قصة محاولة تجاوز
البارت الواحد والعشرون21
بقلم شذى عبد المكرم
يوم الجمعه الصباح كان يوم العقد صحيت بدري وطبعا كالعادة صحتني هداية شربنا الشاي وجاتنا هادية وطوالي مشينا بيت خالتي نفسية القريب مننا دا اتصل لي الهادي طوالي هادية شالت مني التلفون وفتحت الاسبيكر
هادية: يا ابني كلها كم ساعة وحتكون معاك ما قادر تصبر
الهادي: انتي واختك هداية السلطكم علي منو نفسي اعرف
هادية: ما تخاف قاعدين في حلقك كدا بس
الهادي: ليكم يوم هسي كدا ادوني المدام دي
هادية: من هسي جهز جيبك تقيل عشان ما حتشيلها بالمجان كدا
هداية: ايي لازم نضمن حقنا
الهادي: ان شاءلله هسي وين اريج
هادية: حندا ليها . ادتني التلفون انجدعت في اقرب سريع
اريج: الهادي
الهادي: اريج انا قولت ليكي شنو
اريج: والله براها خطفت مني التلفون
الهادي: ما داير ازعلك في يوم ذي دا
اريج: الليلة بالذات ما حأزعل
الهادي: ولا حتى انا اليوم دا منتظرو من ستة شهور مستحيل افرض فيهو
اريج: ولا حتى انا
الهادي: ياااخ الزمن دا كان عندنا تبيان صغيرة
اريج: الهادي هوي الاتنين ديل مغلبيني كفاية
الهادي: لنفسك والله
اريج: خلينا ما نتكلم في الموضوع دا هسي
الهادي: احسن البيان بالعمل
اريج: الهااااادي
الهادي: ههههههه سكتنا مع انو ما عارف لسع بتخجلي مني ليه
اريج: الهادي بطلع بخليك
الهادي: خلاص سكتنا اها جاهزة
اريج: والله لسع وراي حاجات كتيرة المفروض اعملا
الهادي: انا دايرك ذي ما انتي لاني حبيتك ذي ما انتي
اريج: اممممم
الهادي: فشنو ما تتعبي نفسك كتير اوكي
اريج: اوكي الهادي انا مشغولة نتكلم بعدين اوكي
الهادي: اوكي انا ذاتي عندي بعض الترتيبات داير اعملهم نتلاقى
اريج: باي
الهادي: في امان الله . وقفلنا التفت على هادية الماسكة تلفونها
اريج: وين الفطور
هادية: تفطري برأس كديس ميت
اريج: عف*نة
هادية: كان تشبعي كلام حلو
اريج: بالعكس الكلام الحلو يداب بجوع . فنتني بالمخدة
هادي: سجمانة . وقومنا نضحك بعد شوية جابو لينا الفطور في بيت خالتي فطرنا وطوالي على الكوفير بدو فيني الحمام المغربي وباقي الحاجات وقعدنا كان باقي الميكب بس والزمن لسع لمن خلاص جات لحظة العقد اتصل لي الهادي سمعني عقدنا للمرة التانية حتى المرة الاولى سمعتها وصحبو كان سجلها وللان الهادي محتفظ بيها في اللابتوب حقو لمن خلص باركو لي البنات ما بكيت دمعت بس لانو الهادي هو الهادي وكان راجلي ما حتكون ذي لحظت اول مرة ديك كملت البكي بس دي لا كنت فرحانة وشديد كمان لمن غلبني البكي هههههههه طوالي بدو لي الميكب
اريج: ما عازواهو كتير لمن يغير لي ملاحمي عاوزاهو خفيف بس
البت: حاضر . بالفعل عملتو لي خفيف ذي طلبي وعجبني ولبست التوب وظبط معاي ومع لوني الفتح في الفترة الفاتت دي
هادية: لا بالجد دي منو
هداية: اظنها دي العروس التانية الجات قبل شوية
اريج: للدرجة دي حلوة
هادية: احتمال الهادي يشرد بيكي ما تحصلي الغدا
