قصة اسمرى الملتحى
البارت الحادي عشر11
بقلم اشجان الطحالب*
كنت محتاجه اتصل علي عمار بس متردده في الاخر اتصلت لأني كنت مضطره رد علي بعد سلمت عليهو قلت ليهو عايزه منك طلب بسيط قال لي جدا واعتبري اتنفذ 😊 قلت ليهو عايزه منك توصف لي مكان صيدليه تكون شغاله فيها بنت بتتكلم عربي او بتفهم عربي 😊 قال لي للاسف والله ما بعرف 😔 بس انتي عايزه شنو وصفي لي وانا بجيبو ليك لحدي عندك ✋ طبعا اتحرجت وسكت عمار فهم اني عايزه حاجه تخص البنات قال لي اهااا لو بتقدري تنتظري بعد اسبوع عندي صديقتي سودانيه سافرت السودان بس اجازتها انتهت وجايه راجعه واصلا كنت عايز اعرفك عليها وتبقو اصدقاء ✋ ولو ما بتنتظري ممكن اسوقك للصيدليه وانتي توصفي للصيدلي لحدي ما يفهمك طبعا خبر البنت فرحني شدييييد قلت ليهو تسلم خلاص ح انتظر إسبوع ما مشكله 😊 طبعا المفروض اطلب الطلب ده من سامر بس بعد الكلام الـ سمعتو وتصرفاتو معاي بتخليني اراجع نفسي مليون مره قبل ما اتكلم معاهو 😏 ومنتظره الإسبوع بفارق الصبر وبعد اسبوع فعلا اتصل عمار قال لي المساء انا وصديقتي جاييكم " وانا من الفرحه ما مصدقه سامر جا راجع من الشغل قال لي عمار المسا جايينا زياره بقلبي قلت ليهو عارفه 😒 وفعلا المساء وصل ومعاهو البنت بعد استقبلناهم وضيفناهم البنت عرفتني علي نفسها اسمها هبه وبالجد ظريفه شديييييد 😍 واخيرا لقيت وحده سودانيه بس للأسف اكتشفت انها شغاله يعني ما فاضيه لي كل الوقت 😔 بس برضو احسن من العدم واثناء الونسه قالت لـ سامر بكره ح اخطف منك شجن اليوم كلو ح تكون معاي عايزين نغنج بنات مع بعض 😍 قال ليها لو حبيتي خليها معاك علي طول قعدو يضحكو واخدو كلامو اساس هظار بس انا حسيت بيهو كان جادي انو عايز يتخلص مني 😒 المهم اتونسو وطلعو وهبه قالت لـ سامر بكره وانت طالع الشغل جيب لي شجن في البيت قال ليها تمام ✋ بعد طلعو قلت ليهو بالمناسبه لو انت رافض بكره اطلع معاها قاطعني قال لي ما في سبب يخليني ارفض وبعدين احسن ليك من الحبسه دي 😊 بقلبي قلت ليهو كويس عارف انو وجودي معاك حبسه 😏 واصلا ما عندي برنامج ترفيه صاح اتعلمت استخدام التلفون بس في الواتس بتونس مع ماما سهير والونسه كلها بتسألني عن اخبارنا وما بقدر آخد معاها راحتي 😔 وتاني بتونس مع خالتي سماح في السعوديه وممثله عليها اني عايشه في سعاده مع سامر كان نفسي في صديقه افضفض ليها بس الحمد لله ربنا عوضني بـ هبه 😍 الصباح صحيت بدري ومبسوطه اتجهزنا وطلعنا سامر وصلني لحدي الباب وهبه استقبلتني طبعا ساكنه في شقه صغيره عباره عن غرفه واحده وصاله قلت ليها ما بتخافي تقعدي براك 😳 قالت لي انتي فاكره ده السودان واثناء الونسه قالت لي رأيك شنو في أمريكا قلت ليها حلوه وسكت 😓 قالت لي بس حلوه طيب الأماكن الـ زرتيها شنو قلت ليها ولأ مكان 😔 اتخلعت قالت لي عمار قال لي من جيتي هنا ليك 21 يوم صح معقول سامر