قصة جراح الغربة
البارت الحادي عشر11
بقلم نجلاء عامر
مر الاسبوع سريعا وخلال ذلك الاسبوع حدث الكثير كنان تقرب لنسرين وخصوصا عندما علم ان العلاقة بينها وبين اكمل ما هى الا صداقة منذ الطفولة واخوة فقد جمعتهم نفس ظروف عائلتهم اما نسرين فهى مازالت تقاوم اى مشاعر ناحية كنان فهى تخشى من جرح جديد لكن كنان لن ييأس فهو يشعر ان اخيرا وجد من يحبها
ناتي إلى ساهر فقد اصبح لا يطيق البعد عن مكان يوجد به رحمة فعلاقتها مع ابنه تشعره براحة وسعادة لا توصف فيبدو انه ايقن ان قلبه مال ناحية رحمة وبقوة واصبح يخشى ان يكون هناك أى مشاعر بين رحمة واكمل فاكمل لم يترك فرصة او زيارة يدعى لها عند اسماعيل الا ويجلس مع رحمة يحادثها ويمزح معها هى والصغير زين مما جعل ساهر على اتون من النار
اما اسماعيل وامجد وسعاد فهم يتاملوا ما يحدث وكلا منهم فى داخله امل ينمو ان تنال رحمة سعادتها مع ساهر
الين هى ايضا شعرت بتغير ساهر فلم يعد كالسابق فى كل مرة ترجع من احد جولاتها السياحية بعد يوم طويل تجده جالس شارد ولا يتكلم حتى انه لم يعد يتحدث معها فى امور المصنع كالسابق تشعر ان بداخله حرب وهو لا يعلم ماذا يفعل لذا قررت ان تتحدث معه بعد حفل الخطبة وخصوصا انه متبقى لها اسبوع اخر بمصر وقد قررت ان تمضيه بالاقصر واسوان قبل ان تسافر الى بلادها مرة اخرى
بدا حفل الخطبة والجميع سعيد بتلك الحفلة التى جمعت كل الاحباب والاهل فالجميع يتمنى من الله ان ينعم العرائس والعرسان بالسعادة وان تكتمل الفرحة
فرنا تشعر بالراحة والسعادة وهى ترى ثمرة تضحيتها وصلت الى بر الامان
-الحمد لله يا جمال متتصورش سعادتى اد ايه ان خلاص هطمن على ريم
-حبيبتى انتى نجحتى فى تربيتها والحمدلله اهى ربنا رزقها بالشخص المناسب انتى عارفة انى بعتبر ريم زى نسرين كانها بنتى ورحمة وسلمى كمان انا حاسس انى ابو العروسة
-حبيبي ربنا ما يحرمنى منك ابد انت بجد كنت ليها سند وربنا يفرحنا بنسرين ورحمة والنونو الصغنن اللى هيجى ده اكيد هيملى علينا حياتنا بعد ما ريم تتجوز
ليضع يده على موضع طفله الصغير ويحدثه
-يلا يا حبيبي تعالى بسرعة نفسى املى عيونى منك انت عارف بحبك اد ايه كفاية انك ابن اغلى انسانة في حياتى رنا ربنا يفرحنا بيه
-يا رب هانت يا قلبي كلها خمس شهور والنونو يشرف، جمال تعرف ان عمري كله ما حلمت انى القى السعادة دى كلها ربنا يديمك سند ليا ولابننا ولكل حبايبنا انا بحبك اوى يا جمال ليضمها تحت جناحه ويضع قبلة رقيقة على رأسها تعبر عن مدى السعادة التى انعم الله به عليه ويشكر ربه على كل عطاياه
*************************************
اما فى مكان اخر خارج القاعة تجلس نسرين مع رحمة تتحدث معها
-نسرين ادى لنفسك فرصة انا شايفة ان كنان انسان كويس وكمان شكله وقع من اول نظرة
-والله يا رحمة انا فعلا حاسه انه كويس بس متنسيش ان كنت بردوا فاكرة ان إسلام كويس دا احنا كنا دم واحد انا خايفة من الغدر تانى
-نسرين مش كل الناس اسلام وعموما اللى شايفاه ان كنان انسان ناضج وله مركزه بردوا مفتكرش انه هيقدم على حاجة هو مش ادها
-عارفة يا رحمة بس احنا منعرفش بعض الا من اسبوع تفتكرى ده وقت كافى علشان يتاكد من مشاعره ناحيتى اذا كان اللى حبنى سنين بعنى فى لحظة
-بردوا يا نسرين هنجيب سيرة اسلام ما قولنا كنان غير انا شيفاه عارف هدفه ايه وكمان دا دايخ وراكى فى كل حته ده شويه وهنقول عليه مجنون نيسو هههههه
-ههههه وبعدين يا رحمة سلمى بهتت عليكى ولا ايه مش عارفة يا رحمة خايفة خايفة اوى كمان انى اقرب واتجرح او انى اصده واكون خسرت انسان كويس فعلا وخصوصا يعنى انى ....
