قصة جراح الغربة
البارت التاسع9
بقلم نجلاء عامر
-بجد يا ساهر هتيجى بجد يا بنى اخيرا هخدك فى حضنى اخير هخد زين فى حضنى ياه يا ساهر
تحدث اسماعيل بانفعال فقد علم من ساهر عن مجيئه الى مصر الشهر القادم لقد كان يريد ان تمضى الايام ويغمض عينيه ويفتحها ليجد ساهر وزين بين احضانه ليملى نظره باغلى ما لديه فقد كان سعيدا لدرجة انه لم يستمع الى رحمة وهى تدخل من عملها ليكمل
-ياه يا بنى دا انا قولت هموت قبل ما اشوفكم واخد زين فى حضنى
-بعد الشر عليك يا بابا وكمان هنفضل معاك شهر كامل تشبع مننا فيه
-مفيش حاجة تشبعنى منكم دا انتم نور عيونى راضى باى حاجة بس تكونوا هنا جنبي
-ان شاء الله يا بابا انا كده كده هحجز فندق قريب منك علشان تقدر تقعد مع زين اطول وقت ممكن
-فندق ايه وبتاع ايه انت هتقعد هنا معايا مش هقدر انكم تكونوا بعاد عنى
-يا بابا علشان تاخد رحتك هكون انا والين وزين والنانى بتاعته
-طب خلاص هجهز شقتك تقعد فيها ها قولت ايه وافق يا بنى اللى فات مش قد اللى جاى ويعالم امتى الوشوش تتقابل تانى
-خلاص يا بابا هبلغك اول ما ااكد على الحجز واعرف ميعاد الرحلة
-ماشي يا بني ربنا يجيبك بالسلامة
ليغلق الهاتف ويلتف ليجد رحمة تقف خلفه والدموع تتساقط من عيونها على الرغم من انها كانت تحاول ان تتماسك لكى لا تكون السبب فى حزن إسماعيل بعد كم الفرحة والسعادة التى يشعر بها فقد اشتاق ابنه وحفيده
-اعذوريني يا بنتى من فرحتى ماخدتش بالى والله يا بنتى اوعى يا بنت الغاليين اشوف دموعك دى تانى
-مفيش حاجة يا بابا متحملش هم
-خلاص انا هكلمه يحجز فى فندق احسن هو كان عايز كده
-لا يا بابا بلاش تعمل كده بلاش تحسسنى انى انانية انت عارف انى عمرى ما كنت كده ابدا
-لا يا بنتى عمرك يا حبيبة ابوكى ما كنتى كده
-علشان كده يا بابا ولانى مش انانية عمرى ما هقبل انى اكسر فرحتك برجوع ساهر ولا احرمك من اغلى حاجة عندك زين
-يا بنتى انتى عندى اهم وانتى غالية عالية وغالية اوى كمان وان كان على زين ممكن اخليه يبقى يجيبه يقعد معايا شوية كل يوم اهو حتى اشبع منه
-لا يا بابا مش هقدر اكون سبب حزنك وانت كنت سبب سعادتى انت اللى ساعدتنى انى احقق حلمى وحلم ابويا يبقى اكفأك بانى احرمك من ابنك وحفيدك
لتقوم بتجفيف دموعها وتحاول ان تبتسم وان يبدو صوتها مرح لتحاول ان تجعله يتراجع عن ما كان ينتويه
-بقولك ايه يا بابا ساهر هيجى الشهر الجاى يعنى عندنا شغل كتير اوى علشان نلحق نوضب الشقة ونجيب فرش حلو يليق بيهم وكمان احلى اوضة لزين حبيبي وخصوصا انا عارفة بيحب ايه
-يا بنتى بلاش تضغطى على نفسك
لتقوم باحتضانه و تقبل راسه
-بابا حبيبي والله هكون مبسوطة جدا وهكلم نسرين علشان هى عندها صديق مهندس ديكور بس ايه شاطر جدا وهحاول اتفق معاه انه يخلص بسرعة وكمان يساعدنا فى شراء الفرش المناسب
-اللى تشوفيه يا بنتى بس اوعى يكون اللى بتعمليه فى ضغط عليكى انا مش عايزك ترجعى تتعبي تانى
-خلاص يا بابا انا شلت الموضوع ده من دماغى وان كنت عيط يمكن لانى اتفاجأت بس لكن خلاص ساهر بقى ليه زوجة وابن يعنى كون اسرة خلاص
لينظر لها اسماعيل بشفقة فهو يعلم انها تكذب
-المهم يا بنتى اننا مش نشيله من هنا ثم يشير الى رأسها لكن لازم كمان يتشال من هنا ثم يشير الى قلبها