ما فسحك مكان هزيت ليها راسي لا وبقلبي قلت مش لم يتقبل وجودي اول حتي يفسحني 😔 قالت لي طيب نحن قاعدين ليييه يلا نطلع قلت ليها نطلع وين 😳 قالت لي بعد نصل بتعرفي وفعلا طلعنا ولففتني اي مكان وده كان واجب سامر انو يفسحني 😒 العصر اتصل عمار علي هبه وجا اتغدا معانا في مطعم ظريف والقعده كلها كانت ونسه وضحك وكنت بتمنى كل أيامي تكون زي اليوم ده 😍 وبعدها عمار وصلنا بـ عربيتو بيت هبه قال لي لو عايزه ممكن اوصلك بيتك قلت ليهو تسلم بس سامر ح يجي يسوقني قال لي تمام اتحرك ونحن دخلنا البيت وبديت أشاغل هبه بـ عمار 😉 قالت لي ما تفهمي غلط والله مافي حاجه بينا والله عمار زي اخوي و أول سوداني اتعرفت عليهو بنتكلم كده تلفونها رن شافت الرقم قالت لي الله الله الله ده سامر غلبو الفراق 😉 مسكينه ما عارفه الواقع وشكل علاقتنا كيف 😔 فتحت الخط بعد سلمت عليهو قالت ليهو اي قاعدين في البيت لا دقيقه جايي وين من امس قلت ليك شجن ح تكون اليوم ده كلو معاي يعني الليله ح تنوم معاي ✋ طبعا انا بعد سمعت اني ح اقعد معاها ما صدقت والفرحه ظهرت في وشي بس إبتسامتي اختفت لم ناولتي التلفون وقالت لي هاك سامر عايزك غمزت لي ودخلت الغرفه 😉 مسكينه فاكره انو ح يتودد لي ونتغزل في بعض 😔 وانا اصلا ما كنت متوقعه انو يتصل يسأل مني رديت قلت الو قال لي امسيتي كيف قلت ليهو الحمدلله قال لي ليييه ما شلتي تلفونك معاك اتصلت عليك لقيتو في البيت قلت ليهو نسيتو وبقلبي قلت اشيلو ليييه من كترة الناس البيتصلو علي مثلا 😏 قال لي بالجد ح تقعدي مع هبه للصباح قلت ليهو والله هبه الاصرت علي بس لو غلط بجي راجعه قال لي لا خلاص بكره بجيك من الشغل قلت ليهو تمام ✋ قفلنا الخط وده كان اجمل يوم لي في امريكا ونزلت مع هبه الصيدليه اتناولت كل احتياجاتي الشهريه 🙈 واليوم التاني سامر جا ساقني في الطريق قال لي الكيس ده فيهو شنو وقبل ما أرد عليهو فتح الكيس اتحرج قال لي اووو اسف بس يستاهل عشان يتخافف ويفتح حاجه ما حقتو 😅 طبعا دي الحاجات الإشتريتها من الصيدليه 🙊 وبعد مسافه قال لي اليوم كان كيف قلت ليهو حلو بقلبي قلت يكفي انو مر من غير ما زول يستفذني 😏 قال لي مشيتو وين قلت ليهو ما حافظه أسامي الأماكن بس ممكن تسأل عمار وهو يحكي ليك قال لي باستغراب عمار كان معاكم 😳 قلت ليهو اي قال لي طيب ليييه ما اتصلت علي عشان اجيكم 😒 قلت ليهو قلت مافي داعي لأنك أكيييد ما ح تكون فاضي قال لي فعلا كنت مشغول وبعدها فضلنا ساكتين لحدي ما وصلنا البيت ونمنا علي كده 😓
