..

ضحك بيجاد وهو يشاهد مقاومتها الفاشله له وإتجه بها الى مظله كبيره انزلها اسفلها ثم جزبها لتجلس بجانبه على مفرش كبير مفروش على الرمال وهو يقول بمرح وهو يقصد اغاظتها .. 

= دا شاطئ خاص يا شمسي ومفيش حد غيرنا هنا ..يعني متقلقيش مستحيل حد يشوفك هنا ولا يشوف احنا بنعمل ايه

توترت شمس وهي تبتعد عنه وتقول بحذر وهي تتلفت حولها..

= لوحدنا.. لوحدنا ازاي مش ده شط والمفروض الناس كلها بتقعد فيه وبتنزل البحر منه

تناول بيجاد يدها وقبلها رهو يقول بحنان.. 

=ده شط خاص ببيجاد الكيلاني وعيلته ومفيش حد يقدر يدخله الا هو وانا طبعا بما اني انا الي السواق بتاعه.. 

ثم تابع وهو يضع شعرها المتطاير بحنان وراء إذنها.. 

= ايه خفتي عشان عرفتي اننا لوحدنا هنا .. 

ابتسمت شمس برقه وهي تتأمله بحب.. 

= انا بثق فيك يمكن اكتر من نفسي.. بس الحاجات دي كلها غريبه عليا واول مره اسمع بيها او اشوفها.. 

ابتسم بيجاد وهو يتأمل ملامحها بعشق.. 

= وانا يا شمسي قد ثقتك فيا دي ومستحيل اخونها.. 

ثم جزبها ناحيته فجأه وهو يقول بمرح .. 

= يلا نتغدى عشان نلحق نروح الحفله وافرجك على المكان..

شمس بتعجب.. 

=انت جبت الحاجات دي كلها منين.. 

بيجاد بمرح.. 

= يعني تفتكري هجيبه منين.. من الاكل الي بيحضروه للحفله الشيف يبقى صاحبي ووصيته يعملي غدا ليا انا وخطيبتي

وجبته هنا وجهزته قبل مااروح واجيبك لهنا

ثم تناول صندوق كبير من جانبه

واخرج منه اطباق من الطعام الشهي ووضعه على المفرش امامها واخذ قطعه منه وقربها من فمها وهو يقول بحب.. 

= افتحي الشفايف الحلوين دول علشان حبيبي ياكل ..

اصطبغ وجه شمس باللون الاحمر القاني من شدة الخجل ثم فتحت فمها برقه و تناولت الطعام من يده وهي تكاد تذوب من شدة الخجل فهمست برقه وهي تشعر بخوفها الشديد عليه.. 

= جاد انا مش عاوزاك تزعل مني بس انا خايفه عليك ..خايفه ان الراجل الي انت شغال عنده ده يعرف بالحاجات الي انت بتعملها دي ويرفدك والا يئذيك

قرب بيجاد الطعام من فمها وهو يقبل يدها بحنان ..

= متخافيش عليا يا حبيبتي لو انا عارف ان في حاجه من الي بعملها هتئذيني مكنتش عملتها.. 

ثم قال بحنان وهو يخرج ألبوم كبير كبير من جانب صندوق الطعام ..

= وبعدين سيبك من الكلام ده وتعالي اتفرجي على فيلتنا..

نظرت شمس للالبوم الذي بيده بدهشه.. 

= فيلتنا.. 

مرر بيجاد يده على وجنتها  بحنان.. 

= طبعا فيلتنا والالبوم ده مليان صور ليها تعالي اتفرجي عليها وقولي رأيك .. 

ابتسمت شمس وهي تقترب منه بحماس وهي تعتقد انه البوم لاحد فيلات القريه وانه سيعيشون معا حلم جميل بامتلاكهم لاحدى فيلل القريه الساحره ثم ابتسمت بترقب وبيجاد يلف يده يقربها منه ويقول بجديه مرحه ..

= لو في اي حاجه مش عجباكي قولي وانا هغيرها علطول.. 

ابتسمت شمس وهي تقول بحماس.. 

ماشي.. 

ليمضوا ما يقرب من الساعه وهم يتناولون طعامهم و يتناقشون بمرح في الوان وديكورات و طرق فرش الفيلا.. 

حتى انتهوا ثم تفاجئت شمس به يحملها بمرح ثم يندفع بها الى المياه.. 

فصرخت بمفاجأه وهو يلقيها وسط الامواج ثم يعود ويتلقاها مجددا بين زراعيه وهو يحتضنها وهي تحاول الهروب منه لكنها تفشل لتجد نفسها في كل مره تعود مجددا الى زراعيه ..

ثم توقف وهو يحتضنها ويقربها منه ويده تزيل شعرها برقه بعيدا عن وجهها وهو يقرب منها وعلى، وشك ان يقبلها الا انها وضعت يدها على شفتيها تمنعه وهي تقول بهمس وقد إمتلئت عينيها بالدموع .. 

