قصة الوردة الباكيه
البارت العشرون20 والاخير
بقلم نجلاء فتحي
مر ٨ شهور وربنا رضا ورد والحمل أستقر وفعلا أشتغل علاء عند مصطفى بمرتب ٣٠٠٠ جنية وحياتهم أتغيرت للأحسن وعلاء قدم أفكار جديد نالت أعجاب مصطفى جدا ،،،،، منة وورد علاقتهم رجعت أقوى من الأول علاء/ ورد أنتى فين
ورد/ تعال فى الأوضة
علاء/ مروة وجوزها جاين
أنصدمت ورد / أية أزاى فؤاد جاى
علاء بضيق/ أفندم
ورد أبتسمت/ حبيبى بيغير دة فؤاد سيبك منة أنت إللى فى القلب
أبتسم علاء بغرور وقال أيوة كدة اتعدلى ،،عايز عزومة تشرف وفى مفاجأة
ورد/ بجد أيه
علاء/ على العزومة وبالمرة أعزم مصطفى وأختك
ورد/ أخواتى أول مرة يدخلوا بيتى العزومة أمتى
علاء/ لسة بدرى
ورد/ يعنى أمتى
علاء/ بكرة
ورد بعصبية/ أنت بتستهبل يا علاء ثم صوتت فى وشة عااااااااااااااااااااا وجريت للخارج ترتب أمورها وتنظف بيتها
علاء/ ههههههههه لسانها طويل بس بحبها هههههههه
بقلم نجلاء فتحى عاشقة الكلمات
أتى موعد العزومة فرشت ورد بيتها كأنة يوم عيد وعملت أكلت وأرتدت عباية بيتية أستقبال حمراء اللون مطرزة وعليها حجاب أوف وايت طويل قد أشتراها لها علاء من حر مالة فخلال ال٨ شهور بدأت يشترى لورد ملابس ويجهز بيتة ويحوش من ال٣٠٠٠ جنية مرتبة ولا ينسى أمة ثم سلمت على منة التى أول مرة تدخل بيتها والتى ترتدى فستان طويل وفضفاض وحجاب وبدون مكياج أبتسمت ورد لما شفتها بلبسها المحتشم الذى أصر مصطفى على ألتزامها بية ومعها أبنها الرضيع ومصطفى يرتدى طقم كاجوال ومعهم زيارة عبارة عن ٣ علب جاتوه نوع غالى فى كل علبة صنف مختلف وعلب كبيرة ،،،وصنية فضة للديكور بداخلها شكولاتة غالية ومنه قدمت هدية ذهب لأختها عبارة عن خاتم وأسورة ذهب أخذتها ورد وهى مكسوفة فهذا دين عليها أخر وشكرت أختها ثم قدمت شنطة سفر بعجلات فيها ما يلزم البيبى من ملابس بيتى وخروج وشتوى وصيفى وداخلى ومنتجات عناية للبشرة من الأخر شنطة تكفى البيبى لمدة سنة من المنتجات ،،،والملابس تكفى سنتين وقالت دى هدية مصطفى لنونو
ورد بصدمة/ دة كتير أنا جبت لية
مصطفى حب يساعد علاء بطريقة شيك خصوصا أنة أب وعارف أسعار منتجات وملابس الأطفال غالية / الهدية لا ترد وبعدين أنا جوز خالتة ولا أيه أزعل بجد
علاء/ كتير خيرك ربنا يقدرني وأرد جمايلك
مصطفى/ جمايل أية أحنا أهل بطل هبل
