قصة اصبح ادمانى
البارت السادس6
بقلم اسماء محمد
و فعلآ عمر اتصل الو يا السمحة ، نعم😌 ،، كيفك اليوم ؟ انا كويسة الحمد لله و انت كيف ؟ انا بعد سمعت صوتك بقيت احسن ،، احمرت خدوي من الخجل(علمآ اني سمراء😂) المهم عرفتا اوصف ليكم شعوري 😌 ، عمر = بصراحة انا معجب بيك ، (دا الطلع معاك يا قديم😒) اها و تاني ؟ ، حابي اكون قريب منك و جزء لا يتجزأ من حياتك (ثقيل و دمك بقري😳) اعصابي تلفت و لهسي ما قال حاجة تطيب الخاطر ..... عمر من الاخر انت عاوز مني شنو؟؟ لانو بجد زهجتا ؟؟ عمر = هههه باين عليك عصبية ملاذ انا خايف من ردك عشان كدا بقطع في الكلام انت طمنيني عشان اتكلم بأريحية،، اطمنك كيف ؟ اوعديني انك تسمعيني للآخر و تفكري في موضوعي ،،، طيب بوعدك اتفضل انطق😤 .... عمر = انا بحبك و كل شي فيك بعجبني، بقيتي لي إدمان يوم ما اشوف بكون زهجان و اموري ما بتظبط نهائي و الله يا ملاذ انا عاوزك حبيبة و ام عيالي لو ربنا أراد، بوعدك ما ازعلك و كل طلباتك أوامر، ارجوك اديني فرصة اكون حدك رايك شنو؟🥹 ...... ، بصراحة كلامو لمسني من جوة كلماتو احتوتني🫂 حاسة نفسي بطلة في رواية فرنسية 🥹 (كنت مرتبطة مع ود عمي سنة كاملة ما عمري حسيت باحتواء زي الان ، كان ناشف عارض و فك 😌) .... طيب انا موافقة على شرط ما بحب المقابلات الكتيرة بزهج اتفقنا ، فرح و قالي اتفقنا حسيتو ح يجيني مارق من التلفون و يحضني من فرحتو، الأمورة ماشة زي ما انا خططا ليها 😏 نمتا حاضنة تلفوني .......
♡♡ انا و شهد بقينا أصحاب شديد و بنطلع سوا و هيام الغيرة عمت على عيونا بقت ما تجيني و لا بتتكلم معاي زي زمان لمن اسالا بتقول انت بياعة ، هيام ما بتحب اصاحب اي بت غيرا ، كل ما تشوفني مع شهد تخرب وش و انا كل الوكت بحاول ابرر ليها و اقولها انت صحبتي الوحيدة ، علاقتنا اتوترت شديد 😔....... شهد مكرشة على صاحب عمر(فؤاد) و بجيم طوالي في البيت و هو على طول بتجنبا عشان علاقتو ما تخرب مع عمر ،،...
امي لاحظت علي علاقتي مع هيام متغيرة حكيت ليها الحاصل شاكلتي و قالت هسي تمشي تراضيها ، حاضر يمة ،، مرقت العصر و مشيت لهيام في البداية ما اشتغلت بي الا بعد اعتذار و تبريرات ضحكت و قعدنا نحكي و نشكي لبعض زي اول، تلفوني ضرب ، رديت لقيتو اخوي و قعد يصرخ و انت و انت ...... محاضرة طويلة عريضة لمن قلت ليو مع هيام سكت مسافة قالي خلاص خلي تقدمك و انا ادور ارجعا ، طيب يا أدهم، قلت ليها من سمع اسمك هدا ، انت عاملة شنو لادهم 😉 ؟ ، ضربتني خفيف في كتفي و غمزت لي قالت لي دا سر ،، يلا انت و اسرارك ارح نمرق ، قبل ما نمرق عمر اتصل علي و قالي رجعتي من ناس هيام قلت ليو و انت عرفتا من وين ؟ قالي صحبي فؤاد قالي ؟ فؤاد منو كمان و شافني وين ؟؟ يا بت انت وين هسي ؟ ، هسي مارقين انا و هيام !! خليها انا بجي بقدمك، حكيت ليو هيام ماشة معاي لشنو ؟ برضو كان مصر يقدمني و فعلآ جا و كان 😍حالق جديد و خاتي عطر فظيع سلم علينا و بقا ماشي جنبي و ماشين و ايدينا بطاقشن و نعاين لبعض و نبتسم (زي عصفورين في عش