قصة جراح الغربة
البارت الخامس عشر15 والاخير
بقلم نجلاء عامر
بعد مرور خمس سنوات الجميع مازال يحتفل بذكرى زواجهم الجماعى بحديقة منزل إسماعيل فالمحبة والمودة التى بينهم كانت تنمو مع الايام نفس الصداقة ونفس التماسك الجميع اليوم سيجتمع للاحتفال الثانوى الذى صادف انه بالشهر الكريم فالجميع سيجتموا على الافطار وسنرى ماذا فعلت تلك السنين بابطالنا الاعزاء
"عند رنا وجمال "
-جمال يا جمال
لا رد فهو كالعادة فى حجرة اولاده فقد انعم الله عليهم بطفلة رائعة جاءت بعد اخيها بعام ونصف و اطلقت رنا عليها اسم ياسمين على اسم زوجة جمال السابقة فهى تعلم كم كان يحبها وتعلم ايضا ان حبه لها تخطى حبه لزوجته السابقة واصبحت رنا واولاده هم كل حياته لتذهب الى حجرة اولادها فتجدهم يلعبون مع ابيهم وهو يضحك ويمرح معهم فتحدثه بغضب مصطنع
-جمال بنادى عليك مش بترد وطبعا ناسي الدنيا مع حبايب قلبك ونسينى خالص
-وانا اقدر ياروحى بردو انتى حبيبة قلبي والحب كله ثم ينظر لاولاده
-يوسف حبيبي خلى بالك من ياسو لما اشوف مامى واصلحها
-ماشي يا بابي روح اكيد بتعمل الاكل اللى هنخده معانا النهاردة انا فرحان اوى اننا ريحين عند جدو اسماعيل
-جدو اسماعيل ولا علشان تروح تلعب مع زين والاولاد هناك
-اه يا بابي بحبهم اوى
-يلا خلى بالك وهشوف مامى
-رنا رنا يا قلبي انتى فين حبيبتى
-اه دلوقتى افتكرت رنا جمال انتى بقيت تيجى جرى على اولادك وتقعد معاهم خلاص نسيت رنا
-انا اقدر انسى قمرى وعمرى وروحى وبعدين الولاد دول ثمرة حبنا انا وانتى
-اضحك عليا لا انا زعلانة
-لا وانا ميهونش عليا زعل رنوش طب ايه رايك نرجع بدرى النهاردة واصالح رنوش
-يا سلام على اساس ان يوسف هيرضى يروح معانا يعنى ما انت عارف وهو هناك مش بيبقى عايز يرجع الا بالعافية
-خلاص ايه رايك نسيبهم مع ريم النهاردة ثم يغمز لها
-اه انت عايز ريم تولع فينا النهاردة عيد جوزهم انت ناسى ولا ايه وهى كده كده هتسيب ابنها مع خالة سعاد الاولاد هيفضلوا معها كلهم
-خلاص سيبى القرود بتعنا معاهم ما هو الصراحة لازم اصلحك النهاردة وباى شكل
لتضحك رنا على حبيبها الذى كل يوم يثبت عشقه لها حتى وان كانت تغير من اولادها ولكنه يعشقهم لانهم قطعة منها فجمال كان العوض الجميل على التضحية التى قامت بها بعد وفاة والديها
-طيب خلاص هحضر ليهم حاجات واسيبهم هناك بس تروح تجيبهم بدرى انت عارف مقدرش ابعد عنهم دول نور عيونى
-يا سلام لما هما نور عيونك انا ايه ازعل بقى
-انت قلبي وعقلى وعمرى كله انت نعمة من ربنا بدعى كل يوم انها تدوم فى حياتى وبعدين يلا بقى حضر نفسك على ما اخلص اللى فى ايدى وتسعدنى فى لبس الاولاد
-حبيبتى تأمر وانا انفذ من غير اى اعتراض
-حبيبي يلا علشان منتاخرش
-تماما يا قمر
**************************************
"عند نسرين وكنان"
