قصة انصهار قلب
البارت الثالث3
بقلم فاطمة سلطان
في المستشفى تحديدا بعد ان اخبرت مريم، مصطفي بمكان المستشفى لم يستطع احد ان ينكر قلق مصطفي علي زينة الذي لم يستطع تخبئته حتي و ان اراد ذلك عينه تكشفه .
كان خالد يقف مع زياد في الخارج بعدما حدث شجار بسيط بين زياد و مصطفي بسبب رفضه رؤيه مصطفي لزينة و لكنه بالنهاية حاول ألا يضخم الأمر تحديدا لمكان تواجدهم و أيضا لصداقته و معرفته بمصطفي، كان خالد و زياد في الاستقبال يحاولوا ان ينهوا بعض الإجراءات الخاصة بالدفن و ما الي ذلك .
زياد اردف قائلا بغيظ " صاحبك ده يا مجنون يا مجنون لولا ان الواحد في مستشفي مكنش سكت لان و لا الوقت و لا المكان مناسبين لكده "
خالد بتأفف و هو يحاول ان يهدأ من غضب زياد
" انتَ عارف مصطفي مش قصده حاجه هو قلقان و برضو سمع خبر وفاه رؤوف اتجنن كان في ما بينهم عشره برضو "
نتركهم في نقاشهم و ندخل الي الغرفة التي تتواجد بها زينة بعدما فقدت وعيها و اخذت تلك الحقنة المهدئة ، كانت نائمه علي فراش المستشفى الذي لا يتمني اي احد ان يكن فوقه، تحلم بأخيها و بوالدها و الكثير من الأشخاص الذي ربما فارقوا الدنيا
وضع مصطفي يده علي وجهها بعد محاولات بائت بالفشل بسبب ارتعاشه يديه و كأنه يعلم كل العلم انه فقد الحق في لمسها او القرب منها و لكن لا يستطيع ان يمنع نفسي بمسح دموعها المتساقطة علي وجنتيها، ابتسمت تلقائيا حينما وضع انامله ربما تلك الابتسامة بسبب رؤيتها التي كانت في عقلها، تري اخيها امامها و يضع أنامله علي وجهها و يمزح معها و لكن يترجاها ان تستيقظ
فتحت عينيها فجاه، لم تكن الرؤية واضحة في البداية و لكن شيئا فشيئا بدائت تتخذ طريقها في الوضوح لتضح لها هويته
قامت بفزع بعد ان ابتعد خطوتين للخلف ليعلم ان تلك الابتسامة هي حلم بينما الواقع اسوء
مصطفي حاول ان يقول أي شي لعله يخفف من عينيها التي تحجرت دموعها وتحولت الي ملامح غاضبة
" زينة اهدي صدقيني انا جاي اطمن عليكي مش اكتر، البقاء لله "
تحدثت زينة بنبرة حادة
- البقاء لله يا استاذ مصطفي .. لله و بس ده حقيقي عملت الواجب ياريت مشوفكش تاني و اياك تقرب من اي مكان انا فيه انتَ سامع
تخطته حتي تخرج من الغرفة لا تعلم من اين استعادت وعيها و كيف شعرت بقوة رهيبة و دعم دب في اوصالها ربما لا تريده ابدا ان يظن ان زينة ضعيفة فلقد فقد كل الحق الذي يمكنه من رؤية جرحها فلا هناك شي يجعل المرآة قوية اكثر من الخيانة و لكنها تكون غلاف قوي و لكن من الداخل يحمل الكثير من الصفحات المقطوعة و المحروقة و مكتوب بها اشد الكلمات وجعاً، امسك يديها لتنفض يده بسرعه رهيبة
" اياك تلمسني مره تانية انتَ سامع ابعد عن طريقي و الا هوريك اللي عمرك ما اتوقعته مني "
لتخرج من الغرفة و يخرج خلفها بأنفاسه الغاضبة و كأنه كان يتوجع ان ترمي نفسها بأحضان من طعن قلبها ألف طعنة و طعنة
وجدت خالد معه زياد قادمين ناحية الغرفة لتسرع بخطواتها و تذهب لهم
" دكتور زياد لو سمحت انا عايزه اشوف اخويا و عرفني وضع رحمة ايه و متخبيش عليا "
زياد بحزن فهو يعلم ان دخول تلك الثلاجة و رؤية الشخص ميت و هو بتلك الجروح و الإصابات من الصعب جدا علي اي شخص تحديدا لو كانت امرأه فهو تعرف عليه و كل شي كان واضح من الأساس بسبب المتعلقات الشخصية التي كانت موجوده في محفظته
-هتقدري تشوفيه يا زينة ؟ و بعدين انتِ اساسا ايه اللي قومك