أبتسمت ورد وشكرت ربنا ودعت بينها وبين نفسها لجوز أختها بالرزق الكثير فهى جهزت شنطة البيبى لكن مش كتير كدة وفعلا الشنطة دى وفرت ليها فلوس كتير أوووى ثم شالت الزيارة فى الثلاجة والشنطة فى غرفة النوم لأنها كبيرة للغالية ولما شافتها أعتقدت أنهم مسافرين عايزة تخرج للشارع وتقول أختى هنا من فرحتها وهنا دق الباب ودخلت مروة التى لم تراها منذو ٨ شهور من ولادة منة ومعها فوزى أبنها الذى طير داخل حضن ورد خالتة وفؤاد جوزها ومعهم زيارة عبارة عن قفص مانجا وقفص برتقال وقفص يوسفي وسباطة موز كبيرة وقفص خشبي بية ١٠ دجاجات بلدى وقفص أخر فية ٨ أجواز حمام و٥ 🦆 ٥ ديك رومى 🦃 وخروف غير الحلويات صنية كبيرة بسبوسه وصنية كبيرة هريسة وصنية كبيرة جلاش
【ملحوظة الصنية إللى أقصدها إللى البياع بيقطع منها الحلويات الكبيرة خالص دى مش عارفة حد عارفها ولا لا ممكن تشفوها فى المحلات الكبيرة أو فى عربيات الباعة الجائلين】
وشوال كبير أرز ١٠٠ كيلو و كرتونة مكرونة بيها ٢٤ كيس وزن كليو وشوال سكر فية ٢٤ كيس وزن كيلو و٥ كراتين زيت فى كل كرتونة ٢٤ زجاجة وزن كيلو إلا ،،،،،،و شوال بطاطس وقفص طماطم وقفص مشكل بتنجان على فلفل على كوسة الزيارة كانت على عربية لوحدها الحارة كلها أتفرجت عليها وأفتكروها صباحية عروسة
😉زيارة مين أحلى مصطفى ولا فؤاد 😉عن نفسى فؤاااااااد يكسب 🥰🥰
أتسعت عين ورد لما شافت العربية من البلكونة وأم علاء بقت تذكر الله وتقول للجيران إلى طلعوا يتفرجوا قالت بكل فخر دول أهل مرات أبنى والعربية الأبهة دى بتاعة جوز أختها التانية تقصد مصطفى
ورد / لية تعبة نفسك كدة
مروة بتعالى/ أول مرة أدخل بيتك وبعدين دة فؤاد إلى جايب كل دة القلب وم يريد
ورد/ لينا قاعدة يا مروة مع بعض أنتى فاهمة غلط على العموم تشكرى أنتى وجوزك أعمل أيه بالأكل دى كلة علاء مالى البيت الحمد لله
مروة بسخرية/ ماهو واضح ثم دخلت من البلكونة للداخل
منه/ متزعليش منها أزاى مش محترمة أنك أختها الكبيرة هى كدة رخمة وفؤاد مظلوم معها
ورد بصدق/ مهما حصل لا يمكن أزعل منك ولا منها أنتم أخواتى وأنا كبيرة واجبى أظلل عليكم وأحميكم ، حضنتها منه وقالت أنا بحبك أووى لو مبقتش مرات مصطفى معرفش كنت عاملة أزاى حياتى كانت بايظة مصطفى حنين وأتحملنى كتير دة ودانى أماكن عمرى مرحتها وأكلنى وشربنى عارفة هو بيغير عليا ونفسى ألبس لبسى القديم ومكياجى وحشنى وهو رافض يقولى ألبسى وحطى ليا فى البيت أنا وبس برا لا
ورد/ حافظى على جوزك يا خايبة لبسك كدة حلو عجبك المحزق والملزق والمكياج بلا نيلة وهو مش حرمك أهو قالك فى البيت ربنا يسعدك
منه / يارب ،،، أنتى السبب لولا إللى حصل ومصطفى جية عند فؤاد مكنش شافنى وأتجوزنى ،،،،،،،،،،ورد
ورد/ أممم
منه/ فى نونو جاى فى السكة
ورد/ نهارك أسود أبنك صغير دة ٨ شهور ودراستك هتقدرى
منه/ مصطفى ملهوش غير أخت ونفسة فى عزوة وربنا عايز كدة
ورد بأبتسامة/ عندك حق ألف مبروك ولا كبرتي يا منة وبقيتى أم عاقلة
