![](https://blogger.googleusercontent.com/img/b/R29vZ2xl/AVvXsEgeCv_HDeapSLFNI8DswlspYulK2zXazBAoMfz3NBNIyCuFfe4dwrs3CltAR0vVmEAbq8OSGvpk2IqLiD1kiiLNOHdajT_Q4SpMFex7Sx0yZm2fSpob-4QIAxaxiyQ7q-MarS2ukYSSqzh9Fy1kQlx6IfWqqumaDCAWTFczMQRInJquU3BFxcx22xnDs8Hu/s320-rw/img_1706272403908.png)
قصة اصبح ادمانى
البارت العشرون20والاخير
بقلم اسماء محمد
ملاذ = 😊ح يزفوني لعمري هههه🙈 ما جنيت بس فرحتي ما تتوصف ........
هيام = غتاتة عملتي مناسبتك في الايام دي عشان ما ارقص و اجبجب في عرسك☹️... ،، يا بت انا قلت ليك تحملي ههههه معليش حبيبتي ترقصي في يوم سماية ملاذ و عمر هههه 😂...
المناسبة بعد اسبوع، متحمسة شديد لا فيني خجل ولا خوف العرسان متحمسة و مستعجلة بس😌 عشان الزمن يمر سريع بقيت لمن اصحى الصباح انضف البيت و اشد الملايات و اشتغل اي حاجة ، هيام في الشهر السابع النهار كلو تنقنق، انت ك عروس ما لازم تشتغلي لازم ترتاحي و تهيئي نفسك و تجيهي لعريسك،، لااا كن قعدتا الزمن ما ح يمر لكن كدا كويس هسي كمان ماشة اكنس الشارع 😁 ،، هيام = خالتي تعالي امسكي بتك المجنونة دي،، هيام،، نعم،،، 😒قربتا اخلص منك و من نكدك .... (قعدت تبكي) هيوم ما تبكي و الله قعدة اهذر معاك، ما تزعلي نفسك بوضعك دا حضنتني و قالت ح افقدك شديد ما بقدر اعيش من دونك 😭،، يا بت انا ح اعرس ما ح اموت، عمومآ ح اسكن قريب عشان تجيني يومي و تنكدي علي 🥲 خلاص يا ام ملاذ و عمر بحبك ❤.......
الليلة بعد صلاة العصر ح يعقدو، ما لمينا ناس كتار لانو المناسبة بعد اربعة ايام.... و فعلآ عقدو عمر اتصل و بارك لي، قالي كلام ما عمري ح انساه🥹 حبيبي اناا.....(بقيتي حلالي يا فروالتي لو بايدي كنت بنيت ليك قصور في الهوى،، انت ساكنة قلبي نفسي احضنك و يقيف الزمن في اللحظة دي، بحبك ❤)
حجزتا في احسن كوفير الليلة ماشة اجرب الفاستين مشيت مع رؤى و اخوي هثيم لمن حصلنا الكوفير لقيت عمر عقدتا حواجبي و هو ابتسم لي في قلبي دا مالو كمان (اكيد جاي يوترني و يلعب باعصابي😭) اخترنا فستان مرة حلو عمر ذوقو طلع فظيع اكيد ح اطلع احلى عروس😌 بعد لبستا الفستان حضني و همس لي في اضاني (مرتي + فراولة) و زح مني،، عمر انت قلت فراولة 🥹..... باسني في راسي و رجع حضني شديد🫂 بحبك يا اناا...
اليوم الدعوة على اساس عندنا حفلة لكن جارتنا اتوفت و الحفلة اتلغت 😔 (سنين عمري و انا بحلم و بخطط لحفلة عرسي، بس الحمد لخير.....) تمت المناسبة على خير اتصلت لشهد و باركت ليها و هي كمان باركت لي، فؤاد اتصل علي و شكرني عشان ما خبرتا شهد و عمر بالحقيقة،، عمر ح يسوقني من بيتنا الساعة تسعة، 9جات و ما جا و تلفوني ما بعرف محلو وين؟!!! هيام امرقي الشارع شوفي اذا عمر جا، ما تضحكي انا متوترة،، 😒 بالله،، و الله خايفة عمر يتاخر اكتر من كدا هههههه😂،، سجمانة قايلاك ح تقولي متوترة من ليلتك مع عمر خشيت ضفوري من الخجل بالي في عمر ما كنت خاتة حسابات للجاي(صدقوني عليكم الله 🥲) بعد شوية اسمع ليك صوت بوري و ذغاريد و اصوات عربات قمتا على حيلي، هيام قعدتني فضحتينا 😳، عاوزة اشوف السيرة خلاص خلي اي زول يصور لي،، طيب بخلي هيثم يصور ليك،، صحي هيثم وين؟؟ هيام سرعة شوفي لي هيثم وين و جيبيو،، هيام فتشت و سالت لكن مافي خبر عن هيثم زعلتا شديد و قعدتا ابكي و بجاي عمر منتظرني و عماتي شغالين يقولو لي قومي امشي مع راجلك، عمر مسك ايدي ، سحبتا قلت ليو ما ماشة!! الناس كلها صنت و بقو يعاينو شنو؟؟ اي ما ماشة الا اودع هيثم، عمر قالي تمام ما تبكي ما ح نمشي الا تشوفي هيثم، قلبو الدنيا و ما لقو فجاة خطر لي قلت احتمال يكون قاعد في غرفتي، طلعتا فوق و خليت الناس تحت منتظرة، (الحبوبات لمن بدو يتعرصو😑) و فعلآ لقيت هيثم في غرفتي قاعد يبكي قالي ما كنت قادر اودعك حضنتو و بكينا مسافة مسك ايدي و نزلني تحت سلمني لعمر و قاليو اختي امانة في رقبتك ممنوع تزعلا الزعل ما شبها ودعتا امي و ادهم و هيام و الجيران ركبتا مع راجلي و مشينا (اي راجلي 😌) حصلنا الفندق قعدتا بملابسي في السرير و عمر بدل ملابسو و قعد جنبي و بقينا نتونس (اتونسنا لمن اتفتكرتا انو ما ح يحصل شي🙈) عمر كان رومانسي اتودد لي و استدرجني (دخل علي على سنة الله و رسول ) الصباح صحاني برومانسية نزلنا تحت فطرنا و رجعنا الغرفة و نومنا في احضان بعض،، سافرنا باريس البلد سمح + نا س من اجناس مختلفة كانت احلى ايامي ، شهد و فؤاد راحو قطر، رجعنا في نفس اليوم نزلتا في بيتنا نفس اليوم هيام وضعت و جابت ولدين سمتم براق و جواد،،،، رحلتا بيتي (بيت ناس عمر) مرت الايام و هيام رجعت من النفاس و بقت تجيني طوالي وتزعجني هي و اولادا و احيانآ انا امشي ليم و اشرب الجبنة مع امي و هيثم، شهد طلعت حامل ،، انا حملي اتاخر شوية،،، حملتا بعد 8 شهور من زواجنا وجبت لي اجمل بنوتة ريفال و شهد جابت ولد سمتو موفق.
تمت بحمد الله
وايضا زورو قناتنا سما القاهر للروايات
من هنا علي التلجرام لتشارك معنا لك
كل جديد من لينك التلجرام الظاهر امامك