قصة انصهار قلب
البارت الثاني والعشرون22
بقلم فاطمة سلطان
اشهد أن لا امرأة ً.. تشبهني كصورة زيتية .. في الفكر والسلوك إلا أنت .. والعقل والجنون إلا أنت
والملل السريع ...والتعلق السريع .. إلا أنت
أشهد أن لا امرأة ً.. قد أخذت من اهتمامي .. نصف ما أخذت .. واستعمرتني مثلما فعلت .. وحررتني مثلما فعلت
أشهد أن لا امرأة ً .. تعاملت معي كطفل عمره شهران .. إلا أنت .. وقدمت لي لبن العصفور .. والأزهار والألعاب .. إلا أنت ..
أشهد أن لا امرأة ً .. كانت معي كريمة كالبحر .. راقية كالشعر .. ودللتني مثلما فعلت .. وأفسدتني مثلما فعلت .. أشهد أن لا امرأة .. قد جعلت طفولتي .. تمتد للخمسين .. إلا أنت
#نزار_قباني
________________________________
كان وائل يجلس علي المقاعد الموجودة امام المركز وبجانبه إيمان التي كانت تقص له مقابلتها لايتن وأنها لم يتغير أي شيء فيها فايتن كانت تجيبها إجابات مبهمه وتحاول ان تبعدها بقدر الإمكان عن اي شيء فالواقع ايتن تعلم ان إيمان إنسانه جيدة علي الأقل ولا تريدها أن يصيبها الأذي بسببها او ان يتعرض لها خالد
وائل أردف بملل من ذلك الموضوع
- ياريت تطلعي نفسك برا الموضوع قولتهالك بدل المرة ألف لو فضلتي تدخلي نفسك في مواضيع مع العيلة دي انتِ اللي هتخسري خصوصا ان اتنين من العيلة دي بيشتغلوا عندك
- مش فهماك
- ايمان بصي انا عندي مبدأ في حياتي انا اعامل الناس كويس واساعدهم كمان بس مش علي حساب نفسي لو مساعدة غيري هتيجي عليا بلاش منها
في واحد نصاب وحرامي عارفك وعارف بيتك وقاتل كمان ..
انسان مريض نفسي، اما حوار اللي اتخان ده مش سهل علي راجل تروحي تقوليله بنت عمك خانتك وصاحبك عمل كذا وكذا لأن اساسا هو ميعرفكيش
صحيح الساكت عن الحق شيطان أخرس زي ما بتقولي بس مش في كل الاحوال اللي يعرف حاجة ينفع يقولها تحديداً لو حد في موقفك
تمتمت بانزعاج وقلق
- انا تعبت ومبقتش فاهمه حاجة
- بصي مراته بقت عارفة وهي اللي لو قالتله هيصدق لكن انتِ بلاش تدخلي نفسك في اللي ملكيش فيه وقومي ياله روحي الوقت اتأخر
- ماشي مع السلامة
قالتها بيأس فهي من جانب تجد ان حديث وائل صحيح ومن جانب آخر لا يطاوعها ضميرها علي الصمت، توجهت الي سيارتها وانطلقت الي بيتها
_________________________________________
في بيت عائلة العدوي
دخل مصطفي المنزل بعد انتهاء عمله ورن الجرس في شقة والدته لتفتح له زينة وهي قلقة جدا
- مساء الخير اتعيشتم وله لسه
- اه .. لا ... لسه
- مالك يا زينة في حاجة وله ايه
قالتها بقلق فهي تعلم انه هناك الكثير من الأشياء ستحدث بعد إتصال ايتن بها وانها أتت بها الي هنا
- لا أبدا مفيش
ليدخل مصطفي ويجد ايتن جالسة معهم
- انتِ ايه اللي جابك هنا ؟؟؟؟
ارتجفت ايتن وما كانت زينة قوية او تستطع ان تدعي القوة فهي السبب في كل ذلك حينما اتصلت بها ايتن واخبرتها بذهاب خالد لها وتهديداته الكثيرة وحتي انها عاتبها بسبب أخبارها لخالد انها تعلم كل شيء وأخذت تضغط عليها ان تكن هي الواسطة لدخولها البيت
فلاش باك
في فناء المنزل
زينة : عارفة يا ايتن لو كل اللي قولتيه ده كدبة سخيفة منك لهخلي أيامك
ايتن : انتِ حره تصدقي متصدقيش بس ده اللي حصل حتي هو عايزني ارجع واوقع ما بينكم او علي الأقل لو فكرتي تقولي لمصطفي حاجة اكدبك، انا مش من مصلحتي احور عليكي لان اي حرب هفكر ادخلها معاكي انتِ الكسبانة وانا عارفة كده كويس
باك
نجاح حاولت الإجابة عن ايتن في النهاية هي قريبتهما ولا يصح التخلي عنها حينما تلجأ لهم