= بلاش.. عشان خاطري بلاش ياجاد.. 

ابتسم جاد بحنان وهو يرفع يديها بعيدا عن وجهها ثم رفعها فجأه بين زراعيه بمرح وهو يعود لملاعبتها مجددا حتى مر الوقت بهم سريعا مابين مرحهم وعشقهم الشديد الذي 

يذداد كلما مر الوقت عليه..

بعد قليل خرج بها بيجاد من البحر وهو مازال يحملها.. 

ثم انزلها بالقرب من سيارته وفتح بابها وهو يقول بحنان

= يلا يا حبيبي ادخلي عشان نلحق نستعد للحفله.. 

تأملت شمس ملابسها المبلوله والملتصقه عليها وقد امتقع وجهها بخوف.. 

= يا خبر ملوش لون.. انا هراوح كده ازاي وازاي هحضر الحفله الي بتقول عليها وانا هدومي مبلوله كده.. 

ثم تابعت بنواح.. 

= دا انا حتى مينفعش ادخل العربيه وانا مبلوله بالشكل ده.. دا ممكن فرشها يبوظ...

ضحك بيجاد بمرح وهو يرفعها ويدخلها الى السياره ويقول بحنان و هو يشاهد توترها خوفا من ان تفسد فرش السياره..

= بطلي جنان.. يعني انا هدخل بيكي البحر وانا مش عامل حسابي.. 

ثم قاد السياره بها حتى وصل الى فندق فخم  تحيط به حديقه رائعة الجمال تمتد الى مالا نهايه ولكنه لم يدخل بها من المدخل الرئيسي بل توجه الى مدخل خاص جانبي و فتح مصعد يتكون من الزجاج معلق على البناء الخارجي للفندق وحاول الدخول بها اليه ولكنها قالت برعب ..

=ايه ده احنا هنطلع في البتاع ده.  لا يا اخويا انا اخاف.. 

ضمها بيجاد اليه وهو يقول بغضب مصطنع ..

= اخوكي طب عشان الكلمه دي مش هنطلع الا فيه.. 

ثم جزبها اليه واغلق باب المصعد عليهم وهو يضحك بمرح 

فشهقت هي برعب وهي تلتصق به وهي تشعر انها تصعد في الهواء والا رض تبتعد عنها رويدا رويدا فشعرت برأسها يدور بشده و اغلقت عينيها وغابت عن الوعي بين زراعيه.. 

توقف المصعد امام الدور الخاص ببيجاد فقال وهو يقبل اعلى رأسها المستند عليه بحنان..

= انتي نمتي والا ايه ياشمسي.. 

الا انها لم تستجب له فرفع رأسها بتوتر ليكتشف شحوب وجهها وغيابها عن الوعي.. 

رفعها بيجاد بين زراعيه و قد استولى عليه الخوف وهو يمددها على الفراش ثم يقرب عطر قوي من انفها ويفرك يدها بتوتر وهو يقبلها بخوف..

= فوقي يا حبيبتي انا اسف .. مكنش قصدي اخوفك..

فتحت شمس عينيها لتجد نفسها ممده على فراش مريح في غرفه شديدة الجمال.. 

لتهب بخوف وهي تحاول النهوض بسرعه ولكنه منعها وهو يرفعها فوق ساقيه ويضمها اليه بحمايه شديده وهو يقبل وجهها بجنون.. 

= انا اسف.. اسف يا حبيبتي سامحيني انا غبي  ..غبي وحيوان كمان سامحيني يا حبيبتي مكنش قصدي اني اخوفك بالشكل ده.. 

ابتسمت شمس برقه.. 

= خلاص يا حبيبي محصلش حاجه لكل ده انا الي غلطانه عشان مقولتش ليك اني بخاف من الاماكن العاليه

ضمها بيجاد اليه بندم وهو يقول بغضب من نفسه..

= لا دي مش غلطتك دي غلطتي انا الي مخدتش بالي منك .. مكلتيش كويس وقضيتي اليوم كله لعب وجري على البحر واخرها خليتك تطلعي في اسانسير مفتوح وانتي بتخافي من الاماكن العاليه

ابتسمت شمس وهي تبتعد عنه بخجل وتقول بمرح..

=خلاص بقى يا جاد انا بقيت كويسه المهم هاحضر الحفله ازاي بهدومي المبهدله دي والا هرجع بيهم البلد ازاي.. 

تنهد بيجاد وعينيه تمر عليها بحب يحاول تطمين نفسه انها اصبحت بخير.. 

فقال وهو يشير الى خزانة الملابس.. 

= عندك فستان وجزمه جديده في الدولاب إلبسيهم وسيبي هدومك هنا وانا هطلب الروم سيرفيس هياخدوهم وينضفوهم

ويرجعوهم تاني ليكي.. 

