قصة اسمرى الملتحى
البارت الخامس5
بقلم اشجان الطحالب*
يوم ابوي نسي الجزلان وجا راجع البيت عشان يشيلو ولقاني ماسكه المقشاشه وشغاله نضافه 😓 طبعا أبوي اتخلع 😱 ولم سأل محاسن قالت ليهو شجن الليله عندهم إجتماع في المدرسه ومؤجزين ليهم 😒 قال ليها طيب ليييه تخليها تشتغل من الصباح كده 😒 قالت ليهو هي براها صحت وقالت الأ تنضف معاي ابوي قال لي بالجد 😓 محاسن اتلفتت علي وحمرت لي 😠 قلت ليهو كلامها صاح 😰 قال لي لسه الوقت بدري ارجعي نومي وشال الجزلان وطلع انا نضفت ولم مواعيد المدرسه جات عايزه اتجهز خالتي محاسن قالت لي ماشه وين قلت ليها المدرسه 😓 قالت لي لا مافي مشي انتي عايزه ابوك يطلعني كضابه هسي لو جا راجع اقول ليهو شنو 😒 قلت ليها بس الليله عندنا اختبار 😢 قال لي برضو ما تمشي 😏 وفعلا غبت من المدرسه وخالتي ما اكتفت بالنضافه لمت لي كل الغسيل هدومي وهدوم حمودي واحمد ولدها قلت ليها بس انا ما بعرف اغسل 😔 قالت لي تتعلمي 😠 طبعا انا شغاله غسيل من الساعه 8 صباحا لحدي الساعه 12 😭 جاتنا عفاف مرت جيرانا لقتني بغسل قالت لي شجن ليييه ما مشيتي المدرسه 😒 محاسن قالت ليها اليوم كلو بحنس فيها عشان تمشي 😓 خالتو عفاف قالت ليها وده شنو واشرت علي 👈🏻 الهدوم حرام عليك شجن قدر شنو عشان تردمي ليها غسيل قدر ده انتي بتعملي في شنو 😠 محاسن قالت ليها ما عندك دخل فينا ولو عايزه تتحشري في حياتنا تاني ما تجينا 😒 عفاف زعلت وطلعت 😓 العصر وقريب لمواعيد ابوي يرجع من الشغل محاسن قالت لي الأ تدخلي تتحممي 😓 قلت ليها تعبانه والله ما بقدر وانا جسمي كلو مكسر من الغسيل 😭 بس جبرتني اتحمم وسرحت لي شعري بالغصب وحزرتني اني احكي لأبوي انو دي انا الـغسلت 😰 ابوي جا داخل قال لي مالك راقده زي العيانه نطت محاسن قالت ليهو قالت مصدعه 😓 بس اديتها حبوب وهسي بتبقى كويسه ✋ وده كان الروتين اليومي بنضف الصباح قبل امشي المدرسه وبعد اجي راجعه العصر بغسل العده وبغسل هدومي 😔 يوم جيت راجعه من المدرسه لقيت عمتي ناهد قاعده معانا محاسن قالت لي شجن حضرت ليك العصير في التلاجه وحضرت ليك هدومك في السرير 😊 طبعا اتصدمت من معاملتها معاي عشان ما متعوده علي كده 😳 بعد اتحممت كـالعاده عايزه اغسل العده قالت لي لا معقول تغسليها ادخلي ارقدي ارتاحي 😊 نطت عمتي ناهد قالت ليها البنت دي ما تدلعيها كده 😒 محاسن قالت ليها خليها لسه صغيره 😏 الحمد لله اليوم ده بالنسبه لي كان راحه من شغل البيت بسبب وجود عمتي ✋
اتصلت خالتو سماح وقالت جايه الإجازه 😍 ومحاسن من عرفت انو خالتي جايه قالت لي والله تحكي لـ خالتك بـ حاجه انا بقتل محمد اخوك واوعك تقولي ليها انك بتشتغلي في البيت 😒 ولو عرفت انك كلمتيها ما بسألك انتي لكن بنتقم في اخوك 😠✋ طبعا كانت بتهددني بحمودي عرفت تسكتني من يدي البتوجعني 😔 حتي ابوي ما كنت قادره احكي ليهو الحقيقه وهي قدامو بتعاملني زي الملكه 😭 وبعد خالتي وصلت آخيرآ رجعت لي الإبتسامه 😍 بس خالتي لم شافتني