- زين الله يرحمه يا ابني وانتم مطلقين واي ان كان اللي حصل ما بينكم ده مش هيغير انها بنت عمك وانتَ ابن عمها فالنهاية كلنا عيلة واحدة ومُجبرين اننا نشوف بعض ونقف جنب بعض مهما حصل
أردف مصطفي بغضب
- والله انا معملتش حاجة معاها ولا في يوم من الأيام قللت منها برغم انها غلطت كتير اوي في حقي وكل مرة بحاول اني أحترم صلة القرابة بس انا لما بشوفها بفتكر أقل حاجة وهي موت ابني اللي لغاية دقيقة كان في ايدك ومحفظتيش عليه
أردفت ايتن باحراج وبتأنيب ضمير
- مصطفي خلاص الرحمة حلوة متشيلنيش ذنب موت ابني اللي كان ممكن الحادثة دي تحصل وهو في إيدك
أردف مصطفي ساخراً محاولاً بقدر الإمكان اللي يفلت لسانه بكلمات قد تظهر الكثير من الأشياء
- كانت دي الغلطة الوحيدة مثلا
قاطعته نجاح قائلة
- مصطفي خلاص يا ابني مش هنقعد نتكلم في القديم هي هتقعد معانا يومين كده وهتسافر لاختها وبلاش كلام ملوش لزمة
أردفت زينة أخيراً
- خلاص يا مصطفي
قاطعها مصطفي قائلا بغضب مما جعلها تغضب منه
- ياريت محدش يحاول يبدي برأيه في الموضوع ده بالذات
رمقته زينة بغضب ثم صمتت وحاولت ان تقدر حالته ثم تحدثت نجاح
- مصطفي أطلع علي شقتك يا ابني وبلاش تعمل مشاكل كفايا بقا
تحدثت ايتن مره أخري التي كانت تجلس بجانب همس التي لم تتحدث ابدأ ولم تحب التدخل
- مصطفي انا جيت مع زينة وعارفة من الأول انك مش متقبل وجودي بس لو تفتكر يوم ما اطلقنا قولتلي اننا ولاد عم مهما حصل وعموما انا مش عايزة اعملكم مشاكل فهمشي احسن ....
_________________________________________
في منتصف الليل، كان مصطفي يجلس غاضباً في شقته، وغاضب من الجميع وبالأخص زينة وألا يكفيه ما يدور في عقله منذ اسابيع بخصوص خالد وألا يكفيه موت طفله !!
قد كسر الفازٌ ( جمع كلمة الفَازَةُ ) التي كان يتواجد في غرفة المعيشة تقريبا فهو غاضب وبشدة من الجميع وتحديداً زينة التي أحيانا يشعر انها اقرب شخص له في الدنيا وأحيانا أخري يشعر بغرابتها، دقت زينة الباب وهي متوترة فتح لها مصطفي الباب ثم ذهب وجلس علي احد المقاعد وتركها فدخلت الشقة ثم أغلقت الباب وقبل ان تتفوه بكلمة واحدة تحدث مصطفي قائلاً بغضب وبنبرة مُرتفعة
- انتِ عايزة ايه يا زينة ؟؟؟ يوم مش قادرة تنسي خيانتك ليا واليوم التاني اتمسحت من ذاكرتك، يوم مش قادرة تقعدي هنا او انك تنامي هنا علشان سكنت فيها واحدة غيرك واليوم التاني تروحي تجيبها بنفسك من المستشفي، انا مش عارف انا مُحاط بناس عايزة تجنني او تموتني مش فاهم انتم عايزين ايه بصراحة
- مصطفي لاحظ انك بتزعق
نهض مصطفي ووقف أمامها ليتحدث بنبرة اكثر انفعالاً
- هو المفروض مزعقش المفروض ان اللي عملتيه ده عادي !!!! بصرف النظر عن ان امي حبت تقعدها في البيت وصعبت عليها، بينك وبينها ود للدرجة دي وانا اللي قطعته وفرقت ما بينكم وله في ايه فهميني اشمعنا حضرتك اللي خدتك الشهامة تروحي تجيبي الهانم من المستشفي وتيجي بيها
حاولت زينة ان تتحدث بأي كلمات قد تجدي نفعاً
- هي اتصلت بيا وقولت هي بنت عمك في الاول والاخر وبعدين واحدة استندت بيا عايزني اقولها لا
أردف ساخراً وهو يضرب كف علي كف
- واضح اني انا اللي بوظت صداقتكم الجميلة يارب اديني الصبر علشان الكل ناوي يقضي عليا، نفترض ان ايتن هانم صعبت علي زينة مرهفة الأحاسيس وقولتي هتتنيلي تروحي وتجيبي الهانم البيت مقولتيش لكيس الجوافة انا ليه ده انا مكلمك أكتر من عشر مرات يا مؤمنة متجننيش
