قصة اصبح ادمانى
البارت الخامس5
بقلم اسماء محمد
حصلنا الجامعة و فجأة شهد طلعت في وشي سلمت علي و قالت يا شرادة، خجلتني المعفنة🙈 قالت لي عاوزة رقمك عشان يدوم التواصل ، طبعآ حبيبتي هاك سجلي و سجلتا رقما و ضربتا فيهو و حفظتو ، قعدنا اتونسنا شوية بعدو كل واحد راح ع قسمو ،، عدا اليوم على خير رجعت البيت اكلتا و صليت و قعدتا احضر لي في مسلسل ...، تلفوني ضرب الرقم غريب دا اكيد عمر 🥹 ما ح ارد الا في المكالمة التانية عشان يعرفني ما ساهلة😌 الخط فصل و تاني ضرب رديت بعد مسافة الو ، اي وين خاتة تلفونك ،ولا نمتي يا كسلانة ؟ المهم جياني متين ؟ (دي صدمة عمري 😭) طلعت هيام ،ياخ الله يقبحك ما جاياك مع السلامة و فصلت فيها الخط ، حاسة نفسي ح ابكي ،لكن بنتظر شوية تاني خاتة تلفوني قدامي و كل شويتين برفع صوت النغمة و اتأكد انو ما في الصامت و تاني اولع الشاشة و اطفيو اكلتا ضفوري و انا منتظرة☹️ .....
الصباح مسكت تلفوني قبل أي حاجة و ما لقيت فيهو اي مكالمة😢 قمتا صليت و مشيت قعدتا مع امي شوية فتحت الشبكة لقيت شهد اونلاين ، طوالي رسلتا ليها صباحو ، و كيفك ، و كيف ناس البيت ،، ردت لي و تاني ما رسلتا ولا هي رسلت ما استفدتا، اليوم جمعة ما شغالين كدي امشي ل هيام ،ماشة و اتلفت يمين و شمال لا عمر لا ضلو ، حصلتا بيت ناس هيام خالتو محاسن كيفك ،رؤى خبرك شنو ، تمام الحمد لله ، هيام أبت تسلم علي هي مالك النفسنة قامت ؟ هيام = مالك امبارح تفصلي الخط في وشي، و انت مالك متصلة برقم غريب هيام = دا رقم رؤى + ما كان عندي رصيد ، طيب اسفين ارح نطلع فوق ، هيام = ليه مثلا😌 ، عليك الله حبيبتي انا محتاجة ليك🥹 ، طلعنا فوق و قلت لهيام اسمعي الفكرة دي اتصلي على شهد و اساليها من عمر ،، يا بت انت جادة لاا مستحيل و اصلا ما عندي رقما ، انا عندي ،، طيب انت اتصلي ،، لا بخجل ، و انا ما بخجل صح؟😒 ،، هيومتي ما تفهميني غلط انا م عاوزة شهد تحس بينا ،، هيام = ملاذ الامتحان قرب سيبك من عمر و اقري قرايتك تاني ما عندي ليك مساعدة في موضوع عمر يلاا انا ماشة اقرا .... كويس يا هيام طلعتيني زولة مهملة و ذلتيني يلاا مع السلامة ....
♡♡ كالعادة مرقتا زعلانة من هيام ماشة و اتكلم مع نفسي ...... فجأة شفتا عمر في نهاية الشارع واقف مع صحبو ( ح امشي باتجاهو عشان يجي وراي😌) جيت ماشي بقصادو عاينا لبعض و مشيت بعد مسافة حصلني سلم علي و قالي انت صحبت اختي و انا م عندي علم ؟ قلت ليو اي من ايام الثانوي ،،،قالي لكن اول مرة تجي بيتنا صح؟ لانو انا صحبات شهد كلم بعرفم ...... ، اي صح دي اول مرة المشكلة وين😒 ، انا ما قاصد حاجة ما تتضايقي☺️ ، ما اتضايقتاا اتكلمنا مسافة لقايت ما حصلنا باب بيتنا و انا ما حاسة انو عمر ماشي معاي ، بس الحمد لله الشارع كان فاضي ما في زول شافني ، شال تلفوني و سجل رقمو قالي بتصل عليك بعدين ما تنومي ، تمام .