قصة اصبح ادمانى
البارت الاول1
بقلم اسماء محمد
البت دي شايفة نفسا ع شنو؟! مغرورة المشكلة وين لو سلمت رافعة مناخيرة عاملة راسا الكبير، ما تضايق يا صحبي نحنا مافي زول بشوف نفسو علينا غرورا دا انا بحطمو كيف لكن؟ انا ثعلب مافي زول بغلبني، يا زول ما تلعب بالنار دي اخت هيثم و ادهم والله ينسوك خلقتك دي، انا زاتي ما هين ولا كيف يا صحبي ( ضربو كفوف بعض و غمز ليو ).......
ملاذ 😌 عسل بدون مبالغااات عندي اي شي لو طلبتا لبن عصفور اخواني بجيبوهوو لي، الميكب اكبر اهتماماتي و افكاري كلها خبيثةاحذرو😉 ما عندي مكان امشيهو في الحلة غير بيت ناس صحبتي هيام لانو اخوي بحبها ف بالتالي ما بمنعني امشي ليها، في شلة صايعين بقعدو العصريات في الشارع زمن حوامتي عاملين فيها عصابة و بلطجية عمومآ ما عندي ليم حااجة بجي مارة ما شايلاهم من ارضهم 😌.
طوالي بمشي العصر و برجع قبل المغرب،،
تقبضا كيف، ما عليك ح اقنص ليها لقايت ما يجي يوم و تتاخر و هنا نصطاد الفريسة ضحكو بخباثة😏، جات جات........
يجيكم عمى بركة النبي اكلوني عليك الله، حاسة نفسي ح اقع من معايناتم 🥴حصلتا بيت ناس هيام، قعدنا اتونسنا و ضحكنا و سرحتا في الونسة المغرب اذن ما حاسين تلفوني ضرب الو، وين انت لهسي؟ جاية في الشارع، ملاذ انتظري اقدمك الواطة ضلمت ثواني بس ارفع توبي، مافي زمن يا بت اصلا البيت قريب يلا مع السلامة خالتوو...... مرقتا الشارع فاضي الرجال خشو المسجد لصلاة العشا و توبي ما قصر اتشربك الا خميتو في ايدي ماشة و اتلفت.
بهناك، عمر زولتك جات براها، ايوة دا المطلوب اسمعوني ما في زول يهبشا ح نخوفا بس و اوع تعرفنا تمام ارح يا شباب......
قربتا على البيت بيتنا ورا المدرسة لمن حصلتا الفسحة جو علي نفرين من ورا الشجرة خفتا لكن واصلتا مشي فجاة ارفع راسي اشوف ليك ولد متبلم واقف قدامي و قطع لي الشارع قلت ليو زح لو سمحت قالي اول اقطعي تذكرة و انا طوالي نزلت فيو ضرب بكلام انت متخلف و ما عندك اخوات و انسان تافه و ما راجل وووو.... هاج بعد كلامي و اصحابو حاوطوني بقيت في نصهم غطيت وشي بتوبي مد ايدو و سحب التوب في اللحظة دي صرخت شديد صوتي وصل اخر الشارع الرجال جو جاريين من المسجد لميت خلق الله و لسع بصرخ من الخوف، جو اخواني و ساقوني البيت مقلعة عيوني و جسمي شغال هزاز امي حضنتني و هدتني لقايت ما نمتا، الصباح ادهم سالني و حكيت ليو الحصل معاي و سالني اذا بعرفم قلت ليو كانو متبلمين ما عرفتهم قالي طيب ارتاحي لبعدين، بعد صلاة الضهر ناس الحلة الرجال اتلمو و ناقشو الحصل معاي و عرفو انو الخوفوني من الحلة عشان كدا جوني متبلمين و اتفقو يشركو ليم ولو اتمسكو ح يسلموهم للحكومة جاتني هيام و خالتو محاسن عشان يطمنو علي، هيام انت راسك قوي خلاص مش قلت ليك تنتظري اقدمك ابيتي، الحلة امان اول مرة يحصل كلام زي دا،خلاص يا جماعة فكو السيرة دي ما حابة اتذكر، خلاص تمام حبيبتي انسي، بعد الحصل جاتني فوبيا من الطلوع بقيت من الجامعة للبيت ادهم يوديني و يرجعني، بقيت اخاف من الفسحة حتى لمن اكون راكبة في العربية لمن نحصل الفسحة جسمي بكش و بتذكر المشهد............