أردفت بنبرة غاضبة فكلاهما يحمل الكثير
- علشان عارفة انك هترفض وبعدين يعني حافظ علي كلامك علشان بتغلط
- آسف يا زينة المفروض ان كل اللي عملتيه دي تصرفات طبيعية وانا اللي غاوي خناق؛ وبعدين ايه الشطارة دي بجد يعني عارفة اني هرفض وروحتي ده انتِ عاملة ليا حساب بشكل ميتوصفش
- مصطفي متتريقش، انا مبحبهاش علشان تبقي فاهم بس هي في الأول والاخر بنت عمك وفي ظروف وحشة يعني ..
قاطعها مصطفي ساخراً مما تتفوه به
- ظروف وحشة وانا عموما ظروفي حلوة كنافة بالمانجا ومهلبية كمان
- مصطفي انا مش قصدي اني اعمل حاجة من وراك ولا قصدي اني اضايقك بالشكل ده
- اومال قصدك تفرحيني ؟؟ ياريت تبطلي تناقض شوية
نظرت الي الأجزاء المكسورة هناك
- ايه ده
أردف ساخراً
- ده تأثير فرحتك عليا يا زينة
ثم ذهب الي الطُرقة ليذهب الي غرفته فأردفت زينة قائلة
- انتَ سايبني ورايح فين مش بكلمك
- رايح اتخمد واقعد لوحدي بس ما اتعصب عليكي لاني مش طايق نفسي لما اهدي نبقي نتكلم ان شاء الله
زينة أردفت قائلة بانزعاج فليحترقوا جميعاً
- مصطفي ارجوك يعني..
قاطعها قائلا
- زينة ياريت متقوليش حاجة لاني متعصب فعلا وردودي مش هتعجبك لانك معندكيش حاجة تقوليها والا كنتِ قولتيها، ياريت تلمي الحاجات المكسورة دي قبل ما تنزلي
ثم تركها غاضبة وذهب الي غرفته وجلست زينة تلم تلك الاشياء لاعنه الجميع علي ما حدث بسببهما لا تدري هل كان الافضل الا تعلم شيئا والا تدخل في تلك الاشياء اصبحت مشوشة كثيرا
________________________________________
كانت تقف في المطبخ دخلت حينما شعرت بالعطش لا تدري ما الذ جعلها تتذكر ذلك الموقف حينما رأت احدي الاطعمة الخاصة بالصغير ومازالت موجودة
فلاش باك
كانت مصطفي يمشي بجانبه زينة في السوق ويدخل الي محلات الطعام المختلفة فمرضت أمه قليلا وأجبر ان يشتري هو احتياجات الاسبوع ولم تريد امه ان يشتري من اي سوبر ماركت معروف اثرت علي الشراء من المحلات التي تتعامل معهم ووقفوا بجانب بائع اللحم وكان يجهز طلباتهم
مصطفي أردف بسأم
- خلاص متبوزيش في وش امي بقا انا مالي وبعدين انتِ دماغك فاضية وزعلانة بسبب ان واحدة اسمها علي اسمك كانت عندنا في المحل
أردفت بغضب شديد
- ساعة بتقول مدام زينة ومدام قطرانة وانا اتجننت بقول بيكلم مين واتكلم متردش والباشا مش مركز انه فاتح التليفون علي المكالمة وحتي نسي يقولي سلام علي العموم براحتك
- هو انتِ ايه اللي مضايقك مش فاهم واحدة جاية تشتري حاجات دي قد امي يا حجة انا مش فاهم انتِ غيرانه وله مشكلتك ان اسمها زي اسمك وله حكايتك ايه ياريت افهم
- اه انا غيرت واضايقت برضو ومبحبش اشوف حد اسمه علي اسمي يا سيدي مزعل نفسك ليه انا طفلة عندك حاجة تاني عايز تقولها
- تصدقي انا اخيرا لقيت حاجة تعصبك طب والله وبحلف اهو اول بنت هخلفها هسميها زينة لو ولد هسميه
توقف دقائق ليفكر ثم استكمل حديثه قائلا
- هسميه زين علشان تعلي صوتك وتزعلي براحتك
- هو بمزاجك وله ايه ؟ متحلفش او احلف علي نفسك انا مش رايحة اموت علشان تسمي علي اسمي هتفتكرني بيها يعني ايه الهبل ده، تصدق انتَ تاخذ شبكتك دلوقتي وتخلصنا
أردف مصطفي بانزعاج وقد تعالت اصواتهم بدون قصد
- صوتك عالي وبطلي عبط انا مش عارف انتِ دماغك مريحاكي ليه بجد
- انتَ مستفز وبتتعمد تعمل الحاجة اللي تعصبني حاجة صغيرة وتافهه اما انا بالنسبالي كبيرة
- ماشي ياستي انتِ عايزة ايه دلوقتي
- طلقني ..
