قصة اسمرى الملتحى
البارت السابع عشر17
بقلم اشجان الطحالب *
ماما سهير قالت لي اهااا يا بتي ردي علي 😊 هزيت ليها راسي اي وانا منزلاهو في الأرض 😔 طبعا سامر اتفاجأه ونطط عيونو مخلوع 😳 وماما سهير عايزه تطير من الفرح قالت لي تعالي اقعدي جنبي هنا مشيت قعدت جنبها وشغاله تبوس فيني وما مصدقه قالت لي ربنا يتمو ليك علي الخير 😘 سامر من عرف طلع الغرفه من غير ما يتكلم وماما سهير بتتكلم معاي وانا بفكر في مواجهه سامر بس قررت اني اواجهه المشكله 😔 قلت لـ ماما سهير عن اذنك وانا طالعه في السلم كانت بتجيني مية فكره وبقلبي بقول يا ربي سامر رد فعلو ح يكون شنو وهسي زعلان عشان الحمل 😢 يعني ما متقبل فكره انو في حاجه تربطنا ببعض طول العمر مع انو علاقتنا مع بعض كانت شبهه مستقره بس احتمال ما يكون عايزها عميقه للدرجه دي 😔 انا ماشه ورجليني بتخبط في بعض وبتكلم كده لحدي ما وصلت الغرفه ومتردده ادخل ولأ لا في الآخر دخلت الغرفه واول ما سامر عينو وقعت في عيني شال مفتاح عربيتو وطلع من غير ما يتكلم معاي 😢 بعد نزل امو قالت ليهو ليييه ما كلمتني انو مرتك حامل 😍 قال ليها حبينا نعملها ليك مفاجأه كذاب يا انت حتي انت اتفاجأت 😅 وانا قعدت في السرير وببكي وقررت اني اتحمل مسؤوليه طفلي مهما كان يعني قدرت استحمل معامله محاسن ما بقدر اتحمل مسؤوليه طفلي ✋ مسحت دموعي ودخلت اتحممت عشان اخفف من التوتر بلعت حبوب ورقدت 😓 بعد شويه الباب دق قلت معقول سامر وصل مرحله انو يبعد مني لدرجه انو يستأذن قبل ما يدخل 😢 قلت اتفضل بس الحمد لله دي ساره قالت لي ماما قال ليك انزلي العساء 😊 قلت ليها شبعانه ما عايزه بعدها جات داخله ماما سهير قالت لي يا بتي حاسه بحاجه غالبك تنزلي 😰 قلت ليها لا بس بالجد شبعانه قالت لي لا لازم تاكلي وترتاحي ✋ ساره جات داخله شايله صينية الأكل ختتها في التربيزه وطلعو وانا من مكاني ما قمت بس منتظره سامر ومغمضه عيوني 😓 شعرت بواحد بصلح لي في البطانيه فتحت عيني لقيتو ده سامر لم شافني صاحيه طوالي زح مني وعايز يطلع من الغرفه قلت ليهو بصوت مكسور سامر 😢 قال لي شجن نومي واجلي اي كلام للصباح ✋ قلت ليهو بس لو ما اتكلمت معاك ما بقدر انوم 😔 قفل الباب وجاني راجع عايزه اقوم قال لي خليك راقده انا سامعك قعدت جنبو في السرير قلت ليهو انت زعلان 😢 قال لي لااا قالت ليهو طيب لي بتهرب مني قال لي بس متضايق شويه قلت ليهو مني عاين لي في بطني قلت ليهو لو زعلان عشان الـ في بطني اطمن ما مجبور عليهو بس سجلو بإسمك وانا متكفله بيهو ✋ طبعا في اللحظه دي عيونو قلبت زي الشرار من الغيظ قال لي بحده قلتي شنووو 😳 كيف يعني ما مجبور عليهو ليييه جايبو منك بالحرام عشان اتخلى عنو 😠 يااااخ حتي لو بالحرام ما كنت إتخليت عنو وهو قطعه مني 😒 قلت ليهو طيب لييه زعلان قال لي انا ما زعلان في وجودو بالعكس بس