قصة اسمرى الملتحى البارت الثالث3 بقلم اشجان الطحالب

قصة اسمرى الملتحى

البارت الثالث3

بقلم اشجان الطحالب*​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏

 ​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​‏​​‏​​‏​​‏​​‏​‏​​‏​​‏​​‏​​‏​​

وعماتي الاتنين فضلو يضغطو علي أبوي بالعرس كل مره تتصل عليهو وحده 😒 لحدي ما اتخذ قرارو النهائي بسبب تصرفاتهم ومن الشغل جا لعمتي ناهد قال ليها انتي قلتي لي عرس عشان ما تمسكي الاولاد صح انا اولادي بمسكهم براي ✋ قالت ليهو هسي سوقهم لو عايز طبعا قالت كده بكل استغناء 😰 وفعلا ابوي ساقنا واخيرا حسيت بـ أمان وسعاده من لحظة سفر خالتي " الايام الأولى ابوي كان قاعد معانا في البيت بس بعدها اضطر انو ينزل يشتغل عشان يوفر لينا القروش 😔 اليوم التاني الصباح قبل ما يطلع الشغل ساقنا لـ عفاف جارتنا صاحبة امي قال ليها امسكيهم معاك لحدي ما اجي راجع من الشغل 😓 قالت ليهو ما عندك مشكله وعفاف فرحانه بوجودنا معاها اكتر من عمتي ابوي ناولها قروش قال ليها دي مصاريفهم بس رفضت تشيلها قالت ليهو حمودي لسه صغير ما بياكل ومعقول اشيل منك حق لقمة شجن انا برضو في مقام خالتها 😘 طبعا  عمتي كانت بتشيل من ابوي قروش مصاريفنا كل اسبوع وبعد ده كلو ما راضيه 😏 قعدنا مع خالتو عفاف وعاملتني زي بتها بنلعب انا و وجن بنتها وكنت فرحانه 😍 والمغرب تحممني مع وجن وتغير لي وتغسل ملابسي وكذلك حمودي كانت بتعمل معانا زي ما بتعمل امي والمساء ابوي يجي يسوقنا ننوم معاهو والصباح يجيبنا ليها راجعين ولم يلم قرشين بيقعد يحرسنا في البيت وبالنسبه لـ عمتي ناهد ما صدقت اتخلصت مننا 😏 اما عمتي نفيسه كل ما تتصل علي ابوي تقول ليهو وضع اولادك ده كده عاجبك ما احسن تعرس وتلمهم في بيتهم 😏 في الآخر ابوي فكر ولقى العرس هو الحل الوحيد لأنو عفاف ما ح تكون ليهو حل طول العمر وما ملزومه انها تتقيد بينا 😔 وفعلا اتصل علي عماتي كلمهم بالموافقه عمتي ناهد ما صدقت انو داير يعرس بعد امي جاتنا يوم الجمعه قالت ليهو مبروووك يا صلاح البسمعها يقول اول مره يعرس 😏 قال ليها شوفي لي وحده تكون ام لاولادي وترضي تعيش بوضعي ده قاطعت كلامو قالت ليهو جاهزه عندي ليك عروس عندي صحبتي طيبه وحنونه اسمها محاسن معرسه ومطلقه وعندها ولد اكبر من حمودي بـ سنه يعني بتربي اولادك زي ولدها ✋ قال ليها المهم عندي الاولاد ولو ما ارتاحو معاها يبقى ما تلزمني ✋ طبعا انا كنت فرحانه انو ح تجينا ام تانيه تعوضنا عكس  خالتو سماح وعفاف كانو زعلاني طبعا حددو موعد العرس واصلا كان بس عقد ✋ وقبل العرس بإسبوعين جات خالتو سماح مخصوص من السعوديه عشان تقعد معانا وقالت لأبوي انا ما معترضه علي زواجك ومن حقك تعرس حتي لو كانت ساميه حيه بس هسي الوضع بختلف في الأولاد انا ح اسوق معاي الأولاد وانت عيش حياتك ✋ قال ليها والله انا مخصوص عايز اعرس عشان الاولاد يتلمو في بيتهم وما يتجدعو بالبيوت 😔 وانا مرتي واحده ساميه لو حيه لو ميته ما عندي غيرها والجايه دي بعتبرها مجرد ام لأولادي وانتي حبابك الف اي وقت عايزه الاولاد تجيهم ✋ كلام ابوي صبر خالتي شويه قالت ليهو خلاص ح اقعد معاهم لحدي ما تجي المرا الجديده وتمسكهم قال ليها البيت بيتك اقعدي زي ما عايزه  طبعا رجعت لي الفرحه للمره التانيه بوجود خالتي وحكيت ليها بكل عمايل عمتي معانا واتصدمت شديد لدرجة البكا 😭 وده الـ صبر خالتي زياده وخلاها توافق علي زواج أبوي ✋

