قصة لم يخلف بوعده
البارت السادس6
بقلم اسماء محمد
جات امي بوراي، ياسمين البكا لزومو شنو؟ يا امي انا ما عاوزة ازوج محمد،، لو انت ما جاهزة ممكن نمد الفترة نعمل العرس بعد سنتين اها رايك شنو؟،، يا امي انت ما فهمتيني انا ما عاوزة محمد في حياتي........ ،،، ياسمين انت راسك دا فوقو حاجة، محمد تعرفيهو اكتر مني و مناسب ليك و ع طول بتكونو سوا و متفقين، ........ امي انت ما ح تفهميني سيبيني...(ما قدرتا احكي لامي عن مؤيد، ح تزعل و تقول دسيت منهااا ) الله........
طول الليل ما نمتا كنت بفكر في مؤيد، صحيت تعبانة مع ذلك استحميت و لبستا للجامعة، نزلتا تحت لقيت محمد منتظرنا بدل مهند، قلت ليو وين مهند، قالي بدلنا الادوار من اليوم ح اوصلكم الجامعة و مهند يوصل ابوي و عمي السوق، ركبتا اصلا محمد ما فارق معاي،، ندى كانت قعدة تحاول تتكلم معاي ابيت اعاين ليها فتحت معاي كذا موضوع ولا اشتغلتا بيهاا، حصلنا الجامعة و قابلتا صحباتي، باركو لي،، و كنت شاردة على طول لمن لاحظو لي، قلت ليم مافي شي.... كملتا يومي عادي محمد جا رجعنا و طول الطريق كان بونسني و انا ما نطقتا بكلمة، كنت قعدة ابتسم مجاملة🙃 ما من قلبي، حصلنا البيت طلعتا غرفتي و طفيت الضو و رقدتا في الارض قعد افكر في طريقة احكي لمؤيد الحاصل معاي.... تلفوني ضرب، لقيتو مؤيد الوو، كيفك حبيبتي، مؤيد انا ما كويسة، مالك يا ❤️ي،، اتراجعتا في آخر لحظة (مؤيد هسي عندو بحث تخرج + خريج احسن ما اخرب عليو فرحتو ) ،، مؤيد مشتاقة ليك،، ضحك بعفوية و قالي و انا كمان مشتاق ليك، عندك نت،، اي مفعلة،، تمام ح اتصل عليك فيديو كول، ...... و فعلآ اتصل علي، ياسمين وين انت؟ قلت ليو في الغرفة قالي ما عندكم كهربة مالك قاعدة في الضلام، قلت ليو انا طفيت النور لانو بسوي لي عيوني😁، قالي طيب لكن ممكن تخفضي الاضاءة ما تطفيها مرة واحد، قلت حاضر، كان قاعد يتظارف معاي لانو حس علي تعبانة،، قالي مالك قاتلة حيلك ولا دا من الشووق، قلت ليو اي يا ادماااني، قالي قلت شنو؟ ادمااني،، سكت مسافة بعدا قالي بوعدك افضل ادماانك و جنبك طول العمر و ما يفرقنا الا الموت ياسمين انا ما بتخيل نفسي مع بت غيرك قلت ليو حتى انا ما بتخيل نفسي مع راجل غيرك، مؤيد، قالي نعم، بحبك، قالي و تاني؟ نفسي اشوفك! قالي و تاني، حبيبي، و تاني ايودي و تاني،، تاني تصبح على خير بس قالي مالك ما قلت لي انت ابو عيالي(ترا الحب اوهامو كتييرة😂) طيب تصبح على خير يا ابو عيالي....... فصلتا الخط و فرحتي ما تتوصف نمتا مرتاحة و نفسياتي بقت فل.....
مر اسبوع و انا متحملة دغالة محمد و وجود ندى الانانية🤨 مؤيد اتخرج حضرتا تخريجو بالتلفون زاد وساامة و حلق تفتو😔...... بقيت متعجرفة مع ندى، و بتعامل مع محمد بنرفزة و هو متحمل و ما قاعد يشكي مرة كنت راجعة من الجامعة بمواصلات محمد قالي اوع تاني تركبي مواصلات و ليه ما انتظرتيني وووب ووب........... صرعني و زهجني قلت ليو محمد اختاني لو سمحتا ما عاوزة منك محاضر، اخوي عثمان شافني و سمع كلامي (دا فرعون الجزء التاني😉) لمن خشيت جو البيت جا بوراي و شحطني ل غرفتي (اخ وجعتني، عثمان في شنو انا عاملة شنو؟😭) قالي احترمي نفسك، محمد ح يبقى راجلك اوع ترفعي صوتك في وشو او تتلائمي مفهموم، (كنت محروقة من جوة، ما عرفتا من وين جاتني الشجاعة ) قلت لعثمان، انا لا عاوزة محمد ولا ح ازوجو،، عثمان كان مصدوم قالي بتقولي في شنو؟؟؟؟؟؟