-انك ايه يا ست نيسو بتتلجلجى ليه قوليها حبتيه
-لا مش للدرجة دى قولى اعجاب بيه وبطريقة وكونه مش مستسلم وبردوا بيحول انه يكسب قلبي
-طيب حبيبتى ليه متديش نفسك فرصة
-هحاول سيبك مني وقوليلي بقى ايه قصة سي ساهر اللى مش بينزل عينه من عليكى فى اي مكان بتكونوا فيه
-والله يا نسرين مبقتش عارفة حاجة ولا عارفة سبب لكده انا ملاحظة فعلا انه دايما متبعني بعمل ايه بتكلم مع مين ويا عيني لو لقا اكمل موجود وبيلاعب زين وهو معايا بحس ان عنيه بطلع شرار كانه هيولع فى اكمل
-بس اللى انتى بتقوليه ده معناه انه بيغير عليكى وده ملوش غير تفسير واحد انه بيحبك
-مش عايزة ادى لنفسي امل او انى ابنى سعادتى على حساب غيري انا لما غيرت نفسي زى ما اقنعتونى كنت بحاول ابدا من جديد مش انى الفت نظره ليا اه كان جوايه انه لما يشوفى يلاقينى كبرت مش العيلة اللى مكنش مقتنع بيها زى متقولى كدة بثأر لكرمتى مش اكتر
-بس انتى بتحبه يا رحمة ومتحوليش تقولى غير كده
-اه بحبه ومن واول ما عرفت يعنى ايه حب بس للاسف حب مينفعش انه يكمل فيه زوجة وابن مينفعش انى ادمر له حياته اللى بيحب عمره مايدمر
-بس دا كان جوزك من الاول يعني قبل الين
-يا نسرين كان جواز لغرض معين ستار شرعى علشان اقعد مع بابا اسماعيل لا هو عمره شفنى زوجة ولا حبنى
-واللي بيحصل دلوقتى منه ايه مش حب ده ولا ايه دا حتى الكل ملاحظ واكمل كمان قالى كده من اول مرة شافه فيها قال انه بيحبك بس غ.بي مش عايز يعترف بحبه ليكى
وفجاة يظهر كنان من خلفهم و يستاذن ليجلس معهم وقد ظهر عليهم التوتر خشية ان يكون سمع شئ من حوارهم
-اسمحوا ليا اقعد معاكم
ليردا الاثنتين بخجل اتفضل
-انا اسف انى سمعت كلامكم بس انا اول ما شوفت نسرين جيت على طول لانى كنت بدور عليها
-خير باشمهندس كنان كنت بدور عليا فى حاجة
-ليرد بهيام لا ابدا بس وحشتينى قولت ادور عليكى واشوفك ثم يتحدث جد انا اسف لو كنت فاجئتكم بس انا سمعت كلامكم من غير قصد منى وانا كصديق مقرب لساهر احب اقولك ان كلام نسرين صح جدا دا غير انى طبعا عارف ظروف ساهر كلها ليحمر وجه رحمة خجلا فترد نسرين
- تقصد ايه بظروف ساهر
-اقصد يا قمر يا مجننانى كل ظروفه ظروف جوازه من رحمة وكمان الين عارفة انه متجوز رحمة
-لترد رحمة بتوتر تقصد ان الين تعرف ان ساهر متجوزنى
-اه تعرف لان علاقة ساهر والين علاقة صداقة وتفاهم وكمان جوزهم مش معناه ان بينهم قصة حب
-لترد نسرين بتعجب تقصد ايه