ثم ابتسم وهو يقبل وجنتها بحنان وقبل ما تسئلي انا جايبهم منين .. 

= فانا مأجر الفستان والجزمه وكل الحاجه الي معاه وهرجعهم بعد الحفله والاوضه دي بيجاد بيه إلي مخصصها ليا لما عرف ان خطيبتي هتحضر معايا افتتاح القريه ..ها في اسئله تانيه والا اروح استعد انا كمان.. 

ابتسمت شمس وهي تقول بحماس..

= لا مفيش اسئله تانيه يا جاد بيه واتفضل اخرج عشان انا عاوزه استعد.. 

ابتسم بيجاد ثم جزبها فجأه مقبلا وجنتها وهي تصرخ به بخجل

= جاد.. عيب.. اوعى هزعل منك بجد.. 

فتركها وذهب واغلق الباب من خلفه وهو يبتسم بسعاده.. 

في حين ابتسمت هي رغما عنها وهي تتنهد بحب ثم توجهت للحمام الملحق بالغرفه وبدأت استعدادهاللحفله..

بعد قليل.. 

وقفت شمس امام المرأه تصفف شعرها وترفعه لاعلى في تسريحه رقيقه وتتأمل جمال الفستان متدرج الالوان بسعاده شديده ثم رفعت قدمها تتأمل الحزاء الكريمي اللون ذو الكعب المرتفع من الامام والخلف وهي تشعر بانها في قصه خياليه وهي تهمس بفرحه.. 

= ربنا يخليك ليا يا جاد انا حاسه اني في حلم ومش عاوزه افوق منه..

ثم التفتت بتوتر الى الباب الزي تعالت دقاته وهي تمرر يدها على الفستان بتوتر ..

 

فقالت بصوت مبحوح متوتر.. 

= إدخل.. 

دخل بيجاد الى الغرفه وهو يرتدي بدله انيقه سوداء وقميص رمادي  وهو يقول بمرح.. 

= ها خلصتي والا لسه قدامنا كتي.... 



ليقطع حديثه فجأه وهو يتأملها بشغف بدئآ من وجهها الملائكي الذي يتألق بذينة وجه خفيفه مرورا بفستانها الانيق والذي جعلها كأميره من أميرات الاساطير وانتهائأ بإبتسامتها الفاتنه التي جعلته يذوب عشقآ.. 

ليقترب منها يتأملها بعشق وشغف وهو يضغط يديه الى جانبه يمنعها بصعوبه من الامتداد اليها 

ليقول فجأه وهو ينظر لزراعيها المكشوفين بغيره ..

= انتي هتنزلي تحت كده ..

امتقع وجه شمس والتمعت عينيها بالدموع هي تعتقد انه يتحدث عن انها لا تليق بالحفل الفاخر بالاسفل ..

فقالت بوجع وهي تجلس باحباط.. 

=خلاص لو شايف اني مش مناسبه فخلاص مش هنزل تحت وخليني هنا.. 

بيجاد بغضب وهو ينظر لزراعيها ومقدمة صدرها المكشوفين بغيره شديده ويغفل عن معنى حديثها..

= طبعا مش هتنزلي كده.. ولو هلغي الحفله كلها مستحيل اخليكي تنزلي دراعاتك ورقبتك باينه كده قدام الناس.. انتي عاوزاني اصور قتيل..

شهقت شمس وهي تفهم اخيرا انه يعترض على الجزء المكشوف في الفستان فقالت بلهفه وهي تسحب شال من الشيفون من جوارها .. 

= لا ما الفستان معاه شال من نفس قماشة الفستان هحطه على كتفي وهيغطيني كلي ومفيش حاجه هتبان..

بيجاد بجديه. .

= وريني الشال ده كده .. 

ثم قام بلفه من حولها جيدا حتى اخفى كل ماهو ظاهر منها.. 

ليبتعد قليلا عنها يتأملها بتدقيق وهي تفرك يدها بتوتر.. 

ثم قال برضى.. 

= كده كويس.. بس خدي بالك اوعي يقع منك.. بلاش تصحي الوحش الي جوايا انا غيرتي وحشه يا شمس وخصوصآ عليكي..

ابتسمت شمس وهي تلف يدها بسعاده حول معصمه ..

= متخافش يا حبيبي انا هثبته كويس ومش هيقع مني

ابتسم بيجاد وهو يمرر يده على وجنتها بحب ثم رفع يدها وقبلها بحنان

=طيب يلا بينا يا حبيبتي.. 

ثم خرجت برفقته وتوجهت للاسفل معه لتقضي معه اكثر ساعات عمرها سعاده وفرحه وهي تتمايل بين زراعيه برقه على انغام الموسيقى الحالمه غائبين في عالمهم الخاص.. 

وهم يغفلوا عن العيون الحاقده التي تتابعهم..

وتالا تقترب من امها بحقد.. 