-نيسو قلبي فينك حبيبتى كريم انت فين
ليسمع بكاء كريم قادم من ناحية المطبخ فيذهب فورا وهو مرتعب عليه وعلى مالكة قلبه ليصل يجد نسرين ملقاه على الارض وبجوارها كريم يبكى يحاول ان يفيق والدته
-مامى مامى قومى انتى مش بتردى ليه
-فيه ايه يا كيمو مامى مالها
-مش عارف بابى هى كانت تتكلم معايا ووقعت
-نسرين نيسو حبيبتى مالك يا قلبي ليحملها الى غرفة النوم سريعا ويحاول افاقتها لتتحرك ببطى دليل استعادتها لوعيها لينظر لها كنان بقلق وخوف
-مالك يا قلبي فيكى ايه
لتنظر له نسرين بابتسامتها التى تأثره وتنظر اليه بسعادة
-اصل يعنى النهاردة عرفت ان كريم هيبقى ليه اخ او اخت والظاهر الصيام والمجهود تعبونى واول الحمل بيكون متعب
-لينظر لها كنان بصدمة ثم يبتسم هيكون عندى اولاد تانى منك حبيبتى ثم يحتضنها ويقبل راسها وينظر لكريم ويقول له "ان شاء الله ماما هتجيب لنا نونو صغير تلعب معاه"
ليصعد كريم على السرير بسرعة وينط عليه وكنان خائف من حركته السريعة ان يضر حبيبته
-ها ها مامى هتجيب ليا نونو زى طنط ريم
-طب اهدى يا حبيبى كده تخبط النونو يلا نسيب مامى ترتاح ونشوف كانت بتعمل ايه ونكمله علشان لما نخلص نتحضر علشان نروح لجدو اسماعيل
-طيب يا بابى باى مامي
لتنظرله نسرين وهى تضحك عليهم
-انا كويسة يا حبيبي هقوم انا اكمل خليك مرتاح انت لسه راجع من الشغل وتعبان
-حبيبة قلبي انتى المهم ترتاحى انا مش تعبان خالص بس انتى نامى شوية واحنا هنروح بكرة للدكتور ونشوف هيقول لينا ايه
-والله ما تعبانة يا قلبي انت دايما بتخاف عليا كده
ليقترب منها ويقبل راسها ويضعها باحضانه
-انا لو ماخوفتش عليكى هخاف على مين انا منغيرك اضيع انتى ناسية انى مجنونك ولا ايه
-حاضر يا حبيبي هرتاح شوية واقوم نلبس ونروح للجماعة
يخرج كنان وكريم وهم يهتفان ويهللان النونو جاى النونو جاى ها ها ويتجه ليكمل ما كانت تصنعه نسرين بالمطبخ اما هى فتبتسم على ذلك المجنون الذى جعل حياتها كلها سعادة وحب فعلا كنان كان عوض ربنا ليها واصبحت تعشقه مثله بالضبط والان هى تحمل ثمرة جديدة لهذا العشق تشكر ربها وتذهب فى سبات قليلا لانها مازالت تشعر بتوعك لكنها كانت تحاول ان تخفى عن زوجها لكن هيهات فكنان يشعر بها دون ان تصرح باى شئ ذلك هو العشق
*************************************
"عند سلمى وعمرو"
-بااااااس جننتونى مش عايزين تفصلوا ايه مالك يا ادهم ومال اختك حبيبي دى لسه صغيرة ليه بتعاكس فيها
-يا مامى كل شوية تشد الفون من ايدى وتقعد تعيط لما اخده تانى منها
-حبيبي دى صغننة خالص مش فاهمة ممكن تديها اى لعبة
-حاضر يا مامي
-يلا علشان النهاردة هنروح عند جدو مجدى
يقفز من السعادة هاي هاي ويدخل عمرو على تلك الضوضاء الذى يتسم به بيته هو ومجنونته سلمى
-حبيبة قلبي انا جيت