زينة " ارجوك انا لازم اشوف اخويا لأخر مره و قولي رحمة وضعها ايه "
زياد " عندها خلع في الكتف و هتركب شريحه و مسامير في رجلها و شويه كدمات بس الوضع مش صعب و هي هتركبهم النهارده انا سرعت في الاجراءات و متقلقيش من حاجة الموضوع هياخد بس جلسات علاج طبيعي بعدها و هتبقي كويسة "
زينة بتجاهل تماما لوجود مصطفي الذي يحترق من الغيرة لمجرد انها تتحدث مع شخص آخر و تطلب منه المساعدة و لكن هل يوجد له حق التحدث ؟
" ارجوك يا دكتور زياد انا هتعبك معايا اخويا لازم يدفن بأسرع وقت شوف ايه اللي المفروض يحصل و اعمله انا لوحدي و انتَ عارف انا اخويا مبيحبش حد قدك من ساعة ما جينا و لا ليا حد اعتمد عليه "
اردف زياد بنبرة مطمئنة لزينة فهو يراها اخته الصغيرة و لا يحب ان يري اي أحد في موقفها، يري غضب مصطفي الذي يظهر كوضوح الشمس للجميع
" متقلقيش يا زينة انا هتصرف في كل حاجه "
كان مصطفي يقف غاضباً و الشرار يتطاير من عينيه و كلما يريد التحدث ينظر له خالد بالا يتفوه بحرف
خالد اردف قائلا حينما وجده علي وشك التصرف بتصرفات غريبة و جنونية
-البقاء لله يا انسة زينة طب مش هتتصلوا باي حد من بلدكم يعني يقفوا جنبك في وقت زي ده انا كنت اسمع ان عمك وعياله موجودين
زينة " انا معرفش حد غير اخويا و بنته اخويا كان حالف ان لو مات محدش فيهم يمشي في جنازته و معتقدتش هيفرق معاهم موته هما مسالوش في حياته علشان يدوروا علي موته، الميت واجبه الدفن و بس و شكرا علي وجودكم هنا ياريت تمشوا استاذ زياد موجود "
خالد و هو يراقب صديقه الذي علي وشك الإنفجار و ربما ليس هو فقط
- يعني لو في حاجه نقدر نعملها يعني استاذ رؤوف كان صاحبنا و حبيبنا الله يرحمه و المفروض اننا نقف جنبك دلوقتي احنا في الآخر يعتبر جيران
زينة تحاول ان تسيطر علي غضبها بأي شكل من الأشكال
- شكرا ليكم بس مفيش حاجه تعملوها و من الافضل تمشوا انتم عملتم الواجب
مصطفي بإصرار و لكنة لم يعلم انه ضغط علي زر الإنفجار " مش هنمشي لازم نق .... "
قاطعته زينة بنبره غاضبة تماما و لم يهمها احد و نظرت في عيونه نظره حادة
-لو سمحت امشي احنا في مستشفي و وجودك ملوش اي لازمة بالنسبالي امشي انتَ اخر واحد هقوله يقف جنبي امشي و ريحني و ارحمني وجودك اصعب من الموت و اصعب من اللي انا فيه اعمل حاجة عدله في حقي و ابعد عن وشي دلوقتي
زياد حاول ان يفض ذلك الاشتباك و ان يبعدهم عن بعض
" خلاص يا زينة انا هخليكي تشوفي رؤوف تعالي معايا "
لترمق مصطفي بنظره غاضبة ثم ذهبت مع زياد
و كان مصطفي غاضبا و علي وشك ان يذهب خلفهم ليمنعه خالد قائلا
-ما تبس بقا هو ده وقته البنت في حاله صعبة بلاش تزود عليها الوضع هو في ايه بينكم يا مصطفي اعقل شوية متفرجش علينا الناس هتطلع في الاخر انتَ اللي غلطان و واخد راحتك بسبب موقفها و ياله بينا نروح كده كده مش هيدفن قبل الصبح هي مش ناقصه تعقيد احنا في مستشفي هتروح تجرها مثلا ؟؟؟ و باي وجه حق ؟؟؟ اعقل شوية
مصطفي قبل ان يجلس علي احد المقاعد الموضوعة للاستراحة
" انا مش ماشي من هنا طول ما زينة هنا "
خالد " استغفر الله العظيم بكلم نفسي انا "
___________________________________
بعد مرور ثلاثة ايام تقريبا مازالت رحمة في المستشفى و ربما كان ت ضعيفة لدرجه ان معلق لها المحاليل و بعض المهدئات بعدما علمت بخبر وفاه والدها و انهيارها، في شقه رؤوف كانت زينة تجلس بمفردها تحديدا بعدما ذهب زياد و زوجته مريم فهم لم يتركوها ابدا .