= شايفه ياماما انا هتجنن مين البت دي انا عمري ما شفتها قبل كده .. 

عقدت قسمت حاجبيها وهي تقول بغضب حارق..

= بس انا عارفاها كويس وعلى جثتي اني اسمح بإلي حصلي زمان  يتكرر معاكي تاني.. وخصوصا مع البت دي..

استفاقت شمس فجأه من زكرياتها وعينيها تلتمع بالدموع وهي تشعر بقلبها سينفطر من شدة الحزن.. 

لتتفاجأ بصوت إنثوي متكلف

يقول لها بمكر.. 

= ليقين على بعض أوي مش كده.. 

إلتفتت شمس بحده لتجد سيده ارستقراطيه جميله في بداية الخمسينيات من عمرها ترتدي فستان طويل من الحرير المخملي الرمادي وتتزين بقطع من المجوهرات الثمينه.. 

التي تأملتها وهي تقول بإبتسامه رقيقه.. 

= إزيك يا شمس عامله إيه..

شمس بارتباك.. 

= الحمد لله.. بس هو حضرتك تعرفيني.. 

ارتسمت ابتسامه بارده على وجه السيده وهي تقول بلطف مسطنع

= طبعا يا حبيبتي انا اعرفك واعرفك كويس كمان بس الظاهر انتي الي مش عرفاني.. 

ثم تابعت بابتسامه متكلفه.. 

= انا قسمت هانم مندور صاحبت العزبه الي انتي كنتي عايشه فيها انتي وابوكي

إمتقع وجه شمس وهي تقول بإرتباك.. 

= اه.. اهلا بيكي معلش إعذريني اصل انا اول مره اقابل حضرتك.. 

قسمت برقه مفتعله..

= اهلا بيكي انتي يا شمس وكنت اتمنى اشوفك في ظروف احسن من كده

امتقع وجه شمس وهي تقول

بارتباك.. 

= ظروف احسن من كده.. هو حضرتك تقصدي ايه.. 

قسمت بابتسامه صفراء.. 

= اسمعي ياشمس انا هتكلم معاكي بصراحه.. انا عارفه بالفضيحه الي حصلتلك والي بسببها بيجاد بيه اضطر  انه يكدب ويقول انه متجوزك 

عشان ينقذك من الي اهلك كانوا هيعملوا فيكي  .. 

شعرت شمس بالدوار وبإنسحاب الدماء من وجهها وهي تقول بصوت واهي .. 

= بس بيجاد متجوزني فعلا ..مش كدب زي ما إنتي بتقولي.. 

ابتسمت قسمت وهي تقول بتهكم وهي تنظر لبيجاد الذي مايزال يحتضن ابنتها وهو يراقصها.. 

= اه ماهو باين..

امتقع وجه شمس وعينيها امتلئت بالدموع وهي تنظر لبيجاد وهي تراه يبتسم لرفيقته برقه وهي تلتصق به بشده وتقبله من وجنته بإغراء شديد 

وقسمت تتابع بنعومه.. 

= انا عارفه ان كلامي ممكن  يدايئك .. بس انتي اتولدتي وعيشتي انتي وابوكي في املاكي وابوكي كان موظف  مخلص عندي وعشان كده حاسه انك مسئوله مني وبحاول انصحك 

شعرت شمس بالاختناق وقالت وهي على وشك البكاء.. 

= تنصحيني بإيه انا مش فاهمه انتي عاوزه تقولي ايه بالظبط.. 

قسمت بتكبر وتعالي..

= لا انتي فاهمه كويس بس بتحاولي تعملي نفسك غبيه.. 

ثم تابعت بقسوه.. 

= بصي حواليكي كويس ياشمس.. شوفي بيجاد حاضن مين وماسك ايد مين طول الحفله.. 

ثم رمقتها باحتقار.. 

= المكان ده لا مكانك ولا المكانه دي بتاعتك ولا بيجاد الكيلاني ينفع يبقى جوزك..

انتي فاهمه كويس انه كان بيتسلى ولكن الموضوع اتعقد ولقى نفسه مجبر انه يتجوزك عشان ينقذك من اهلك وانتي استغليتي ده وعاوزه تعيشي دور مش دورك .. 

شهقت شمس بامتقاع وقسمت تتابع بقسوه وهي تشير لها بالصمت.. 

= قبل ما تتكلمي وتردي عليا فانا بعرفك ان الكلام ده مش كلامي.. الكلام ده كلام بيجاد نفسه والي قاله لتالا بنتي ..تالا حبه الحقيقي و الي كان هيخطبها لولا عملتك السوده وتدبيسك له في جوازه لا هي من قيمته ولا من مستواه

ثم تابعت بتكبر وهي تنظر لها باحتقار.. 

= انتي وإلي زيك مخلوقين علشان تخدمونا وبس مش عشان تتساووا بينا.. 

