قصة اصبح ادمانى
البارت الثامن8
بقلم اسماء محمد
فؤاد = جبتا شهد بيت صحبي و البيت كان فاضي مرتو مشت تنفس ،، جبتا ليها موية شربت قعدتا جنبها و مسكت ايدا و قلت ليها انت عارفة يا شهد انا بحبك من زمان لكن كنت خايف من اخوك و كنت مفتكر انك بتعتبريني زي اخوك انا بحمد ربنا جمعنا سوا انا بحبك مسكتا ايدا و بستها و بدت ترخي جسمها نزلتا ليها طرحتا و قعدت امرر ايدي في شعرا ، فجأة تلفونا ضرب المتصل سندي المتين ، دا منو يا شهد ؟ دا اخوي عمر ، طيب ردي ، ردت وانا طلعتا من الغرفة و ختيت ايدي في راسي فؤاد دي نفسها شهد كبرت قدامك و ياهو عمر زاتو صديق عمرك و اخوك كيف قدرتا اخطي الخطوة دي شهد بجد بتحبني و انا شغال اطعن صحبي في ضهرو ليه ياخ خليت الشيطان يلعب فيني ،، استغفر الله الحمد لله ما غلطا و ضيعتا برائتا و عفتها ........ شهدت ردت الو يا بت فتي وين ؟ انا مع ملاذ شوية كدا راجعة،، قاليها تمام اخدو راحتكم و فصل ......
جيت راجع قلت ليها ارح نمشي اتفاجئت لكن ما قالت حاجة لانو اصلا ما مرتاحة للوضع ، مرقتا و قدمتها قدام البيت و رجعتا ... شهد اتصلت علي ملاذ و قالت ليها يا ملاذ لو عمر سألك مني قولي اي كنت معاك ،، طيب حبيبتي ...
انا و اخوي هيثم أصحاب شديد و بنحكي لبعض اي شي + اعمارنا متقاربة مشيت لهيثم في عوضتو اخوي حبيبي قالي عاوزة قروش ؟! لااا بس مشتاقة ليك لقيت منو نستك اختك البتحبك ،، ما لقيت زول بس مشغول ، قالي تعالي جنبي اها جيت، انت احكي لي لمعان عيونك دا سرو شنو ، ابتسمت و قلت ليو هيثم انا حابة زول ؟ دا منو كمان المهبلك زيادة ؟ انا هبلة؟😳 ارح احكي لي ... شفتا عمر الساكن قدام مننا بس ياهو ... ،، هيثم وقف على حيلو و قالي من متين بتعرفيو، و قعدة تقابليو؟؟ هيثم بسم الله اهدا مالك عصبتا ، خفتا و قعدتا ابكي 😢 حضني و طبطب على و قالي معليش حبيبتي ما تبكي عشان نتفاهم ، هديت شوية و قلت هيثم مالك اتهجمتا لمن حكيت ليك عن عمر ،، قالي انت حبة قلبي الوحيد ، ملاذ انت اختي و حبيبتي ما عاوز يمسك اي سؤ شفتي عمر دا احسن تخليو لمصلحتك 😳هيثم ليه قلت كدا؟؟ ... يا ملاذ عمر دا ما بني آدم عديل عندو تاريخ إجرامي وزول سجمان و ما زول مسؤولية ياخ لدرجة ملغبنو ب الثعلب لانو زول خبيث ما عندو شغلة غير يقعد مع الشماسة يعاينو في الغاشي و الماشي و زول مشاكل ، حبيبتي انت تستاهلي زول احسن منو و اوع أدهم يعرف بقصتك دي و الله لو عرف يجوط و عادي يبعدك من البلد أدهم و انت بتعرفي اكتر مني ......😔 ما عمري اتخيلتا اني ممكن اسمع حاجة كعبة عن عمر بعد حبيتو و ادمنتو، لااا عمر ما كدة يمكن في سؤ تفاهم في مشهد ناقص من القصة ، حاسة قلبي ح يشق صدري و يمرق انا ما ح اقدر ابعد عنو و الله بموت😢 مسكتا تلفوني و اتصلت لهيام و حكيت ليها .... هيام = سبحان الله ما باين عليو ، لكن مستحيل هيثم يكون قاعد يكذب عليك ، والله احترتا، ما تفكري كتير نومي للصباح نشوف اليحصل، طيب تصبحي على خير.....
كنت متواصلة مع عمر و لا حسستو بالجواي + ما صدقتا ، في يوم من الايام كنت مع شهد في الكافي قاعدين نتونس اتصل علي عمر انت وين ؟ وصفتا ليو و جاني و كاان معاه فؤاد سلمو علينا و قعدو شهد ما كانت مرتاحة لانو عمر ما عارف بعلاقتا مع فؤاد (في اللحظة دي انتبهت ل نظرات فؤاد لي كانت غريبة نهائي ما شال عيونو مننا) ،، طلبتا من عمر نقعد برانا في طاوله غير دي و فعلآ قمنا قعدنا قصادم عمر مسك ايدي و كنا بنتونس و نضحك ختيت راسي في كتفو بعد شوية رقدتا راسي في صدرو و هنا مشيت عالم تاني ما كنت سامعاه بقول في شنو كنت مستمتعة بنبضاتو ❤🔥🙈قالي ملاذ ملاذ بعد مسافة اها🥺 قالي بحبك ، دفنتا راسي في حضنو و قلت ليو و انا كمان بحبك قدر الكوون باسني في جبيني و انا مغمضة عيوني و حضني عليو شديد ، فؤاد ما قدر يتحمل المنظر تاني الشيطان سيطر على عقلو و قام على حيلو انا ماشي وراي شغل(الغضب باين في عيونو و عروق ايدو بارزة و كان بتكلم بنرفزة ولا انتبه ل شهد) عمر اداهو مفتاح الموتر و مشى .... طلعنا بوراهو طوالي رجعنا بيوتنا ... فكرتا في فؤاد و نظراتو للأسف ما لقيت ليو مبرر اكيد في حاجة ؟؟؟ لمن رجعتا البيت هيثم سالني اها عملتي شنو ؟ قلت ليو قطعتا علاقتي معاه عمر انتهى ، ابتسم لي و قالي انت عسل يلا تصبحي على خير .....
فؤاد = عمر مبسوط في حياتو مع انو بغلط كتير مع الناس ، انا احسن منو ... ليه عمر محظوظ في اي شي هسي لو كان قابلتا ملاذ قبلو كانت حبتني انا 👿 لازم افرقم ضروري ملاذ تعرف عمر على حقيقتو كيف لكن ، لازم افكر في طريقة اخليها تعرف بدون ما اوسخ ايدي