-حمدالله على السلامة يا ابو العيال تعالى استلم القرود بتوعك دول جننونى
-يعنى هما قرودى لوحدى ما هما غاوين دوشة زى مامى صح يا ادهومى
-صح يا بابي انا هروح الاوضة البس علشان اروح لجدو
-ماشى حبيبي وانتى يا قمر يا صغير عيونك فيها دموع ليه يا قلبي لترفع سما يدها لابيها لكى يحملها وما ان وضعها فى احضانه حتى سكنت وبدء النعاس يلاعب جفنيها لتنظر له سلمى بغضب طفولى
-اه ما سما بقيت حبيبة القلب وخلاص سلمى راحت عليها صح
-لا مش صح طبعا دا انتى الاصل يا قلبي حد بردوا ينسى سلمى اللى هطير البرج اللى فاضل هى و اولادها
-يعنى متعرفش تكمل الجملة كويسة لازم يعنى تتريق عليا انا واولادى
يضع سما بالسرير ثم يقترب من سلمى بعد ان لاحظ حزنها
-وانا اقدر اتريق على قلبي برضو انتى احلى حاجة فى حياتى انتى والاولاد اهم حاجة عندى انا عايزك بس تهدى بقيتى عصبية اوى وانا خايف عليكى
-والله يا عمرو الاولاد جننونى دا انا لولا انى اخدت اجازة مكنتش عارفة هعمل ايه طول الوقت خناق اشحال ما سما لسه صغيرة لما تكبر هيعملوا فيا ايه هيرمونى من البلكونة ولا هيعملوا ايه
-حبيبتى اطفال واكيد ده طبيعي انتى من الواضح ان قعدتك فى البيت ضيقتك وده اللى مخليكى عصبية عموما سما كم شهر و تتم السنتين وممكن وقتها تنزلى الشغل بس لو عايزة تنزلى من دلوقتى انتى عارفة انا مش ممانع
-عارفة يا حبيبي بس انا مش هاين عليا اسيب سما فى حضانة والبنت تتعب ولا حاجة على الرغم ان رحمة وماما عمالين يقنعونى انى اسيب الاولاد مع ماما وخالة سعاد كدة كدة بنات رحمة وبنت ريم بيقعدوا معاهم والصراحة مالين عليهم البيت وبابا وعمو اسماعيل هيجننوا بيهم
-طيب حبيبتى لو ده ينسبك فكرى واقطعى اجازتك لاني بموت فى سلمى الفرفوشة مش العصبية
-بعد الشر على حبيب وانا كمان بحبك اوى يا عمرو
ليقوم عمرو بضمها ويقبيل راسها
-طب يلا علشان نجهر بقى علشان منتاخرش على الجماعة
-حاضر يا قلبي دايما بتعرف تهدينى ربنا ما يحرمنى منك ولا من وجودك فى حياتى يا احلى حلم اتحقق
-لا دا كدا بعد العزومة دى هيكون بينا كلام كتير ثم يغمز لها بعينه ويبتسم ويذهبا لييستعدا هما ايضا للخروج
*************************************
"عند الين ومازن"
-الين حبيبتى انتى فين
-هنا مازن بساعد ادم فى اللبس حبيبي
-قلبي اللى بقى بيتكلم مصرى زى الفل
-البركة فيك مازن انت خالتنى اعرف اتكلم حلو
-ها جهزتى ايه تخديه معانا
-مفاجاة مازن تتخيل انا عملت ايه
-اوعى تقولى كبة وفريكة صح
-طبعا يا حبيبي انت استاذ شاطر جدا علمتنى ازى اعمل اكلات جميلة وبقيت شاطرة جدا فيها
-حد يصدق الباشمهندسة الين اللى الشغل كان كل حياتها دلوقتى بقيت اشطر طباخة
-حبيبي انا بحب اعمل كل حاجة تحبها وطنط سعاد كانت بتقول اقرب طريق الى قلب جوزك معدته