إرتجفت شمس ولكنها أجابت بكبرياء وهي تمنع دموعها بالقوه ..

= انا مش فاهمه انتي، بتنكلمي عن ايه وازاي بتتكلمي بثقه كده عن حاجه متعرفيهاش ولا تخصك.. 

ثم تابعت بكبرياء وهي تحاول صبغ صوتها بثقه هي لا تشعر بها.. 

= بس احب اقولك المكان ده بتاعي والمكانه الي بتتكلمي عنها دي انا استحقها لاني انا مرات بيجاد بيه الكيلاني الي انتي مدعوه في بيته إلي هو بيتي فياريت تحترمي البيت وصاحبته والا تتفضلي تطلعي بره.. 

ثم غادرتها وهي تتجاهل نظرات الصدمه ونيران الغضب والحقد  التي اشتعلت بعينيها  ..

وتوجهت الى بيجاد الذي كان مايزال يراقص تالا بنعومه.. وإبتسمت برقه كاذبه وهي تقترب منه .. 

= ممكن أقاطع الرقصه الجميله

دي.. وأخد جوزي منك.. ده لو مكنش يدايقك يعني

ثم تابعت بإختناق.. 

= ايه يا حبيبي.. انت نسيت والا ايه مش وعدتني بالرقصه دي.. 

إلتفت اليها بيجاد ثم رفع حاجبه بدهشه.. 

وهي تجذبه من بين زراعي تالا بنعومه.. 

ثم تتجاهلها وتتجاهل غضبها الواضح وتلف زراعيها حول عنقه وتهمس بجانب إذنه بغضب وهي تشعر انها على حافة الانهيار بعد حديث قسمت المهين لها.. 

= انت جايبني الحفله معاك ليه لما انت سايبني وطول الوقت مقضيه من واحده لواحده رقص واحضان ..

ابتسم بيجاد وهو ينظر لها بتهكم .. 

=انا اجيبك واحطك في المكان الي انا عاوزه و ما اسمعش صوتك ولاتتحركي من المكان الي حطيتك فيه زيك زي اي كرسي مرمي في المكان .. بس الفرق ان الكرسي ده تمنه غالي عنك..

ثم فك يدها من حول عنقه وهو يقول بقسوه.. 

= الي عملتيه دلوقتي ميتكررش تاني وإلزمي حدودك  واعرفي مكانتك هنا تبقى ايه بالظبط 

ثم تركها واقفه بصدمه وقد شعرت بالدنيا تميد بها والدموع التي تمنعها عن النزول تحجز الرؤيه عن عينيها وهي تراه يتجه مره اخرى الى تالا التي وقفت بعيدا عنهم تراقب مايحدث بفضول.. 

ثم لف يده حول خصرها وهو يبتسم لها ويتجه بها الى مكان خالي يتمتع بالخصوصيه.. 

ولكنها انتفضت وهي تشعر بيد تلتف حول خصرها وبصوت رجولي يقول بإعجاب شديد .. 

= تسمحيلي بالرقصه دي ..

شمس بتوتر وهي تحاول فك يده من حول خصرها.. 

=معلش متأسفه اوي ..اسمحلي عشان تعبانه.. 

ولكنه لم يتركها وشدد يده حول خصرها وهو يتأملها بإعجاب.. 

= ليه بس جربي والا الرقصه دي كانت حصري لبيجاد بيه.. 

حاولت شمس فك يده وهي تقول بتوتر.. 

= لو سمحت شيل ايدك ميصحش كده.. 

الا انها تفاجأت به يحاول احتضانها والرقص معها بالقوه وهو يقول بسماجه.. 

= بس اسمعيني وبلاش تقفشي كده.. 

ثم مال على اذنها يهمس فيها وهي تحاول مقاومته والابتعاد عنه.. 

=بيجاد بيه ده تقيل عليكي اوي انسيه واديكي شايفه بنفسك الستات هتموت عليه وهو بيغير فيهم طول الحفله زي مايكون بيغير في شراباته القديمه فخليكي فيا انا وإنسيه وتعالي جربيني وانا هنسيكي حتى اسمه ..

ثم حاول الرقص معها وهو يقربها منه بالقوه ويده تتحسس ظهرها بشهوه وهي تحاول فك يده من حولها وهي تكاد ان تصرخ طلبا للنجده وهو يتابع باستمتاع وهو يقرب وجهه من وجهها وعلى وشك تقبيلها .. 

= حلوه وزي القمر حتى وانتي زعلانه الظاهر بيجاد اعمى عشان يسيب الجمال ده كله يضيع من ايده..بس ولا يهمك يا حلوه انا موجود وهسد....

ليتفاجأ بيد تدفعه بعيدا عنها وصوت بيجاد يقول بغضب.. 

= يمكن انا اكون اعمى زي ما انت بتقول.. بس الاكيد انك انت الي هتخرج من هنا اعمى واطرش ومكسح كمان..