اتخلعت قالت لي مالك خدرتي وضعفتي كده 😱 نطت محاسن قالت ليها دي من كترة القرايه 24 ساعه ماسكه كتابها تقرأ 😊 طبعا انا قوامي مربوع ولوني اصفر فاااتح " اليوم التاني خالتي اجرت شقه لأنو مافي طريقه تقعد هنا مع مرت ابوي 😓 واستأذنت من ابوي انو تسوقنا معاها وانا من الفرحه ما مصدقه 😍 وخالتي أثناء ما بتجهز في هدومي وهدوم حمودي قالت لـ محاسن هدوم شجن وين 😓 قالت ليها في الدولاب خالتي قالت ليها بس في هدوم كتيره رسلتها ليها وهسي ما لقيتها ومنهم بتزكر فستان وبنطلون جنز ديل ما لاقياهم 😒 محاسن بقت تتمتم انا قبل يومين شوفتهم في الدولاب واتلفتت قالت لي امشي شوفيهم في الغرفه التانيه وانا عارفه انها كضابه لانو رسلتهم البلد لـ بنت اخوها 😒 وبعد دخلت الغرفه جات بـ وراي قالت لي والله تقولي ليها انا الـ شلت الهدوم عارفه بعمل شنو واشرت لي علي حمودي 😠 هزيت ليها راسي بكل خوف حاضر 😰 طلعت لـ خالتي قلت ليها ما لقيتهم يكون مع الملابس الوسخانه ما شرطي بلبس غيرهم ✋ وكان همي كلو اطلع من البيت بأقصي سرعه وفعلا طلعنا ودي احلي اجازه قضيتها مع خالتي 😍 وكل الوقت كانت بتسألني من معامله محاسن وكل ما افكر احكي ليها الحقيقه كنت بتزكر تهديد محاسن فـ بسكت وبقول ليها مبسوووطه 😓 وخالتي عدت معانا الاجازه ورجعت السعوديه ونحن رجعنا للحياه القاسيه تاني 😢 وانتهت الإجازه ونزلت السنه الدراسيه الجديده وطبعا مستواي اتدهور شدييييد حتي المعلمات لاحظو لي 😔 وكانو بتعاطفو معاي فاكرين انو وفاة امي اثرت علي في الدراسه بس ما عارفين انو مرت ابوي هي السبب وبعد ده كلو طلعت حامل 😔✋ ومن عرفت روحها حامل شغاله تدلع نفسها فيني زي التقول انا امها 😒 يوم الصباح بعد انتهيت من النضافه وماسكه هدوم المدرسه عايزه اتحمم قالت لي الليله ما تمشي المدرسه عشان تعملي لأخوانك الفطور انا ما بقدر اقوم من السرير ✋ قلت ليها لكن المدرسه قاطعتني قالت لي الـ قرو عملو شنو 😏 وبعدين انا لو في مكانك كان قعدت في البيت براك عارفه ابوك قروشو يا دوووب بتكفي الأكل وانتي مصاريفك زايده ولسه عندك اخوان صغار عايزين يقروهم ده غير الـ في بطني ده 😓 بقلبي قلت اخوان شنو كمان 😏 عندي اخو واحد بس محمد 😒 واصلت كلامها وقالت لي كفايه بتعرفي تكتبي اسمك والبنت اخرها راجل وبيت وتكون اسره وابوك ما عندو قروش لمدرستك ✋ ولو عايزه راحة ابوك مافي داعي للمدرسه طبعا كلامها اثرني دخلت الغرفه ابكي يعني تعب ابوي ده كلو سببو انا 😭 والليل كلو كنت بفكر وقررت انو من بكره ما امشي المدرسه ✋ وفعلا اصبحنا اليوم التاني محاسن قالت لي الليله ما ماشه المدرسه قلت ليها لا 😊 طبعا ما صدقت انو لقت ليها حبشيه تشتغل ليها بالمجان وعدا يومين وانا غايبه من المدرسه لحدي ما المديره اتصلت علي ابوي كلمتو وابوي اتفاجأ اني ما بمشي 😱 و جا سألني نطت محاسن قالت ليهو خليها علي راحتها بس ابوي رد ليها بحده كيف اخليها علي راحتها دي مدرسه ما لعبه 😡 قالت ليهو انا كل مره بحنسها