منه/ أم أه عاقلة أشك ثم أنفجروا يضحكوا
بقلم نجلاء فتحى عاشقة الكلمات
ثم رن جرس الباب وأتت المفاجأة التى قال لها علاء لورد وهى زيارة أمها وأبوها لأول مرة برضو فى بيتها دخلت الأم وحضنت ورد لكن الأب لم يهتم كالعادة بكت ورد ونزلت على ركبتها بصعوبة بسبب حملها تقبل رجل أمها وتقول أخيرا دخلتى بيتى شوفتى بطنى أنا حامل ،،،،بيتى حلو أزاى ثم وقفت وشدت حماتها وقالت دى مش حماتى دى عوضت غيابك دى أمى التانية حضنتها حماتها وبكت من كلام ودموع ورد وقالت لية تحرمى نفسك من حنان بنت ذى ورد
أم ورد غارت من حمات ورد وقالت سوء تفاهم
كتمت أم علاء غيظها فهى غارت أيضا منها وكأن ورد بنتهم هما الأثنين ثم مسح علاء دموع ورد وقال أيه رأيك فى المفأجاة دى أهلك كلهم هنا حزنت ورد فأمها لم تأتى من نفسها وفسرت أن علاء أصر على حضورها حتى حضنها لم تشعر بية لكنها تجاهلت هذا وقررت تعيش اللحظة مع أهلها فلا تود تحرج نفسها أمام جوزها وأمة
علاء/ بسرعة يا ورد جهزى الأكل
ورد رغم حزنها لأن أمها رغم حضنتها أمام الجميع تشعر نفور أمها منها وبعد وقت جهزت ورد السفرة وكانت عبارة عن أرز و مكرونة ونوعين من الطبيخ وفراخ ولحمة وسلطة ومخلل وعيش ولا ننسى الجلاش باللحمة المفرومة
[ أصل أنا بحبة ومش بعرف أعملة 🤣🤣]
و ورد خايفة الأكل ميعجبش مصطفى لأنها دخلت بيتة مرة واحدة لما كانت بتسد دين العباية وشافت الخدم والمستوى العالى وكانت القعدة كالأتى جلسوا على الأرض لأن السفرة صغيرة، ،ورد بين زوجها وحماتها وأمامها أمها وأبوها وبجوارها على اليمين منة ومصطفى وعلى الشمال فوزى ومروة وفؤاد الصغير
مصطفى/ ياااااة من زمان مقعتدش فى الأرض أكل،،،،، كل جمعة كنا بنتلم فى بيت جدى الله يرحمة ونقعد نفس القعدة الأكل حلو أوى منه مش بتعرف تطبخ
منة بضيق / أنا
مصطفى/ أكدب يعنى ثم أكل قطعة جلاش باللحمة وقال أتعلمى أممممم حاجة عظمة
ورد فرحت/ بألف هنا
فؤاد/ وهو بياكل الفراخ، ،،،ورد أصلا طباخة بريمو وفى كل حاجة تكسب
أمسكت ورد زراع علاء زوجها فهو يعلم نوايا فؤاد الخبيثة لزوجتة وقالت مقبولة منك يا أبو فوزى طبعا أنت أخويا الكبير تسلم يا غالى والنبى لو ليا أخ مش هيعمل معايا كدة أنت أحسن أخ فى الدنيا وكانت قاصدة تطول فى الكلام معاه حتى توصل رسالة لية قبل زوجها يتعامل معها بمبدأ الأخوة
نظر ليها فؤاد بعيون عذاب عاشق حقيقى فقالت بعد أذنك يا علاء عايزة أقعد مع فؤاد لوحدينا
علاء/ نعم مع مين مع جوز أختك ولوحديكم
ورد/ فوزى أخويا وبس ممكن،،،،،،،