-كله بامر الله يا بابا ومتقلقش
-انا مش هرتاح غير لما اسلمك بايدى لابن الحلال اللى يستهلك واشيل عيالك بين ايديه
-ربك كريم يا بابا وكل شئ نصيب واوعدك لو النصيب جه هوافق واريح قلبك وهبدا حياتى واكون الاسرة اللى انت بتتمناها ليا
ثم تتركه وتذهب الى حجرتها لكى تبكى حالها بصمت وتشتكي لتلك الصور من صاحبها الذى تشتاقه ولكنه لم ولن يشعر يوما بذلك الحب والاشتياق الذى بقلبها
**************************************
مر اسبوع وبالفعل حدث فيه الكثير والكثير فلقد تقدم عمرو لخطبة سلمى تحت تعجب امجد لمعرفته باختلاف طباع الاثنين لكن كما معروف التضاد تتجاذب فلقد جذبت طباع سلمى المرحة والتى تُدخل السعادة على كل ما يحيط بها وسرقت تلك المجنونة قلب عمرو وها قد حان تتويج هذا الحب
كذلك قام امجد بزيارة جمال ورنا وتقدم لريم وقد فرض عليها حصاره حتى لا يحاول احد التقرب منها وخصوصا المدعو محمد ولقد تم الاتفاق على ان يقام حفلتى الخطوبة بيوم واحد ولان امجد قد علم بحضور صديق عمره اخيرا فقد قرر ان تتم الخطبة بعد رجوع ساهر من السفر فهو لا يعلم متى سيعود مرة اخرى واراد ان يشاركه صديقه فرحته بخطبته لريم لذلك تحدد موعد الخطوبة بعد عودة ساهر باسبوع
كانت البنات سعيدة لان اخيرا حقق اثنتين منهم امنيتهم بالارتباط بمن احبوهم ليجتمعوا كالعادة يتحدثوا ويخططوا لذلك الحفل لتبدء سلمى
-افتكر يا حلوين عندنا وقت علشان نحضر كل حاجة و واحنا اهو بندور على الفساتين عايزة فستان يحكوا عنه يقولوا البرنسس سلمى جت
-لترد رحمة وانتى الصدقة هيقولوا المجنونة جت يا بنتى دا احنا بقلنا يومين بنلف فى كل حتة ده مش اللى فى خيالى، ده مش واو ،ده عادى ،جننتينى انا واللى فى المحلات
لترد ريم وهى تضع يدها على كتف رحمة
-والله يا رورو حبيبتى انا عن جهتى نزلت جبته فى يوم واحد شوفتوا انا متوضعة وطيوبة ازى مش زي ناس
-لترد سلمى وهى تضحك اه ابتيدنا بقى يا بنتى دا انا هبقى اخت جوزك يعنى هبقى عمة اولادك اشترى حبي يا قلبي بدل ما طلع عمتو الحرباية هههههه
-لا يا ستى دا انتى قلبي
-لتضحك نسرين عليهم الصراحة انتم الاتنين متنفعوش غير مع بعض هههههه ها اتحدد الوقت والمكان اللى هيتعمل فيه الحفلة
-لترد ريم وهى تشير على رحمة لا يا ستى امجد مستنى يعرف اليوم اللى هينزل فيه جوز الهانم بالضبط
لتسكت رحمة وتنكس رأسها فهى لا تريد ان تحول تلك اللحظات الممتعة الى حزن من اجلها فتغمض عينها دقيقة لتحاول ان تهدء من الم قلبها ثم تنظر اليهم بمرح تحاول ان تبديه والله المجلات العالمية بتقول انه هينزل اول اسبوع فى الشهر الجاى تحديد اليوم اكيد هيبلغ بيه امجد وبابا
لتشعر البنات بالحزن عليها خصوصا ريم لانها تحدثت ولم تكن تريد ان تحرجها هكذا لتسرع
-اسفة يا رحمة مكنش قصدى
-ايه يا بنتى مفيش حاجة وبعدين انا وعدت بابا انى هحاول ابداء حياتى ادعولى
-لترد البنات ربنا يوفقك
-صحيح يا نسرين عايزة اقبل مهندس الديكور اللى قولتيلى عليه علشان نبدء فى شقة ساهر
لترد سلمى بعصبية منها
-انا مش فهماكى انتى اللى هتوضبي شقته ليه ولمراته
-يا سلمى انا عمرى ما كنت ولا هكون انانية و بابا اسماعيل واجبه عليا انى محرمهوش من ابنه وحفيده ومش هقدر اسيبه يعمل ده كله لوحده زى ما وقف جنبي لازم اقف جنبه وربنا يعني