-اقصد ان جوزهم كان ليه اسباب و فى بينهم اتفاق على الرغم انى مش المفروض اقول اي حاجة بس اللى انا شايفه ادامى دلوقتى من تغير ساهر بالشكل ده والتخبط اللى هو فيه وكمان انى عرفت دلوقتى انك يا رحمة كمان بتحبيه واجبى كصديق ليه اني اخليه يوصل لسعادته وعلشان كده هحكي ليكى كل حاجة
وبالفعل يحكى كنان لرحمة ونسرين كل شئ عن زواج ساهر والين وفور ان انتهى بدء يضاء بريق امل فى قلب رحمة انها قد تنال حبها ويقدر لها الله ان يستمر زواجهم ثم تتحدث نسرين
- طيب بما ان ساهر فعلا بيحب رحمة وده واضح مستنى ايه
-ليرد كنان المشكلة انه زى ما اكمل قالك زى ما سمعت لما كنت جاي عليكم انه مش عايز يعترف او هو فعلا مش عايز يصدق انه وقع فى الحب
-طب والحل يا كنان رحمة هتفضل مستنياه لحد ما يصدق افرض فضل كده بيحارب نفسه هيضيع عمرها تستنى
-لترد رحمة ببعض الخجل والله يا نسرين انا خلاص مش عايزة حاجة كفاية انى احس انه بيحبنى حتى لو فضلت عمرى مستنية انا راضية
-بس يا رحمة متجننيش هتفضلى عمرك مستنية الباشمهندس يصدق ويعترف لازم يكون فى حل
لياتى اكمل اليهم وهو يبتسم
-ايه يا كنان باشا مستولى على جميلات الحفلة وقاعد برة ليه
-ترد نسرين بمرح ابدا بنحل مشكلة عاطفية عويصة
-اه عاطفية مفيش غيرى يقدر يحل اجدعها مشكلة قولى واشجينى
-لتنهرها رحمة بخجل بس يا نسرين خلاص يا اكمل مفيش مشكلة ولا حاجة احنا هندخل اهو
-بس ايه يا رحمة مش يمكن اكمل يساعدنا فى المشكلة دى
- ليرد اكمل طب قولي يا هندسة مادام الانستين عملين يسكتوا فى بعض
-ليضحك كنان عارف يا اكمل احلى حاجة فيك دمك الخفيف ده
-لا يا خفيف احلى حاجة انك اطمنت انى مفيش حاجة بينى وبين نسرين ليضحك هو وكنان تحت نظرات الفتاتين التى تحمل غضب مع خجل
-انا هقولك يا اكمل انا كنت بتكلم مع رحمة ونسرين عن ان ساهر بيحب رحمة
-طب ما انا عارف وعارف انه مش عايز يعترف
-ايوه هو ده اللى بنتكلم فيه مش عارفين نخليه يعترف ازاى
لينظر اكمل الى رحمة التي اصبح وجهها احمر من الخجل ويحدث نفسه لانى بجد بحبك او ابتديت انى احبك لازم اشوفك سعيدة علشان اللي بيحب دايما بيتمنى السعادة للي بيحبه وانا شايف ان سعادتك مع ساهر ليتكلم اخيرا
-بتحبيه يارحمة واضح انك بتحبيه وشك اللى بقى زي الطمطماية ده بيقول انك بتحبيه وانا هساعدك
-لترد رحمة بلهفة ازى
-ليضحك اكمل وبداخله حسرة ثم يصرح اللى زى ساهر لازم بحس انه هيفقد الشخص اللى بيحبه علشان ينطق لازم يحس انه هيخسرك او انك هتكونى لغيره علشان يتكلم
-ليرد كنان بسرعة طب هنعمل ايه
-بسيطة لازم يحس ان رحمة بتحب حد تانى او انها هتوافق على انها تكمل حياتها مع غيره ساعتها بس هينطق
-طب مين اللى هيعمل كده
