قصة لم يخلف بوعده
البارت الخامس5
بقلم اسماء محمد
☆☆ ياسمين لهسي ما نمتي؟، براك طبجتي الموضوع يلا نومي و خلي غيرك ينوم،،، ما قادرة.... صوتي بقى مبحوح من البكا ،، ندى = خلاص اتصلي عليو!!، و فعلآ اتصلت ما رد و رسلتا برضو ما رد، شكلو زعلان بالجد... ندى ارح نمشي ليو!! وين؟؟ في الصالون، يا بت جنيتي!! لا ما ماشة.... حاليآ ما جنيت لكن لو خسرتا مؤيد ح اجن و ما ح تعرفو لي علااج🥺،، نكدتا على ندى لمن زهجت و قامت معاي نزلنا تحت، لمبة الصالون كانت مولعة(هسي يكون قاعد يجهز في شنطتو😭) هسي نعمل شنو، قالت لي اتصلي، اتصلت و ما رفع، ارح نقعد برة في الجنينة نحرس الباب لمن يجي مارق نقبضو و ما نخلي يسافر، ندى = ياخ انت مجنونة جن ما ظنيت في مصح ح يقبلك،، اي بس و اي شي كمان ارح،، حصلنا الجنينة لقيت مؤيد قاعد في الكنبة، قالينا ما نمتو؟ لااا، ليه؟؟ ...... ياسمين = مؤيد انت بكرة مسافر؟ قالي لاا، بكرة ح احضر الدعوة، ما تخافي مسافر بعد بكرة عشان تاخدي راحتك.....، مؤيد انا اسفة على كلام جبيل، قالي طيب، قلت ليو بالبساطة دي قالي اي المشكلة وين؟!!!، طيب لشنو ما رديت على اتصالاتي و رسايلي،، قالي تلفوني في الصالون متين اتصلت؟ مؤيد اصلا تلفونو ما كان معاه ولا قرا رسايلي، قالي ثواني اجيب تلفوني، جاب التلفون و قرا الرسالة و ما ظهر اي ردت فعل؟؟ قالينا امشو نومي تصبحو على خير، دموعي نزلت شلاال، قالي مالك قعدة تبكي قلت ليو ما قعدة ابكي، قالي الدموع و المخاطيط دي ميكب حصري يعني؟ 😂......
♡♡رجع قعدنا و قالي اقري لي الرسالة دي قلت ليو انت اقراها، قالي انا امي، تقريها ولا.........، خلاص بقرا مؤيد انا اسفة +بحبك،، قالي ما سامعك (مؤيد انا اسفة +بحبك🥹) قعد يذلني السجمان، قالي و انا كمان بحبك + تصبحي على خير، و طبع لي بوسة في خدي😳 و راح (اول مرة اتباس في حياتي، جسمي ضرب كهربة عديل ) مسكتا خدي و طلعنا فوق ندى نامت، انا ما جاني نوم الليل كلو اقلب زي السمك في الزيت...........
اصبح اليوم الدعوة رتبنا البيت جو بنات خالتي و ناس الحلة و كمية من المعازيم و الخيمة برة ملانة......... لبسنا احلا فساتين و ميكب تقيل و آخر قشرة،، بالليل عندنا حفل زفاف في المورنقا، عدا اليوم علي خير ، الناس بدت تجهز للحفلة، لبستا فستان كبدي تحت من الركبة، و عملتا شعري كيرلي، و الطرحة في الكتف، اخواني ما شافوني لمن كنت مارقة من البيت اتفاجئو بي في الصالة و هاك يا معاينات و حمير (عيونم بتقول حسابك بعدين😁) العروس طلعت عسل مبالغة و صلاح برضو ما هين كان لابس بدلة عنابية و حالق حلو،، ربنا يسعدهم و يهنيم،، اثتاء ما كانت الحفلة شغالت اتصل علي مؤيد و قالي اطلعي برة، مافي زول، انا منتظرك في العربية،، سحبتا روحي براحة بدون ما احسس زول اخدتا بعضي و مرقتا برة، مؤيد فتح باب العربية و ركبتا مسك يدي و قالي انا بكرة مسافر، لاااا، قالي تخريجي بعد فترة بسيطة ح تحضري صح، قلت ليو ما متاكدة..... قالي تاني ح اشوفك متين؟ قلت ليو ما تسافر و دموعي عشرة عشرة (اول مرة احب و ما اتهنيت عذاب من البداية، وداع و فراق ) حنسني و قش لي دموعي و قالي طالعة عسل، ابتسمتا ابتسامة خفيفة و نزلتا راسي من الخجل، قلت ليو مؤيد انا كعبة،، قالي لااا ليه بتقولي كدا؟ امبارح زعلتك و طعنتك بالكلام ،، قالي ما زعلتا لانو عارفك بتحبيني، انت ما كعبة انت عفوية و عليك شوية جنون؟ مؤيد بخرب معاك هسي؟ ضحك و قالي لااا، مؤيد انا لازم ارجع قبل ما يفقدوني، قالي طيب، ما حبيت اودعك الصباح ما حلوة قدام الناس، انت هسي قاعد تودعني خلااص؟ قالي بكرة ح اطلع بدري و احتمال تكوني نايمة..... طيب توصل بالسلامة و خلي بالك على نفسك، قالي بس، اي تاني عاوز شنو؟! قالي مافي مع السلامة............
اليوم سبت صحيت قبل الاذان قعدتا مع مؤيد في الجنينة و اتونسنا لمن المسجد اذن قمتا دخلت جو البيت و مؤيد فااات، سافر نفس اليوم.
خلصت المناسبة و الناس كلها مشت، كنت قاعدة في الغرفة مع ندى، ندى لو مؤيد باسني عادي؟؟ قالت لي عادي، يعني ما عيب؟؟ هو عيب لكن نعمل شنو🙈،،، جا مهند و قالينا ابوي عاوزكم برة، قلت ان شاء الله خير........... مرقنا و لقينا الاسرة كلها مع بعض اضمينا للمة ابوي و عمي بنفس واحد (ندى خطبناها لمهند و ياسمين لمحمد) و بعد سنة نعمل المناسبة،، انا لو غنماية ما بعرسو لي بالطريقة، ممنوع اتكلم اثناء ما الكبار بيتكلمو، دفتا زعلي في قلبي لكن ما قدرتا احبس دموعي، ندى كانت مبسوطة و كل دقيتين تعاين لمهند و يبتسمو لبعض، ولا اتذكرت حبي لمؤيد، امي شافت دموعي همست لي اوع يشوفك عثمان........... قمتا دخلتا غرفتي و قعدتا ابكي(ما ح ازوج محمد لو يقتلوني)................