قصة لم يخلف بوعده
البارت الرابع4
بقلم اسماء محمد
❀❀ سعاااد (امي البتريدني موت و ما بترضى فيني الكعب مدلعاني للاخر، شايلة ملامح امي و طول ابوي، علي ارداف فظيعة 🙈 بتعقدني ، ما قعدة انزل توبي الا في غرفتي🥺، ابوي اسمو بشير عندنا دكاكين عدة مفرعةة، اخوي عثمان و ياسر متزوجين ب اولادم، مهند اخوي و صحبي 🥰 احمد مثال للطيبة و طبعو هادي كانو م موجود ) عمومآ نحنا اسرة متماسكة و رجالنا عندهم كلمة،، صحيت بدري جاتني ندى و نزلنا الصالون حق الرجال و بدينا ننضف فيهو، الليلة الحنة و الناس بدت تجي، (الرجال في حتة و النسوان في حتة تانية ) اسراء حننت صلاح( العريس طبعآ) و انا حننتا محمد🥺و ندى حننت مهند و كانو مبسوطين، حسدتهم🥹 النهار عدا على خير، مسكتا تلفوني و اتصلتا ل مؤيد،، وصلتا وين؟ قالي انا اسف ما لقيت طريقة عندي بحث حق التخرج و ما يستحمل التاجيل، في اللحظة دي اتحطمتا و........... فصلت الخط،
♡♡مشيت لندى و قلت ليها احلامي اتحطمت، قالت لي مالك؟ قلت ليها مؤيد اتصل و اعتذر ، قالي ما جاي 😭، قعدت تضحك، قلت ليها قعدة تشمتي فيني؟؟، قالت لي يا بت مؤيد قاعد في الصالون جا قبل شوية سلم على امي و بارك ل صلاح...... ، عيوني قلبت قلوب قلوب❤️ كويس 😌يا معفن يعني قاعد تلعب باعصابي ح ارد ليك الصاع صاعين،، ندى خلت غرفتا للضيوف جات تبيت معاي، اها مؤيد ضرب ليك، ضرب تلاتة مرات و ما رفعت ليو و ما ح ارد عليو خلي يقلق و اعصابو تتلف زي ما بوظ لي اعصابي، عملتا تلفوني صامت و نمتا..........
♧♧ امي صحتنا بدري نضفنا البيت و فرشنا الملايات الجديدة، الدعوة بكرة و لهسي ما اتكلمتا مع مؤيد، النهار كان طويل و متعب 😩و بهناك مؤيد كان قلقان و مافي طريقة يسال مني و قاعد يتصل و مافي رد ، ققاعد على اعصابو،،، المغرب صليت و دخلتا غرفتي و شفت درب تلفوني بوين، مسكتا تلفوني لقيت كمية رسايل و مكالمات من مؤيد، اتصلت عليو رد من اول جرس يا بت وين انت من امبارح و..... و...، بكل برودة اعصاب قلت ليو مالك؟ 😒 قالي بحبك........ ، شنو؟!! قالي عربي واضح بحبك ياسمين ..... انا في اللحظة دي قلبي وقع تحت رجولي و غلبني الرد (مع انو ردي في طرف لساني و ما في زول بقدر يسكتني ) فضلتا ساكتة مساافة....... قالي ياسمين، قلت نعم،، قالي انت تنزلي تجي و لا انا اجيك،، تجيني وين انت ما نصيح، لو شافك زول بقتلوك،، خلاص انت انزلي تعالي،، مؤيد بطل جنون نحنا ما شفع الصباح نتلاقة،، قالي ما بصبر لبكرة يا جيتك يا نزلتي؟؟! ساعة و انا بحنس فيو بدون فايدة،، صحيت ندى و حكيت ليها قالت عادي، ندى يعني عادي انزل اشوف الولد بالسر؟ قالت لي عادي البسي توبك نطلع ما تخافي صحبتك خبيرة، ( انت و مهند طلعتو مجرمين) لبستا اقرب توب ندى اتاكد من النسوان كلهن نايمين و الرجال بعاد ما ح يشوفونا..... اتصلت لمؤيد و قلت ليو انتظرني في الجنينة، مشينا على امشاطنا و جينا الجنينة ندى وقفت بعيد و انا مشيت اتجاه مؤيد (هيبة و كاريزما، وقفتو تهبل 🥹) لمن جا علي رجعتا خطوة ورا، كلما يجي علي برجع خطوطين ورا، قالي مالك قلت ليو ما تقرب خليك بعيد، ابتسم و قالي حاضر، انا بحبك و عاوزك تبقي حلالي بصراحة كلمتا امي و وافقت،، لو ربنا سهل لي و اتوفقتا في الوظيفة بعرسك بعد سنة او سنة و نص بالكتير (اكيد قعدة احلم بحبك و بعرسك كمان الاتنين مع بعض، كتير على قلبي ) قلت ليو، انت متين عرفتني عشان تعرسني و شنو يضمن لي انك ما قاعد تكذب علي و بوسامتك دي🥺اكيد في بنات كتار حوليك، انا ما بتغشى،،، ردي كان صادم لمؤيد............ قالي كلامك زعلني لكن معليش و ما من حقك تقولي علي كذاب، اعتبري نفسك ما سمعتيني،، و مشى،، ندى قعدت تشاكلني و تخبتني...(صحي كلام ندى انا عويرة و ما قعدة اوزن كلامي) حتى انا بحبك يا مؤيد لكن ما عارفة الكلام دا كيف طلع مني انا ندمانة الليل كلو ببكي و بتنهد ما نمتا نهائي، بعد الحصل اكيد مؤيد ما ح يقعد دقيقة ح يرجع الخرطوم، خسرتو 😭..........