-انا انت مش واخد بالك انه لما بيشوفنى مع رحمة بيبقى عايز يو لع فيا ههههههه
-لترد نسرين فعلا يا اكمل انا لاحظت كده وكلنا لحظنا كده حتى رحمة
-خلاص يبقى نلعبه وبدء فى سرد خطته
-ليرد كنان تمام يا هندسة وانا هساعدك وراره لحد ما ينطق
تمام اتفقنا ليدخلوا بعد ذلك الى قاعة الحفل لتنفيذ خطة اكمل وكل منهم يفكر ماذا سيحدث بعد ذلك
**************************************
الجميع بالحفل يرقص ويمرح لكن ساهر عيونه زائغة تبحث عن احد ما بالقاعة الين لاحظت ذلك ولكنها لا تعلم ما به الى ان وجد كنان واكمل ونسرين ورحمة يدخلوا من باب القاعة و هم يضحكون ويبدوا عليهم الانسجام والسعادة فما ان رائهم حتى تبدل وجهه واصبح الغضب يشع من عيونه وهو ينظر الى رحمة التى تضحك مع اكمل وقد لاحظت الين تغير وجهه فسالته
-ما بك ساهر لماذا تغير وجهك هكذا
-مفيش يا الين عادى كنت بفكر فى حاجة كده
لتنظر الين الى موضع نظره وتراه لا يحيد عينه عن رحمة واكمل لتشعر ان هناك خطبا ما وان ما يشعر به ساهر وذلك القلق والغضب البادي عليه له علاقة برحمة
-ساهر اريد ان اتحدث معك فى امرا مهم بعد الحفلة
-يرد عليها بعدم تركيز تمام بعد الحفلة نتكلم
وظل ساهر يراقب رحمة واكمل بشكل ملفت للنظر الى درجة ان والده قد انتبه وساله ان كان به شئ فرد عليه بالنفى وبعد قليل اخذ زين وذهب الى رحمة الذى ما ان رائها حتى ارتمى بين احضانه يعاتبها
-انتى فين رورو سبتينى ليه
-انا هو حبيبي قاعدة مع اصحابى تيجى ترقص معانا
وتاخذ زين وتتجه هى واكمل ونسرين الى ساحة الرقص ليظل كنان مع ساهر الذى كان يستشيط غضبا
- ايه يا ساهر مضايق كده ليه شكلك بين انك شوية وهطلع نار
ليرد عليه دون ان يحيد عينه عن رحمة واكمل وهو يشعر بالم بقلبه انهم مناسبان لبعضهم بطريقة ملحوظة
-مفيش حاجة يا كنان مفيش حاجة
-مفيش ايه دا انت عنيك هتطلع عليها ايه دا الكل ملاحظ ان فيكى حاجة
-هتطلع على مين
-على مراتك يا سيدى
- ليرد مستنكر مين الين
-لا يا سيدى مراتك الاولانية انت نسيت ولا ايه
-منستش بس مرعوب من اللى شايفه من الواضح انها خلاص هتشوف حياتها
-حقها مش هتوقف حياتها علشان حاجة مش موجودة
-ايه الحاجة اللى مش موجودة
-انها تحب و تتحب فطبيعى هدور على حد يحبها
-انت عارف انى مش بعترف بالحب والكلام ده
-امال حالك مقلوب ليه يا صاحبي
-عادى يمكن علشان قلقان عليها مهما ان كان دى لسه مراتى ويصمت يتذوق تلك الكلمة فهو فعلا يحبها ويشعر انها زوجته التي يتمنى ان يمضى حياته معها وبين احضانها مثل ابنه اه يا رحمة لقد قلبتي حياتى