-يا سلام يا سلام الين بتقول امثال شعبية كمان لا دا كده كتير من الواضح ان تاثيرى انا وخالة سعاد جامد اوى خلاكى مصرية مية فى المية هههههه
-الله مش البلد اللى بيحبها جوزي و ولادى فيها انت نسيت ولا ايه مازن
-انا اقدر يا قلبي دا انتى احلى حاجة حصلت ليا فى الدنيا تعرفى الين يوم ما وفقتى على ارتباطنا انا كنت طاير كانى كسبت كل كنوز الدنيا
-حبيبى انتى اللى حيت الين خليت ليها روح جميلة اكتشفت فيا انسانة تانية غير اللى كنت عايشها قبل كده انت اغلى ما عندى انت والاولاد وخصوصا بعد علاقتى ما اتحسنت مع زين والبركة فيك انت ورحمة
-حبيبتى زين ابنى زي ما هو ابنك وكمان عائلة ساهر حسستنى اننا كلنا اسرة واحدة عمرى ما حسيت اننا غرب عنهم
-فعلا مازن انا سعيدة اوى بالاسرة الجميلة دى حسيت ان ربنا بيحبنى انى موجودة بينهم ومعاك وادم ده الجايزة الجميلة اللى ربنا اعطاها لينا
-ادم ده روحى كفاية انه حته منك يا قلبي
-طب يلا علشان مش نتاخر على عائلتنا الجميلة
-يلا حبيبتى
**************************************
"عند امجد وريم "
-رنوش حبيبة بابي يلا يا قمر روحى عند نانا لو مامى خلاص جهزتك حبيبتى
-ايوه يا بابى انا خلاص جهزت بس هنزل العب مع لولي و روكا فى الجاردن ممكن
- تمام حبيبتى
-رومي حبيبة قلبي عاملة ايه دلوقتى
-الحمد لله حبيبي بس ابنك هيموتنى بجد تعبانة اوى مش زى ما كنت حامل فى رنا
-حبيبى انتى اللى مصممة تصومى وانت حامل وليكى رخصة انك تفطرى
-حبيبي مادام قادرة خلص وربنا بيقدرنى
-ربنا يديكى الصحة حبيبتي طب تحبي ترتاحى شوية لغاية الجماعة ما يجوا كلهم
-لا انا قاعدة معاك انت وحشنى جدا وعلى طول فى الجريدة وانا مش بنزل كل يوم بقيت بمشي على سطر واسيب سطر عاملة زى التلميذ البليد ههههه
-حبيبتى ما انا بقولك خدى اجازة وريحى انتى اللى مش راضية تقعدى وترتاحى
-انت عارف انى مش بحب القاعدة وكمان علشان ابقى مع حبيبي اطول وقت ممكن ولو انى الاسبوع اللى فات مقدرتش انزل فوحشتنى جدا كده ينفع
ليجلس امجد بجوارها وياخذها تحت جناحه ثم يقبل راسها بحنان
-لا طبعا ميرضنيش واهو النهاردة قاعد معاكى طول اليوم ومش هسيب القمر بتاعى خالص المهم اخبار الاستاذ اللى عامل ليكى قلق ايه ثم يضع يده على موضع ابنه بحنان كانه يلمسه
-كويس حبيبي مع انه كل شوية تخبيط لما تعبت تحس انه بيلعب ماتش جوه
-طبعا يا بنتى انا ابنى هيطلع اعظم لاعب ولا ميسي فى زمانه دا ابن امجد مجدي تخيلى بقى
-متخيلة يا حبيبي هيكون ايه
- قصدك ايه يا رومي بتتريقى
-انا اقدر دا انت طلعت غير ماكنت متخيلة قولت امجد ده هيبه واخر عقل اهو يقدر يسيطر على جنانى لقتك متتخيرش عن اختك ما شاء الله الجنان صفة اصيلة فى العيلة هههه
-يا رومى هو انا يعنى اللى اتجننت لوحدى ما البركة فيكى يا قلبي وبعدين حد يبقى معاه القمر ده وميتجننش
