قصة اصبح ادمانى
البارت الرابع4
بقلم اسماء محمد
يومي هيام بجيني و ادهم يوصلنا الجامعة و يومي عمر بقيف في الناصية و يكحل عيونو..
هيام = تتلفتي مالك؟! منو؟ انا؟! ، ادهم = ارح سرعة وراي شغل ركبنا و طول الطريق ادهم يعدل في المراية مقضينا هبل و عبط 😒وهميين، حصلنا الجامعة و من سؤ حظنا المحاضرة ملغية هيام = علاقتك شنو مع عمر؟! عمر منو؟!، ملاذ ما تستغبيني يومي عمر قاعد يقيف ليك في الناصية و حتى يوم قدمتك لمن رجعتا شفتو مشى بواركي،، اسمو عمر🥹،، ملاذ سيبي العوارة علاقتك بيو شنو؟! ، و الله تلاتة يا هيام انا اسمو ما بعرف الا هسي لمن قلتي اسمو عمر، اي صح يومي مراقبني و بمشي بوراي لكن ما حصل نضمتا معاهو، ما اكذب عليك الليلة فقدتو 🥲، هيام = بتحبيو؟؟، انا ملاذ بجلالة قدرها احب مكنيكي، الترابة في خشمك😒،، هيام = المشكلة وين الحب ما مقيد بشكليات او ماديات مثلا انا بسامحتي دي بحب ادهم،، ادهم اخوي شين؟ يا بت ادهم جواز سفر بالنسبة ليك 😌قال سماحتي وينا سماحتك؟!!! ، ملاذ ما تغيري الموضوع انت بتحبي عمر؟؟ لاااااااا......
بجد فقدتو 🥹وين اراضيك يا عمر، مر يومين و تلاتة و شهر كامل مافي اخبار عن عمر خايفة اسال هيام تقوم تعمل لي موضوع غيبتو ما طبيعية، بقيت امشي ناس هيام طوالي و اتاخر في الرجعة على امل الاقيهو، بدون فايدة، شهر كتير علي ح اكسر غروري و اضغط على نفسي و اسال هيام ...
هيام انت بتعرفي عمر من وين؟ 😁
هيام =😒مالك؟ مهتمة؟!! ، لاا ما مهتمة بس فضول
هيام = احكي الصراحة مهتمة؟ 😉،، اي مهتمة الود حيرني اختفى بدون اي اثر
هيام = طيب عمر اخو شهد ال قرت معانا الثانوي بيتم فاتح على المدرسة قدام منكم بشارع،،، ساكن قريب و ما حصل شفتو (صحي كنت قعدة اشوفو مع شلة الصايعين) طيب اسمعيني هسي تمشي بيتم نظام عاوزة تسلمي على شهد و تسالي منو بفهم،، بفهم شنو لهجة الاولاد دي، و انا طولتا منها فجاة امشي اسلم عليها تقيلة ،، خلاص بمشي براي يلاا مع السلامة خالتو محاسن.....
اصلا كنت عارفاها ح تحصلني، مشينا بيت ناس عمر و فعلآ شهد اتفاجات لكن استقبلتنا كويس و اتونست معانا عادي، اثناء ما كنا بنتبادل اطراف الحديث عمر جا داخل بشنطة كبيرة، شكلو راجع من سفر، قال السلام عليكم ،، فتحتا خشمي و بقيت اعاين ليو زي الهبلة كان متانق و حلو + شخصية و كاريزما🤤، فالبداية ما عرفني لمن عرف دي اناا جا راجع خطوطين لورا و عيونا جات في بعض عيوني قلبت قلوب قلوب😍 ابتسم لي نفس الابتسامة (التهبل) راح و اخد معاهو قلبي، مرقتا سرعة و هيام لحقتني و يا بت انتظري ولا كاني سامعاها حصلت البيت و قفلت على نفسي باب الغرفة و قلبي شغال دلوكة الا رقدتا على بطني عشان اسكتو❤🔥....
صحيت بدري صليت الصبح حاضر و جمعتا افكاري و احداث امبارح كذبتا عيوني و مشاعري (انا ما بحبو، زي اخوي، اخوي كبيرة عليو، بعتبرو صحبي اي بس نحنا اصحاب😌) لبستا عباية رمادية و طلعتا للجامعة كنت متوترة و بالي ما معاي قلت ل هيام انت اطلعي قدام و انا بركب ورا، تمام ، نزلتا القزاز و عاينت بفتش في عمر و فعلآ شفتو ابتسم لي و انا كمان ابتسمت ليو🙈 خطوة ملحووظة............