قصة اسمرى الملتحى
البارت التاسع9
بقلم اشجان الطحالب*
سافرت مع ولد عمو لـ سامر اسمو عمار شغال في امريكا وجا السودان اجازه ودعنا الأهل واتحركنا علي المطار 😢 وطبعا انا الدموع ما عايزه تقيف وخاصه انو دي اول مره افارق فيها حمودي لو عارفه اني ح أبعد منو كده ما كان وافقت بالعرس 😭 وعمار طول الطريق كان بيصبر فيني المهم الرحله استغرقت يومين الطياره نزلت في دبي واليوم التاني واصلنا الرحله وصلنا امريكا ✋ واول ما نزلنا من الطياره عمار غير شريحتو واتصل علي سامر بعد انتهينا من اجراءات المطار وطلعنا لقينا سامر واقف برا سلم علي ولد عمو بالأحضان وقال ليهو أمركا نورت من جديد وسلم علي عادي وكل الـ قالو لي حمدلله علي السلامه 😏 طبعا انا بالجد انبهرت بـ شكلو واناقتو لأنو في الحقيقه اجمل مليون مره من في الصوره " سامر طويل ولونو أسمر وعندو غمازه أقل حاجه بتظهر كان لابس بنطلون چينز وفنيله لونها أبيض نص كم مبينه عضلاتو 😍 قال لينا اتفضلو اساس نمشي وطبعا انا ما فاهمه اي شي بس ماشه وراهم وقفو جنب عربيه لو ما شوفت الأساتك تحت كان قلت عندها اجنحه وبتطير 😅 وده كلو وانا ما مصدقه حاسه زي الـ في حلم 😍 المهم ولد عمو ركب ورا وانا فتحت الباب عايزه أركب ورا عمار قعد يضحك قال لي اركبي قدام جنب راجلك 😉 نط سامر قال ليهو تعال انت قدام عايزك في موضوع 😓 عمار قال ليهو بس أولى تركب شجن ✋ طبعا انا ساكته سامر قال ليهو نزلت السودان اجازه وجيت انسان تفكيرك رجعِي تعال قدام وخلصنا 😒 عمار نزل ركب قدام وطول الطريق كانو بتونسو و عمار مره مره بيشركني معاهم في الونسه اما الحيوان ده ما قادره افهم تصرفاتو بس كان بعاين لي بالمرايه 😒 بعد وصلنا سامر وقف العربيه عمار نزل انا فتحت الباب عايزه انزل سامر عاين لي بالمرايه قال لي خليك نحن لسه ✋ عمار بعد نزل جا فتح لي الباب قال لي انزلي اركبي قدام قلت ليهو بس هنا كويس قال لي لا انزلي وكان فاتح الباب نزلت ركبت قدام وجسمي بارد زي التلج وقال لـ سامر انزل تعال دقيقه 😊 وفعلا مشو وقفو ساعه يتكلمو بعيد من العربيه وكل مره هو وسامر يتلفتو يعاينو لي كنت متأكده انو بيتكلمو فيني 😓 سامر جا دور العربيه واتحركنا وطول الطريق ساكتين وانا بعاين بالشباك وكنت مستغربه في منظر البنات لابسين عريان وبناطلين وماشين عادي في الشارع كنت بخجل واغمض عيوني 🙈 وبقول اكيييد ابوها ما عارفها طالعه كده وشوفت ولد وبنت متماسكين بقلبي قلت قليلين ادب ما بخجلو ماشين كده قدام الناس 😒 طبعا بعاين لمنظر الناس بالشباك وبعلق مع روحي وسامر ما شغال بي كأنو مافي زول معاهو 😒 كل الـعاملو فاتح ليهو اغنيه وانا ما فاهمه فيها حاجه كلها بالإنجليزي 😓 وصلنا طلعنا الشقه قال لي اتفضلي دخلت طبعا وصلنا الساعه 2 صباحاً إتحممت ونومت طوالي من تعب السفر 😔 اليوم التاني صحيت ولسه ما مصدقه إني يومي ح اتصبح بالوش ده 😍
قال لي good morning ردیت لیهو good morning دی اگتر جمله حفظتها في المدرسه 😅 وطول اليوم سامر قاعد معاي في البيت بس كأنو ما قاعد 24 ساعه شغال بالتلفون 😒 وانا قاعده زي الصنم واتزكرت كلام رزان لم وصفتو لي إنو مفتري كلامها صاح 😰 بس مفتري بحقو 😍 واخيرا قرر انو يتكلم معاي رطن معاي كلام ما فهمتو فضلت ساكته وبعاين ليهو بإستغراب 😳 قالت لي بتتكلمي English قلت ليهو لااا 😔 قال لي اوك طيب وصلتي وين في التعليم قلت ليهو لحدي الصف التامن قال لي بخلعه What ; Why اقصد ليييه بس لحدي هنا 😳 ما رديت عليهو غلبني احكي ليهو قصة حياتي وانو مرت ابوي هي السبب قال لي طلعتي من المدرسه عشان الزواج هزيت ليهو راسي لااا 😔 قال لي طيب السبب شنو ما رديت قال لي افهم انو سبب شخصي وعايزه تحتفظي بالإجابه تمام اوك ورجع يشتغل في تلفونو يعني لم قرر يتكلم معاي كان عباره عن أسئله ما ونسه 😏 بس لاحظت إنو في حاجه ما عاجباهو بس هي شنو ما عارفه 😔 واتناء ما قاعدين تلفونو رن فتح الخط وكل كلامو كان بالإنجليزي ما فهمت منو حاجه 😓 بعد قفل قال لي المساء حضري حالك اصحابي جايين يرحبو بيك قلت ليهو الليله 😱 قال لي اي عندك مانع 😊 قلت ليهو أبدا يشرفو وفعلا المساء وصلو وكان كلهم اجانب 😳 طلعت سلمت عليهم طبعا جايبين قزازة العصير حقتهم معاهم دخلت المطبخ اتناولت كبابي فاضيه وكل ما يشوفوني يتهامسو مع بعض ويتبسمو 😒 بعد اتقسمو العصير في الكبابي وبكبو في ربع الكبايه قلت احتمال عشان العصير الـعندههم بسيط 😓 قلت لـ سامر كان عصيرهم نقص ممكن اخلط ليهم عصير من عندنا يتِمو بيهو الكبابي اداني نظرة استحقار وسكت 😒 عمار سمعني قال لي اصلا ديل نظامهم كده بشربو في ربع الكبايه طبعا اتغظت من المغرور ده غالبو يرد لي زي عمار كده 😏 واحد منهم اتلفت ورطن معاي كلام وگـالعاده ما فهمتو 😰 بس الحمد لله عمار رد ليهو بدلي وبرضو ما فهمت الرد شنو 😓 وكل ما يتكلمو معاي يا عمار يا سامر هم البردو وانا قاعده وسطهم زي الأطرش في الزفه ما فاهمه ونستهم 😔 بس مره مره عمار بيتكلم معاي عربي اما الباقين لم اشوفهم بيضحكو كنت بشاركهم بإبتسامه 😊 بس المغرور ده الوضع ما عاجبو وظاهر كده في تعابير وشو 😒 بعد طلعو دخلت المطبخ اغسل الكبابي سامر جا داخل معاي وقال لي بحده ""