قصة اصبح ادمانى
البارت التاسع9
بقلم اسماء محمد
صحيت نشيطة جبتا علبة الدهان و المشط مشيت لأمي و قعدتا ليها في الأرض يمة سوي لي شعري ،، سوي براك ، لااا عاوزاك انت تدهني لي 🥹 لمن بدت تجر المشط في شعري و تمرر ايدا حسيت براحة و سعادة ، ماما ، نعم ،، ما تنزلي ايدك من راسي نهائي ،، سمح ،، تصدقو نمتا في اللحظة دي امي رفعت لي راسي بمخدة و فاتت لمن صحيت لقيت نفسي نايمة في الأرض😊.........
بهناك فؤاد قاعد يخطط ، فؤاد كان جايب ل شهد تلفون و معاه شريحة مافي زول غيرو عندو رقم الشريحة ،، لمن اتقابل مع شهد شال التلفون و قال عاوز ينزل حاجة من النت تلفونو ابا ليهو ، طبعآ شال تلفون شهد و كتب رسالة و رسلا في رقم ملاذ ( يا ملاذ انا فاعل خير حابي أحذرك من عمر، عمر زول ما نافع و عندو سوابق ، انت بالنسبة ليو تحدي و فاز فيهو ، عمر نفسو القطع عليك الطريق يوم رجعتي من هيام صحبتك و لو ما مصدقة ممكن تساليهو.....) .... عمل إرسال و حذف الرسالة..
عمر اتصل علي و قالي عاوز اقابلك ضروري مرقتا شفتو قالي ملاذ اختاروني انضم لورشة(تركيب السيارات) مدتها ستة شهور ، لااا انا ما موافقة ستة شهور كتيرة ،، عمر = دي فرصة عشان ابقا زول مهم و اصنع اسم و كمان عشان اطلب من اهلك ،، هسي تعال اطلبني ما محتاجة تسافر ستة شهور . قالي بوعدك اتكلم معاك يوميآ فيديو كول ،، مافي طريقة تجي بعد كل أسبوعين أو شهر 🥹 ، انا اسف مافي طريقة ما تزعلي ، عمر انا متعودة اشوفك يومي ما حصل بعدتا عني هسي كيف ح اتحمل بعادك ستة شهور ما بقدر و الله انسى الفكرة عيوني دمعت و صوتي بح حضني و قالي الايام بتمر سريع بكرة تلقيني جنبك عمر اسكت قالي حاضر قلت ليو احضني شديد 🫂🥹 كانت ضمة قوية و طويلة بعدني منو شوية قالي ارجعي البيت بكرة نطلع اي حتة انت عاوزاها تمام ما تبكي مسح لي دموعي و باسني في راسي و قالي بحبك رجعتا حضنتو (ما نفسي افارقو ،، جمعتا قوتي و بعدتا غصبآ عني) رجعتا البيت رفعتا تلفوني عشان اتصل عليو لاحظتا انو في رسالة انا ما قريتا فتحتا الرسالة و قريت الكلام المرسلو لي فؤاد 😱😔💔 ما قدرتا اكذب عيوني ولا حاولت افكر الرسالة جاية من وين رجعتا تفكيري ليوم الحادثة و الولد الظهر قدامي و نبرة صوتو ياهو زاتو عمر 😖لاااا مستحيل عمر حبو حقيقي ما مزيف ، قال تحدي قال نحنا مافي مسلسل دا واقع مافي كلام زي دا في الواقع ،، كنت قعدة ابكي و اشهق و قلبي وجعني مصدقة الرسالة لكن قلبي ابا يصدق اتذكرتا كلام هيثم و هسي جاتني رسالة ،، يا الله ما تختبرني في عمر ،، لكن مستحيل الأحداث دي تكون صدفة انا لازم اسأل عمر