-ليرد كنان مستنكر خلاص خليها تشوف حياتها ومن الواضح ان اكمل ميال ليها وممكن كمان مع الوقت والاهتمام هى كمان تميل ليه
-لينهره ساهر انت بتقول ايه
-بقول الحقيقة يا ساهر بقول اللى ممكن يحصل واللى لو حصل انت هتندم بس للاسف هيكون بعد فوات الاوان فكر يا صاحبى والا هتلاقى اليوم اللى الحاج اسماعيل بيكلمك ويقولك طلق رحمة علشان نصيبها جالها شوف ساعتها هتعمل ايه وهيكون ردك ايه
ليتركه ويرحل لينضم الى نسرين وهى ترقص مع العرسان اما ساهر فيشعر ان قلبه يتمزق من فكرة ان رحمة ممكن تحب وتتزوج شخص اخر وعيناه لا تحيد عنها وقد اصبح لا يستطيع التحمل كل ما يحدث لاول مرة ساهر لا يستطيع التحكم فى قلبه لاول مرة يعترف انه احبها احبها منذ ولدت وحملها بين يديه وهو ينظر لها شريط حياته يدور امامه كل مواقفه معها يراها امامه لقد كانت بين يديه لكن طموحه ومعتقداته كانت السبب فى ضياعها منه الان فقط اصبح يخشى انها تحب اكمل لتدمع عيناه من كثرة الم قلبه كل هذا يحدث امام الين والان فقط ايقنت ان حالته هذه فعلا لرحمة دخل بها
لينتهى الحفل وكلا يذهب الى منزله وهناك الكثير من مشاعر يحملونها بداخل كل منهم
***********************************
بمنزل ساهر وبعد رجوع الجميع الى البيت طلبت الين من رحمة ان يظل زين معها الامر الذى اسعدهم الاثنين فرحمة تعشق زين ومن لا يعشق هذا الصغير الذى يدخل البهجة والسرور لكل من يتعامل معه
جلس ساهر ينتظر الين للتحدث كما ابلغته بالحفل لتاتى اليه
-ساهر حبيبي انت بخير لا اعلم اشعر انك تائه هذه الايام
-انا بخير الين ليه كل شوية بتسالي فيه حاجة
-نعم ساهر يوجد الكثير انت لست على مايرام ودائما شارد ولا تتكلم وغاضب ولا اعلم السبب
-مفيش الين بجد ان شاء الله كله هيبقى تمام ونسافر ونرجع لحياتنا تانى
-ساهر هل حقا تريد الرجوع هل سيبقى كل شئ على ما يرام
-ان شاء الله الين وانا بفكر انى ارجع معاكى بعد اسبوع وانتى مسافرة واقطع الاجازة
-لماذا ساهر لماذا تهرب ومن من تهرب انت ليس ضعيف واجه مشكلتك ولا تقول ان لا يوجد مشكلة
-الين بجد مفيش حاجة
-ساهر نحن اصدقاء قبل ان نكون زوج وزوجة ولا تنسى ان بيننا اتفاق
-فاكر الين فاكر بس مش عايز اتكلم
-طيب اتكلم انا ساهر
لينظر لها بتعجب واستفهام لترد ببساطة
-ساهر انت منذ رجوعنا هنا وانت بك تغير وواضح للجميع دائما ما اجدك تجلس شارد لا تتكلم معي عن العمل كما السابق دائما غاضب من لا شئ كنت اظن ان هناك امرا ما بالعمل الى اليوم وتحديدا بحفلة الخطبة
- معقول الين انتى حاسة انى متغير للدرجة دي بس بجد م.....