كان تاركه باب الشقة مفتوح فكل دقيقه يدخل احد الاشخاص ليعزيها وكانت تتحدث مع مادونا في الهاتف التي تشاركها تقريبا الروح و نفس الحظ السيئ
مادونا بسخرية ممتزجة بالحزن
-كنت فاكره اننا شبه بعض في حاجات كتيره لكن مكنتش اعرف اننا نحس كل واحد يفقد عزيز عليه في نفس الوقت مكنتش اتوقعها ابدا
زينة بنبرة تحمل الكثير من الاسي و الالم
-في الاول و الاخر ده نصيب و مكتوب ربنا يرحمهم يا مادونا انتِ وحشتيني و محتجالك اوي
مادونا بابتسامة هادئة
-ايام و هتلاقيني عندك
زينة وجدت شخصاً مع دق علي الباب المفتوح و تنحنح ايضا
فأردفت زينة محدثة مادونا قبل ان تغلق المكالمة
" اقفلي يا مادونا دلوقتي و هرجع اكلمك تاني "
-اتفضل
دلف عوض من الباب ، فاردف قائلا هو يمسك سبحته كالعادة فهو اكثر شخص يدعي التدين و الخلق و لكن الصفتين بريئتان منه
" البقاء لله يا زينة "
زينة بنبرة هادئة " و نعم بالله "
عوض جلس علي كرسي يتواجد ناحية الباب
" والله انا مش جاي اقعد كتير و مجتش علشان العزا بس انا عايز اكلمك في موضوع انا عارف ان مش وقته بس بصراحه مفيش حل تاني "
زينة لم يأتي في بالها نيته إطلاقا او ربما رغم خداع مصطفي لها لم تكتشف الدنيا و لم تستطع معرفة النوايا
" انا عارفه ان حضرتك زعلان بسبب الحريقة بس ده كان غصب عني لما سمعت الخبر جريت نزلت و نسيت كل حاجه "
عوض بابتسامة خبيثة و يتصنع انه لا يبالي بأي شي
" لا خلاص مش مشكلة الحمدلله هي حادثة و عدت "
زينة باستغراب شديد " اومال عايز تتكلم في ايه "
عوض بتفسير و بنبره خبيثة فمازال احمق يظن انها انه اذا فعل معها هذا ستجد ان زواجها به الحل الوحيد للنجاة
" انتِ عارفه ان العقد انتهي شهر نوفمبر و كنا ناويين انا و الغالي الله يرحمه اننا نجدد العقد علي اول السنة بس بصراحة انا ابني راجع من الكويت هو و مراته علي اول السنة و انتِ عارفة ان العمارة كلها تمليك ماعدا شقة ابني و انا اجرتها لانه مسافر بس خلاص بقا هيرجع و ما باليد حيله مقدرش اقوله شوفلك شقة و انا هسيبك الشهر ده كله و ياستي التأمين اللي دفعه اخوكي هدهولك كامل علشان ده مش وقت اعمل معاكي حاجة زي كده و انا مسامح في اللي حصل و حتي ايجار الشهر ده مش عايزه "
كانت زينة تستوعب كلماته لتتحدث بغضب شديد و سخرية فهل هناك شي يستدعي الخوف كل شي قد ذهب
-انتَ عايزني اترجاك يعني انك تسبني انا و بنت اخويا اللي مريضه في المستشفى و الظروف اللي احنا فيها انتَ مش عاملها حساب وله ابوس ايدك كمان علشان تسبنا انتَ عارف مره ابويا قالي حاجه كان عندي حوالي سبع سنين كده
ليركز عوض معها بغضب و تستكمل زينة حديثها بنبره منفعلة تماماً
- اني معيبش علي واحده ست في موقف او كلام تقوله او راجل ناقص لانه زيه زيها بالظبط
عوض " احترمي نفسك يا زينة اعرفي مين قدامك "
زينة بسخرية و صوت مرتفع " قدامي راجل ناقص و حتي مش هحترم فرق السن لانك مش هتتحط في مقام ابويا لما جيت من سنه و طلبت ايدي ساعتها اخويا قالك لا افتكرك راجل خرفت لما كبرت و غلطت و فكرت في واحده اصغر من عيالك لكن لا طلعت راجل ناقص كمان و لما صدقت تحصل حاجة علشان تمشيني علي أساس اني هتحايل عليك مثلا و بعدين موضوع ابنك ده العب غيرها "
عوض " انتِ شكلك علشان اخوكي مات هطولي لسانك و تقلي في ادبك بني ادمه مش محترمه و لو دفعتيلي مال قارون ما هقعدك في الشقة يوم تاني و من دلوقتي تفضيها انتِ سامعه "
ليذهب عوض و تأتي مريم بعدما اتصلت بهما و جاءت مريم و حاولت ان تواسيها و ارسلت زياد ليتحدث مع عوض و لكنه كان غاضب جدا لا يقبل ان يجعلها تجلس هنا اكثر من غداً و طلب الا يتدخل احد مهما كان .
