قصة اصبح ادمانى
البارت السابع7
بقلم اسماء محمد
حصلنا البيت عمر فات و أدهم مشى مع هيام ........
مرت الايام .. على اساس ما بحب المقابلات انا و عمر بقينا نتقابل كتير ادمنت عليو عديل🥹 ما مر على يوم بدون ما اسمع صوتو خلاني احبو شديد .....
مرة كدا كنت راجعة من ناس هيام و عمر كان معاي نفس الشباب ال كانو بقعدو في الشارع رجعو يقعدو لمن جينا مارينا سلمو على عمر بطريقة مستفزة و بتلميح انا ما فهمتا حاجة لكن عمر اتوتر .....
نفس الشلة = فؤاد شفتا صحبك مع الفريسة حقتو ؟!! اي عارف مربطين ،، و كلهم بصوت واحد ههههههه يا زول و الله ، انت مش كنت معجب بيها ؟هاك عمر سبقك ،، و ضربو كفوف و قعدو يضحكو في فؤاد و استفزو تمام و حرضو على عمر ،، فؤاد = عمر كان عارفني معجب بيها و يوم قطعو عليها الطريق انا الوحيد المنعتهم لمن ما سمعو مني خليتم مشيت بيتنا ،، هسي اكل راسا و حبتو و كمان بمسكو ايدين بعض في الشارع بدون اي خجل ، يا عمر انت ما الوحيد البتعرف تخطط و تصطاد انا و انت و الزمن ................ ، فؤاد زعل من عمر و سخرية اصحابو فقرر يربط مع شهد عشان ينتقم من عمر .....
و اخيرآ شهد و هيام اتفقو و بقينا التلاتة أصحاب بنمشي لبعض و نتشارك الأفراح و الأحزان،، كنت في الجامعة منتظرين الدكتور و شكلو ما جاي فقررنا نطلع نفرق شوية اتفقنا نمشي روبنز نبرد قلوبنا بالاسكريم و كدا ، و فعلآ مشينا و طلبنا اتصورناا و مسكنا الجو 😂 عبط و هبل شلة مجانين🥴🥴 عمر اتصل علي الو قلبوشتي ،، عيونة ،، صباح الورد يا وردة حياتي ،،، صباح الشوق 🥹 ،، ملاذ قوليها تاني و ح تلقيني جنبك ما عندي شغلة بجامعة ولا غيرا ...... ،، حبيبي انا ما في الجامعة في روبنز قعدة اكل اسكريم الشوق حرقني ف قررتا ابرد قلبي شوية😉(دي وحدة من خططي الخبيثة عشان اجيبو حدي) قالي جاي عليك ، عمر دور موترو جاني مشيت معاه و بعتا هيام و شهد بيعة رخيصة😁......
بهناك فؤاد عرف يتصرف كيف جاب رقم شهد و اتصل عليها و قاليها انا بحبك و ووو .... كلام كتير عشان يوصل لهدفو، شهد طوالي صدقتو و بقو متواصلين و بتحكي لي اي حاجة تحصل معاها ، فؤاد كان مهتم بشهد بطريقة خرافية هدايا و كل يوم بجيب ليها لوح شوكولاتة 🥹 و كانو مبسوطين مع بعض ......
مرة كنت قاعدة مع عمر قالي ملاذ انت عارفة لمن كنتي بتجي مارة و نشاغل فيك صحبي عمر كان قاعد يمنعنا و يشاكل معانا عديل و كان معجب بيك ،، والله ،، اي لكن لمن عرف بعلاقتي معاك ما أظهر اي ردت فعل كان طبيعي هسي لو واحد تاني كان عاتبني صح ؟ ،، اي م شاء الله صدرو واسع و انتو في النهايه أصحاب ما ممكن تخسرو بعض عشان بت ،، صح كلامك لكن اليومين ديل متغير معاي شديد ما بحكي معاي زي زمان ولا بجيني البيت و لمن امشي ليهو بتحجج و بقولي مرسل و شنو؟؟ انا ما مرتاح من الوضع ،، مافي حاجة يمكن عليو ضغوطات و جري دنيا ( في قلبي يمكن فؤاد خجلان من عمر لانو بحب اختو من وراهو ).....
امتحنا و الجامعة قفلت اخوي أدهم خطب هيام رسمي و المناسبة بعد تلاتة شهور ، فؤاد = اتأكد انو شهد اتعلقت بيو و عودا على حاجات كتيرة بقت تحبو بجنون و ما بتحمل بلاو ، في اللحظة دي بدا خططو الخبيثة ، بقى يذلها و يطلب منها حاجات فوق طاقتا و هي متحملة بقت تدس مني حاجات كتيرة لانو عارفاني ح اعترض على الغلط ، فؤاد = شهد انا مشتاق ليك عاوز اشوفك هسع،، شهد = هسي ما بقدر عمر قاعد و العشا اذن ح يسألني..... فؤاد = انت اصلا ما بتحبيني لو ما قادرة تتجاوزي اخوك خلاص راحتك و فصل فيها الخط ،، شهد اتصلت عليهو كذا ما مرة مافي رد منو
كان شايف مكالماتا و بضحك و بقول بخباثة( الشرك قبض😏) شهد انتظرت اخوها طلع صلاة العشا و مرقت بوراهو و رسلت ل فؤاد رسالة(انا برة جنب العمود ) فؤاد جا عليها وقفو جنب العمود، فؤاد = هسي الرجال ح يمرقو من المسجد ما حلوة في حقنا نقيف هنا ارح نمشي بيت صحبي قريب ،، شهد = بيت صحبك😳مش على طول بنتقابل هنا هسي مالك ؟؟ فؤاد = بزعل منك اوع يكون خاتة حاجة كعبة في بالك ، انت حبيبتي ما عمري فكرت اضرك انت اخت صحبي و أمانة في رقبتي ، ارح ، شهد انغشت بكلامو المعسول و مشت معاه............