كادت زينة ان تتفوه بما يُصحح ما قالته لتأتي امراه وتقاطعها كانت تسمع الحوار من البداية وستدخل الان وهي سيدة في اواخر الخمسينات من عمرها
- يا جماعة استهدوا بالله شكلكم لسه عرسان جداد ربنا ما يجيب طلاق لا حول ولا قوة الا بالله ده اكيد شيطان
نظرت لها زينة بغضب كادت ان تتفوه وان تقول لها ما شأنها بهما ولما تدخل فيما لا يُعنيها ولكن تدخل مصطفي قائلا بطريقة مسرحية
- قوليلها يا حجة عايزة تطلق وهي حامل كل ده علشان بنتناقش في الاسماء تخيلي كل يوم اجي معاها وهي بتجيب طلبات البيت علشان خايف تشيل حاجة تقيلة وبخاف عليها من الهوا الطاير ولا عاجبها حاجة
رمقته زينة بغضب واستغراب لتتحدث المراة
- عداك العيب يا ابني والله انا مش فاهمة البنات والشباب دول اللي مش عايزين يتحملوا مسؤولية اقل كلمة تقول طلقني يا ابني ده شيطان وبعدين هي الستات مجنونة كده اوعي تتهور في لحظة غضب ترمي اليمين وبعدين هو في واحدة لاقيه راجل يروح معاها السوق بنفسه
فأردف مصطفي مُتصنعاً الحزن كما يجب ان يكون
- اه والله يا حجة قوليلها انا مش فاهم اعملها ايه قايد صوابعي العشره شمع ومش عاجبها اكمني بحبها بتيجي عليا
أردفت زينة باحراج وغضب
- انتَ بتقول ايه
ليستكمل مصطفي حديثه
- سبيني اتكلم ياستي انا خلاص تعبت بمشي اكلم نفسي والله يا حجة عمري ما اتوقعت اني اشتكي مشاكلي لغريب بس تعبت انا بشر
لتتحدث المرأه
- يا بنتي ما تعقلي بقا وحافظي علي بيتك وجوزك وابنكم اللي جاي عارفة مناخيرك دي تدل انك حامل في ولد
زينة بغضب شديد حاولت كتمه والا تكون فظه مع امرأه لا تعرفها ولكن تحسست مناخيرها بشيء من الغرابة
- ولد ايه يا حجه انتِ بتقولي ايه مناخير ايه اللي بتتكلمي عليها
أردف مصطفي بانزعاج
- ولد وله بنت هيجوا يلاقي وله تلاقي امه وابوه مطلقين ويتشردوا
تحدثت تلك المرأة قائلة وهي توجه حديثها لزينة التي تنظر لمصطفي والشرار يتطاير من عينيها
- لا اعقلي يا بنتي ربنا ما يجيب ليكم طلاق اكيد في حد حاسدكم وبعدين دي الدنيا كلها مشاكل، وبعدين شكله بيحبك بجد يا خايبه يعني العيل بيجي باسمه
لياتي احد العاملين في المحل بأكياس اللحم والتي أخذت المرأة تنصح زينة وتعطيها الوصايا للحفاظ علي بيتها وتخبرها بأن تكف علي الدلال حتي لا تأتي من تأخده منها، ثم تحركوا وما ان ابتعدوا عن السوق قليلاً
- انا قسما بالله لاوريك تأخد اوسكار حقيقي
- طموحي اني امثل بس بابا الله يرحمه كان واقف في طريقي، صحيح انتِ خلصتي حاجتك وله لسه فاضل خمس شهور علي الفرح علشان لو نقص ايه انا هتجوز يعني هتجوز امين !!