جاءها اتصال من المسشتفي بانها يجب ان تأتي حالاً بسبب انهيار رحمة التام و اصرارها علي الخروج بمفردها .
___________________________________
ذهبت الي المسشتفي و هي غافله عن الشخص الذي يراقبها منذ ان ركبت التاكسي حتي وصلت الي المستشفي و ذلك لان زياد قص لمصطفي ما حدث و ربما حاول خالد منعه من حدوث شجار بينه و بين عوض
دخلت الي الغرفة بعد ان اخبرتها الممرضة عن بكائها منذ ان انتهت الزيارة و ذهبت
جلست زينة علي طرف الفراش و قبلت يد رحمة بهدوء
زينة حاولت ان تتماسك قدر الإمكان فعلي الأقل لا تشعرها بما يحدث
-مالك يا رحمة بتعيطي ليه يا حبيبتي انا لسه سيباكي لما الزيارة خلصت و بجيلك اول ما بصحي
رحمة ببكاء " خديني من هنا يا زينة انا مش عايزه اقعد هنا لوحدي انا خايفة اوي "
زينة و تجاول الا تسقط منها تلك الدمعة التي تهددها بالفعل
" متقلقيش يا قلبي يويمن بس و هخرجك و هنرجع بيتنا و بعدين متعيطيش بقا كفايا وجع قلب "
رحمة بوجع شديد و ربما اصابت قلب زينة اكثر
" هو انا بقيت يتيمة الاب و الام خلاص "
-انا برضو يتيمه الاب و الام بس عمري ما حسيت بكده معاكي انتِ و رؤوف كنتم عيلتي و دلوقتي احنا كل حاجه لبعض رؤوف كان بيقول كلمة بنفتكرها هزار بيقول انا عايش مع رجالة، و هو ساب رجالة و احنا مش هنعيط
صدقيني ده مش هيفيدك حالتك النفسية مهمه يا قلبي لسه في جلسات، هتقضيها في العلاج الطبيعي عايز واحده تعافر لان انا ماليش غيرك يا زينة دلوقتي
رحمة احتضنتها و بكوا في أحضان بعض
بعدت زينه و مسحت دموع رحمة بأناملها ثم قبلت يديها مره اخري
- متعيطيش يا قلبي انتِ متعرفيش انا دخلت سرقه ازاي في وقت زي ده وله ازاي جيت لك و ركبت تاكسي و الله كنت مرعوبة بس مقدرتش اسمع انك منهارة و مجيش "
- انا عارفة انه قضاء ربنا بس علشان خاطري خديني من المستشفى حتي لو هقعد في البيت متحركش كفايا تكوني معايا انا مش عايزه مهدئات
زينة بوعد و هي تعلم انها غير قادره علي ايفاءه و لكن ماذا تفعل يجب ان تريح بال رحمة علي الأقل و يمكنها ان تجد اي شقة في الصباح
" هاخدك بكره يا رحمة وعد بكرة هاخدك "
رحمة " هو انا هعرف اطلع السادس "
- والله ما عارفة يا رحمة بس انا هاخدك بكرا و مش عيزاكِ تقلقي من اي حاجه انا عيزاكِ تكوني كويسه و بس و نفسيتك تكون كويسه صدقيني كل حاجه هتعدي و رؤوف هيفرح كل ما هنقدر نعدي الازمة دي انتِ عارفة ان المطر برا جامد اوي
- مش هعرف اقف تحت المطره بس انا بدعي اننا نكون كويسين و انك تبقي كويسة لأنك كل حاجه ليا
- ربنا يخليكي ليا يا قلبي لازم تشدي حيلك علشان الامتحانات الشهر الجاي ابوكي مبيكرهش قد اللي يتحجج بحاجه علشان الامتحانات زيي كده متبقيش بغبائي انا هخليكي تبدئي العلاج الطبيعي علطول نامي و متفكريش في حاجة