ثم فاجأه بلكمه قويه في وجهه اسالت الدماء من فمه وانفه وألقته ارضآ.. وجعلت جميع المدعوين يتفرقون بصدمه من حولهم وهو يعود ويرفعه من جديد و يلكمه بقسوه في وجهه عدة لكمات متتاليه و هو يقول بغضب اعمى.. 

= الي يتحرش بمراتي.. مرات بيجاد ..بيه الكيلاني ولو بكلمه انا انفيه من على وش الدنيا وانت اتجننت ومش بس اتحرشت بيها بالكلام لا دا انت اتجننت وحاولت تمد ايدك القذره عليها .. 

صرخ الرجل برعب وهو يتراجع للخلف ويلهث بألم.. 

= انا اسف يا بيجاد بيه صدقني مكنتش اعرف انها مراتك.. 

بيجاد بسخريه قاسيه.. 

بجد مكنتش تعرف.. طيب كويس انك عرفت وايدك الي اتمدت عليا دي هكسرهالك عشان متبقاش تمدها على ست تاني وتتحرش بيها 

ثم لكمه عدة مرات في جسده وهو ملقي ارضآ ثم جزبه اليه وهو يقول بغضب وقسوه.. 

وهو يلف يد غريمه عكس اتجاهها الطبيعي ويلكمه بها بقسوه عدة مرات حتى سمع صوت تكسر عظامه وهو يصرخ بألم وبيجاد يقول بصرامه مخيفه جعلت شمس ترتعش برعب .. 

احمد ربنا ان انا كسرتهالك بس ومخرجتكش من غيرها.. 

صرخت قسمت برعب وهي تندفع تحاول رفع الرجل عن الارض فهو يكون ابن أعز صديقاتها وهي من ربته منذ صغره.. 

= كفايه يا بيجاد بيه هيموت في ايدك وليد بيه مكنش يعرف انها مراتك وهو اكيد، مستعد للترضيه الي انت عاوزها..

=ماهو عشان ميعرفش فأنا بعرفه..بس بطريقتي.. 

ثم ركله بقدمه وهو يقول باحتقار

= إعتذر.. اعتذر لشمس هانم والا ورحمة ابويا ماهتطلع من هنا الا على قبرك .. 

صرخ وليد برعب وهو يدرك جدية تهديد بيجاد .. 

= انا اسف ..انا اسف يا هانم وصدقيني انا مكنتش اعرف انتي مين.. 

إلتفت بيجاد لشمس التي وقفت ترتعش حرفيا بخوف وهي تنظر للرجل الغارق في الدماء برعب  ..

ثم ضمها الى جانبه بحمايه وهو يقبل اعلى رأسها ويقول بصرامه اخافتها.. 

=ها يا حبيبتي قابله اعتذاره.. والا اكملك عليه.. 

فنظرت اليه وهي لاتعي ما

يتحدث عنه وقد شلها الخوف.. 

ابتسم بيجاد بقسوه واقترب منه مجددا بتهديد وهو يقول بتهكم..

= انا اسف يا قسمت هانم بس شكل مراتي  مش قابله اعتذاره..

وللاسف انا لازم اكمل الي كنت بعمله لحد ماتحس انها خدت حقها منه..

شهقت قسمت بغضب وهي تنظر لشمس بكراهيه.. 

في حين صرخت شمس برعب وقد بدأت تستوعب ما يتحدث عنه

فأسرعت بإبعاد بيجاد عنه وهي تقول برعب.. 

= كفايه يا بيجاد كفايه .. خلاص سيبه انا قابله اعتذاره.. 

ابتسم بيجاد بقسوه وهو يركله في قدمه باحتقار.. 

= خساره كان نفسي اكسرلك ايدك التانيه بس خلاص شمس هانم قبلت اعتذارك..

ثم تابع بإهانه ..

= بره ومشفش وشك في مكان اكون متواجد فيه انا او مراتي.. والا ورحمة ابويا هخلص عليك وبنفسي

ثم اشار لمحمود رئيس فريق الامني.. 

= خد الكلب ده ارميه بره وبكره يكون عندي ملف بأسامي كل شركاته وموقفها في السوق..

ثم جذب شمس من يدها وجذبها خلفها وهو يسرع بها لمكان منفرد وهو يكاد ان يشتعل من شدة الغيره والغضب ومشهد وليد وهو يحتضنها ويمرر يده عليها بشهوه يكاد ان يفقده صوابه

فدفعها بغضب الى الحائط وهو يقول بقسوه شديده تغذيها غيرته السوداء عليها.. 

عملتي ايه والا قلتيله ايه عشان تشجعيه يتجرء عليكي بالشكل ده.. 

سالت الدموع من عين شمس وهي تقول بخوف وكبرياء في ان واحد.. 

والله ما عملت حاجه دا هو.. هو الي حضني وكان عاوز يرقص معايا بالقوه.. 