- لا مهوا ده هتحضره لوحدك وهتتجوز لوحدك
قالتها بسخرية
باك
ابتسمت تلقائياً حينما تذكرت ذلك الموقف، وأمسكت كيس البن الخاص به وذهبت اليه في الغرفة وكان نائم في فراشه أخبرته قائلة
- اعملك قهوة قبل ما أنزل
قال بلا مبالاة وهو لا ينظر لها
- ماشي
ذهبت الي المطبخ مرة أخري وافرغت الكيس كاملاً علي الرخامة ووضعت ماء بارد وقهوة في فنجان بدون أي صنع ولونت له الرخامة باللون البني
ثم توجهت عند الباب وفتحته وأردفت قائلة قبل نزولها بصوت مُرتفع
- مصطفي القهوة في المطبخ لو سامعني انا نازله
قال من الداخل بصوت مُرتفع أيضا
- طيب
ثم هبطت الي الأسفل وهي تدعي له انه يتذوقها بهناء ليتجاهلها مثلما يريد ...
_________________________________________
في الساعة السابعة صباحاً
في بيت خالد كان يجلس مستيقظاً منذ أمس
فأردف والده حينما أستيقظ من نومه للذهاب الي المرحاض
- هو انتَ صاحي ليه لغايت دلوقتي ؟؟؟
أردف خالد بنبرة حانقة
- رايح مع مصطفي مشوار
- رايحين فين ؟
- مش عارف والله هو قالي انه عايزني معاه في مشوار
- ماشي ابقي اتصل صالح اخوك يا اما والله ما هعرفك تاني
- الله هو اي مصيبه وخلاص تدخلوني فيها غلطان انا علشان بصلح ما بينه هو وطليقته ده بينهم عيال
تحدث والده ساخراً
- قسما بالله متخلنيش اقل منك اكتر من اللي قاله ليك اخوك يا بجح
خلاص غارت في داهية مراته وطلقها فانتَ احترم نفسك بقا ولا تصالح ولا تنيل علشان قسما بالله ما هدخلك بيتي تاني لو مصالحتش اخوك هو انا علشان تجيب ليا مصايب وبس
- صح نسيت عيالك كلهم هما الملايكة وخالد الشيطان انا نازل اهو علشان ترتاح
_______________________________
في بيت عائلة العدوي
استيقظت زينة من نومها، فعقلها ملئ بالأفكار فلا تعلم ماذا تفعل تجد ان من الممكن ان تخبر رجب، وأحيانا وأحيانا تجد ان الفكرة ليست صائبة تماما، اغتسلت وارتدت ملابسها استعداداً للذهاب الي العمل
وكانت علي وشك ان تصفف شعرها ولكن دق الباب فاستغربت فلا أحد يستيقظ في البيت بأكمله في هذا الوقت
فتحت الباب وجدته مصطفي مبتهجاَ والابتسامة تحتل ملامحه
مصطفي بنبرة حانية
- صباح الخير يا قلبي !!