عدا إسبوعين وجا يوم العقد طبعا عماتي الفرحه ظاهره في وشهم بس بحاولو يخفوها 😒 وقشرو آخر قشره وطلعو جاتنا عفاف صاحبة امي هي وخالتو سماح قلبو البيت بيت بكا كل واحده فيهم تتزكر في امي وتبكي 😭 وعند ناس العروس كانت مراسم العقد شغاله وبعدو جات مراسم التبريكات والمساء جو عماتي راجعين وبدل يمشو بيت عمتي ناهد جونا هنا عشان يغيظو خالتي 😒 وشغالين يحكو بتفاصيل العقد وكل كلامهم كذب 😓 عمتي نفيسه قالت لـ عمتي ناهد شوفتي العروس حلوه كيف قالت ليها اي والله وما شوفتي صلاح بعاين ليها بإعجاب كيف 😍 طبعا بتكلمو بصوت عالي عشان يسمعو خالتي والكلام كان بنزل عليها زي السهم 😔 وغلبها تقعد معاهم دخلتي حممتي ولبستنا انا وحمودي و ولدها إسمو إياد طبعا عندها ولد واحد عمرو 4 سنين عماتي قالو ليها سايقه الاولاد ديل وين بعد المغرب 😒 قالت ليهم لو انتو اولاد اخوكم ما تنسو انهم اولاد اختي ويحق لي محل ما امشي اسوقهم 😒 عمتي ناهد قالت ليها اختك وماتت عشان كده نحن احق بيهم منك 😏 ردت ليها فعلا لو اختي كانت حيه ما كان كل ده حصل واولاد اخوك الـ بتتكلمي عنهم ديل كانو قاعدين معاك عملتي ليهم شنو ولأ انتي قايلاني انا ما عارفه بس خليني ساكته أحسن 😒 وبعدين ح اسوقهم محل ما انا ماشه ومافي زول يقدر يمنعني خلاف ابوهم ولم ابوهم يجيهم راجع انا برجعهم ✋ عماتي اتخلعو وسكتو 😳 ما اتوقعو انو خالتي ترد عليهم بالطريقه دي بس يستاهلو ✋ وطلعنا مشينا لـ نسابتها ( أهل راجلها ) ظريفين شديد اليوم التاني خالتي أجرت شقه مفروشه قعدنا فيها مبسوطين 😍 وبعد إسبوعين ابوي جاب المرا الجديده وجا البيت وإتصل علي خالتي وفعلا خالتي رجعتنا البيت وباركت لأبوي ومرتو والعبره خانقاها 😰 بس قدرت تتحكم في مشاعرها وفي نفس اللحظه أبوي كان خايف من ردة فعها بعد ما تشوف مرتو الجديده وده كلو بسبب عماتي فهمو أبوي انو خالتي طلعت من البيت عشان غيرت رايها ورافضه العرس بعد ما كانت موافقه طبعا مرت أبوي اسمها محاسن 😓 وانا في الأول كنت منكمشه منها عشان ما متعوده عليها 😰 عمتي نفيسه قالت لي تعالي سلمي علي امك الجديده وأشرت لي علي 👈🏻 مرت أبوي قلت ليها بس انا امي ماتت 😒 طبعا عمتي ناهد حمرت لي عشان دي صاحبتها ولو ما خالتي قاعده كان دقتني 😅 خالتي قالت لي شجن دي ح تكون في مقام امك 😊 وده ح يكون زي اخوك وأشرت لي علي 👈🏻 ولد الـ مرا عشان كده ممكن تقولي ليها امي ( ولدها عمرو سنتين يعني اكبر من حمودي بسنه واسمو أحمد ) طبعا كلام خالتي ما عجبني بس سكت ما رديت لكن من تعابير وشي مرت ابوي عرفت ردي شنو 😒 قالت ليهم خلوها براحتها قالت لي انا اسمي محاسن لو عايزه ممكن تناديني بإسمي 😊 نطت عمتي ناهد وقالت بحده وهي بتحمر لي كيف يعني تناديك بإسمك 😠 مرت أبوي قالت ليها عادي خلاص ممكن