احتوانى كأبنته
البارت التاسع 9
بقلم شذى عبد المكرم
من جانب تالين
صحيت من النوم واتذكرت الحصل اتمنيتو يكون كابوس واكون صحيت من النوم بس للاسف الموضوع طلع حقيقة اتنهدت قومت صليت وقفلت الباب تاني عشان ماف زول يدخل لي امي جات تفتحتو لقتو قافل عرفت اني صحيت وقفلتو
امي: تيلا افتحي الباب. ما رديت
امي: خلاص ما تتكلمي معاي بس تعالي اكلي
تالين: ماعاوزة
امي: عشان خاطري انتي من قبيل ما اكلتي حاجة. ما رديت اتكلمت كدا بس ما كنت برد ليها لمن تعبت رجعت وانا رقدت في سريري وعاينت للسقف واتذكرت الحاصل كلو دموعي تلقائيا نزلت قعدت افكر ليه ابوي ما سأل مني ليه جدعني السنين دي كلها هل يمكن اكون سابق سنة لحدي امي ما جابت لي سيرة عنو وقالت انو ميت وليه اهل لمن نمشي ليهم زيارة ماف زول حكى لي عنو وانو عايش اكيد كلهم عارفين وانا بس العايشة في وهم اكيد في سبب كبير بس ما حأغفر ليهم الاتنين....
________
من جانب امي
مشيت اشوف تالين لو صحت لقيت الباب قافل معناهو صحت اتكلمت معاها ابت ترد وقالت ما دايرة تأكل وهي من الصباح بلحم بطنها قعدت ابكي بس ما عارفة اسوي ليها شنو وتالين عنيدة ذي ابوها الله يديني الصبر في همي داك جا داخل امجد
امجد: خالتي مالك
مها: تالين ما اكلت من الصباح وما دايرة تفتح غلبني الاسوي معاها
امجد: جيبي لي اكل في صينية انتي اكلتي؟
مها: يجيني نفس اكل من وين
امجد: ما تقلقي انا بخليها تأكل وانتي امشي اكلي
مها: بعد اتأكد انها اكلت. مشيت جيبت ليهو صينية الاكل مشا بيها قعدت افكر في الحيحصل
________
من جانب تالين
قطع تفكيري ضرب الباب ما رديت
امجد: تالين افتحي. مشيت فتحت ليهو لقيت معاهو صينية اكل سمحت ليهو دخل ختا الصينية في الطربيزة جنب السرير وقعد جنبي
امجد: ليه ما اكلتي
تالين: ما عاوزة
امجد: ماف حاجة اسمها ما عاوزة يلا تعالي
تالين: ابوي ما تجبرني
امجد: يلا بلاش دلع معاكي امك من قبيل خايفة عليكي حتى انها ما اكلت حاجة. ما رديت عليهو
امجد: ليه بتعملي في امك وفي نفسك كدا
تالين: هي لي عملت فيني كدا ليه كلكم واقفين معاها وماف زول حاسي بس. غطيت وشي بيديني وبكيت
امجد: القال ماف زول حاسي بيكي منو كلنا حاسيين بيكي وبحجم الوجع الحاسة بيهو
تالين: ما صح
امجد: تالين انا عارف انتي حاسة بشنو حاليا لانو انا كنت معاكي في مراحل حياتك كلها بحس بوجعك وبتوجع قبلكي. ميلت على كتفو وبكيت لانو دا كتفي الثابت وعمودي البرتكز عليهو ما سألني لمن خلصت مسح لي دموعي
امجد: ارتحتي. هزيت ليهو راسي
امجد: مدام كدا يلا اكلي شوية
تالين: ابوي ما عاوزة
امجد: عشان خاطري حبة بس. اكلت شوية بس كل مرة بجبرني لمن خلصت نص الاكل شربني موية وشال الصينية وطلع رجع بعد خمسة دقايق
امجد: يلا نومي بعد دا
تالين: اقري لي قران. جرا الكرسي وفتح الدرج طلع المصحف قرأ لي نومت متين ما عارفة.....