مصطفى الذى يعلم نوايا فؤاد وأصلا مش بيسريح لية وبيغير على زوجتة منة رغم بينهم لا يقبلو بعض لكنة أخذ فكرى سيئة عنة فقال فيها أية سيبها يا علاء جايز العقدة دى تنهى حاجات وفاتحة خير خلينا نرتاح وافق علاء غصب عنة ثم بدأوا ياكلوا أما الأب الحاضر الغايب فى وسطهم وبياكل بنهم شديد ومتجاهل الحديث
[وبعد وقت جلست ورد مع فؤاد فى غرفة ،،،وبالخارج مروة وعلاء فى قمة غضبهم ]
ورد/ أسمع يا فؤاد من غير لف ودوران عارفنى كويس وعارف أنا أيه بحب جوزى أوووى ومش شايفة راجل غيرة
فؤاد/ بحبك
ورد/ شعورك آيه لو عارفت مروة على علاقة بواحد غيرك وهى على ذمتك دلوقتى هتعمل أيه
فؤاد/ أد"بحها
ورد / تخيل دة شعور جوزى دلوقتى وأنا معاك رغم عارف بحبة قد أية يافؤاد خلى حبك ليا حب أخوى صدقنى محتاجة أخ فى حياتى ركز مع مروة شوية علشان خاطر أبنك،،،،، شوف مصطفى غير منه للأحسن أزاى حياتنا صعبة أبونا لو ميت كان أحسن فى حياتنا نقرأ الفاتحة ونبدأ صفحة جديدة عايزة أنت وجوزى مع بعض مصطفى وعلاء علاقتهم بقوا أصحاب وفى يوم هيكونوا أخوات عايزاك تكون أخوهم الثالث أنت مش وحش بلاش تمشى وراء شيطانك منظرك قدام أبنك لما يكبر أيه كلنا بنخطأ ولما نتجوز ونخلف نلتزم علشان عيالنا يتشرفوا بينا حط أبويا قدامك ربنا بيحبنا أنا وأخواتى ووقعنا مع رجالة ذى الفل،،،،،، يا فؤاد ربنا كرمك بزينة الحياة الدنيا المااااال والبنون أبدأ مع مروة صفحة جديدة هى برضو معزورة جوزها أهملها وحابب أختها صعبة قولها عيوبها براحة وأتصافوا وهى كمان تقول عيوبك وتقبل منها وكل واحد يصلح علشان المركب تمشى
فؤاد/أنا مش متعلم ومعرفش الألف من كوز الدرة أختك دايما بتتنطط عليا علشان معها دبلوم ونسيت أنى صرفت عليها ال٣ سنين بتوع الدبلوم فى بيتى وأنا وراعت متجوزها صغيرة أختك بتقل منى أدام الناس وبدأ يحكى عيوب أختها
ورد/ قول لها وأسمع منها على فكرة كل بنات حواء واحدة مفيش واحدة أحسن من التانية كلنا جسد واحد نختلف فى الشكل والطبع بس أفتكر أى موقف حلو بينكم وبعدين تعال هنا قبل يا أبو فوزى متحصل كل دة مروة مستحملاك وأنت بتعاكس الرايحة والجاية ويما أقولها أطلقى منة أقسم بالله تقولى بحبة مروة لو مش بتحبك مش هتطيق تقعد على ذمتك حتى لو أهنتك سامح علشان خاطرى
فؤاد/ حاضر يا ورد من هنا ورايح هتكونى ثم غمض عيونة وقال غصب عنة أختى ثم خرج من الغرفة ،،،أخذ علاء ينظر لة بنظرات غل وهو كذلك و مصطفى نظر لورد ثم علاء ثم لفؤاد ومش فاهم حاجة
ورد/ مروة تعالى عيزاكى وبعد وقت خرجت مروة من الغرفة وقالت فؤاد عايزة أروح يلا سلمت على الجميع ونزلت من بيت ورد هى زوجها وأبنها وأثر دموع فى جفونها ولا أحد يقدر يتكلم ويسأل فقد سمعوا صوت الأخوات من المعاتبة ثم الصراخ ثم العتاب ثم البكاء ثم الصلح