ليردوا امين
************************************
بعد انتهاء العمل اتجهت نسرين ورحمة الى مكتب المهندس اكمل حمدي وهو صديق لنسرين جمعتهم نفس الظروف فى الغربة وهو شاب وسيم ومهذب يعشق الجمال ومهندس ديكور مشهور ومبدع فى تصاميمه وما ان وصلت اليه نسرين حتى مازحته
-يا اهلا بعم المهم اللى اقعدت اسبوع علشان اعرف القاه واقبله
-معلش يا نيسو انتى عارفة كان عندى شغل فى شرم والفندق كان لازم اشوف الفنش الاخير علشان يتسلم تمام ما انتى عارفة مش ببدء حاجة الا بخلصها احلى من المطلوب كمان
-وهو ده اللى عايزة يا باشا عايزة الباشمهندس الهمام يشطب شقة بس ايه تشطيب مفيش زيه وتخلص بس فى اسبوعين ها هتكسفنى
-ياه يا ستى جيتى فى جمل شقة هبعت اى حد عندى يخليها ولا القصر
-لا يا اكمل انا عايزة انك انت اللى تخليها قصر انا بثق فى زوقك جدا غير يعنى عايز تكسفنى مع رورو يعنى
-ليرفع بصره ليرى تلك الجنية الجميلة التى تقف وراءها و عندما تطلع اليها اصابها الخجل ولما تستطع ان ترفع عينها اليه اما هو فقد شعر ان تلك الجميلة الحزينة تحرك شئ بداخله لا يعلم ما هو هل فضول لمعرفة سبب ذلك الحزن البادى عليها اما لخجلها الذى لم يرى كثير منه فى الوسط الذى يعيش فيه اما لانها مختلفة فهى امراة فى شكل طفلة وتلك الضفيرة الطويلة التى تصل الى اخر ظهرها يعطيها شكل طفولى محبب لا يعلم ما به ليتدرك حاله ويسلم عليها
-اهلا انسة رورو مش انسة بردوا
-اه واسمى رحمة
-يا اهلا بالانسة رحمة يا ستي علشان نيسو هانم ترضى عننا انا بنفسي اللى هاشرف على تشطيب الشقة والديكورات وكمان لو محتاجة اى مشورة فى شراء الفرش انا معاكى ها تمام كده يا نيسو هانم وانتى يا انسة رحمة
ليرد الاثنتين تمام وقد تم الاتفاق على انه فى الغد سيأتى لمعاينة الشقة ويعطى ارائه فى الديكورات الخاصة بها على ان يبدء العمل بها من بعد غد حتى يتثنى لهم فرشها واستلامها فى اسبوعين
**************************************
كان العمل يتم على قدما وساق فى شقة ساهر وقد تفرغ اكمل لانهائها على اكمل وجه كما ان طباع اكمل المرحة والراقية قد جعلت كل من يقيمون فى البيت يحبونه ويشعرون انه واحد منهم فقد احبه اسماعيل واعتاد ان ياتى يجلس معه يوميا ويلعب معه الطاولة هو ومجدى بالحديقة اما امينة وسعاد فقد كانوا يعشقان مرحه وخفة دمه فى التعامل معهم حتى انهم كانو يعتبرونه كواحد من ابنائهم ،
واخيرا العمل بالشقة على وشك الانتهاء من المفروض ان تقوم رحمة واكمال ونسرين بانتقاء الفرش المناسب لها
-ها يا نيسو هننزل على امتى انا اعرف كم مكان هتلاقوا فيه اللى انتوا محتاجينه على طول من غير مجهود اللف
-تمام يا اكمل خلاص رحمة هطمن عمو اسماعيل وتيجى ونتوكل على الله
-نيسو كنت عايز اسالك على رحمة
-مالها يا اكمل فيه ايه
-مفيش بس كنت عايز اعرف عنها كل حاجة
-ليه يا اكمل انت عايز منها ايه رحمة مش زى البنات اللى بتعرفهم
-يمكن ده اللى مخلينى عايز اعرف عنها كل حاجة مش يمكن يكون فيه نصيب
-اولا يا اكمل باشا انت اللى لافت نظرك فى رحمة انها مختلفة عن كل اللى حواليك ثانيا وانت ضامن انك لو فعلا عايز يبقى فى نصيب زى ما بتقول انها ممكن توافق مش يمكن مش بتفكر فى الجواز
