قصة محاولة تجاوز
البارت التاسع9
بقلم شذى عبد المكرم
بعد يومين من التخريج بعد المغرب جا عمو آدم مع الهادي عشان يشوف احفادو ويبارك لريان في نفس الوقت الاولاد جرو لابوهم وقعدو جنبو واداهم حاجات ذي كل مرة وانا متجاهليني
تامر: جدو لشنو ما قاعد تجينا
عمو آدم: لانو انا بقيت كبير شديد وصعب انو امشي كتير . تامر جنو اسئلة طبعا شبك ليك جدو كمية اسئلة
عمو آدم: وين ريان النبارك ليهو
ابوي: اريج وين اخوكي
اريج: طلع قبل شوية
ابوي: نهائي ما بحب قعاد البيت
عمو آدم: ما هو خلاص اتخرج تاني صعب يقعد
ابوي: والله صح كلامك
عمو: وكيف رامي واولادو في الغربة " دا اكبر اخواني متزوج ومغترب برا بجي الا في الاجازات بس "
ابوي: والله ما ليهو عوجة قال اجازتو قربت وحيجي مع اولادو
عمو آدم: ربنا يرد غربتو .
اريج: الهادي
الهادي: نعم
اريج: عندي فردة حلق وقع في عربيتك
الهادي: متين الكلام دا
اريج: لمن رجعتنا مع الاولاد اخر مرة
الهادي: ما شوفتو
اريج: يمكن ما انتبهت ليهو اديني المفتاح بشوفو
الهادي: تمام هاكي . مدا لي المفتاح شيلتو ومشيت فتحت العربية بتشم ريحة الهادي بس قعدت اشم في الريحة ما تمت دقيقة الهادي جا طالع لي
الهادي: لقيتيهو
اريج: لسع . فتح باب السواق وبفتش معاي
الهادي: انتي متأكدة انو في وقع في العربية
اريج: ايي كدا افتح الدرج دا
الهادي: البدخلو الدرج شنو
اريج: ما عارفة افتحو انت ما خسران حاجة
الهادي: نشوف اخرها معاكي . فتح الدرج كدا هو فضل يفتش دخلت يدي وشيلت العطر ودا اصلا المطلوب الحلق كان كبري بس
اريج: لقيتو
الهادي: وينو
اريج: اهو . رفعت ليهو يدي مع العطر رفع لي حاجبو
الهادي: دا عطري انا لكن
اريج: عارفة
الهادي: يعني ماف اي حلق وقع
اريج: اتخيل بس
الهادي: اريج رجعيهو محلو
اريج: بقى حقي خلاص
الهادي: نينا انتي عارفة العطر دا جيبتو من وين وبكم
اريج: ما غالي علي
الهادي: دا اغلى منك يا سجمانة
اريج: حرام لو رجعتو ليك يا معفن . سامعة فيهو بنادي فيني وانا بضحك بس مشيت طوالي الغرفة ختيتو ورجعت الصالون طوالي حمر لي
عمو آدم: ان شاءلله لقيتي الحلق
اريج: لقيتو
عمو آدم: ودا مالو رابط وشو كدا
اريج: قال عشان حلق صغير بس غالي بالنسبة لي . عملت نفسي زعلانة
عمو آدم: ما تشغلي بالو بيهو
اريج: تمام . رفعت رأسي لقيت الهادي بحمر لي قربت اضحك قعدو معانا شوية وخلاص قامو طالعين عمو آدم قدم مع ابوي قدام فضلنا انا وهو ورا
اريج: وين الشوكلاته حقي شايفة وزعت لاولادك وين حقي انا
الهادي: دي قوة عين ولا شنو
اريج: ممكن تقول كدا . طلع لي وحدة وخمشها لي في يدي قومت ضحكت
اريج: ما تتحسر على الريحة لانها في ايادي امينة
الهادي: واضح . قدمناهم وطلعو وانا رجعت جوا مبسوطة شديد طوالي اتريحت بالريحة حق الهادي
اسبوع من الكلام دا قاعدين كدا اتصلو لابوي