يوم المساء سامر قال لي عندي مشوار مهم وح اتأخر بعدين اتعشي ونومي ما تنتظريني ✋ قلت ليهو طيب بدل اقعد براي وصلني في طريقك لـ هبه قال لي انا لو مكان هبه كنت طردتك كل يومين ماشه ليها ما بتزهجو من بعض 😓 كلامو جرحني بس سكت وفعلا وصلني ليها بعد دخلت قلت ليها هبه بعتزر لو تقلت عليك بس والله طوالي قاعده براي وسامر بيطلع 😰 قطعت كلامي قالت لي والله تاني اسمعك تعتزري ح ازعل منك والحمدلله انك جيتي اصلا كنا طالعين نتعشى برا بس منتظره عمار قلت ليها والله لو عارفه كده ما كنت جيت بس هسي نزلوني في بيتنا وانتو اخدو راحتكم ✋ قالت لي يا بنت انتي هبله والله مافي حاجه بينا انا وعمار بس ضغط الشغل بنخففو بالطلعات واصلا فكرت اتصل اعزمك معانا بس قلت ح تكوني مساهره مع سامر 😉 قلت ليها بالعكس في اي لحظه انا فاضيه وفعلا هبه اتصلت علي عمار واتكلمت معاهو مسافه من غير ما انا اسمع كلامهم قلت ليها بس انا ما عامله احتياط اني اطلع 😔 قالت لي ولا يهمك هسي بظبتك 😍 وطلعت لي من دولابها فستان علي الجسم وجبرتني ألبسو وبعدها عمار جا ساقنا بـ عربيتو مشينا مطعم هادئ هبه قالت لي رايك شنو نتصل علي سامر 😌 قلت ليها ما ح يجي لأنو عندو مشوار مهم 😓 قالت لي نجرب وفعلا اتصلت عليهو وسألها انو عمار معانا قالت ليهو اي قاعد ✋ قال ليها خلاص ساعه واكون معاكم قالت ليهو تمام بعد قفلت الخط غمزت لـ عمار قالت ليهو سأل منك وقال جايي 😉 عمار مشى اتناول لينا عصير وبدل يقعد في مكانو جنب هبه جا قعد جنبي بعد شويه سامر وصل سلم علي هبه وعمار ونزل راسو طبعها لي في خدي طبعا انا اتخلعت وخجلت منهم 🙈 بس هو ولا هامي عدا الموضوع عادي عايز يمثل جنبهم إننا زوجين مبسوطين وبعدها قعد جنبي في نصنا انا وعمار " عمار قال ليهو اتناول ليك المشروب شنو 😊 رد ليهو ما عايز حاجه وكفايه كبايه شجن لو عِطشت بشرب معاها 😍 شويه كده وكنت ح اصدق تمثيلو 😓 جو اولاد يعزفو بالكمان موسيقى هاديه تنعِس وكل اتنين قامو يرقصو وهم متحاضنين قدام الناس مابخجلو 😒 عمار وقف قدامي مد يدو وقال لي تسمحي لي ارقص معاك طبعا اتخلعت 😳 قلت ليهو أرقص مع هبه انا ما بقدر قال لي بتقدري اتلفت علي سامر قال ليهو اقنع شجن ترقص معاي سامر بعد ما كان خالف رجلو صلح قعدتو وقال ليهو كلامها صاح سوق معاك هبه لأنو شجن ما بتعرف ترقص 😊 في اللحظه دي اتغظت شديييد لانو استفزاني جنبهم وبسبب كلامو ده وافقت ارقص مع عمار وسامر اتفاجأ ما اتوقع اني اوافق 😳 نزل رجلو وشغال يهز فيها ومركز معانا وانا ضربات قلبي زادت من الخجل بس وافقت عشان اتحدى سامر وقفنا عشان نرقص عمار مسك يدي الشمال ختاها في كتفو ومسك يدي اليمين بيدو قال لي اعتبريني زي اخوك وبترقصي معاهو 😊 قلت ليهو بس انا ما بعرف ارقص قال لي الرقيص الأجنبي ده ما داير معرفه بس اتكعوجي مع الموسيقي قعدت اضحك 😂 واصل كلامو قال لي انا زاتي اول يوم مشيت الديسكو لقيت الناس كلها بترقص زي الطاقاها كهرباء وانا شغاله اضحك بالجد ظريف فجأه حسيت بواحد فك يدي من عمار ومسكني اتخلعت لم اتلفت لقيتو ده سامر 😱 قال لـ عمار انت ارتاح انا بعلمها كيف ترقص عمار قال ليهو اوك بس ما شاء الله شجن ما محتاجه تعليم سامر صر ليهو وشو 😒 بقلبي قلت هسي ح يستفزني