قصة اصبح ادمانى
البارت الثالث عشر13
بقلم اسماء محمد
شهد = فعلآ عمر عصبي و ما بحب الحقارة لكن قلبو طيب، على طول بيقسى علي و دا كلو من خوفو علي بتفهم عصبيتو، عمر ما عندو اي سوابق و ما هو مجرم،، حصلت معاه قصة في الثانوي مع استاذ انا ما بتذكر الكلام القالو ل عمر المهم الاستاذ استفزو و عمر كان مراهق متهور ياهو اعتدى على الاستاذ و تم فصلو ابوي خجل فيو شديد و شاكلو و امي كم يوم ما قعدة تتكلم معاه، عمر خلا المدرسة عشان ما يصيع و يضيع امي كلمت خالي عثمان شغلو معاه في الورشة، كدا عمر انشغل بقا ما يعمل مشاكل،، القصة التانية كانت سؤ تفاهم عمر كان بشاكل مع ود جيرانا مصطفى و كان شايل عود كبير و ضرب بيهو مصطفى ابوي خش بيناتم جاتو ضربة كسرت ايدو، بالغلط خلاص الناس بقت تالف و اغلب الناس قالو عمر ضرب ابوه، اما قصة الفسحة بجد عمر غلطان و من حقك تزعلى و تقومي الدنيا عليو...... الزول الرسليك الكلام دا عاوز يفتن بيناتكم ما اكتر و اكيد عندو مصلحة في الموضوع،، اها قلتي شنو بعد كلامي دا؟!! ...... ما تسكتي يا بت، انت لهسي بتحبيو ولا خلاص كرهتيو؟!! عيونا دمعت و قالت لي نسيتو،، ملاذ انت بتغشي في روحك ولا بتغشي فيني، كيف قدرتي تنسيهو في اسبوعين ...... كلامك دا ما بغير الحقيقة عمر اعتدى علي في الشارع ما عمل حساب انو عندو اخت، انا ما بتشرف بحب زول ما عندو ضمير، تاني ما تفتحي الموضوع تمام،، بكرة لو فاضية تعالي نمشي السوق عاوزة اجيب فستان و توب لامي،، شهد = تمام الله يحيينا + فكري في الموضوع و بنصحك ما تعذبي نفسك و تعذبي عمر معاك.........
✿ اتصلت ل فؤاد الو، للاسف مافي اي نتيجة ملاذ زعلانة بالجد و ما ظنيت ترضى سرعة،، طيب ما مشكلة نحاول تاني و تالت لقايت ما ترضى ....
حصلتا البيت و اتصلت ل عمر، يا عمر انت ما اتصرفتا صح، و ليه ما قلت لي انفصلتو،، اسف حبيبتي كنت خجلان منك من تصرفي حاسي نفسي خنتك و خنت كل البنات،،، طيب الحصل حصل ما بنقدر نغير الحقيقة لكن ملاذ بتحبك،، عمر = عارف، انت عارفة؟!! حظرتني من كل مواقع التواصل و انا قلت ما ح اتصل عليها من رقم تاني ح انتظر لمن قلبها يبرد و ترفع مني الحظر.............