عشان تمشي بس هي رافضه 😒 ابوي قال ليها طيب ليييه ما كلمتيني من اول يوم غابت فيهو 😒 قالت ليهو خوفت شجن تزعل مني وتكرهني 😔 طبعا ابوي فضل يضغط علي عشان يعرف السبب وردي كان واحد انو ما عايزه امشي المدرسه عايزه اقعد في البيت و بقلبي بقول ليهو راحتك عندي اهم من المدرسه 😢✋ طبعا ده الفهمتني ليهو محاسن انو لو خليت المدرسه ابوي بكون مرتاح ✋ وفي الاخر فضل يحنسني نطت محاسن قالت ليهو طيب اتصل علي اختك نفيسه تسوقها تقرأ معاها في مدرستها وهي اصلا استاذه وبتقريها وبتراعيها 😊 ابوي قال ليها دي فكره كويسه ✋ بس محاسن همها تتخلص مني 😔 وفعلا ابوي اتصل علي عمتي في عطبره وقال ليها شجن هنا رفضت المدرسه وما عارف سببها شنو عايز اجيبها تقرأ معاك في مدرستك ✋ قالت ليهو بتمني والله انو شجن تقعد معاي لكن المدرسه ما بتقبلها لانو وقفو التسجيل قالو الطلاب كتار والعدد تاني ما بستحمل اضافه 😓 ابوي فهمها رافضه وما عايز يضغط عليها 😔 عمتي بعد قفلت الخط قالت بري مالي ومال الهم لو فيها فايده محاسن ما بتجيبها لي 😏 وابوي كان متأثر بسبب رفضي للمدرسه وكل مره كان بيحنسني ✋ بس انا كنت مصره علي رأيي وفضلت قاعده في البيت وقايمه بشغل البيت كلو 😔 ولم ابوي يجي محاسن بتعمل روحها انو هي الشغاله وتعبانه وبتعاملني زي الأميره في وجود ابوي وزي الحبشيه في غيابو وانا كنت مستحمله وساكته عشان خاطر حمودي 😔✋
وعدت الـ 9 شهور ومحاسن وضعت وجابت ولد سمو مصعب 😍 طبعا جات اخت خالتو محاسن تقعد معاها اساس تخدمها فترة الولاده بس كل البتعملو تدخل المطبخ تعمل الاكل وتجي ترقد جنب اختها في السرير 😓 وانا البعمل باقي الشغل حتي هدوم البيبي كنت انا البغسلها يعني بدل اكون مسؤوله بس من حمودي بقيت مسؤوله من بيت كامل وشايله مسؤوليه اكبر من عمري 😭 وبعد ده كلو خالتي محاسن مانعاني اقرب من الطفل ولا حتي اسلم عليهو 😢 المساء جاتنا خالتو عفاف تبارك ليها المولود ومعاها مرا غريبه خالتو عفاف قالت لي شجن المدرسه كيف ما رديت عليها ضيفتهم العصير وطلعت ردت ليها محاسن قالت ليها كويسه يومي بتمشي 😊 طبعا عشان عارفه عفاف متواصله مع خالتي سماح فـ رفضت تقول ليها اني ما بمشي المدرسه عشان ما توصل الخبر لـ سماح 😔 بعد اتونسو وطلعو جيت انا داخله عايزه ارفع الكبابي من التربيزه الكبايه اتزلقت من الصينيه وقعت واتكسرت ومحاسن ما صدقت لقت ليها فرصه وانفعلت فيني 😰 يكسر رقبتك عارفه دي دافعه فيها كم عشان تكسريها إنتي ولأ فاكره انو كان جايباها امك 😡 طبعا انا بستحمل اي حاجه الأ سيره امي 😭 طلعت من جنبها ببكي وفي الباب اتفاجأت بالمرا الجات مع خالتو عفاف واقفه برا مصدومه وسمعت كل الكلام 😱 جات راجعه عشان نست تلفونها وفعلا شالت التلفون وطلعت 😔 وانا من التعب ما بصدق الليل يجي عشان ارقد في السرير وجسمي كلو بيوجعني 😭 واليوم بعدي وانا مره اشتغل مربية اطفال لـ حمودي واولادها ومره حبشية نضافه في البيت وبعد مرور 6 شهور اتقدم لي عريس