،،،،أستأذن مصطفى ومنة ورحوا بيتهم ثم أعطى لعلاء أجازة تانى يوم غصب عن علاء لأن ورد شكلها تعب من الضغط النفسى إللى حدث ثم نظرت ورد لأبوها وأمها وسلموا عليها بجفاء ومشيوا وصفصف البيت على ورد وزوجها وأمة
أم علاء/ كدة أنتى وأخواتك رجعتوا لبعض فاضل أمك وأبوكى قولى يارب واد ياعلاء أنا داخلة أوضتى أريح شوية فرفش مراتك وغمزت لة ثم دخلت غرفتها وأغلقت الباب وهى تقول لنفسها أبوها ذى النطع داخل بيت بينتة أول مرة إيد وراة وإيد قدام وأمها جاحدة ياساتر شكلهم جايين غصب وبياكلوا بنفس مفتوحة من خير أبنى يارب مكانوا ظهروا تانى أوووف
بقلم نجلاء فتحى عاشقة الكلمات
علاء أول ما أمة دخلت غرفتها حملها بخفة ودخلوا غرفتهم وجلس بيها فى نصف السرير وقال بعتاب ينفع تقعدى مع فؤاد
ورد/ مش واثق فيا ،،صدقنى مش عايزة أتكلم خلينى فى حضنك بس علاء لازم تفهم أنا بحبك ومش شايفة راجل غيرك خلاص فؤاد بقا أخويا عايز يقتنع أة أو لا مليش فية المهم أدام ربنا وهو شاهد عليا وحيات وغلاوة الطفل إللى كنت بستناة دة مفيش حد فى حياتى غيرك أنت آمانى وأبويا وأخويا علاء أحضنى جامد طول العزومة هموت على حضنك عايزة أحس بالأمان خايفة
ضمها لصدرة وقلبة هدأ بكلامها دموعها بردت نار غيرتة، ،، ضعفها وهو قوتها وأمانها رضت كرامتة كراجل وقال لتضحك/ هو الدكتور قال الخطر زال والبيبي كويس صح
ورد مسحت دموعها وأنفها فى لياقة قميصة ووقالت الحمد لله لية
علاء بخبث/ يبقا نبوس بقا
وقبل أى رد فعل منها كان سحبها فى 😘 قُبلةة رقيقة يبث فيها مدى حبة لها ولم يتجاوز أكثر من ذلك فهى مرهقة طول اليوم فى تجهيز البيت والأكل ثم أخذ يدلعها بالكلام حتى لا تنام حزينة
[فى بيت مروة وفؤاد ]
فؤاد جالس يدخن بشراها
مروة بتوتر / فؤش
رفع نظرة لها فمنذو المشاكل إللى حصلت لم تدلعة ولا يقرب منها كزوج وجدها ترتدى عباية صيفية خفيفة وفاردة شعرها وحاطة روج أحمر إلى بيحبة غير عادتها فأخر مرة رأها هكذا قبل حملها فى أبنهم وبعديها أنشغلت فى مشاكل الحياة وأهملت نفسها ثم قدمت لية الشيشة وجلست على ركبتها أمامة تضع له الحجر وتهوى عليها ثم مدت إيدها لية وقالت شد كدة،،، أخذ منها خرطوم الشيشة وشد وأخرج الدخان وقال عااااش قالت الواد أكلتة ونام تعال لأوضتنا
فؤاد بسخرية / أوضتنا بقالى أزيد من سنة ونصف مدخلتهاش
مروة/ أنت السبب ثم سحبتة وأدخلتة الغرفة فتوقف على بابها وحملها شهقت مروة وقالت عيب يا راجل هو أحنا عرسان
فؤاد/ قبل م أدخل الأوضة توعديني نبدأ صفحة جديدة ساعديني أشوف ورد أختى وبلاش تعايرينى بجهلى
