قصة اصبح ادمانى
البارت الخامس عشر15
بقلم اسماء محمد
ملاذ = بقت تجيني نوبة توتر و ضربات قلب مافي شي بهديني غير صوت عمر، بقرا رسايلو و بسمع ريكورداتو بحس الامان و بضحك شوية🥺 ،، عاملة البوم بصور عمر سميتو ادماني، بعاين لصورو بتاني و بقيف على كل صورة اتذكر يوما و قصتا، بتمعن ملامحو (عمر لونو فاتح، معضل و عامل شعرو كيرلي، عيونو عسلية و نظراتو حادة🥴 عمرو 25) تلفوني بقى يعلق من كتر ما ببوس فيو🥹 حبيبي قلبي😘 مشتاقة ليك يا اناا............
وينا الرسالة التافهة الفرقتنا، دا ياتو وسخ سرق مني حبيبي، مسكت تلفوني و فتحت الرسالة و اتصلت في الرقم اتفاجئتا لمن ردت علي شهد الو، شهد؟!! ،، ملاذ؟! 😳 يا بت من وين جايبة الرقم دا، غير فؤاد مافي زول بعرف الرقم دا؟؟ كيف يعني؟؟ تذكري لمن قلت ليك فؤاد جايب لي تلفون عشان يتفادى عمر...... ،، ملاذ= صح😁 سجلتا الرقم بالغلط سبحان الله طلع رقمك، طيب بحفظو عندي باي لبعدين..... انصدمت كيف الرسالة جاية من رقم شهد و الظاهر عليها ما بتعرف بقصة الرسالة في تحليل واحد..(يكون فؤاد رسلي من تلفون شهد و حذفا) كلام منطقي، اشاور منو؟ ولا احكي لمنوو اوووف يا هيام عرستي و سيبتيني 😤...... اتصلت لفؤاد و قلت ممكن نتقابل بدون علم شهد، قالي تمام، اتقابلنا ، سلمت عليو مسكت تلفوني و فتحت الرسالة و ختيت التلفون قدامو، اتوتر و بقى يبلع في ريقو، قالي الرسالة دي منو مرسلا ليك، قلت ليو فؤاد ما تراوغ انت مرسلا من تلفون شهد، نزل راسو و قالي اسف قبل اي حاجة انا ندمان شديد و حابي اقيف معاكم و اصالحكم...... فؤاد ندمك ما بهمني مصلحتك شنو من الفتنة دي؟؟ قالي انت،، انا😳،، فؤاد= انت السبب انا حبيتك اول و فجاة لقيتك مع عمر، ما قدرتا اسيطر على اعصابي فقررتا افرقكم و تبقي لي،، طيب و شهد،، فؤاد = شهد كانت وسيلة بس😢،، فؤاد انت و عمر طلعتو تافهين اي واحد اتفه من التاني خطط و مؤامرات اذا في وساخة غير دي وريني عشان ما اتفاجأ...... فؤاد = انا ندمان شديد و حاليآ انا بحب شهد من جوة قلبي و بقبل منك اي عقوبة بس اوع شهد تعرف بالحقيقة عشان ما تسيبني،، فؤاد قوم من خلقتي جبتا لي صداع يلااا انقلع😖،، قبل ما امشي ملاذ عمر بحبك قدامك بكون انسان تاني ما حصل اظهر ليك الجانب السئ منو حبك بالجد و ما يستاهل تسيبيهو، و انا شايف قصة الفسحة تافهة قدام حبكم لبعض، ارجوك ارجعي ليو عشان اريح ضميري.