قصة لم يخلف بوعده
البارت الثاني2
بقلم اسماء محمد
* نزلنا في بيت ود عمي سراج، مرتو استقبلتنا استقبال حار، بيتو رهيب و عندو ولدين جهزو لينا غرفة انا و ندى طلعنا فوق اخدت لي شور و نمنا باقي النهار، سراج = يا بنات بعد تصلو العشا اجهزو مارقين نتعشى برة.... يا سلام دابي حسيت نفسي معزز😌 صلينا و لبسنا احلا فساتين و نزلنا تحت لقيناهم جاهزين حتى الشفع لابسين مرقنا من البيت، سراج عربيتو صغيرة م بتشيلنا كلنا، سراج = العربية م ح تشيلنا بمشي لجاري مؤيد لو فاضي نمشي بعربيتو ( لمن سمعتا باسم مؤيد قلبي نبضاتو زادت و الفضول قاتلني عشان اشوف اذا دا مؤيد نفسو ولا تشابه في الاسماء) و فعلآ سراج مشى جاب مؤيد لكن ماا نزل من العربية سراج و محمد ركبو مع مؤيد انا و ندى و الشفع مع هيفاء زوجة سراج،، قلقانة م قادرة اركز لو طلع مؤيد بس الا تكون امي دعت لي،، حصلنا المطعم عيوني في العربية محمد و سراج نزلو و سراج كان قاعد يحاول يقنع مؤيد ينزل يتعشى معانا ~للاسف رفض دور عربيتو و مشا و ما عرفتو منو؟!! سالتا سراج دا منو قالي ود جيرانا ...... كان تعزمو يتعشا معانا، قالي عندو موضوع مستعجل لمن يخلص يجي يرجعنا،، دابي اتنفستا ان شاء الله يرجع ، اتعشينا في مطعم فخم و مرتب حتى التعامل راقي و الموظفين تحس بيم عزلو عزيل كلهن سمحاات، اتعشينا و انبسطنا مع بعض و سراج وعدنا نعيدا قبل ما نرجع كسلا،، بعد اكلنا قاعدين نتونس مؤيد جا خاشي المطعم مهندم و متانق، اسمر طويل + تفتو🥹 ما كان في كرسي فاضي في الطاولة حقتنا اضطر يقعد في الطاولة القصادنا،، قعد مقابلي طوالي عيونا جات في بعض اتمنيت لو يقيف الزمن في اللحظة دي،، محمد = ياسمين تذكري مؤيد جيتو في نفس الصايت في الباص (محمد بايخ على طول بخرب علي لحظات حياتي ) اتكلمتا ضاغطة اسناني من المغصة قلت اي اتذكرتو،، حسيت عيونو قعدة تقولي ياسمين عحبتيني عاوز رقمك عاوز اكون حدك (اي انا بفهم لغة العيون🥹) سراج قالينا ارح في قلبي(ارح وين انا ما شبعتا من شوفتو) رجعنا البيت و الليل كلو بتامل ملامحو و بتمنى نتلاقة تاني ،، نمتا بنفس، الصباح صليت حاضر و قعدتا احكي لندى عن مؤيد و الحوار ال كان بيناتنا في الباص،، ندى = ههههه ما تتكبكبي فوق الولد قدر دا يمكن خاطب او اقلاها يكون مرتبط،، اريتني لو ما وريتك لسانك نهائي ما بقول الخير، ارح ننزل نسلم على الجماعة، نزلنا و شربنا شاهينا قلت لسراج متين ح تودينا السوق قال بكرة قلت لا بكرة بعيدة اليلة و هسي كمان، سراج = انا شايف انو تخلو المشوار ل بكرة افضل لانو جايين من سفر طويل الليلة ارتاحو و بكرة بفضى ليكم النهار كلو،، لااا بتوديني ولا اشوف الدرب بوين؟! سراج اتفاجئ من ردي لانو اخر مرة زارنا كنت صغيرة و طبعي دا جديد عليو، غلبو الرد، ندى قلعت لي عيونا نظام اسكت 🤐 ولا اشتغلتا بيها كانو ساكتين و انا بربرب هسي بس تودينا لو لبكرة امشو بدوني،، ندى = ياسمين سيبي اللئامة الا بكرة و الموضوع انتهى، انت ليه ما عندك اي لباقة ما اي حاجة تخطر في بالك تقوليها اوزني كلامك شوية،، زعلتا من ندى شديد ما رديت عليها انا مافي زول برفع صوتو علي معقولة ندى شوفت هيفاء خلتا تذلني بالطريقة دي،، قمتا و دموعي عشرة عشرة طلعتا الغرفة و نزلتا شنطتي و طلعتا هدومي من الدولاب و دخلتا جو الشنطة و اتصلت لابو،، ابوي انا راجعة بكرة احجز لي، في شنو؟ مالكم راجعين، يا ابوي انا راجعة براي هسي تحجز لي، ابوي حاول يفهم مني الحاصل ما اتسهلتا ليو قالي تمام بححز ليكم التلاتة ما بخليك ترجعي براك،، جاني محمد و اعتذر نيابة عن ندى و حاول يقنعني بكل الطرق ابيت ليو نهائي
اثناء ما كنت بتكلم مع محمد سمعتا سراج قاعد يقول ل هيفاء مؤيد عازمنا فطور في بيتم (مؤيد عازمنااا؟؟ مؤيد السميح ) طيب يا محمد بقعد لكن ما عاوزة اتكلم مع ندى، قالي حاضر ، محمد شاكل ندى و حذرا، جاتني و حاولت تتكلم معاي ابيت اعاين ليها لانو زعلي كعب 🤨
مرقتا احلى فستان عندي و عملت ميكب بسيط و اتعطرتا خفيف، جاهزة اقابل كراشى