تناديني بـ خالتو محاسن اديتها إبتسامة الموافقه 😊 خالتي قالت ليها ما تزعلي منها عشان لسه ما إتعودت عليك 😓 قالت ليها لااا عادي ما مشكله 😊 تعاملها ظريف وشكلها طيوبه 😍 طبعا كل ما تكون عايزه تعمل حاجه عماتي يقولو ليها ارتاحي انتي لسه عروس وكانت بتشتغل ليهم خالتي واصلا اجازتها انتهت وراجعه السعوديه 😰 وجات مخصوص عشان توصي مرت ابوي وتطمن علينا معاها ✋ وانا شويه شويه بديت اتعود علي خالتو محاسن لأنو لقيتها حنونه معانا 😍 وقبل ما خالتي تسافر بيومين طبعا عماتي اي وحده رجعت بيتها بعد ما اطمنو انو خالتي خلاص مسافره المهم خالتي قالت لـ محاسن طبعا انا بعد بكره مسافره والأولاد ديل ح اخليهم امانه في رقبتك زي ما عارفه انهم يتامى 😢 والرسول (صلي الله عليه وسلم ) وصى بـ اليتيم عشان كده خلي بالك منهم وانا يوميا بتصل اطمن عليهم ✋ وفي الإجازات بجيهم وكل شهر ح أرسل ليك قروش زي ما عارفه ابوهم دخلو المادي بسيط والشفع متطلباتهم كتيره 😓 عشان كده انا كل شهر برسل ليك ماهيه شهريه تصرفيها عليهم اي حاجه حسيتي انو نفسهم فيها تشتريها ليهم ✋ وانا متأكده الحاجات الأساسيه زي الأكل ابوهم ما بقصر فيهم بس مرات نفسهم بتكون في حاجه من الدكان غير الصنف الـ في الصينيه بدل تكلمي ابوهم انتي جيبيها ليهم من القروش وكده تكوني راضيتيهم وفي نفس اللحظه قربتيهم منك وحببتيهم فيك اتفقنا ✋ محاسن قالت ليها تمام قالت ليها عندي بس طلب اخير يا ريت لو سر القروش ده يفضل بينا وصلاح ما يعرفو لأنو ما ح يوافق 😔 محاسن قالت ليها ما عندك مشكله ✋ خالتي قالت ليها كده ممكن أسافر وأنا مطمنه عليهم 😍 طبعا خالتي محاسن كانت بتعاملنا احسن معامله وخاصه حمودي كانت مهتمه بيهو وخالتي سافرت ومسكت محاسن قروش في يدها وكانت بتصرفها علي شيبس وشوكولاته واشترت لـ حمودي واحمد بكت بامبرز وسيريلاك 😋 وما كانت بتشاكلني وفعلا بديت أحبها 😍 وكل يومين خالتي كانت بتتصل تطمن علي وكل ما تتصل بتلقاني مبسوطه لأني بكون ماسكه كيس الشيبس في يدي 😍 خالتي اتكلمت مع محاسن قالت ليها ان شاء الله ما غلبوك قالت ليها بري اطفال زي الملاك 😘 قالت ليها خلاص بعد يومين ح ارسل ليك القروش ومعاهم شنطة ملابس للأولاد قالت ليها مافي داعي للملابس لأنو كده صلاح ح يعرف انك بترسلي 😓 خالتي قالت ليها مافي مشكله اصلا صلاح عارف اني برسل ليهم ملابس بس القروش الـ ما عايزه يعرفها قالت ليها تمام ✋ خالتي قالت ليها بعد اطمنت عليهم معاك وطلعتي بنت حلال وقدر المسؤوليه تاني ح اتصل عليهم بدل يومي كل خميس عشان ما أزعجك ✋ وفعلا بعد يومين وصلت القروش ومعاها الشنطه وفي نفس اليوم للأسف سقطت الأقنعه واتكشف وش مرت أبوي 

                     البارت الرابع من هنا 

لقراءة جميع حلقات القصة من هنا

تعديل المقال