قصة اصبح ادمانى
البارت الثاني عشر12
بقلم اسماء محمد
فؤاد اصبح بحب شهد،، حبيبتي انا اسف،، على ايه؟؟ فؤاد = اخرة فترة معاملتي معاك كعبة، طيب😊.... هاتي بوسة 😳ابييت😝، تعالي يا بت،، جرت المعفنة، قررتا احكي ل شهد نص الحقيقة و نساعد عمر و ملاذ يتصالحو الوو، قلبو،، تعالي راجعة ما ح ابوسك،، لااا،، بوعدك تعالي الموضوع ضروري يخص عمر و ملاذ،، طيب، دورتا العربية و مشينا اقرب كافي و قعدنا مسكت ايدا، شهد انت عارفة انو ملاذ و عمر انفصلو؟!! شهد = سبحان الله متين الكلام دا و ليه ما عندي علم،، فؤاد = قبل ما عمر يسافر بيوم اتصل علي و قالي تعال مشت ليو حكا لي الحصل ،،، شهد = السبب شنو؟؟ فؤاد = قبل تلاتة شهور عمر شرك ل ملاذ و خوفا في الفسحة، و هسي لمن عرفت قطعت علاقتا معاه.......... دا كل الحصل،، شهد = اي سمعتا بالقصة دي، عمر ما طبيعي دي حركات اولاد مراهقين ☹️، هسي اللوم ما بفيد لازم نفكر في طريقة نصالحم، طيب قولي اذا عندك فكرة،، بصراحة ما خاتي اي خطط لكن انت ممكن تمشي ل ملاذ و تعرفي القصة منها عشان نعرف نتصرف كيف،، طيب انتظر مني خبر.......
شهد = من الكافي دغري مشيت ل ملاذ سلمتا على خالتو نجوة و سالتا من ملاذ قالت لي في غرفتا، احسن شي عشان نتكلم براحتنا، سلاام يا غالية،، اهلين ب شهد،، مالك يا بت جافيتيني لا في الواقع ولا في المواقع خير؟!!!.... ولا شي بس مشغولة زي ما عارفة المناسبة بعد اسبوعين مرة في البيت و مرة مع هيام هلكتاا عديل،، يخسي عليك ي ملاذ كان توريني اساعدك نتقاسم التعب زي ما بنتشارك افراحنا و احزانا.......... اتونسنا في كذا موضوع، صحي عمر في مدني اموركم ماشة كيف؟؟ ،، امور😏حليلك معقولة اخوك ما خبرك،، انا ما بفهم بالالغاز احكي لي..... و فعلآ حكت لي الحصل و كلام اخوها هيثم و الرسالة... و قالت بس معليش يا شهد اتكلمت عن اخوك بسؤ قدامك لكن دي الحقيقة،،، شهد = لااا و لا يهمك و صحي دي ما الحقيقة عمر ما زي ما انت مفتكراه ولا زي ما الناس بتحكي عنو، اسمعيني للاخر بدون ما تقاطعيني...