زعلان عشان عرفتو عن طريق الصدفه ليييه يا شجن ما كلمتيني وانا اخر من يعلم ✋ قلت ليهو بصوت مكسور تتزكر اول علاقه بينا واليوم التاني انت اعتزرت مني وقلت لي انسي كل الحصل واننا غلطنا في حق بعض 😓 يلااا الحمل ده كان نتيجة الـ قلت عليهو غلطه عشان كده ما كلمتك ✋ سامر دموعو نزلت وقعد قدامي في الأرض علي رجلينو ومسك يدي قال لي بس بعدها علاقتنا رجعت زي اي اتنين متزوجين صح 😢 قلت ليهو بس برضو كنت خايفه منك انو في اي لحظه تجي تعتزر مني زي المره الأولي وتقول لي الحمل ده غلطه وانا ما عايزه ادخل طفلي في علاقه ما مستقره 😢 قال لي شجن معقول انتي شايفاني سيئ للدرجه دي 😔 قلت ليهو ما سيئ بس انا ما كنت حاسه بالأمان وخاصه انو مزاجك في الثانيه بتقلب مية مره 😢 جا قعد جنبي في السرير قال لي صح انا غلطان وليك حق ما تثقي فيني بس والله ندمان علي كل العملتو معاك وامس اتكلمنا في الموضوع ده واوعدك تاني ما اظلمك بأي شكل من الأشكال وأبقي ليك سند طول العمر ✋ حضنتو من غير ما اشعر هداني وهو بمسح لي في شعري يلا ارتاحي ورقدني في السرير لمح صينية العشاء قال لي شجن انتي لسه ما اتعشيتي 😳 هزيت ليهو راسي لا قال لي وكمان عايزه تنومي قلت ليهو ما جعانه 😓 قال لي كلمه ما جعانه دي تاني ما عايز اسمعها ✋ عايز كل ما اشوفك ألقاك ماسكه الأكل بيد وكباية العصير بيد قومي مسافة سخنت السجك لأنو بقى بارد فعلا سخن الأكل وجا قلت ليهو والله ما عايزه شبعانه قال لي بس الـ بيبي عايز 😉 قلت ليهو بشرط تاكل معاي قال لي تمام وفعلا اتعشينا وشال الصينيه رجعها المطبخ وجاب جك العصير قلت ليهو سامر والله ما قادره قال لي بعد تعبت وعملتو تقولي ما عايزه 😒 قلت ليهو عملتو انت ولأ ساره قال لي والله عملتو انا ساره نامت يلا عشان تعبي ده أشربي ان شاء الله كبايه واحده ✋ وبعد انتهينا ورقدنا سامر حضني عليهو وقال لي عمرو كم قلت ليهو بخلعه منو 😳 عاين لـ بطني وقال لي حبيب الـ بابا 😉 قلت ليهو اهاااا والله ما عارفه قال لي صح انتي ما مشيتي لـ دكتور بكره ح احجز ليك عند أحسن أخصائي قلت ليهو سامر احجز لي عند دكتوره 🙈 قال لي لا الدكاترة اشطر من البنات قلت ليهو صاح انا بليده وما شاطره في الإنجليزي بس والله ما كل البنات زيي بالعكس بس انا عشان الظروف كانت واقفه ضدي 😔 قاطعني قال لي نن عيوني والله ما قصدي كده بس انا ما برتاح للدكتورات بحبذ الدكاتره اكتر ✋ وبعدين والله انتي عندي احسن من اي زول يكفي انك دواي في عز مرضي ونور عيوني في عز الظلام 😍 قلت ليهو انا كلام الفلسفه ده ما بفهمو قعد يضحك وحضني عليهو شديد قال لي والله ما فلسفه بس ده احساسي معاك 😍