ابوي: ان لله وان اليه راجعون . كلنا انخلعنا منتظرين ابوي يخلص مكالمتو عشان نعرف الحاصل بعد خلص المكالمة
امي: الحاصل شنو يا عبد القاسم المات منو
ابوي: ماتت حماتك يا اريج . اتخلعت خلعة ما يعلم بيها الا ربنا
اريج: منو فيهم يا ابوي
ابوي: هدى . طوالي وقفت فوق
اريج: متين وكيف
ابوي: ما عارف والله اهو الحاج آدم ضرب لي
اريج: لازم نمشي ليهم
ابوي: ايي قومو اتجهزو
اريج: والاولاد ديل نسوقهم محل العزاء كيف
ابوي: خليهم من خالتك نفسية" دي خالتي وساكنة قريب مننا "
اريج: ممكن . اتجهزنا كلنا ووديت الاولاد بيت خالتي وطلعنا انا ببكي من كنا في الطريق وصلنا بيتهم ما شاءلله عالم مبالغة رفعت الفاتحة ودخلت جوا لقيت هادية جاتني جارية وحضنتني
هادية: هدي يا اريج مشت خلتنا . بكيت معاها بكى مبالغة لمن حسيت جاها هبوط قعدتها مشيت لهداية كانت بتبكي بس حضنتها وبكيت معاها عمتي مريم دي لقيتها بعد زمن عشان اعزيها لانو الناس كتار والله حالتهم بتحنن خلاص
هادية: قالت لي حتجي تعيد معانا الاضحى الجاية . وبتبكي
اريج: خلاص حبيبتي
هادية: مشت خلاص تاني ما حنشوفها
اريج: ما غالية على ربها استغفري
هادية: استغفر الله . بعد هدت شوية تفكيري كان مع الهادي كيف اعزيهو وحالتو كيف " طبعا هدى الكبر متزوجة وساكنة في الابيض لانو شغل راجلها هناك وعندها اربعة اولاد ما شاءلله هسي خلاص خلتهم براهم " ما قدرت اسأل من سبب الوفاة لانو ما زمنو مشيت عملت عصير لهادية وهداية وشربتهم بالغصب هداية دي نامت من التعب والبكي اما هادية دي لسع التقول هدى يداب جابو خبر موتها بحاول اسكت فيها بس الزمن لمن اتاخر جاتني امي
امي: نحنا راجعين بعد دا
اريج: امي انا ما بقدر ارجع معاكم واخليهم كدا
امي: خليكي معاهم خلاص وانا بكرة بجي
اريج: تمام وما تنسي الاولاد
امي: ما بنساهم
اريج: تمام . وطلعت مشت ذي الساعة عشرة كدا قولت اتصل للهادي اعزي ليهو
اريج: وين انت
الهادي: مع الرجال
اريج: تعال جنب الباب الصغير
الهادي: تمام . مشيت لقيتو واقف وكان واضح عليهو التعب رفعت ليهو الفاتحة وعزيتو حسيتو داير يبكي انا دي بكيت عديل اتمنيت لو كنت لسع في زمتو كان حضنتو عشان اخفف عنو بس للاسف
اريج: اخدت الادوية بتاعتك
الهادي: نسيتها
اريج: ما صح يا الهادي عارفة ما لقيت زمن بس هسي امشي ابلعهم
الهادي: تمام
اريج: بعمل ليك عصير عشان بطنك فاضية
الهادي: تمام . حتى كلام ما قادر يتكلم مشى وانا عملت ليهو عصير بدون سكر اديتو ليهو وخليتو يبلع الحبوب حقو حتى اطمنت
اريج: بعد كدا امشي ارتاح
الهادي بتعب: انتي بايتة بجاي
اريج: ايي
الهادي: والاولاد
اريج: امي معاهم ما بتجيهم حاجة وانت شوف ليك محل تخت فيهو رأسك
الهادي: تمام . بعد اطمنت عليهو رجعت بهناك ونومت معاهم اليوم دا وبكرة قالو الكرامة....
إننا لا نَبكي المَيت لِذهابِهِ عَنا ، وإنما لِبقائِنا بِدونه 🖤