مروة/ أوعدك وأنت بلاش تضربنى وتعاكس واحدة غيرى
فؤاد/ أنتى بتحبينى
مروة/ أيوة
فؤاد/ خلاص بلاش كلام فى الماضى وخلى حياتنا ذى مصطفى ومنه وعلاء و ورد
مروة/ فؤش نفسى أرقصلك ينفع
فؤاد/ أخر مرة رقصتى ليا فى شهر العسل يا مروة خلى الرقص بعدين أيه موحشتكيش جبلة
مروة بضيق/ فؤاااد بطل تغلط
فؤاد/ بهزر يا بت ثم دخلوا الغرفة وقرروا حياة جديدة والفضل لورد التى أعطت قلم سخن لأختها ليس صفعة لا أقصد بكلامها فوقتها وخوفتها أن جوزها ممكن يتجوز عليها أو يطلقها وهى فى نعمة مش حاسة بيها وحلفت على المصحف فؤاد أو غيرة مش فى دماغها هو جوزها علاء وبس
[[[[الخلاصة ]]]]
وبكدة عزيزى المتابع ورد أتصالحت مع أخوتها البنات وبقوا يزورها ويكلموها وحملها أستقر وحياتها المادية لا بأس بيها بسبب جوزها يعمل فى المطعم حد فاكرة مع مصطفى فاضل أمها وهى تدعى الله أن ترجع مثل الأول معها فأمها زعلانه أنها تزوجت بدون علمها وعلاء ومصطفى فى محاولات حتى يرق قلب الأم وتحضر ولادة ورد ،، هذة هى الحياة مش بنبى لازم حاجة تدايق وتوجع قلبنا
منة ومصطفى كناري الحب ملناش دعوة بيهم علشان الحسد
مروة بسبب كلام أختها ورد فاقت وراجعت حسابتها ووجدت كلام ورد صح وبدأت فعلا تزرع حبها فى قلب فؤاد وكل يوم كأنهم عرسان 🤭ودة أخذ مجهود منها
والأب وجودة مثل عدمة
الوردة الباكية أتبهدلت فى حياة أبوها وأخذت صدمات دة كفاية سمعتها إللى شوهتها أختها وفى الأخر ربنا رزقها بواحد ذى علاء ،،، علاء مكنش وحش كل لما يتقدم علشان يتجوز يترفض أهو أتجوز وشوفتوا علاقتة بمراتة عاملة أزاى واحدة واحدة العيشة كانت أحسن قبل الوظيفة والسكن والمال أبحثى على أمانك على إللى يحسسك بكيانك بسترك بغطاكى أبحثى عن روح طيبة يستحمل غضبك قبل ضحكتك يتقبلك بكل حالاتك وبماضيكى ومش يعايرك بأهلك قدمت ٣ شخصيات للشباب قبل البنات رأيكم فيها وأكثر شخصية حبتوها من البنات والشباب وياريت تقيم كل شخصية هى مستنية منكم تقيمكم للعلم فؤاد أكثر من مصطفى لحد الان بيطلع مرتب شهرى لأبو مروة حماة حتى فى الخلاف كان بياخد ،،،،مصطفى وعلاء مش بيدوا حماهم فلوس علشان التقيم يبقا صح حمات ورد طيبة لأن دى حقيقة فى حموات طيبة وتراعي بنات الغير علشان ربنا يحمى بناتها كما تدين تدان رغم بنتها الوحيدة ماتت وكالعادة الجزء الصعب
👋 وداعآ ورد وعلاء وأمة
👋 وداعآ منه ومصطفى إللى الجميع أكد لازم يتجوز ورد معرفش ليييية وفوقت التوقعات
👋 وداعآ مروة والمعلم فؤاد وأبنهم فوزى
👋 وداعآ الأب والأم
وايضا زورو قناتنا سما للروايات
من هنا علي التلجرام لتشارك معنا لك
كل جديد من لينك التلجرام الظاهر امامك
تمت بحمد الله