-اه اضحك عليا بكلامك ده دا انت طلعت غير ما كنت متوقعة بس تعرف احلى واطعم والذ من ما توقعت احلى حاجة فى حياتى
-ايه يا رومى انتى جعانة يا قلبي اطعم والذ
-حبيبي انت اهم انسان فى حياتى عوضتنى حنان ابويا وسند الاخ بجد يا امجد انت اعظم هدية من الرحمن كفاية انى ببقى قاعدة وعارفة انى مخفش من اى حاجة فى الدنيا تعرف لو حد سالنى عايزة ايه تانى فى حياتك هقول مفيش حاجة عايزاها الا انى ابقى جنب سندى وقوتى وحبيبي امجد انت وبس كل اللى عايزاه فى حياتى
-ياه يا حبيبتى عايزة بعد الكلام الجميل ده ومتجننش انتى اللى بجد جوهرة ربنا بعتها ليا كفاية انك بتتحملى كل حاجة علشانى ودايما واقفة فى ضهرى سوء فى البيت او فى الشغل وكفاية معاملتك لامى وابويا اللى بقوا يحبوكى حتى اكتر من اولادهم انتى عارفة ان ماما دايما بتدعى ليكى وتوصينى انى دايما احطك فى عيونى
-ماما امينة وبابا مجدى دول احلى ام واب انت عارف انى اتحرمت من ماما وبابا وانا صغير وربنا عوصنى بيهم بجد انتم احلى عيلة ربنا رزقنى بيها
-حبيبتى كفاية وقفتك مع ماما لما تعبت وانك دايما معاها ومن اول ما اتجوزنا وانتى معتبرها امك بجد وهى كمان بتحبك جدا اما بقى مجدى باشا فده لو عرف بس انى زعلتك ياه بينسى انى ابنه وانتى يا ريم الصراحة تتحبي هو انا سلمت وعشقتك من شوية
-حبيبي هتغر كده
-اتغرى ياقلبي يليق عليكى الغرور يا قمرى يلا بقى علشان نجهز وننزل حبيبتى تحبي اساعدك
-لا شكرا هعرف اساعد نفسي روح انت البس واجهز وانا هطفى على باقى الاكل اللى فى المطبخ علشان تنزله
-تمام يا برنسيسة قلبي
**************************************
"عند رحمة وساهر"
اما عند رحمة وساهر ابطالنا فقد من الله عليهم ببنتين تؤام رقية وغالية على اسم اغلى اثنين على قلوبهم هم فى الثالثة من العمر ويمتلكان قلوب كل من حولهم خصوصا اسماعيل وسعاد اما زين فهو يخاف عليهم كثير فهم جنيتين مثل امهم يمتلكان نفس الشعر لكن على الرغم من انهم تؤام لكن احدهم تشبه رحمة والاخرى بها بعض الشبه من ساهر و والدته لكنهم غاية فى الجمال لذلك يخاف عليهم كما انه دائما ما يقضى الوقت معهم او مع شقيقه الاخر ادم فزين يشعر بالمسئولية اتجاه اشقائه والفضل فى ذلك لرحمة
-رحمة حبيبتى فين الاولاد
-هيكونوا فين يا روحي اكيد عند بابا اسماعيل تقريبا مش بيبقى عايز يسبهم طول الوقت قاعدين معاه هو وخالة سعاد
-طبعا ما هما على اسم الغاليين وفيهم شبه منهم
-حبيبي الولاد النهاردة هيباتوا مع بابا
-شكل الليلة هتبقى زى العسل يلا عايزين اتنين كمان
-لا يا ساهر حرام عليك دا انا تعبت فيهم اوى فاكر يوم ولادتهم
-طبعا يا حبيبتى كنت هموت من الرعب عليكى وانتى فى العمليات وانا اتحايل على الدكتور ادخل معاكى وانتى جوة مش عايزة تهدى وبتعيطى علشان يدخلونى ليكى