- صباح النور
ليدخل مغلقاَ الباب كانت علي وشك سؤاله الي اين يذهب في هذا الصباح الباكر ليأخذها في أحضانه ويشدد قبضته عليها
زينة باحراج من ان يستيقظ أحدهم واستغراب ايضا فهل هو لم يعلم ماذا فعلت
- في ايه يا مصطفي ابعد كده
- لا ابدا ابعد ازاي انتِ زعلانه مني وانا امبارح كان أسلوبي وحش معاكي وانا ميهونش عليا زعلك
لتشعر بالسكينة في أحضانه لدقيقة تقريبا ولم تأخذ بالها من ذلك الشيء الذي يحمله في يده، اخذ يخرج مطحون البن ليأخذ منه ويضعه علي شعرها وملابسها من الخلف وحينما شعرات برائحة تلك القهوة النفاذة
لتبتعد عنه ليس بمسافة بعيدة ولكنها شعرت بالغدر
- انتَ عملت ايه
- استني اقولك عملت ايه
ليضع يحطه الممتلئة بمطحون البن ويخبط وجنتيها بكفوف يده ويحركهم بعشوائية علي وجهها لتتحدث زينة بصراخ وصدمه
- يخربيتك انتَ بتعمل ايه بسس
تحدث بغضب واستفزاز
- انا ههريكي قهوة علشان تلمي نفسك انتِ مش اقل من الرخامة اللي غرقتيها بالبن اللي بروح مشوار ساعة ونصف علشان اجيبه ده انا كنت هلحسه من الرخامة يا مفتريه من قهرتي وتخليني امسح فيها بليل ومغرقة الارض بن وقال ايه عملتلك قهوة يا مصطفي
قالتها بغضب فهي لم تتوقع فعلته
- انتَ بتهزر هتأخر علي الشغل بسببك يخربيت كده بجد انا غلطانة اني بكلمك
- اه بهزر حتي شوفي
ليضع يده علي رقبتها
- بطل بقا انتَ مجنون
- لا وانتِ كنت ست العاقلين باللي هببتيه في الاخر صح تعالي اوريكي الجنان
ليحاوطها بذراع واحد وحاولت ان تبتعد عنه ولكن أحكم قبضته ليلحس بلسانه أحدي وجنتيها ولكنها دفعته أخيرا
- والله لاوريك
- معلش هي الرجالة كده لما تبقي كويسه بتتمادي ها ايه تاني؟؟
ليتوجه الي المرحاض ليغسل يده لتقذفه زينة بأحدي الوسائد المتواجده علي الأريكة ولكن لم تأتي به ليضحك ضحكة مستفزة ثم دلف الي المرحاض
- والله لاوريك يا مصطفي !!
قالتها بنبرة منفعله لتدخل الي غرفتها هي ورحمة وتحاول إخراج ملابس أخري بدل الذي افسدها بسببه وشعرها الملئ بالبن علي الأغلب ستحتاج الي الإستحمام مره اخري
لتسالها رحمة التي لم تنام حتي الان وسمعت أصواتهم بالخارج ولم تستطع الخروج فشعرت بالكسل من ارتداء الاسدال
- ايه اللي عمل فيكي كده وصوتكم عالي ليه
أردفت ساخرة علي حالها
- بعمل ماسك قهوة عناية بالبشرة يا رحمة
- دلوقتي ؟
أردفت بغيظ وسخرية
- اه عقبالك هوريكي النتيجة بعد غسيله
وحينما خرجت من الغرفة لتتوجه الي المرحاض كان قد ذهب ...
_________________________________________
خرج مصطفي من باب المنزل ليجد خالد منتظره فأردف قائلا
- كل ده يا ابني بقالي ساعة واقف وبرن عليك مبتردش
مصطفي بنبرة هادئة " صباح الخير الناس بتقولها الأول "
خالد " صباح النور مش ناوي تقولي رايحين فين "
مصطفي " هنزور حد من اللي اتصابوا في حادثة المخزن الراجل لسه راجع من الصعيد وخف وكنت عايز منك طلب ومحرج يا خالد والله مكنتش ناوي اطلبهم دلوقتي اوي "
خالد " طلب ايه ده "
مصطفي " عايز الفلوس اللي ادتهالك ساعة عمليه والدتك لاني محتاجهم "
- بس مش هعرف أحضر مبلغ زي ده دلوقتي ولا بابا
- اتصرف يا خالد اسف اني بطلبهم فجاءة بس انا حصلت ظروف وعايزهم خصوصا ان الفلوس دي مكنتش بتاعتي لوحدي ...
_________________________________________
في شقة همس
كانت تجلس ومعها ايتن التي لم تتفوه باي كلمة منذ ان أتت صامته تماما فاردفت همس بنبرة مستغربة
- مالك يا ايتن ساكته خالص يعني
- مبقاش في حاجة اتكلم فيها
أردفت همس باستغراب
- هو ايه اللي بينك وبين زينة يعني تخليها هي اللي تجيبك واشمعنا انتِ اتصلتي بيها
- مفيش حاجة يا همس وبلاش اسئلة في الموضوع ده قريب انا هريحكم مني خالص وبشكرك انك مستحملاني في بيتك بعد كل اللي عملته معاكي
نظرت لها همس باستغراب فهل ستقتل نفسها ؟
_________________________________________
بعد مرور يومين
كانت نجاح ذهبت لزيارة صديقتها حينما علمت بمرضها بينما همس في شقتها هي وايتن التي تلتزم الصمت وتقضي أغلبية أوقاتها نوم
اما رحمة كانت قد ذهبت الي دروسها التي بدائت منذ أمس تقريبا، واخبرت زينة ان هناك مدرس آخر ستجربه وأن والد صديقتها سيوصلها الي المنزل فهي صديقتها منذ سنوات وتعلمهم زينة فكان والد صديقتها يوصلهما أحيانا وأحيانا رؤوف أن كان متواجد
دخلت زينة البيت ووقفت تنظر لنفسها في المراة التي تتواجد في فناء المنزل وتتحدث مع مادونا في الهاتف
- قسما بالله يا مادونا انا فرحانة فيكي فرحة
- ..............................................