ضرب بيجاد الحائط، بجانبها بقسوه عدة مرات يحاول افراغ شحنة غضبه فيهم وهو يكاد ان يجن من شدة غيرته عليها.. 

= كان عاوز يرقص معاكي بالقوه وانتي عملتي ايه.. ها.. عملتي ايه لما لقتيه بيلمسك ويحضنك وبيتحرش بيكي

ثم تابع بقسوه شديده وهي تبكي بإنهيار..

= اقولك انا.. وقفتي زي الصنم من غير اي رد فعل سيبتي راجل غريب يلمسك ويحضنك من غير اي رد فعل.. 

ثم تابع باحتقار وغيرته تكوي اوردته.. 

= والا كان الوضع عاجبك وتدخلي مكنش على مزاجك يا مدام ماانتي واخده على كده من زمان.. 

شهقت شمس بصدمه ثم لطمته بقسوه على وجهه وهي تصرخ بإنهيار .. 

= كفايه بقى.. كفايه حرام عليك انت عاوز مني ايه.. طلقني و ارحمني من العذاب الي بتعذبه فيا

ارتسمت إمارات الاجرام على وجهه وهو يقول بقسوه شديده

= ريحي نفسك انتي مش هتطلعي من هنا الا على قبرك.. 

ثم تابع باحتقار.. 

= غوري من وشي..  اطلعي على اوضتك مش طايق ابص في وشك وحسابي معاكي بعدين..

ثم تركها ودخل الى الحفل مره اخرى وهو يحاول السيطره على غضبه وانهارت هي في البكاء وهي تحاول الانسحاب بألم الى غرفتها وهي تحرص على ان لا يراها احد ..الا انها توقفت في منتصف الطريق وهي

تستمع الى صوت تالا الشامت يهمس لها بسخريه .. 

= لو عندك ذرة كرامه كنتي مشيتي بعد الكلام الي قالهولك 

بس للاسف هو عارفك كويس وعارف انك هتتحملي كل الي بيعملوا فيكي عشان عرفك وعارف انك كلبة فلوس ..

ثم تابعت بسخريه وهي تمرر يدها على جسدها الذي يتألق في فستان عاري وقصير جدا من الشيفون الذهبي بإغراء.. 

= تحبي اقولك هو رايح فين دلوقتي وبيدور على مين  عشان  يرتاح في حضنه والا اقولك اسيبك انتي لواحدك تتخيلي.. 

ثم ضحكت بصوت عالي شامت وهي تمرر يدها في شعرها تتركها وتتجه الى حيث اختفى بيجاد ..

لتشعر شمس بأنها تكاد تموت من شدة القهر لا تستطيع التنفس 

وهي تشعر بالدنيا تدور بها وعقلها لايستوعب ما يحدث تنظر في الاتجاه الذي اختفى به بيجاد برفقة تالا وهي تتخيل مايحدث بينهم لتشتعل نيران الغيره بداخلها الممزوجه بالالم الشديد وهي تسترجع اهاناته لها فقررت فجأه.. انها لن تحتمل اكثر من ذلك.. فركضت ودموعها تتساقط بالرغم عنها وهي تتجاهل نظرات الضيوف التي تتأمل انهيارها بدهشه واتجهت الى خارج القصر وهي تركض حتى وصلت الى المرئب المكشوف الذي صفت فيه سيارات الضيوف وجالت بعينيها بيأس في المكان لتقع عينيها فجأه على سياره بابها مفتوح  وقد تركت المفاتيح بداخلها.. 

في حين وقف سائقي السيارات بعيدآ في مجموعات يتسامرون.. 

فلم تشعر  بنفسها الا وهي تدخل الى السياره وهي تتأمل بيأس لوحة القياده المعقده بالنسبه لها وهي تحدث نفسها وتبكي بإنهيار.. 

= أنا لازم امشي من هنا حتى لو هموت لازم امشي من هنا .. ثم تابعت بانهيار ..

= بس انا مبعرفش اسوق.. غبيه ومبعرفش اسوق.. 

لتنتفض برعب وهي تستمع لصوت بيجاد الغاضب .. 

= شمس تعالي هنا انتي اتجننتي بتعملي ايه عندك.. 

فارتعشت وهي تشعر بالبروده تجتاح جسدها وهي تتذكر كل الالام والاهانات التي تعرضت لها على يديه فأسرعت بغلق

باب السياره عليها وهي تنظر للوحة القياده بيأس .. 

في حين ركض بيجاد نحوها بغضب حتى وصل اليها وحاول فتح باب السياره المغلق ولكنه لم يستطع فصرخ بها غاضبآ

= اخرجي يا شمس وبطلي جنان انتي مبتعرفيش تسوقي وممكن

تئذي نفسك.. 

فصرخت به بانهيار.. 

