قصة الوردة الباكيه
البارت التاسع عشر19
بقلم نجلاء فتحي
ورد بتعب / علاء علاء
ذهب لها ،،مالك
ورد/ بطنى بتتقطع عايزة أروح الحمام جايز أرتاح مع أنى مش عايزة
علاء/ طب تعالى
داخل كبينة الحمام وعلاء واقف برا ندهت علية ورد دخل ليها وخايف لأنة حمام حريمى وأنصدم مما رأى وجد ورد تجلس على قاعدة الحمام وقالت بص كدة دة أيه
نظر لملابسها الداخلية وقال د"م عادى مش مأمنة نفسك حاضر ولا يهمك أنزل الصيدلية أجبلك واحدة لحد متروحى البيت
ورد/ مش ميعادها دى متأخرة جامد تعبانة أوى قلبى هيقف
علاء/تقدرى تقومى
ورد بتعب / بنزف جامد
علاء/ خليكى هنادي ممرضة
ورد/ حاسة هيغمى عليا
علاء أتوتر ثم رفعها من على قاعدة الحمام وعدل ملابسها وساندها للأستقبال وهى تعبانة
ورد/ أبعد هدومك تتبهدل د"م منى وفستانى كلة د"م شكلى وحش
علاء/ أنتى فى مستشفى ولا يهمك نعرف سببة أية جايز تأخير الدور"ة بيجى كدة
ورد/ ماشى
الزوج الصالح والحنين بيكون ستر وغطا لزوجتة ويتقبلها فى أشد حالتها ومش يقرف منها وأكيد النموذج دة موجود فى مجتمعنا والزوجة مش بتتكسف منة ، عادى كانت ورد ممكن تقولة نادى ماما ولا مروة لا هى أخترتة هو يسترها فى وضعها دة
الأم/ ورد ندهت لجوزها وأختفوا
مروة/ تلقيها خلعت وجوزها طلع خ** سمعت كلامها ومشيوا
الأم/ معقولة مفيش فايدة فيها ربنا يوقعها فى شر أعمالها بت جاحدة
كدة يا أم ورد بنتك تعبانة وأنتى تدعى عليها
فى الأستقبال
الدكتور/ أنا شاكك فى حاجة قولى الأول متجوزين من أمتى
علاء/ سنة و٧ شهور وكام يوم
الدكتور/حصل حمل قبل كدة
علاء/ لا هى كشفت لما أتأخرنا وطلعت سليمة وكنت ناوى أكشف على نفسى بس ظروفى المادية صعبة وسبنا الموضوع دة على ربنا
الدكتور/ شاكك المدام حامل وتعرضت لضغط نفسى قوى أو شالت حاجة تقيلة عمل نزيف ف الأمان هتروح النسا وهما يطمنونا أكتر
علاء أتوتر وقال حامل طب طب لو مش حمل يبقا الد"م دة أيه
الدكتور/ ليه أسباب كتير ومدام متجوزة يبقا الأول تعدى على قسم النسا وبعديها ليها كلام تانى لو طلعت المشكلة مش تخصهم مش هتخسر حاجة
علاء/ تمام
وبالفعل ذهبوا لقسم النسا ورفض يبلغها كلام الدكتور حتى لا تسوء نفسيتها لو مش حامل فهو فاقد الأمل أن يكون أب
وبعد مدة أقتحم الغرفة على صرخة ورد بأسمة
ورد/ أأأنا حاااااامل
علاء/ أيييييه من مين
ورد/ خبطتة فى صدرة منك أنت
الدكتور/ أنت جوزها
أنتبة علاء/ أيوة من الصدمة بس الحمل أتأخر
الدكتور بعملية/ الد"م إللى نزل خلى وضع الجنين صعب ممكن أعرف يومك كان عامل أزاى
أنحسرت الفرحة فى قلوبهم
ورد بدموع/ صحيت من النوم نظفت الشقة وروحت السوق ومسحت الأرضية بالخيشة وكنت موطية ومستغربة ظهرى تعبنى قولت أخدت أخذت برد من المروحة وبعيدها روحت السوق تانى وجبت كرومبه حلوة وعملتها أصل جوزى بيحبها وشقيان طول اليوم وبعديها روحت زيارة لحد وحصلت مشكلة وتعبت وبقالى كام يوم عايزة أنام وقرفانة وبس
علاء ميل على ودن الدكتور وقال وحصل حاجة أمبارح بليل بينى وبينها وتعبت فوقفت والنهارده برضو فوقفت مش كملت فهم الطبيب قصدة فقال يبقا الد"م دة سببة أجهاد وضغط نفسى فى حل أو محاولة هتاخدى تثبيت وترتاحي خالص ثم نظر لعلاء وقال ترتاح فهمنى طبعا ومع العلاج ربنا يثبتة أن شاء الله
علاء بترجى/ فى أمل تكون أم
الدكتور بأبتسامة لهذا الثنائي البسيط ذو قلب نقى ،،،، الأمل فى الله هو أنت بتشتغل إية
علاء/ بياع فى سوبر ماركت