-اه يا ساهر انا مش بحس بالامان ولا راحة غير وانت جنبي من غيرك ببقى زى الطفلة التايهه من بباها
-حبيبة قلبي انتى حبيبتى وبنتى وكل حاجة فى الدنيا ديه
-طبعا بتضحك عليا امال غالية ورقية اللى على طول وخدهم فى حضنك وكل شوية تتخانق مع بابا اسماعيل علشان تخدهم من عنده
-انا بحبهم لانهم حتة منك يا حبيبتى غير انهم فيهم كتير من جنيتى الصغيرة اللى خطفت قلبي من يوم ما اتولدت
-طيب يا باشمهندس يلا علشان نجهر لان الجماعة على وصول علشان الفطار قرب
وما ان انتهت من الحديث حتى وجدت ابنتيها يندفعان الى احضان ابيهم
-بابي ..بابي ..بابي
-اتفضل يا سي بابي و مامي ولا على بالهم خالص كانى هواء ادمهم انا مليش الا زينو حبيبي وتفتح يديها ليعانقها زين بحب فهو يعتبرها اما له وهى تعشقه
-ايه يا استاذ زين رورو هى الاهم وبابي خلاص
-لا طبعا انتم الاتنين مهمين بس الصراحة رورو صاحبتى ومامتى اللى دايما بتعلمنى الصح
-طب يا سيدى ابعد شوية بقى عن مراتى وبعدين انتم جاين بسرعة كده ليه
-اصل الكل جه فى الجاردن يا بابي وبيسالوا عنكم
-طيب يا حببب روح انت واخواتك وانا ومامي هنجيب الاكل ونيجى وراكم ليجرى الاطفال سريعا الى الخارج ثم ينظر لرحمة
-هو احنا كنا بنقول ايه
-كنت بقولك نجهز علشان ننزل واهم الجماعة كلهم جم
-لا كنا بنقول ايه قبلها
-ساهر حبيبي متفكرش كتير اطفال تانى لا كفاية حبيبي ثلاثة زى الفل
-رحمة حبيبتى انتى كنتى وحيدة وانا كمان و نفسي يبقى عندي اولاد كتير وخصوصا منك انتى يا جنيتى
-ساهر بقولك ايه نتكلم فى الموضوع ده بعدين الناس مستنين كده هنتاخر عليهم
-لا ما انا مش نازل الا اما اخد موافقة ها
-ساهر وبعدين بقى خلاص بعد الحفلة نتكلم
-حبيبتى بعد الحفلة هنبدء التنفيذ يا قمر ثم غمز بعينه لها
لتضحك بكسوف على ما يرمى اليه فهو اتخذ القرار وانتهى الامر لترد بنعومة
-خلاص يا حبيبي اللى تشوفه بتعرف تقنعنى يا باشمهندس ومقدرش ارفض لك طلب ابدا
-طبعا حبيبتى دا انا فى الاقناع مفيش زي
-ياسلام على الغرور بس بحبك لا بحبك ايه ده انا بعشقك
-يا رب صبرنى على الكام ساعة دول لتضحك بنعومة على ذلك العاشق الذى حبها له تعدى كل حدود العشق
-حبيبى الكل النهاردة شكله هيسيب ولاده مع خالة سعاد وبابا هههه
-طبعا ما النهاردة عيد جواز جماعى
ليضحك الاثنين ثم يحمالا الاغراض لكى يبدء حفل الافطار الجماعى
**************************************
بعد ان اجتمعت العائلة الجميلة منتظرين موعد اذان المغرب تسال اسماعيل عن غياب اكمل فهو قد دعاه للافطار فهو يعتبره فرد من العائلة ولا تخلو مناسبة من وجوده فيها على رغم ان ساهر مازال يغار منه لكن للحق لم يصدر من اكمل اى موقف او كلمة تسئ الى مالكة قلبه ولكنه الحب والغيرة هى من تجعله دائما متئهب من وجوده لترد نسرين