بعد يومين عمو عبد الفتاح وسامر طلعو مع بعض بعد سامر جا راجع أمو قالت ليهو الف مبروووك 😘 قال ليها الله يبارك فيك بس والله قلت لأبوي انا ما عايزهم بس أصّره 😓 قالت ليهو بس ده حقك وحق اولادك ونحن عندنا منو غيرك انت ومرتك 😍 والحوار ده كلو وانا ساكته سامر جا قعد جنبي قال لي وانتي ما ح تباركي لي 😊 قلت ليهو قبل ما اعرف الحاصل شنو قال لي ابوي سجل لي العماره والشركه بإسمي قلت ليهو مبروك 😊 وفي اللحظه دي بقيت شايفه طشاش طشاش واتزكرت اتفاقنا الـ في أمريكا بقلبي قلت يعني خلاص الصفقه تمت وحلم سامر إتحقق يعني دي نهاية طريقنا وحياتنا مع بعض 😰 استأذنت من ماما سهير وطلعت الغرفه سامر جا محصلني قال لي مالك 😳 قلت ليهو مافي حاجه قال لي متأكده قلت ليهو اي قال لي ما تقولي ناسي وعدي ليك وبكره الصباح خليك جاهزه ✋ بقلبي قلت اكييييد قصدو ينهي الإتفاق بينا يعني بكره ح اتطلق عايز يتخلص مني بالسرعه دي غالبو ينتظر لحدي ما يشوف طفلو 😔 قال لي شجن سرحانه وين في حاجه مضايقاك ولأ حاسه بحاجه 😢 قلت ليهو لا .. الصباح قمت بدري واصلا ما نمت سامر قال لي اتجهزي عشان ما نتأخر اول حاجه عملتها بديت أجهز في حمودي سامر قال لي حمودي ماشي وين 😳 قلت ليهو سايقاهو معاي 😒 قال لي كلها مسافة ساعه ما ح نتأخر قلت ليهو برضو يمشي معاي بقلبي قلت عشان بعد يسلمني ورقتي ينزلنا طوالي في بيت ابوي ✋ قال لي طيب راحتك وفعلا جهزت حمودي ونزلنا تحت وانا العبره خانقاني ماما سهير قالت لي سامر منتظرك في العربيه حضنتها ودعتها ودموعي نزلت 😭 اتخلعت قالت لي يا بنت مالك 😳 ولأ دي دموع الفرح والله انتي تستاهلي كل خير بقلبي قلت ليها في زول حياتو عايزه تتخرب بفرح 😏 مسحت دموعي وطلعت ركبت العربيه سامر رفع راسي قال لي شجن انتي كنتي بتبكي قلت ليهو لااا قال لي من امس حالتك ماعاجباني احكي لي الـ مضايقك شنو 😢 قلت ليهو ممكن نتحرك عشان ننتهي بسرعه قال لي بإستغراب ننتهي بسرعه 😳 !!! إنتي هسي عارفه انا سايقك وين قلت ليهو عارفه يا ريت نخلص بسرعه عشان انا زاتي مستعجله اكتر منك ✋ سامر استغرب قال لي اهم حاجه خليك عارفه انو الـ بعملو ده لمصلحتك ومصلحة البيبي 😊 بقلبي قلت ليهو وين مصلحة الطفل هنا في انك تبعدو منك بس ده كلو لمصلحتك انت عشان تحصل علي الشركه ✋وصلنا مكتب فيهو راجل كبير واول ما دخلت الراجل ناول سامر الأوراق سامر وقع بإبتسامه عريضه وناولني الورق قال لي وقعي هنا وقعت ورقة خراب بيتي 😔 بعد انتهيت الراجل قال لينا مبروك قلت ده كمان عرسنا مضايقو بشنو عشان يبارك لينا طلاقنا 😏 سامر شال الورق وطلعنا بعد ركبنا العربيه قلت لـ سامر وديني بيتنا طوالي ✋ قال لي اصلا ماشين البيت وامي ح تكون منتظرانا بالفطور قلت ليهو انا قصدي بيت ابوي 😔 قال لي شجن ابوك هسي ح يكون في الشغل وقلت ليك تاني ما ح تمشي للمرا دي 😒 قلت ليهو بس مافي سبب يقعدني معاك الـ بينا خلاص انتهى ✋ حك فرمله وقف والعربيه الوراهو ضربت ليهو بوري نظام يتحرك نزل من الظلط قال لي بحده عيدي كلامك ده تاني 😠 قلت ليهو