والله ارحم كان ارقص مع عمار من سامر 😓 وبقيت واقفه معاهو زي الصنم قال لي مالك مخلوعه وبنفس الطريقه شال يدي الشمال ختاها في كتفو و بيدو مسكني من يدي اليمين وبـ يدو الشمال مسكني من خصري برقص معاهو وانا ساكته ومنزله راسي 😓 قال لي عمار كان بقول ليك في شنو قلت ليهو مافي حاجه قال لي شايفكم مندمجين مع بعض وبعد ده كلو ما كان بقول ليك في حاجه 😒 قلت ليهو دردشه عاديه قال لي عاديه زي شنو بقلبي قلت جايي ترقص ولأ تحقق معاي بس قلت ليهو سامر خلاص كفايه نرجع نقعد مع ناس هبه وعايزه ارجع جراني من خصري عليهو وقال لي لااا لسه ولو انا ما عاجبك اعتبريني عمار 😒 ما ناقشتو بس منزله راسي وهو ماسكني وبيرقص وبعاين لي جا واحد أجنبي اتكلم مع سامر ومسكني من خصري ما شعرت الأ وسامر ضاربو بونيه 👊🏻 وقال ليهو This is my wife وسامر جراني من يدي وطلعنا وانا ما فاهمه اي حاجه لانو النقاش كلو كان بالإنجليزي 😰 بس حفظته الجمله دي لو سامر كان بكرر فيها وهو بيضربو وهبه وعمار جو محصلننا في العربيه عمار قال ليهو سامر في شنو فهمنا الحاصل شنو 😳 قال ليهو بحده عايز تفهم اوك بس يكفي تعرف إنو إنت السبب كلو منك جبرت شجن ترقص معاك والزفت ده شافك بترقص معاها وبعدك انا رقصت معاها جا بكل وقاحه قال عايز يشاركنا فيها اها بعد عرفت كده ارتحت 😠 طبعا انا في اللحظه دي وبعد فهمت الحاصل حسيت بروحي رخييييصه شديييد 😰 عمار قال لي شجن انا اسف وسامر اتحرك بالعربيه بسرعة البرق وفي الطريق قال لي في السودان علموكم ممكن ترقصو مع زول غريب عادي 😒 قلت ليهو بس انا ما رقصت مع غريب قال لي عمار في نظرك ما غريب قلت ليهو ما غريب لأنو ولد عمك وانت بتعرفو وبعدين اصر علي ارقص معاهو ✋ قال لي حتي لو كان اخوي شقيقي بالنسبه ليك يعتبر زول غريب وده ما بديك الحق انك ترقصي معاهو وبعدين لو هو أصره عليك وانتي بالجد كنتي رافضه في حاجه اسمها لااا كان ممكن تحل المشكله دي كلها 😒 يعني في الاخر طلعت انا السبب وفي وجهة نظرو انا الغلطانه 😔 وصلنا البيت دخلت الغرفه وقعدت في طرف السرير وببكي سامر جا داخل قعد جنبي مسح دموعي قال لي شويه نقاش عادي يخليك تنزلي الدموع دي كلها 😒 صاح انا عايش هنا بس ما بنسى اني سوداني يعني لو لقيت اي بنت من بلدي كنت عملت معاها نفس الموقف ده ما كنت برضى فيها ✋ قلت ليهو بس انا ما عندي ذنب ضماني عليهو قال لي خلاص انسي والحصل حصل وباسني في راسي وبعدها في خدودي وطبعها لي في شفاي 🙊 وبعدها عشنا احلي ليله مع بعض زي اي اتنين متزوجين 😍" اصبحنا اليوم التاني صحيت مبسووووطه وسامر طالع من الحمام قال لي يسعد صباحك رديت ليهو صباح النور وانا الإبتسامه للضرس الآخير 😍 دخلت اتحممت ولم جيت طالعه سامر كان قاعد في الكرسي وحسيت انو ما طبيعي وكان بتجاهل انو يعاين لي في وشي وزي الفي كلام عايز يقولو بس متردد 😓 قلت ليهو سامر في حاجه قال لي ""