اريج: هههههه سجمانة
هداية: خلونا نتصور بالفعل قعدنا نتصور لمن الهادي وصل الكوفير وجا داخل
الهادي: ما شاءلله تبارك الله يا ارض احفظي من عليكي . نزلت رأسي من الخجل جا علي وحضني وسلم علي في جبيني
الهادي: الف مبروك لينا
اريج: الله يبارك فيك . كنت خجلانة لانو هادية وهداية واقفين
هادية: خلوني اصوركم
الهادي: فكرة حلوة . صورتنا كم صورة كدا
الهادي: نمش
اريج: تمام . مسكني من ايدي وطلعنا كدا اتقابلنا مع ريان في الباب
ريان: شكلي اتأخرت حبة عشان كنت بعمل ليكي في مفاجأة . حضني وبارك لي
اريج: المفاجأة شنو
ريان: حتعرفي بعد كم يوم
اريج: تمام . مشيت ركبنا عربية صحبو للهادي وريان معاهو هادية وهداية في الطريق
الهادي: ليه ايدك باردة كدا
اريج: متوترة بس شويه
الهادي: ما تتوتري عادي
اريج: يعني كدا خلاص رجعنا لبعض . جراني عليهو وحاصرني عليهو
الهادي: اتخيلي بس . قرصتو في ايدو
اريج: الهادي عيب صحبك معانا
الهادي: هو ذاتو بكرة حيتزوج ويعمل كدا ولا شنو يا مان
صحبو: اكيد طبعا هههههه . دخلني في ضفوري دايما دي حركاتو بس وصلنا البيت وكانت فيهو عزومة صغيرة كدا غدا ماف زغاريد باركو لينا وقعدنا بعد فترة
الهادي: نمش بعد دا
اريج: خليني اشوف الاولاد
الهادي: تمام حتى انا داير اشوفهم
امي: امشو غرفة اريج وانا بجيبهم
اريج: تمام . مشيت مع الهادي غرفتي شوية وامي جابت لي الاولاد جوني جاريين وحضنوني
تامر: ماما مشيتي وين
اريج:: كنت في بيت حبوبة نفسية بس . وبوستو هو واختو
الهادي: تعال يا بطل ما داير تسلم على ابوك ولا شنو . مشا لابوهو وانا ماسكة تالا وبجضم فيها وهي تتضحك بس
اريج: تامر
تامر: نعم
اريج: وانا وابوك حنمشي يومين ونرجع
تامر: ماشي معاكم
اريج: لازم تقعد مع اختك ونحنا يومين وراجعين
تامر: لالا ماشي معاكم بس
الهادي: انت ما داير شوكولاتات ومصاصة
تامر: داير
الهادي: خلاص تقعد مع تالا وانا بمشي مع ماما نجيب الشوكولاتة ونجي تمام يومين بس
تامر: تمام
اريج: ممكن نطلع بعد دا
اريج: تقعدو هادئين ما تغلبو حبوبة اوكي
تامر: اوكي . حضنتهم ودموعي نزلو ما هان علي اخلي اولادي وامشي تالا شبكت فيني ابت تخليني الا امك جات قلعتها وكانت بتبكي شديد الا ريان شالها حتى سكتت وانا ببكي على بكائها
ابوي: هاكي دا اخوكي رامي داير يبارك ليكي " دا المغترب "
اريج: رامي
رامي: يا عيون رامي الف مبروك
اريج: الله يبارك فيك حبيبي
رامي: ان شاءلله مبسوطة المرة دي
اريج: مبسوطة
رامي: ما تنسي نحنا دايما وراكي
اريج: عارفة يا حبيبي
رامي: اختنا وحدة بس وامنا التانية مستحيل نفرض فيكي . بكاني بكلامو
اريج: ربنا يخليكم لي يا رب
رامي: امييين يارب هاكي دي هديل دايرة تبارك ليكي " مرتو "
هديل: اروجة حبيبتي الف الف مبروك عجبني ليكي انو رجعتي لبيتك ولراجلك واولادك
اريج: الله يبارك فيكي حبيبتي وتسلمي شديد . اخوي رامي طولنا منو كم مرة بقول حيجي بس ما بجي