كلامي غلط في شنو الشركه وامتلكتها وطلاق وطلقتني والصفقه البينا انتهت وانا ما عايزه منك حاجه غير ترجعني بيت ابوي حتي القروش الإتفقنا عليها ما عايزاها ✋ قال لي اهااا يا دوب فهمت قصدك خليك عارفه انا ما طلقتك مع انو ما عارفه المعلومه دي جبتيها من وين بس نواصل كلامنا في البيت 😓 وطول الطريق ونحن ساكتين بعد وصلنا البيت ماما سهير قالت لينا اها ان شاء الله اتوفقتو 😍 سامر قال ليها اي الحمد لله ماما سهير باركت لي وقالت لـ ساره حضري الفطور سامر قال لي شجن تعالي دقيقه وطلع الغرفه مشيت وراهو اول ما دخلت قالت لي جبتي كلام الطلاق ده من وين 😒 قلت ليهو من الورقه الـ مضيتها قال لي بإستغراب شجن انتي ما بتعرفي تقري 😳 قلت ليهو صاح ما بعرف الإنجليزي بس شاطره في العربي 😏 قال لي طيب الورقه دي قريتي فيها كلمة طلاق قلت ليهو اصلا ما قريتها بس كتبت اسمي 😓 قال لي وبتمضي حاجه من غير ما تعرفي فيها شنو وبعدين ده محامي ما مأذون 😒 مسك يدي وقعدني جنبو في السرير قال لي شجن انا صح حياتي معاك بدت عن طريق صفقه بس ربنا يشهد انا اتعلقت بيك حتي قبل ما اعرف البيبي الـ في بطنك والله حتي لم كنت بستهزأ بيك كنت بقنع في روحي عشان ما احبك واكتشفت اني حبيتك لم كُنتي قاعده مع هبه كُنت حاسس انو في حاجه ناقصاني قلت ليهو طيب الورقه دي شنو 😓 قال لي قلتي شاطره في العربي صح امسكي اقريها إنتي 😊 وناولني الورق لقيتها تغيير الملكيه قلت ليهو ما فهمت فيها حاجه قال لي سجلت ليك الشركه والعماره بإسمك قلت ليهو كيف يعني 😳 قال لي انا صح في الأول إتزوجتك عشان الشركه والعماره بس كسبتا كنز احسن منهم وهو انتي 😍 عشان كده بقو من حقك طبعا دموعي جرت قال لي اي ابكي لانك معرسه ليك راجل حيوان ما قدر يقدر الكنز العندو وفهم في الأخر انك كل حياتو بس نعمل شنو نصيبك كده 😅 وضماني عليهو وباسني في راسي 😘 بعد نزلنا تحت سامر قال لأمو ح نضطر نقطع الإجازه عشان لو قعدنا شهرين شجن بتكون في الشهر السابع والدكتور قال السفر خطر عليها عشان كده ح نقعد بس شهر ونرجع 😊 امو قالت ليهو شجن ما ح تسافر الأ بعد تلد قال ليها كيف يعني 😱 قالت ليهو كده انا عايزه حفيدي يتولد معاي 😍 قال ليها طيب انا ابوهو ما من حقي اول واحد اشوفو وبعدين عشان ياخد الجواز الأمريكي ✋ قالت ليهو بري الجواز يطير الولد بعد يتولد البأذن ليهو في اضانو منو في بلد الكفار ديك 😒 قعد يضحك قال ليها نسيتي انا ولدتيني وين وبعدين بأذن ليهو انا ولأ فاكراني كافر 😅 قالت ليهو طيب شجن الـ براعيها منو قال ليها هناك ف احسن الدكاتره لو حصلت ليها حاجه لا قدر الله ما بطلعوها من المستشفى لحدي ما تبقى كويسه وبعد تطلع انا بقعد معاها شهر اها تاني في حاجه ✋ طبعا النقاش ده كلو وانا بعاين ليهم وساكته 😓 امو قالت ليهو خلاص نسمع رأي شجن والـ بتقولو يمشي واتلفتت قالت لي ""