قصة لم يخلف بوعده
البارت الثامن8
بقلم اسماء محمد
الصباح جاتني ندى قعدت جنبي و مسكت يدي، سحبتا😒 مالك من صباح الرحمن؟! قالت لي ياسمين نحنا اخوات و صحبات ليه بتتعاملي معاي بالاسلوب دا،، يا بت الناس انت ما اختي و لا صحبتي انت مجرد انسانة انانية كانت في حياتي،، الله يسامحك..... البتعملي فيو دا غلط،، قلت ليها انت عارفة الغلط وين اني اتولدتا في اسرة متخلفة و انانية،، استغفر الله ياسمين لا اله الا الله، انت عاوزة شنو بالظبط؟؟ لو انا بالجد صحبتك و اختك هسي تمشي لمحمد و توريهو الحاصل عشان يختاني،، ياسمين ما فارقة معاك تكسري قلب محمد عشان مؤيد مؤيد نفسو ال قابلتيو قبل اياام و محمد عمرو من عمرك، انت عارفة رفضك دا ح يكسر قلوبنا كلنا ما بس محمد، ياسمين انسي مؤيد و ادي نفسك فرصة مع محمد استغفري و سيبي البتعملي فيو دا.... انا لسع ما كفرتا و هسي لو سمحتي اتفضلي، قالت لي راحتك اصلا امي رسلتني اقوليك البسي مارقين بعد شوية.........
اتصلت لمؤيد عشان اطمن عليو لقيت رقمي قافل اتصلتا كذا مرة........،، نزلتا تحت و مشيت السوق مع خالتو وصال و ندى و جبنا الدهب......
امي وعدتني تزوجني مؤيد (بتمنى ما تكون قعدة تكذب) امي مبسوطة و قعدة تجهز للمناسبة و عاوزة تعزم الدنيا و العالمين حيرتني، و بجاي بتقول لي ما تعملي مشاكل ح ازوجك من مؤيد في الوقت المنااسب
مر شهر و مافي خبر عن مؤيد و ترتيبات المناسبة ماشة امي ما رفعت ولا اصبع في الموضوع، فضل شهرين على المناسبة ، ما كنت قعدة افكر في المناسبة همي كلو مؤيد وضعو شنو،، قررتا اسال اصحابو خشيت صفحتو في الفيس و بديت اسال في ناس بقولو لي ما بعرفو حدهم معاه الفيس، و في ناس بقولو اخبارو قطعت، اسبوع و انا بسال من مؤيد بدون اي فايدة اتصلتا ل سراج قالي مؤيد في مصر و اهلو في عطبرة،( انا عارفة المعلومة دي) سالت لقايت ما لقيت واحد قالي (بعد شرحت ليو وضع مؤيد و انو مسافر بالتهريب) قالي ما عارف اذا زولك دا مع الجماعة الماتو ديل... قلت ليو موت شنو؟! قالي في ناس مرقو قبل شهر ماتو قبل ما يصلو الحدود الاوربية، (اكيد مؤيد ما معاهم) قالي في صورة للناس ديل ثواني برسلا ليك (منتظرة على اعصابي ) رسلي الصورة و مؤيد من ضمن الشلة و صورتو كانت واضحة عيونو +تفتو😔😔 و كل ملامحو واضحة(كنت قعدة ابلع في ريقي و اكذب عيوني)...............