-لا تقاطعنى ساهر استمع لي لقد كان بيننا اتفاق عند زواجنا ان عندما تشعر انى عائقا لك ان تصارحني بذلك وان من منا يجد الحب يصرح للاخر وعلى ذلك فكل منا كان يعتقد اننا نكتفي بتلك الحياة العملية التى نحياها لكن ساهر القلب ليس لنا ان نتحكم به وانا ارى ساهر ان قلبك بدء يشعر بالحب شئ جميل ان تحب ساهر ونحن نعلم منذ البداية اننا لا نحب بعضنا وان ما يحمعنا الصداقة وكذلك انجاب طفل جميل مثل زين
-الين انتى بتقولى ايه
-ساهر انا احكى ما ارى لقد رأيت لمعة الحب والقلق والخوف فى عيونك اليوم وانت تنظر الى رحمة
ساهر انا انسانة واعلم ان الحب حين ياتى لا يستطيع احد ايقافه وانت تحب رحمة بكل تاكيد ساهر انا لا اجد فى ذلك اى خطأ فرحمة زوجتك قبلى كما انها انسانة رائعة وانا فعلا احببتها كثيرا ويكفى ان زين يشعر نحوها بحب كبير اكثر منا نحو والديه يبدو ان علاقتنا يجب ان تنتهى الان وانا اتمنى لك السعادة صديقى العزيز
لينظر لها ساهر ويتنفس بعمق كأن احد قد ازال جبل من فوق صدره فهو كان يخشى ان يجرح الين او يخسرها فهى صديقة اي شخص يتمنى ان ينعم بصداقتها وانسانة رائعة لكنه لم يشعر نحوها بالحب فالقلب ليس عليه سلطان ليتحدث ساهر اخيرا
-انتى رائعة يا الين ياريت قدرت احبك بجد انتى الوحيدة اللى بحس انى كتاب مفتوح ادمها يمكن كلامك اللى قولتيه ليا انا نفسي مكنتش عايز اعترف بيه وده اللى كان معذبنى بس الظاهر انى اتاخرت الين ورحمة شكلها ممكن متكنش نصيبي
-لا ساهر لا تستسلم ح ارب وج اهد لتصل الى حبيبتك اقت نص الفرصة ونال قلبها قبل ان تضيع الى الابد الانسان من الصعب ان يجد حبيب وخصوصا انت لانك لم تحب من قبل اتمنى انا ايضا ان اشعر بالحب مثلك اتمنى ان اجد من احبه ويحبنى من يجعل ذلك القلب يدق ويطالب بحبه مرة اخرى
-يا رب يا الين يا رب قلبك يحب الشخص اللى يستحق انسانة جميلة مثلك
-شكرا ساهر ادعو لي صديقى
-الين انا كنت عايز اقولك حاجة كمان
-اتفضل ساهر
-انا من بعد ما رجعت مصر بقيت حاسس انى مش عايز ارجع تانى ميونخ عايز افضل هنا كنت عايز اخد رايك انى فكرت اتولى ادارة المصنع هنا و وانتى تدير اسهمى فى المانيا وانى كل فترة اسافر لو كان فيه حاجة محتاجة لوجودى
-تمام ساهر اكيد سأكون عند حسن ظنك بي وساحافظ على اسهمك، كما ان لو اردت زين يبقى معك هنا ليس لدى اى مانع لذلك فانا ارى رحمة تحبه وتهتم بيه كما ان نفسية زين اصبحت افضل فى جو العائلة التى يحيا بها وانا سأتى له كل فترة اقضى معه بعض الوقت وهو ايضا ياتى الي فى العطلات
-شكرا الين مهما قولت مش هقدر اوفيكى حقك انتى انسانة رائعة فعلا
-لا تشكرنى ساهر انت ايضا انسان رائع وتستحق الخير الان ساذهب للنوم وغدا صباحا ساسافر الى الاقصر واسوان لمدة اسبوع حاول ان تكسب قلب رحمة وعندما اعود نسافر لننهى اجراءات انفصالنا وكذلك لكى تنهى متعلقات هناك تصبح على خير صديقى
-تصبحى على خير عزيزتى