- ايوة ايوة اكدبي انا فكراكي قاعدة مع ابوكي في المستشفى وانتِ قاعدة بتشقطي يا هانم
..............................................
- متحلفيش يا مادونا متحاوليش انتِ هتوافقي وياريت تخلصينا بقا والله حاسه ان ابوكي هيفخه معرفش ليه دكتور في نفس تخصصه بقا
- ...........................................
- ترفضي ايه خلاص انا رايحة اختار الفستان انتِ بتقولي ايه يا ماما
- ............................................
- لا سيبك مني انا مبخلصش وحكاياتي مبتخلصش وبالنسبه للموضوع اللي كلمتك فيه انا معملتش حاجة زي ما قولتلك لما ينزل من إجازته ممكن اقوله ولسه مترددة انا مبقتش عارفة حاجة بجد
- ...........................................
- هجيلك بكرا اجازه بقا
- .............................................
- ماشي مع السلامة يا قلبي
لتفتح باب المنزل وتجد الأنوار مضاءة ومصطفي يرتدي ملابس المنزل ويجلس علي الأريكة بعدما جاء من العمل وعلم غياب الجميع فالواقع حتي هو اصبح لا يحب تلك الشقة وليست زينة فقط
فأردفت زينة قائلة
- بتعمل ايه هنا مفيش شغل وله ايه
أردف بنبرة باردة
- انا حر والله انا كلمتك ؟
- هي بقت كده ؟؟
- اه بقت كده وبعدين مش بعتلك حاجات علي الواتس مش بتعبريني ليه مش قولتلك الناس هتيجي تشتغل في الشقة واختاري السراميك والحاجات معبرتنيش من إمبارح
- احسن واعبرك ليه بعد ما دهنتني بالقهوة وبعدين خلاص مش هختار حاجة
- ليه بقا
- اختار ازاي وانتَ مبتكلمنيش يعني هتكمل واحدة وبتجهز شقتك اللي هتعيش فيها مع واحدة مبتكلمهاش
- مدخليش المواضيع في بعضها دي حاجة ودي حاجة تاني يا ماما
أردفت ساخرة وهي تجلس بجانبه
- يا سلام !!
نظر لها بغيظ
- اعترفي انك غلطانة الاول بدل ما انتِ مصممه انك معملتيش حاجة
- خلاص انا غلطت فعلا ومعترفة بكدة يا مصطفي بس انا معملتش حاجة هتفيدني انا قعادها يعني هيريحني مثلا ؟؟ تفتكر كده؟
قالها بألم
- انا عمري ما كرهت حد قدها وعمري ما في حد نجح يأخد مني كل حاجة حبيتها زيها، محدش فيكم قادر يفهم اني مش طايق اعرف انها موجوده في نفس البيت طب اقولك حاجة هتصدقيني وله لا ؟
- من امته قولت حاجة مصدقتهاش
- انا ساعات لما بطلع علي السلم بحس بدم ماشي عليه، عارف ان السلم مفيهوش حاجة بس انا بشوف
بلاش كده عارفة اني لما بشوفها بشوف دم علي ايديها بشوف دم علي رقبتها، مريض نفسياَ بقيت بس افهموا أن وجودها في بيتنا انا مش متحمله
وضعت رأسها علي كتفه وشبكت أصابعها مع أصابعه بغضب منهما هما من وصلوهم الي تلك النقطة تريد البوح بما تكنه ولكن تخاف عليه ان يقتل أحدهم، حاولت الحديث لتدعمه وتعلمه انه كل شيء لها
- عارفة والله وحاسة بيك بس مهما كانت وحشة يعني مينفعش تسيبوها يعني وهي هتسافر بكرا وله بعده وهتروح لاختها تحل مشاكلها معاها
- زينة انا شاكك في صوابع أيدي دلوقتي متعمليش حاجة تاني حتي لو كانت صغيرة او بأي تفسير صح او غلط لاني مش هستحمل اشك فيكي انتِ كمان
