قصة اصبح ادمانى
البارت الثالث3
بقلم اسماء محمد
عمر = عيونا قتالة دابي اتنفستا كنت مخنوق الايام الفاتت الله منك يا ملاذ عيونة حلوة + لسان طويل دي ح تشلني، لازم اعرف طلعاتا و نزلاتا ضروري اشوفا يومي عشان يومي يمشي كويس........
من الجامعة للبيت، مليت من محاضرات امي و نصايح اخواني جو الغرفة دا ح يقتلني، يمة انا ماشة لهيام، امي اسمها سعااد ملكة الطيبة و ملجئ امان ما عمرها رفعت ايدا علي طيب ما تتاخري، حاضر يمة صحي هيام لئيمة لكن طيبة 🥲 و جيت مارة بنفس الشارع ما غيرو و نفس الشباب عاينو لي لاحظتا للمعفن بتاع امبارح معاهم، عاينت باستحقار و مشيت 😒 مشيت بخطوطين سمعت ليك الود بقول ما تعاينو ليها، و ليه ما نعاين؟! ما يومي بنعاين و انت كمان بتعاين معانا الاختلف شنو؟؟! عمر = ساي بس ما تعاينو ليها، اتلفت كدا القا ليك الشكلة دورت ، شلتا كرعيني و جريت ما ناقصة فضيحة😁 حصلتا ناس هيام قعدتا اتونستا مع خالتو محاسن ولا اشتغلتا بهيام ولا انتبهتا لوجودا😏 زمني جا و مرقتا، قابلتا نفس الولد ياخ ما معقولة؟! عاين لي و ابتسم 😒واحد اهبل، حصلتا البيت و دخلتا غرفتي و طفيت النور عشان انوم، الليل كلو بفكر لشنو الود قال ما تعاينو ليها؟ معتبرني اختو ولا اخلاقو عالية؟! ما عندو اي اخلاق ما يومي بعاين لي معاهم الا هسي اتذكر اخلاقو ،،،
مرت الايام و كل يوم عمر بقيف في نهاية الشارع الصباح لمن اكون ماشة الجامعة و يعاين لي من بعيد و لمن اكون ماشة لهيام و حتى في الرجعة بنتظرني😒( حركات الهنود دي ما تنفع معاي ) يييي من المكنيكي اكيد ايدو قوية دا لو كفتني الا كن اسوي عملية تجميل ييييي 😖
عمر = بصراحة ملاذ تتحبا بعيدآ عن غرورا و لئامتا حبيتا و بحب اسمع صوتا و اي حاجة بتطلع منها عسل🤤، انا لازم القى طريقة اتكلم معاها، بقيت اغير على ملاذ من معاينات الشباب لدرجة خاصمتا اصحابي في الحلة + منعتهم يقعدو في شارع بيتم بالقوة و بعمل اكتر من كدا