الدكتور/ معاك فلوس دلوقتى
علاء بأحراج/ مش كتير ٥٠٠ جنية
الدكتور/ ميجوش حاجة دخولك الاستقبال ومنها لهنا محتاج كتير ،،،فحكى لة علاء أنة جاى مع واحدة بتولد والموضوع مع ورد صدفة ،،أبتسم الطبيب وقرر يساعدهم لما وجد فرحتهم بالجنين رغم حالتة غير مستقرة فقال دة الكارت بتاعى فية عنوان العيادة خليها تتابع معايا ولحد متولد مجانى وتمن الفلوس هنا هدية منى للجنين
علاء/ لا يا دكتور أتصرف فى الفلوس ذنبك أيه
الطبيب/ يا أستاذ المهنة دى مهنة أخلاقية يعنى خلاص مفيش رحمة أدعلى بس ورفض يقول السبب أنة مراتة لم تنجب ومحروم من هذة النعمة والفرحة ،،،دى هدية منى ومش عايز كلام ومبروك سلامو عليكم منتظرك يا مدام فى العيادة
نظر علاء للباب بعد خروج الطبيب وقال العيل بيجى برزقة شكلها بنت رزقها واسع الحمد لله ربنا معانا يا ورد ثم أنطلق عليها يحضنها ويقبل إيدها ورجليها ويقول فرحتينى لازم نحافظ علية ونسمع كلام الدكتور النهاردة ٣ فرحات الأولى سديت الدين والثانية برائتك أمام أهلك والثالثة الحمل ياةةة قد أية أنت كريم وحنين يا رب
ورد/ الحمد لله أروح أزاى بهدومى دى
علاء/ دى أحلى د"م فى الدنيا يا بنت سيبك من كدة تخيلى وأنتى بطنك قدام عشر متر وأنا جنبك عايز أقول للناس دة أنا السبب متعة رفعتى راسى أدام نفسى قولت مليش فى الخلفة
ورد/ الحمد لله
اللهم أرزق كل مشتاق بالذرية الصالحة يارب قولوا أمين لعلها ساعة أستجابة
فى نموذج كتير ذى الطبيب دة
تحية خاصة لكل طبيب بيراعى ظروف المريض إللى أدامة هما دول إللى يستحقوا أن يطلق عليهم ملايكة الرحمة
بقلم نجلاء فتحى عاشقة الكلمات
وبعد وقت ذهب أمام غرفة العمليات لم يجد أحد سأل عليهم وذهب للغرفة وأعتذر وقال ورد تعبت وطلعت حامل والحمل مش مستقر ورفض أحد من مصطفى وفؤاد يشوفها بسبب الد"م إللى على ملابسها وأعتذر بطريقة شيك وأستغرب مروة وأمها لم يتحركوا من مكانهم أو ينطقوا بحرف وبعد محاولات أطمن مصطفى على زوجتة والطفل ثم أصر يوصل ورد وزوجها بعربيتة وحين وجد ملابس ورد فهم وضعها وأحترم لية جوزها رفض حد يشوفها حتى رفضت ورد تركب العربية حتى لا تلطخها ضحك مصطفى وقال عادى أختك بهدلتها قبلك تتغسل مش مشكلة ثم صعد لشقتهم حتى يفتح لهم الباب لان علاء شايل ورد
وبعد ما أدخلها غرفتهم أخذ مصطفى علاء على جنب وقال أن شاء الله الحمل يثبت منة أختها كانت كدة وخلى بالك طول حملها أوعا تقرب هتعيش سنجل وأنت فاهم إلا لو الدكتور قالك قرب وأكلها كويس ولو عايز أى حاجة رقبتى سدادة على فكرة بيتك بيفكرني ب بيت أبويا الله يرحمة أنا متولدتش غنى لا إللى أنا فية من تعبى وشقايا إية رأيك تشتغل معايا ومرتب ٣٠٠٠ جنية سمعتك بتقول مرتبك ١٠٠٠ جنية
علاء/ أشتغل معاك مش معايا فلوس أشارك حضرتك
مصطفى/ جسمك حلو وعندك لباقة فى الكلام محتاج إللى زيك هشغلك فى العلاقات العامة وتلبس بدلة كاملة وجذمتك تتلمع يوميأ وتقعد فى مكتب وتكيف و
تلف الصبح على العمال وتأخذ الغياب وبسبب أمانتك ممكن تكون دراعى اليمين وأسلمك الشغل فى غيابى
علاء/ حضرتك لسة عارفنى من كام ساعة وثقت فيا أزاى
مصطفى/ بيبان معدن الشخص قولت أية
علاء / أفكر
مصطفى/ خذ وقتك سلام
علاء/ مينفعش تمشى أشرب حاجة
مصطفى وهو نازل على السلم / مرة تانية يا أبو النونو
أبتسم علاء من الكلمة وأنطلق لأمة التى أستقبلت ورد لكى يفرحها التى نشرت الدنيا بفرحتها قبل زرغوطتها