-نيسو قوليلى هو فى حد تانى فى حياتها وانا والله ما هتكلم وهنسحب بس انا حبيت لمة العيلة اللى موجودة فى البيت ده على الرغم انهم مش اقارب بس بينهم حب جميل القاعدة مع عمو اسماعيل وعمو مجدى ولعب الطاولة معاهم محسسنى بالحياة الاكلة الحلوة او كوبة الشاى من ايد طنط امينة اوخالة سعاد بتحسسنى بلمة العيلة واحنا قاعدين ناكل مع بعض دا حتى العمال بقوا زعلنين اننا قربنا نخلص انا محروم من لمة العيلة وحسيتها فى البيت ده
-مش يمكن ده اللى شدك لرحمة
-لا يا نسرين مش ده انا من اول يوم شوفتها وانا مشدود ليها بطريقة مش طبيعية خجلها طريقتها فى الكلام شكلها اللى يبان انها طفلة كل ده شدنى ليها
-ما يمكن يااكمل زى ما قولتلك انها مختلفة بس
-نسرين فى حاجة انتى مخبياها ومش عايزة تقولى عليها قوليلى وانا هحترم اللى هتقوليه وهبعد
-بص يا اكمل رحمة صديقة ليا من خمس سنين والفترة دى قربت بينا وخلتني اعرفها كويس رحمة متجوزة ابن عمو اسماعيل المهندس ساهر متجوزاه من اكتر من سبع سنين
ليقف اكمل بذهول وهو لا يستطيع ان يصدق ما يسمعه
-انتى بتقولى ايه انتى عايزة تقوليلى انها بتوضب لجوزها ومراته وابنه الشقة اللى هيقعدوا فيها كده ببساطة
-ومين قال انها ببساطة انا حاسة بيها هي بتتقطع وقلبها بيوجعها على حبها اللى ضاع منها
-ضاع منها لا انتى تفهمينى
-بص يا اكمل لولا انى عارفة انك مش هتفكر تأذى رحمة ولانى متربية معاك من صغري وعرفة ان التنطيط اللى بتعمله هنا وهنا ما هو الا انك بتحاول تعوض الوحدة اللى انتى فيها مكنتش اتكلمت معاك ولا حكيت لكن لان رحمة تهمنى وانت انسان كويس ليه لا لو فعلا رحمة هيكون عندها استعداد انها ترتبط بحد تانى غير ساهر انت افتكر انك هتكون مناسب ليها لكن توعدنى انك لو ملقتش قبول من رحمة هتبعد ومن غير ما تأذيها هى مش هتتحمل تانى
-اوعدك يا نسرين بس فهمينى
وتحكى له نسرين عن زواج رحمة وساهر واسبابه ومدى حب رحمة لساهر منذ صغرها وكيف انه لازل ساهر يسكن قلبها على الرغم من انها تحاول ان تبين العكس
ليصمت اكمل بضع دقائق يستوعب كل ما سمعه ثم اخيرا يتحدث وقد بدى عليه الالم من اجل رحمة ونفسه فهو شعر بنبتة حب تنمو لمن تهب قلبها لغيره
-تعرفى يا نسرين ان ساهر ده غ بي وخسر انسانة رائعة زى رحمة بس هقول ايه كل قدر ومكتوب سيبى الايام يمكن مع رجوع ساهر وعائلته رحمة فعلا تحاول تبدء حياة جديدة ويمكن يكون لى نصيب معاها بس بجد احترمتها جدا وربنا يقدر لها الخير كله هيبان وكلها اسبوع ساهر يجى تقريبا سمعت الحاج اسماعيل كان بيقول كده للاستاذ مجدي النهاردة وانا قاعد معهم لان الاستاذ مجدى كان عايز يتفق معايا على توضيب شقة امجد وريم
ليقطع حديثهم مجيئ رحمة بابتسامة هادئة تسرق لب من يراها ليحدث اكمل نفسه كيف لساهر ان يضيع من يده تلك الفاتنة
-ها يا جماعة انا خلصت جهزين علشان نتحرك واه بشمهندس اكمل خالة سعاد بتقولك العشاء هيكون مفاجأة ومتتاخرش هههههه
ليتوه اكمل فى ضحكتها وحديثها الى ان تقوم نسرين بتنبيهه
-ها اه لا مش هنتاخر ان شاء الله الموضوع كله محلين تلاتة ونكون جيبين كل حاجة وان شاء الله نرجع على طول وانا اقدر اتاخر عن مفاجأت خالة سعاد
ليضحك البنتين ويذهبوا لاتمام مهمتهم
