قصة لم يخلف بوعده
البارت الثالث3
بقلم اسماء محمد
♖لمن جيت نازلة سمعتا هيفاء بتقول ل ندى عندي اختي اكعب من ياسمين حساسة لدرجة تبكي على اتفه الاشياء....... قاطعتا كلامها و دموعي جاريةة ، انا ما كعبة سمعتوني انا ما كعبة هيفاء حست بالخجل و اعتذرت مني، قلت لااا دقيقة ما بقعد في بيتك، مسكتا تلفوني و اتصلت لابوي يحجز لي، ندى قالت لي فهمتي المووضوع غلط قلت ليها بعد قبضتك و انت بتقطعي فيني عندك عين تتكلمي معاي......... اثناء ما كنتا بتكلم سراج جا داخل قالينا مؤيد اتصل و قالي مالكم اتاخرتو،، بعد سمعة سيرة مؤيد هديت تلقائيآ و قشيت دموعي و ظبتا وشي في المراية،، ندى و هيفاء اعتذرو مني و فهموني بداية الحوار كانت شنو، رجعنا حلوين زي اول، و فعلآ مشيناا لمؤيد في بيتم(مؤيد و اختو وحيدين عند اهلو ابوه عبد الله و اختو متزوجة، فضل هو و امو اسيا في البيت، وضعهم المادي ممتاز ) جهزو سفرة سمحة، الاكل شعبي و متواضع طول الوكت كنا بنعاين لبعض و مافي طريقة نتكلم،، بعد فطرنا، اخدتنا الونسة و غيرنا مواقعنا لا اردايآ لقايت ما مؤيد قعد جنبي كان قريب مني شديد قالي تاني اتلاقينا يا ما سموك، ضحتا و قلت ليو يعني ما ناسي قالي انت حقارة، قلت ليو عاوز اخرب معاك وش 😂فك ضحكتو و فضل يضحك زي العوير لقايت ما محمد انتبه لينا........ محمد قاالي ياسمين تعالي هنا جنب ندى، قلت حاضر (نفسي اخنقو العارض دا).... ندى قالت لي مؤيد لو حلو من جوة كمان انت محظوظة،، بصراحة وسيم شخصية و كاريزماا....... و....... قاطعتا كلاما انت قعدة تتغزلي بالاكس حقي قدامي قالت ههههه لسع ما بقى حقك، قلت ليها بوري ليك مهند (اخوي مهند و ندى بحبو بعض بالسر مقضينها نظرات و مغازلات ) ندى قالت لي الله ذكرتيني لمن نرجع البيت ح اتصل عليو........
~~ سراج قال ارح قلت يعني خلاص ماشين 🥹(ما شلت رقمو امشي كيف) عمومآ ما باليد حيلة مرقتا و سبتا قلبي مع مؤيد السميح🥹..... رقدتا في سريري، قلت ل ندى قولي لي رايك شنو في مؤيد بدون هزار،، قالت لي صحي حلو و اسلوبي سمح لكن السمحين ما مضمونين بكون حولينو بنات كتار.......... مشكلتي بغلط كل مرة و اسالك، دمك بقري🤨 تصبحي على خير،
___ كلام ندى منطقي، اصلا خفة مني جريت ورا اوهامي يلا بلا مؤيد بلاا مسخرة... اثناء ما كنت بعاتب نفسي تلفوني ضرب، و الرقم غريب، رديت الو،،، اتخيلو طلع مؤيد نفسو ( جن غلب الفكي) سلم علي و وصلتو كيف مع انو نحنا جيران،، كان لطيف و مهذب، قالي عاوز يتواصل معاي اكتر، قلت ليو من وين جبتا رقمي؟! قالي سحبتا تلفونك براحة من فوق الطربيزة لحسن حظي ما فيهو رمز سجلتا رقمي و ضربتا فيو،،، طلعتا داهية لكن، ما عاملة رمز لانو مافي زول بشيل تلفوني................. اتكلمنا ساعتين من العمر🥹 قبل ما يفصل قالي خلي بالك على نفسك اول مرة اجرب احساس الاهتمام و العواطف و مشاعر كتيرة مختلطة لانو..(انا و ندى البتين الوحيدات في الاسرة في اسراء اخت ندى متزوجة مقيمة في الامارت،، انا و ندى مربطين و مكلبشين عديل الدكان م قعد نطلع الا الجامعة مهند يودينا و يرجعنا و ممنوع نخلط مع الاولاااد شفتو حياتنا ناشفة كيف.....) نمتا و ابتسامتي لآخر ضرس، صحينا بدري مشينا السوق كمية بواتيك لا تعد ولا تحصى جبنا ممستلزماتنا كلها......
♡♡ هيفاء شكرآ ليك عشان اتحملتيني و قعدتيني في بيتك ربنا ما يحرمنا من بعض، و سالتها من مؤيد قالت لي ولد اصيل،، قلت ليها اوعديني الكلام دا يبقى بيناتنا، وعدتني،،، اقترحتا لهيفاء تقول ل سراج يعزم مؤيد عرس صلاح........
و فعلآ سراج عزم مؤيد و قبل الدعوة(جاي عشاني🥹) الصباح مرقنا و يااا كسلااا..... طبعآ مؤيد جا ودعني من بعيد لكن (نفس الافلام، عيونا كانت حاضنة بعض من اللهفة،، آه يا السميح🥹) فارقتا مؤيد و رجعنا كسلا الايام مرت سرييييع و مناسبة صلاح في الاسبوع دا....... مؤيد بيوصل الليلة 😍.........