خرجت زينة بعد ان شكرت الممرضة و بعد ان نامت رحمة في احضانها، كان يجب شكر تلك الممرضة لما فعلته معها و دخولها بعد انتهاء الزيارات و تقديرها للحالة النفسية كان من الممكن ان تعطيها منوم او تتركها و لكنها انسانه
لتنزل زينة من المستشفي و تجد ان المطر قد اشتد لتغلق سترتها جيدا؛ و لكنها وجدت مصطفي بالأسفل لتمشي من جانبه دون ان تتحدث بكلمة حتي تعبر عن الغضب و تجاهلته تماماً
انفاسها مضطربة و تشير لأكثر من تاكسي للركوب لكن الجميع يتجه الي المنزل او ربما مشغول بأشخاص أخري
و ربما جاء شتاء قارص البرودة، تلك البرودة حلت في اوائل ديسمبر التي تتنافر مع لهفه و براكين العشق التي تتواجد في قلوب الاحبة، و تتنافر مع تلك البراكين التي توجد في قلب زينة التي تستطيع الانفجار في اي لحظة، تمطر السماء بشده هذه الليلة و كأنها تبكي علي حالها و تواسيها و هي تمشي بأنفاسها الغاضبة الحارقة تحت المطر، ينادي مصطفي عليها و يترجاها أن تتوقف فمنذ نصف ساعة علي نفس الحالة يمشي خلفها في الشارع الذي يبدو انه شبه خالي بسبب الطقس و لأن الساعة تجاوزت منتصف الليل ..
مصطفي امسك يديها و اوقفها بحده فيكفي
" استني هنا انا بكلمك كفايا بقا هتروحي علي فين "
زينة بعدت يده عنها بغضب شديد و وجع
" اياك تلمسني مره تانية و ياريت وشك مشفهوش ابدا ابعد عن حياتي مفيش حاجه اتغيرت و لا هتتغير مهما حصل سبني في حالي و لوحدي زي ما سبتني زمان ملكش دعوة اروح فين و لا اتصرف ازاي انتَ اخر واحد ليك حق انك تتكلم انتَ فاهم "
- زينة احنا في الشارع ده مش وقت جنان حكمي عقلك وتعالي نقعد في اي حته نتكلم مش معقول هنفضل ماشيين حوالين بعض
- عقلي هو انا بقي فيا عقل خلاص مبقاش فيه علشان احكمه و كلام معاك مش هتكلم خليك في نفسك مع مراتك و ابنك و زينة ايكش تولع ميخصكش لو جيت و قولتلك يا مصطفي اقف جنبي متقفش ريحني منك انتَ ليه مش قادر تفهم ان كل مصيبة حصلت في حياتي اهون من اني اشوف وشك
- زينة !! متختبريش صبري ارجوكي هتروحي فين في نصف الليل كده و الحيوان ده طردك ..
قاطعته بغضب
- ايكش اروح الكباريه انتَ مالك وله ايه دخلك بيا، انتَ من بقيه اهلي ؟
- زينة انا مقدر انك متعصبه و ...
-متقدرش انا مش عيزاك تقدرني عيزاك تحل عني اروح مكان ما اروح ملكش دعوه ابعد عن حياتي ارحمني و ابعد
-يا زينة ...
-ربنا ياخد زينة علشان ترتاح انا هقعد في الشارع اهو براحتي خليك في نفسك و الا هصوت و هعملك فضيحه و هقول انك عايز تخطفني ايه رايك بقااا
ذهبت و جلست علي الرصيف ليمسك هاتفه بعد ان ابتعد قليلا و لكنه لم يجعلها تبعد عن نظره .
