قصة لم يخلف بوعده
البارت الاول1
بقلم اسماء محمد
ياسمين قومي ، يا بت ... الله .. ليه بتحبو تقطعو لي نومي ، يا بت انت مسافرة ........( ياسمين بت وحيدة بين أربعة اخوان ، اخواني عثمان، مهند ، احمد ، ياسر ، ساكنين مع أعمامي و حبوبة في حوش واحد ، ندى حبة قلبي كيوتة و عسل بت عمي و صديقة عمري ) قمتا سريع استحميت و صليت و لبستا جاتني ندى و محمد منتظرنا برة ، اجهزنا و مرقنا( مناسبة ود عمي صلاح بعد شهر ، انا و ندى ماشين نجيب فساتين للدعوة و شوية مستلزمات للمناسبة من الخرطوم )حصلنا الشعبي ، و طلعنا في الباص ، ندى و محمد قعدو جنب بعض و انا قعدتا ورا ، في قلبي، ان شاء الله ما يقعد جنبي راجل او مرة عندها شفع ي رب ،، اصلي ما تميت نومي رجعتا نمتا،، الباص اتحرك و انا ما حاسة فتحت عيوني لقيت ولد قاعد جنبي لميت بعضي على الشباب و ناديت محمد ، ي محمد انت كيف تقعدني مع ولد ، الود عاين لي بغرابة و فضل ساكت ، محمد قالي كنت ح ابدلك مكاني لقيتك نايمة ما حبيت اقطع ليك نومك (محمد بحبني من الطفولة و نا ما شغالة بيو الشغلة ) محمد قعد جنب الولد و انا قعدتا جنب ندى ،، ندويتي ممكن نبدل قالتي ، لااا ، حاسة روحي مخنوقة قعديني جنب الشباك اتهوا شوية ،، ندى = هو وينو الشباك عشان تتنفسي، مقفل بالقزاز ، ( طبعآ بحب اقعد جنب الشبااك حتى في المواصلات ، قعدة اتخيل لي حياة و دنيا جميلة ، بجوب العالم في مكاني ) ، يا ندى انت زولة مسيخةةة ، مافي حل غير ارجع مكاني ، و فعلآ رجعتا مكاني، شامة ريحة عطر فظييعة معقولة تكون من اب تفة دا 😒 لااا
كنت سارحة في أحلامي.... محمد ، ياسمين الفطور ، انا ما باكل اكل الباص المكلفت دا شيلو مني ، طيب لمن نوصل اول محطة بنزل بجيب ليك قلت ليو سمح ،، الود القاعد جنبي قالي اسمك منو؟ قلت ليو ما سموني ، قالي يا ما سموك امسكي دا اكل عاملنو في البيت ، عاينت ليو بطرف عيني شنو؟!😒 قالي سندوتشات كرسبي خالتي سوتم ، والله ، كرسبي من البيت ،، قالي جربي ، مسكتا السندويشة (بخجل) و اكلتا لقيتا ظاابطة .... سالتو اسمك منو ؟ قالي مؤيد، و انت ؟ انا ياسمين ، قالي بتقري ؟ قلت ليو بقرا طب في السمستر الأول، ، م شاء الله افتكرتك ح تقولي في الثانوي ، صحي انت عمرك كم سنة؟؟ حمرتا ليو و قلتا انت عاوزني اخرب معاك وش 🤨 قالي آسف، عمومآ عمري ١٧ سنة ، و انت ؟ قالي انا عمري ٢٣سنة السنة دي خريج ، هندسة برمجيات ، بعد اسبوع ح انزل آخر سمستر ، انت بتقرا في الخرطوم ، قالي انا اصلآ ساكن الخرطوم جيت كسلا زيارة .......
انا و مؤيد اتعرفنا على بعض كويس ♥︎
رجعتا نمتا (نوم الغول ام شطور🤭 ما تستغربو رباية الحبوبات ) مؤيد كان سارح في ملامحي و افكارو تودي و تجيب و انا ما جايبة خبر الدنيا ، وصلت معاه يصورني كمان ،،( بوريكم قدام ، كيف عرفتا مؤيد صورني) صحيت بصوت ندى وصلنا يا بت فتحتا عيوني عاينت قصادي ما شفتا مؤيد فتشتو بعيوني ما لمحتو نهائي ،، خلاص يا انا راح السميح 😭 ..............