**************************************
مر ثلاث ايام واجتمعوا البنات مرة اخرى فلم يبقى الا اربع ايام على وصل ساهر واسرته وكذلك لقد اقترب موعد خطبة سلمى وريم فجلسن يتحدثن كالعادة
فتحدتت فورا نسرين تسال رحمة
-ها يا رحمة ايه رايك فى شغل اكمل
-روعة يا نسرين طلع الشقة زى ما تخيلتها بالضبط واحلى كمان خصوصا اوضة حبيبي زين
-ما انا قولت لك مفيش احسن ولا اسرع منه وكمان كده شكله معجب
-نسرين انتى عارفة انى مش بفكر فى الموضوع ده
لترد سلمى مندفعة فهى اكثر من رأت انهيار رحمة ووجعها
-ليه يا رحمة مش بتفكري بالعكس الباشمهندس اكمل انسان رائع ومحترم وتتمناه اي واحدة انا عن جهتى لو مكنش القلب دق لعمرو مكنتش هضيعه من ايدى ابدا
-انتى بتسالى يا سلمى هو ممكن احب حد تانى انا خلاص قفلت على قلبي حتى وعدى لبابا اسماعيل كان علشان اريح قلبه واخليه ميظلمش نفسه ببعد حبايبه عنه بسببى
لترد ريم وهى تشعر بالضيق لاجل صديقتها
-نعم يا رحمة هو انتى امتى هتفكرى فى نفسك هتفضلى تيجى على نفسك علشان اللى حواليكى طب وبعدين كده هضيعى عمرك
لتنهرهم نسرين برفق بعد ان شاهدت توجع رحمة
-وبعدين يا بنات سيبوا رحمة فى حالها
-لتتكلم سلمى نسيبها ليه مش شايفة انها كده بتظلم نفسه مين يتحمل كل ده
-عارفة يا سلمى بس رحمة ممكن تكون مش مستعدة لحياة جديدة او لتجربة جديدة
-وتعمل ايه بقى يا ست نسرين
-اول حاجة كلنا متفقين ان رحمة متاكدة ان علاقتها بساهر لازم تتنتهى بس هى مش قادرة تطلعه من قلبها ودا طبيعى القلب مش بزراير ادوس هنا احب وادوس هناك اكره
تانى حاجة مش يمكن لما رحمة تشوف ساهر واسرته هي اللى تحس انها خلاص مش حباه
-بحاول يا نسرين اعمل كده انا عمرى ما هكون سبب فى تدمير علاقته هو ومراته دا هو اللى اخترها لكن انا كان مجبر عليا وانتم عرفين سبب جوزنا
-لتكمل نسرين خلاص يا رحمة حاولى تعملى حاجة جديدة تغيرى من شكلك اعملى رحمة جديدة يمكن التغير الخارجى يخليكى متقبلة انك تبدأ من جديد
-يعنى اعمل ايه ما انا مش بحب المكياج ولا بحب شغل المرواح للكوافير
-مين قال انك تحطى مكياج كتير انتى ما شاء الله جميلة جدا يمكن اجمل واحدة فينا لكن حبسة نفسك فى رحمة الصغيرة والنظارات دى ممكن تستغنى عنها وتظهرى جمال عيونك شعرك الاحمر الطبيعى الجميل ده وبدل ما انتى مضفراه على طول ده ما شاء الله ناعم وجميل وطويل ليه انتى مقيدة نفسك فى لبسك اللى زى الاولاد ده
-ما انتى عارفة يا نسرين طبيعة شغلنا ولازم اكون عملية فى لبسي
-لا يا رحمة طب ما كلنا بنشتغل معاكى نفس الشغل بس بنعمل تنوع
-يعنى اعمل ايه
-متزعليش مني يا رحمة على كلامى معاكى بس لازم تتغيري علشان تقدرى تنهى كل حاجة قديمة فى حياتك بتسبب لك الم
-لترد سلمى بتاكيد ايوة يا رحمة لازم تتغير لازم سي ساهر ده يعرف هو خسر ايه مش يجى يلاقى زى ما انتى نفس الطفلة اللى مكنش متقبالها زوجة ليه
- لترد ريم سريعا هى مش بتتغير علشان ساهر بس يا سلمى بس علشان نفسها
-لا ياريم لازم يشوف رحمة جديدة مش يا فرحتى سافر ورحمة بضفرتين ورجع وهى بضفيرة واحدة
ليضحكن البنات على تعليق سلمى ليتفقا جميعا على ان يتم تغير رحمة جزريا حتى تشعر بانها رحمة جديدة لعل هذا يكون دافع لها لتبدء حياتها مع من يستحقها