قصة اصبح ادمانى
البارت الثامن عشر18
بقلم اسماء محمد
هيثم = طلعتي كذابة ملاذ انت مسحتي كلمتي عشان الود دا صح،، لااا😭 ،، صعب عليك تسمعي كلامي طالما شايفة نفسك كبيرة و ما محتاجة نصيحة ولا سند خلاص اخدي راحتك تاني ما ح اسالك،، لااا😭 الموضوع ما كدا انت اخوي للابد عليك الله اسمعني هيثم ما تديني ضهرك هيثم...... هيثم... ، امي سمعت صوتي و جات، ماما وريو قولي ليو عمر ما كعب، هيثم اتفاجئ لمن عرف بانو امي عارفة موضوع عمر، قاليها امي و انت كمان عارفة و ساكتة......... امي فهمت هيثم و رصت ليو نفس الكلام القلتو ليها بالحرف، ما اقتنع الا بعد ما اتصل لكم واحد من اصحابو و اولاد دفعتو ل عمر و عرف الحقيقة،، هيام اول مرة تسمع الكلام دا، حكيت ليها الحصل لي ايام كانت مافي.....
عمر خايف علي شديد افتكر انو هيثم يكون ضربني و عذبني بعد صلاة العشا تمامآ خبتو الباب، هيثم فتح، طلع عمر و ابوه سلمو و خشو، ادهم طبعآ مصدوم لانو ما عارف الحاصل، عمر طلبني من اخوي، ادهم قاليهو تعال بعد تلاتة يوم بعد نشاور اعمامنا، ابو عمر قاليو ابشر و طلعو مشو...... احداث سريعة زي الحلم 😳.
بعد مرقو جاني ادهم و حكيت ليو قصتنا الاسطورية😌 (ياخ اي زول الا احكي ليو صوتي قطع😖) قالي خير لكن انا ما عندي بت تطلع و تنزل مع ولد بدون اي علاقة رسمية،، (عجب لكن نسيت لمن كنت 24 ساعة انت و هيام لاصقين في بعض🥴) قلت ايه؟!! لا ما قلت شي شكرآ يا اعز اخ......
ل هنا الامور ماشة تمام، مرت تلاتة ايام عمر و ابوه جو راجعين ادهم قاليم اديناكم، اتصافحو و ابتسمو لبعض و قالو بعدا نتفق على العرس........
حاسة نفسي في القرن 19 اديناكم 🥴 دي ما طريقة انخطب فيها، مافي لا دبلة ولا حفلة و لمة لااا لاا لاا ما موافقة دي مهزلة....
كلمتا عمر قلت ليو عاوزة خطوبة تليق بي قالي حاضر كلمتا ناس البيت و وافقو، فؤاد قال ما تخلونا ورا، هو زاتو اعلن خطوبتو من شهد نفس اليوم،، حجزنا صالة واحدة و عملنا خطوبة ولا في الاحلااام،، المناسبة اتحددت بعد تلاتة شهور يعني بعد نكمل السمستر دا (دي سنتنا الاخيرة و ح نتخرج انا و شهد من نفس العمر 21سنة) ..........