____________________________________
في شقة رجب، كان رجب يجلس علي الاريكة و يغطي نفسة ببطانية سميكة و كأن الليلة انتقلت مصر الي اوروبا بسبب تلك البرودة الغريبة ، كانت همس تقشر البرتقال و تجلس علي كرسي بجانبة و تقريبا جعلته يأكل برتقالتين فهي تمد يديها و يأخذ منها وتركيزه الفيلم الاجنبي الذي يعرض علي الشاشة
رجب أخيرا انتبه لما يأكله " ما خلاص يا همي بطني وجعتني في ايه انتِ هتظغطيني برتقال "
همس بتأفف " الله هو حد لاقي وله هو تناكه علي الفاضي اهتم بيك تقولي مهمتيه ليه انا غلطانه ده كله فيتامينات علشانك "
رجب باستغراب " بس مش كده ياماما انا خلاص ناقصلي فص و هقلب شجرة "
همس " ان شاء الله عنك ما اتغذيت ده ايه ده، و ياريت تقلب شجرة انتَ عارف البرتقال بكام "
- بت اتعدلي، انتِ انا من ساعة ما جيت و انتِ عايزه تتخانقي في ايه روحك في مناخيرك ليه
- انا ابدا مفيش حاجة زهقانة تعبت اتخنقت يا عم
- مخنوق من ايه
- ايه اللي في الدنيا ميخنقش وله علشان مبتكلمش فاكر اني عايشه في هنا و سرور
- صباره بقا و اتوصي و ايه اللي خانقك يا ستي
قامت علي الكرسي و تزيح البطانية عنه
- انتِ بتعملي ايه
همس بسخريه " هتحرش بيك "
لترمي نفسها عليه بدون مقدمات و تتعلق في عنقه
رجب متألماً " اااه يا بنت الهبله في حد ينط علي حد كده نفسي اتكتم "
- ليه يا بابا انا فراشه هو انتَ خت غرضك مني و خلاص هترميني مش كنت محتاجه اتخن و اني رفيعه دلوقتي مش طايقني انتَ متجوز عليا يا رجب صارحني و متخبيش عليا
- غرض ايه يا بنت المجنونة هو انا كنت ماشي معاكي و هسيبك والله انا اسف لحماتي اني بغلط فيها كله بسببك انتِ
و هتجوز عليكي انا لاقي وقت اقعده معاكي أساسا
- بص انا بنت حلال انا قولت حاجه ؟ انتَ اللي قولت
رجب باستغراب و هو يرفع حاجبيه بينما هي تنظر في عينيه
" قولت ايه "
كانت تمرر يديه علي رقبته و هي تتحدث
- معندكش وقت ليا معني كده انك مهملني وله ايه انتَ عندك حسنه في رقبتك يا واد يا رجب انا اول مره اشوفها ازاي مختش بالي قبل كده وله دي لسه طالعالك
قهقه علي حديثها فهو لا يمل ابدا من الجلوس معها و لكن حدق عينيه بها قائلا
- واد يا رجب ؟؟ حسنه
- اديني حريتي انتَ بتخوفني متبرقش ما علينا ده مش موضوعنا
- حبيبتي ممكن بس تلوحي نفسك سنه نفسي اتكتم
- نفسك اتكتم انفاسي كلها ليك ياخويا يعني مش هعزها عليك
- لا محن في الحاجات دي مبحبش
همس تصنعت الجدية " انا لازم اتكلم معاك بجد يا رجب و متقاطعنيش لو سمحت "
- اتفضلي اتكلمي يا همس في ايه
- احنا لازم نروح لدكتور علشان نشوف يعني ايه المانع اننا مخلفناش يعني او محصلش حمل لغايت دلوقتي
و بالنهاية لا تستطع همس ان تكمل حديثها بجدية
- و بعدين متقلقش ياخويا الطب اتقدم في المواضيع اللي زي دي و هنلاقي حل
- طب لما امد ايدي عليكي دلقتي
- بهزر الله بتكلم بجد احنا لازم نشوف دكتور او دكتورة كويسة و نروح و انا شايفة ان الموضوع زيادة اطمئنان و ....
قطع حديثهم جرس الباب لتقوم همس من فوقه و يذهب ليفتح الباب و جسده يؤلمه بسبب ما فعلته تلك المتهورة
فتح الباب " ماما ادخلي "
دخلت نجاح و جلست علي اول كرسي قابلها
- البس و تعالي معايا علشان حصل مشكلة لزينة
اردف رجب قائلا
- ايه اللي حصل
- اخلص هفهمك اكتر في الطريق ياله انت لابس ترنج و خلاص زي ما انتَ
- طيب هدخل اجيب المفاتيح بتاعت العربية و اجي
دخل الغرفة فاردفت همس " هتجوزك ابنك صح "
- بت انا مش ناقصة هبل هجوزة الساعة واحده بليل