-معلش يا عمو هو قال انه هيتاخر شوية وان شاء الله يجى بعد الفطار ومعاه مفاجاة سعيدة
-لتسال رحمة بفضول مفاجأة ايه يا نيسو ده مش بيخبي عنك حاجة اكيد عارفة
-ليمتعض ساهر ويرد ببعض الانزعاج خلاص يا رحمة اهو هيجى ونعرف ايه المفاجاة متستعجليش اكيد فصل من فصوله السمجة
-ليرد اسماعيل مالك يا ساهر مش عارف انت بتعمل معاه كده ليه مع انه شاب مهذب وظريف
-ليرد ساهر بانزعاج اه يا بابا جدا مين يشهد ما انت بتحبه جدا يا والدى مين فينا ابنك بس علشان افهم
-ليرد اسماعيل بمحبة كلكم اولادى اللى بحبهم لينهى ذلك الحوار "يلا يا جماعة علشان نفطر الاذان اذن خلاص "
يجتمعوا على طاولة الطعام التى تم مدها على طول الحديقة لكى يستطيع الجميع ان يجلس وياكل اما سعاد فقد اهتمت باطعام الاطفال هى وامينة فهم فلذات اكبادهم
وما ان انتهوا من الطعام حتى اثنى الجميع على الطعام وخصوصا طعام الين التى اصبحت ماهرة فى اعداد المأكولات الشهية فعلا
جلس الجميع لتناول المشروبات الرمضانية والحلوى فقد كانوا يتكلمون ويضحكون بمرح حتى اتى اكمل وهو يصطحب فتاه فى غاية الرقة والجمال وقام بالقاء التحية على الجميع هو والفتاة وقام بتعريفهم عليها فهى تدعى ندى وهى تعمل معه فى مكتبه ومنذ ان دخلت عليه مكتبه وهو شعر نحوها بالراحة فهى لديها قبول ووجه برئ مثل رحمة وبالفعل مع الوقت ايقن انها هى من ستكون نصفه الاخر وشريكة حياته واليوم كان مدعو عند اهلها وقد تقدم لها رسميا وطلب من ابيها ان تذهب معه لكى تتعرف على اغلى الناس الى قلبه عائلته التى عوضته عن وحدته طوال عمره وعن سفر والديه وبالفعل اندمجت ندى مع الفتيات وشعرت بالالفة نحوهم وكان الكل سعيد بذلك الخبر خصوصا ساهر الذى اخير ارتاح قلبه وستقل غيرته التى كانت ستقتله يوما
يبدو ان اليوم هو يوم الاخبار السعيدة وذلك بعد ان اعلن كنان ونسرين عن حملها فى طفلهم الثانى فاحتفل الجميع وقدموا التهانى للعروسين وكذلك لكنان ونسرين
كان الجميع يتحدث بمرح وكانت الين تنظر اليهم بفرحة تملا قلبها فهى دخلت هذا المنزل وهى انسانة لا تفكر الا بالعمل فقط حياتها كانت رتيبة والان وبعد مرور خمس اعوام تبدل حالها وحال الجميع هى الان الزوجة التى تعشق زوجها والام الحنونة على اولادها والسيدة العاملة التى توازن بين عملها واسرتها وكذلك ربة المنزل التى تهتم بشئون اسرتها الصغيرة والكبيرة لقد وجدت بين تلك العائلة الحب والحنان التى حرمت منه طوال عمرها واتى مازن وقد اعطاها حبا وعشقا ما حلمت به يوما نظرت الى الجميع بابتسامتها الجميلة وشكرت ربها على حياتها السعيدة التى انعم بها عليها
《تمت بحمد الله》
وايضا زورو قناتنا سما القاهر للروايات
من هنا علي التلجرام لتشارك معنا لك
كل جديد من لينك التلجرام الظاهر امامك