ودعت ناس امي وناس عمتو مريم والبيت كلو وبكيت كدا حتى طلعنا ركبنا العربية في الطريق اتصل لي عمران دا اكبر اخواني وبارك لي هو ومرتو ووصلنا بيتنا ايي نفس بيتنا الزمان بس لقيت الهادي مغير اللون بس اللون الاختارو احلى من القديم
اريج: اللون رهيب اختيارك تحفة
الهادي: عشان كدا اخترتك . ابتسمت ليهو بحب ودخلنا البيت وحتى جوا اللون مغير حسيت كأنو ما بيتي الزمان
اريج: بقى حلو شديد
الهادي: كويس انو عجبك
اريج: عجبني شنو دا روعة . جيت مسكتو ما ايدو
اريج: خلينا نتفرج على البيت من جديد كأنو اول مرة ادخلو ونستعيد زكرياتنا فيهو
الهادي: وليه لا . مسكني من يدي ودخلنا اول غرفة كانت جنبنا حقت تامر قعدنا نشوف فيها مشا جنب حيطة وحدة
الهادي: العلامة دي بتذكرك بس . في علامة سودا في الحيطة
اريج: تالا عملتها بقلم الحاجب المفضل عندي قربت اجدعها لو انت ما اتدخلت ههههههه
الهادي: وكانت دايرة تتشاكل معاكي بملاحمها الطفولية ديك كانت حلوة شديد واول مرة تعصب عشان كدا لمن غيرت اللون حزرتهم ما يهبشوها ابدا . ضحكنا
اريج: ذكرى حلوة شديد
طلعنا من الغرفة ومشينا المطبخ
اريج: دا منطقتي الحربية
الهادي: لمن كنتي حامل بتامر فنيتيني بملعقة قربتي تفتحي عيني
اريج: ههههه انت استفزيتني شديد
الهادي: بس يا حاقدة دايرة تشيلي عيني
اريج: بشيلها ههههههه
الهادي: والله فداكي
اريج: يا حبيبي انا . وحضنتو شديد وطلعنا من الغرفة وقفنا في الصالة
الهادي: تقريبا المكان دا شهد كمية من الزكريات وكمية من الهرمونات
اريج: هههههه بالجد والله يستاهل اوسكار في الصبر والتحمل . مشينا برا الحديقة وقفنا فيها
اريج: متذكر لمن تامر وقع من العجلة وفتح حاجبو
الهادي: انتي قربتي تجني
اريج: حسيت قلبي وقع
الهادي: جدعتي تالا الكونتي بتنومي فيها ههههههه
اريج: ما كنت حاسة البحولي تركيزي كلو كان مع تامر الوشو اتلمى دم دا
الهادي: بالجد لينا كمية زكريات في البيت كدا . وقعدنا نلف في البيت ونتذكر اخر حاجة ختمناهو بغرفتنا
الهادي: هنا سكتت شهرذاد عن الكلام . قرصتو
اريج: بقيت قليل ادب خلاص
الهادي: ههههههه هسي انا قولت شنو
اريج: ما دايرة معاك كلام . وقفت في المراية بفك في التوب جا قعد في التوليت وبعاين فيني
الهادي: بقيتي حلوة شديد . حدرت ليهو
اريج: وانا من زمان شينة
الهادي: ما قصدي كدا بس بقيتي احلى . وغمز لي
اريج: الهادي الله يقرعك مني
الهادي: والله ما اغشك ما بنقرع الليلة دي بالذات تعالي اساعدك
اريج: بس بأدب
الهادي: حاضر من عيوني . بالفعل فكا معاي التوب بدون حركات ومشيت الحمام غيرت وطلعت خليتو يدخل هو
الهادي: الحمام كلو كتم ريحتك
اريج: ما عاجبك
الهادي: معقولة . وكان بقرب شوية شوية
اريج: الهادي لا انا تعبانة
الهادي: انا ذاتي تعبان . قرب لحدي ما سكتت شهرذاد عن الكلام على قول الهادي ههههههههه.......
"رُبما تُهديك الحياة كل جَمالها في شخص."🤍