تسارعت دقات قلبها لتساله باستغراب وقلق
- مش فهماك شاكك في مين
- مش لازم تعرفي المهم انك تعرفي اني مخنوق وبمر بفترة صعبة فبلاش تصغطي انتِ عليا
- لو ضغطت الدنيا كلها عليك اتأكد اني مش معاهم قولتلك قبل كده، اتأكد ان مفيش حد حبك قدي ومفيش حد مستعد يبيع النيا كلها علشان متنزلش منك دمعه ويشوف ضحكتك والله بحبك أكتر من نفسي
قبل رأسها واخذها في أحضانه محاولاً تغير تلك الأحزان
- ربنا يخليكي ليا، شوفي هتختاري ايه من الحاجات اللي بعتها لو تسمحي يعني تتجوزيني وتكملي معايا رغم رخامتك ورغم الجنان اللي أحنا فيه
أردفت بغرور ودلال
- امم هفكر
أردف ساخراً
- انتِ لسه هتفكري هو بقا في حاجة حضرتك لسه هتفكري فيها يا قلب ماما ؟؟؟
قالتها بغرور وبنفس النبرة المدللة
- اه عادي !!!! لازم متسرعش في خطوة زي دي
تحدث بمكر
- خلاص براحتك افضلي اتكبري عليا وسبيني راجل عازب ومكتئب لواحدة تأخدني او انتحر أيهما أقرب
- بعد الشر عليك وبعدين انا لو سبتك مع ستات العالم كلهم هثق فيك
لينظر لها بشك فيعلم غيرتها عن ظهر قلب
- يعني نصف نصف انك مش هتبص لغيري او انا مش هديك الفرصة أساسا انك تكون مع ستات العالم او ست واحدة
- وانا مش هسيبك ولا خلاص ينفع تتراجعي انتِ ليا طول عمرك زمان ودلوقتي زينة قلب مصطفي وعمرها ما كانت إلا كده
ليقبل رأسها وتحدث بمكر
- ريحتك قهوة هو انتِ مستحمتيش كويس وله ايه ؟،
قالتها بغيظ وخبطته في صدره
- اه معفنة بقالي يومين مستحمتش نفضت القهوه من عليا وخلاص
أردف غامزاً
- عادي هيبقي طعمك احلي بالقهوة
ليهبط ليشم عنقها أيضا وأردف بنبرة خبيثة
- لا شكلك فعلا مستحمتيش كويس
أردفت بغيظ
- طب لف وارجع بقا ومتصدعنيش متقربش مني علشان في حشرات كمان ممكن تنط عليك من شعري بتتغذي علي البن اللي حطيته
أردف بنبرة حزينة أجاد تصنعها
- لا اله الا الله انتِ ساكته علي كل ده ازاي ؟؟
- معلش وبعدين انتَ مش مخاصمني
- اه ولسه مخاصمك بس الحاجات دي محتاجة جنان إحساس مفيش اكتر منهم عندنا وبسرعة
- بسرعة ايه مش فاهمة
- لا انتِ عقبال ما تفهمي درس رحمة يخلص والمشلول يقوم يرقص وهنتعب
- انتَ بتهرج ؟؟
- اه بهرج وكضايق منك بس هتصالحيني من غير ما تحيي ازاي قوليلي ازاي
- ازاي
- انا هقولك ازاي بس لسانك ده يدخل جوا بوقك ميطلعش كده علشان اعرف اتعامل من غير فصلان
- لا حبني قولي كلام حب
- ممكن اعمل مقولش ؟؟
- لا حبني عايزة اسمع كلام حب معلش
- يابنتي احنا سمعنا كتير جه وقت الفعل
_________________________________________
في صيدلية خالد دخل حمصه وأعطاه ورقة بها بعض العالجات التي تحتاجها والدته لكنه لم ياتي بسبب ذلك
- حلوة العربية الجديدة بتاعتك يا أستاذ خالد
- مش بتاعتي يا اسلام بتاعت جوز اختي بعت فلوسها وجبتها عقبال ما يجي
- اومال دفعت 60 الف جنيه بتوع أجهزة المعرض في ايه ؟؟؟؟