قصة لم يخلف بوعده
البارت الحادي عشر11
بقلم اسماء محمد
مؤيد حبي الاول، حبيتو بكل تفاصيلو و في كل حالاتو، حافظة اصغر ملامحو و صوتو للان في ذهني ، قفلت عليو في قلبي كل يوم بصلي و بوهب ليو اذكار و سور من القرآن ما نسيتو نهائي، سنتين ما كافية،، عمري ما يكفي انسااه ح افضل احبو و اتمناه في الجنة 🥹، للان بتفرج على فيديوهاتو و بحس بوجودو، بفرح لمن يزورني في احلامي ......
رديت المكالمة الو الو مافي رد، فصل،، ما اشتغلتا كتير بالموضوع واصلتا ونسة مع حبوبة،، حبوبة شوفي دا مؤيد، شوفي حلو كيف؟؟؟ حبوبة = هسي دا حلو اضنينو عاملة زي الطبق اللاقط، عاد يا يمة دا قطعة صوف، 😒😒 اديني تلفوني مع السلامة 🥺 (مؤيد حلاتو😌)،، ولا زعلتا من حبوبة لانو هي ما بتفهم في امور الوسامة و الاناقة😌.....
♧♧مؤيد = وصلتا السودان كنت مبسوط بشوفت امي و اختي، اتصلت ل ياسمين ما قدرتا انطق، صوتا الحلو ربط لساني .....
اليوم خميس محمد وعدني نتغدا برة بعد الدوام، طلعتا من المحاضرة، كنت بتونس مع صحباتي تلفوني ضرب رديت، الووو، ياسمين،،(استغفر الله دا صوت مؤيد ولا بتهيأ لي) الو معاي مؤيد؟!! مؤيد = اي مؤيد نفسو الكذبتي عليهو مؤيد نفسو ال كسرتي قلبو، .............. كنت سامعة صوتو لكن ما مستوعبة بقول في شنو فضلتا ساكتة و هو بتكلم و انا مستمتعة بسمع في صوتو،(اتذكرتا انو مؤيد ميت، شكلي جنيت، جاتني الاحداث العشتها و الايام الصعبة دفعة وحدة و كانو حصل امبارح، دوختا و ما وعيت على نفسي الا في البيت) فتحت عيوني لقيت امي و ابوي فوق راسي، ابوي سالني براحة مالك؟ قلت ليو مؤيد اتصل علي،، ابوي اعصابو تلفت الجو بارد لكن كان بعرق شديد و ما قدر ينطق كلمة(ياسمين جنت😔)امي عيونا ملانة خوف و دموع ضمنتي شديد و قعدت تبكي، ابوي مرق برة و اتصل ل محمد، محمد جا و سالني، اتكلمتي مع منو؟!! قلت ليو دا مؤيد، قالي مؤيد مات، لااا الصباح اتكلمتا معاه، محمد قالي ورينو اتصل عليك من ياتو رقم، مسكت تلفوني و وريتو رقم مؤيد، رجع فيو، الو، اي معاي منو، قاليو معاك محمد، محمد يا خاين ايامك انتهت في الدنيا، سرقتا مني ياسمين و انا ح اقطع نفسك و....... و....... ،، محمد = اسمعني انا لو قمتا عليك لساني اوسخ من لسانك، حصل سؤ تفاهم و انا ما اتزوجتا ياسمين و انت ما عارف الحاصل!!!! مؤيد = 🥹 ما عرستا ياسمين؟!! طيب انا اسف، انا جاي عليكم، وينا ياسمين، الوو... الوو، امي ياسمين............ ، ياسمين لسع بتحبني، ما خانتني امي ارح ماشين كسلا هسي، ما بقدر انتظر لبكرة ما عاوزا تروح مني تاني، ارح يمة (بقيت اهبل من الفرحة)... مرقتا من الخرطوم نفس اليوم حصلتا كسلا الساعة 2، نزلنا في بيت خالتي لانو الزمن متاخر، ما بقدر انتظر لبكرة بكرة بعيدة مرقتا بدون علم امي مشيت بيت ناس ياسمين و اتصلتا في تلفونا رد علي محمد (اعتذرتا منو و حكا لي الحصل مع ياسمين لمن كنت بعيد منها، و حكيت لمحمد قصة موتي..........) ندى كانت في البيت جات سلمت علي و قالت الزمن متاخر تعال بكرة + ياسمين نايمة، قلت ليها ما بقدر!!(قررتا ادخل غرفتا ) في البداية رفضو لكن اقنعتم على شرط ندى تكون موجودة معاي،، خشيت الغرفة و لقيت ياسمين نايمة حلوة بملامحا البريئة نفسا ما اتغيرت، قعدتا في الارض بعاين فيها و منتظر تصبح بوشي