= ملكش دعوه بيا.. سيبني في حالي بقى حرام عليك..  انا بكرهك وبكره اليوم الي شفتك فيه.. بكرهك وهمشي من هنا.. همشي من هنا حتى لو فيها موتي

بيجاد بمحايله وهو على وشك الجنون وهو يرى محاولاتها اليائسه في قيادة السياره.. 

= طيب اخرجي وانا هنفذلك كل الي انتي عاوزه.. ولو عاوزه تمشي انا بنفسي هوصلك لحد بره بس اخرجي من العربيه ..اخرجي من العربيه يا شمس انتي كده ممكن تموتي نفسك

ولكنها تجاهلت حديثه وهي تقول بانهيار

=متسمعيش كلامه ياشمس دا بيكدب عليكي وركزي ياشمس ركزي يا غبيه افتكري الدروس الي كان بيدهالك في السواقه..  افتكري.. 

ثم بدأت في اتباع بعض الخطوات التي كانت تتزكرها من الدروس التي كان يعطيها لهافي السابق .. 

فبدئت السياره بالعمل ولكنها قفذت فجأه للامام باندفاع فأصابت السياره التي امامها وحطمت واجهتها ليصرخ بها بيجاد بجنون وهو يكاد يموت من شدة خوفه عليها.. 

= حاسبي ياشمس ..هتموتي نفسك  يا مجنونه..

ولكنها تجاهلته وهي تقود السياره مره اخرى بتصميم للامام باندفاع في اتجاه بوابة القصر الرئيسيه والمغلقه..

ليشعر بيجاد بالفزع وهو يجري بجنون في اتجاه البوابه الرئيسيه وهو يشير بيديه ويصرخ بجنون بالحرس المتواجدين عليها.. 

إفتحوا البوابه.. افتحوا البوابه.. 

انتبه الحرس اليه وهم يشاهدون بدهشه ركضه وصراخه المجنونو عليهم فقامو بفتح البوابه سريعا.. وقبل لحظات من اقتحامها البوابه لتمر منها وتندفع الى الشارع الخالي وهي تقود السياره بتهور واندفاع 

في حين ركض بيجاد بجنون الى احدى سيارات الحرس و اخرج قائدها منها بعنف والقاه ارضا وهو يتخذ مكان السائق ويقود السياره بسرعه رهيبه وهو ويندفع خلفها بجنون.. 

في حين قادت شمس السياره بسرعه رهيبه وهي تبكي برعب تتشبث بعجلة القياده وهي ترتجف ولاتستطيع السيطره عليها.. 

لتتفاجأ بارتفاع صوت عالي لزامور سياره تجري بمحازاة سيارتها وصوت بيجاد يتعالى برجاء.. 

هدي العربيه يا شمس.. العربيه كده ممكن تتقلب بيكي.. اسمعي الكلام يا حبيبتي وانا هعملك كل الي انتي عاوزاه .. بس هدي العربيه واركني على جنب

نظرت اليه شمس وهي تبكي وتتمسك ب.. 

= ملكش دعوه بيا اموت والا اعيش انت مالك ..وجاي ورايا ليه كنت خليك مع الست تالا حبيبتك الي تليق بيك وبمستواك

اقترب بيجاد من سيارتها وهو يشير لها ويصرخ بجنون وهو بشعر انه على حافة ازمه قلبيه وهو يراها تقود بتهور سيقودها حتما الى تحطمها وتحطم سيارتها.. 

وقفي العربيه يا شمس وبطلي جنان  مش وقت الكلام الفارغ الي بتقوليه .. انتي كده هتدخلي على الطريق السريع وممكن العربيه تتقلب بيكي.. 

انسابت دموع شمس بيأس وهي تنظر بخوف الى بداية الطريق السريع امامها و همست برعب وهي تنظر  لبيجاد الذي يقود سيارته بسرعه رهيبه بمحازاة سيارتها يحاول حمايتها من السيارات التي قد تقترب منها.. 

مبعرفش..انتا معلمتنيش اوقفها إزاي.. 

إمتقع وجه بيجاد ولكنه حرص على ثبات صوته وهو يقول بصوت عالي.. 

طيب هدي سرعة العربيه على اقل سرعه عندك وانا هتصرف.. 

ارتبكت شمس وهي تنظر للوحة القياده وهي تبكي برعب وقد ضاع من زهنها كل ما تعلمته منه عن قيادة السيارات وقد تحكم بها رعبها وبيجاد يصرخ بها برجاء ورعب وهو يشاهد ارتفاع سرعة سيارتها بطريقه رهيبه مما جعلها تهتز بعنف وحاول هو بمجازفه مجنونه الاحتكاك بسيارتها حتى يخفف من سرعتها ولكنه فشل ليصرخ بإسمها برعب وهو يشاهد سيارتها تنقلب عدة مرات ثم تشتعل بها النيران ..

                 البارت السابع من هنا 

لقراءة جميع حلقات القصة من هنا

تعديل المقال