مرت تلاتة يوم ما بتكلم مع امي ابدا خالتو عفاف بتحاول معاي بس قاعدة اصدها بتعامل مع امجد بس اوقاتي كلها في غرفتي ما بطلع الا للصلوات بس اليوم التالت بعد المغرب قاعدة مع امجد جات داخلة خالتو عفاف
خالتو عفاف: احمد اطلع برا دايرة اتكلم معاها
تالين: خالتو ما دايرة احكي في حاجة
خالتو عفاف: ما على كيفك لازم نحكي وهسي كمان امجد اطلع. قام طلع جات قعدت جنبي
خالتو عفاف: لي ما دايرة تسمعي لامك ولا عاجبك انك معذباها كدا
تالين: انا لو حكيت معاها حتزعل مني عشان كدا ما دايرة اتكلم معاها
خالتو عفاف: وريني انتي بتعرفي شنو عن الموضوع ماسكة في حتة انو خبت عليكي حاجة ذي دي بس ما سألتي نفسك عن السبب
تالين: مهما كان السبب كان تقول لي عايش على الاقل ما ميت
خالتو عفاف: انتي عارفة انو امك عذبت كيف حياتها
تالين: كيف
خالتو: انتي عارفة انو امك صغيرة عمرها ما دخل الاربعين لسع بس الدنيا كبرتها شديد عارفة انو امك وابوكي كانو بحبو بعض ابوكي اخدتها عن حب ابوهو رفض لانو كان دايرو لبت عمو بس ابوكي رفض وعارض جدك واتزوج امك امك تعبت في حياتها معاهم ماف زول كان بحبها ابدا من اهل ابوكي بس عشان ابوكي اتحملت العذاب كلو الزمن دا كان عمرها 21 سنة بس لمن جابتك اتخيلي صغيرة ذي تعبت في حياتها منعوها انو تواصل تعليمها بعد تميتي اربعة سنوات ابوكي اتزوج بسبب ضغط ابوهو اجبروهو يتزوج بت عمو ويطلق امك بعد لفحو فيها مواضيع ما حصلت وبالفعل ابوكي طلق امك واتزوج وسافر مع مرتو وامك عانت شديد من فراقو اهلها قالو ليها تتزوج تاني عشان هي لسع في بداية عمرها بس رفضت عشانك وقالت ما حتتزوج تاني بس حتربيكي واصلت تعليمها بعداك سافرت بيكي عشان كلام اهلها كتر عليها كلمتني قولت لي في بيت جنبي واهو جات سكنت هنا واشتغلت كرست حياتها عشانك بس وفي النهاية تجازيها كدا. بكيت زيادة بكلامها دا
تالين: وليه ما حاولت تحكي لي
خالتو عفاف: عشان ما تزعلي انو ابوكي مشى خلاكي وما سأل منك وما تأخدي فكرة سيئة عنو وتخلي ليكي ذكرى حلوة عنو والسبب الاهم نفسيتك هي بتريدك اكتر من نفسها كل مرة بقول ليها كلميها تقول لي لالا خايفة تخسرك عشان كدا سكتت.
تالين: امي اتحملت كتير
خالتو عفاف: اكتر مما تتخيلي الزمن دا لو اتزوجت كان عندك خمسة اخوات تانيين وهسي كان ممكن تكون حامل لانها لسع في الثلاثينات بس ضحت بحياتها عشانك انتي عارفة التلاتة الايام المرو ديل ما اكلت ذي الناس الا انا اجبرها برضو ما بتأكل همها كلو معاكي بس الله حيسألك فيها. انا بسمع فيها وببكي بس
خالتو عفاف: اقعدي مع نفسك وفكري براحتك يلا مع السلامه. طلعت مني والله كرهت نفسي في اللحظة دي بسبب العملتو في امي في التلاتة ايام دي نهائي ما بتستاهل قعدت الوم في روحي قعدت شوية مع حالي وطلعت من الغرفة ما لقيتها دخلت المطبخ سخنت الاكل ختيتو في صينية ومشيت غرفتها دخلت طبعا اتخلعت ما اتوقعت اصلا انو اجيها اصلا مشيت ختيت الصينية جات علي
امي: تيلا. حضنتها وبكينا مع بعض تقربيا فترة طويلة ماسكين في بعضنا بعد فترة فكينا بعض مسكت من يدها قعدنا في السرير ختيت الصينية في نصنا اكلتها واكلتني والاتنين ساكتين بعد خلصنا
تالين: خلينا نصلي العشا. هزت لي راسها ودموعها في طرف عيونا. اتوضينا وجينا صلينا مع بعض وقرينا قران مشيت قعدتا في سريرها جات قعدت جنبي
امي: تيلا حبيبتي
تالين: امي انا اسفة على العملتو فيكي عاقبيني بأي عقاب
امي باستني في رأسي: ما دايرة حاجة غير اسمع صوتك بس
تالين: ممكن طلب
امي: لو طلبتي عيوني بديكي ليها
تالين: تسلم لي عيونك دايرة انوم معاكي الليله
امي فتحت لي يديها حضنتها: طوالي حبيبتي تنومي اصلا انا المحتاجة الانوم معاكي
تالين: نحكي في يوم تاني عن الموضوع دا لانو نحنا الاتنين كفاية الحصل لينا اليومين الفاتو ديل
امي: اوكي حبيبتي. رقدت في رجلها لعبت في شعري انا الحركة دي بتنومني فنومت...
أمي السبب الأول لمواصلة الحياة