قصة محاولة تجاوز
البارت السادس6
بقلم شذى عبد المكرم
اليوم البعدو مشيت المكتب بس كنت مدبرسة وزهجانة خلصت اليوم بعد تعب رجعت البيت
امي: تعالي اكلي ليكي حاجة
اريج: ما دايرة اكل
امي: انتي من الصباح بلحم بطنك
اريج: ما عندي نفس
امي: لو تجوعي ادخلي المطبخ
اريج: تمام
نومت طوالي لمن صحيت عملت لي عصير بس شربتو جاني تامر داخل الغرفة وفي ايدو ظرف
تامر: ماما في الروضة ماما حنان قالت اديكي دا .
اريج: دا شنو. .
مسكت منو الظرف وفتحو لقيت مكتوب انو انا والهادي لازم نمش بكرة الروضة
اريج: لازم اتصل لابوك
تامر: امي ليه ابوي ما قاعد معانا ذي زمان . كنت عارفة انو حيسألني سؤال ذي دا بس ما اتوقعت قريب كدا
اريج: بابا عندو شغل كتير عشان كدا
تامر: يعني حنرجع بيتنا بعد ينتهي من شغلو. . حاولت اشغلو بس
اريج: ايي. . شوفتو انبسط وجرا طلع برا اتنهت بتعب يا رب ينسى بس مسكت تلفوني واتصلت على الهادي في الاول ما رد رسلت ليهو رسالة انو لو لقى مكالمتي يرجع لي ضروري بعد خمسة دقايق رجع لي
اريج: الهادي كيفك
الهادي: تمام . حتى ما رد لي السؤال
اريج: تمام بكرة لازم نمش الروضة بتاعت تامر
الهادي: ليه الحاصل شنو
اريج: الاستاذة ادتو ظرف وفيهو استدعاء ولي الامر
الهادي: ايوااا تمام بكرة بمر عليكم الصباح ونمش مع بعض
اريج: تمام . طوالي فصل الخط ما كتر معاي اتنهت بتعب موش دا الانا كنت عاوزاهو اهو حصل ليه زعلانة هسي براي جيبتو لنفسي لازم استحمل واتجاوز بأسرع وقت مر اليوم عادي الصباح اتجهزنا انا وتامر منتظرين الهادي شوية كدا ونزل صبح على ناس البيت وطلعنا وصلنا الروضة اصلا قريبة شديد من البيت سلمنا على الاستاذة
حنان: تامر اجري العب مع اصحابك . بعد طلع
حنان: ندخل في الموضوع طوالي
الهادي: اها
حنان: انتو منفصلين صح
الهادي: ايي
حنان: الحاجة مؤثرة على نفسية الولد
اريج: كيف اهو ولدي كويس
حنان: في الروضة مرات بكون هادئ لمن سألتو قال لي
الهادي: قال شنو
حنان: انو زمان كنتو كلكم مع بعض وهسي قاعد مع امو وابوهو بزورو فترة لفترة وهو داير ابوهو معاهو ودا مؤثر عليهو صح ممكن ما بظهر بس حتلاحظي ليهو
اريج: اي الفترة الاخيرة دا بقى هادئ
حنان: تامر ما صغير عشان ما يفهم وانت يا استاذ الهادي كثف زيادة ليهم لحدي ما يتعود شوية شوية واتكلم معاهو شوية شوية عشان يفهم الشافع في الفترة دي محتاج رعاية خاصة
الهادي: فهمت عليكي تسلمي شديد على الملاحظة دي. . انا سرحت بعيد واتذكرت سؤالو لي امس يعني ما كان عن فراغ يعني ولدي نفسيتو تعبانة وانا ما لاحظت الحاجة دي
الهادي: ممكن ناخدو الليلة
حنان: جدا
الهادي: تسلمي. . سلمنا عليها وطلعنا لمن شافنا جا جاري ابوهو رفعو فوق
الهادي: يا بطل رأيك شنو نلف بالعربية
تامر: يا سلام
الهادي: خلونا نطلع. . طلعنا من الروضة وركبنا العربية في الطريق اتصل علي ايمن رديت
اريج: الو ايمن . طوالي الهادي التف علي سلمت على ايمن وقولت ليهو ما بقدر اجي الليلة لظروف وهو اتفهم الحاجة دي
تامر: بابا ماشيين وين
الهادي: انت داير نمش وين
تامر: نمشي بيتنا . الاتنين اتخلعنا من كلامو
الهادي: هسي البيت وسخان نمشي ليهو مرة تانية
تامر: انا داير غرفتي
اريج: تامر قال ليك وسخانة
تامر: بابا
الهادي: نعم
تامر: انت بتخلص شغلك متين
الهادي: كيف يعني لشنو
تامر: ماما قالت لي انت ما قاعد معانا لانو عندك شغل . الهادي عاين لي انا نزلت رأسي
الهادي: ما باقي كتير
تامر: خلصو سريع خلاث
الهادي: تمام هسي نمش وين يا الله
تامر: نمشي لتالا خليناها
الهادي: يعني داير اختك
تامر: ايي
الهادي: نمش نسوق تالا ونفطر برا رايك شنو
تامر: يا سلام . بالفعل رجعنا البيت لبست تالا وغيرت لتامر وطلعنا فطرنا برا ومشينا الملاهي والهادي لف بينا كتير الاولاد قضو يوم حلو شديد وتامر غير جو بس انا كنت ما مبسوطة بسبب تجاهل الهادي لي رجعنا البيت
الهادي: تامر بكرة حأجيك تمام
تامر: يا سلام ونمشي نأكل ايسكريم صح
الهادي: ايي. . جا نط في ابوهو ودعو وطلع كان مبسوط شديد واضح فيهو
غيرت ليهم وخليتو بلعب مع اختو مشيت لامي وحكيت ليها كلام الاستاذة
امي: شايفة بقوة رأسك دا دايرة تضيعي ولدك
اريج: امي انا الفيني مكفيني ما تزيدها علي
امي: ربنا يهديكي يا بتي حاولي تفكري وصلحي بيتك
اريج: حأفكر . وطوالي طلعت منها
الهادي بقى يجي يومي يشوفو اولادو وبجيب ليهم حاجات وانا بتجاهلني رسمي لحدي ما قررت اواجهو لانو نفسيتي تعبت صح كنت بكابر بس حاليا اشتقت ليهو شديد قولت لازم اتكلم معاهو في يوم جا المغرب بعد قام طالع
اريج: امي ماشة اتكلم مع الهادي في موضوع
امي: تمام . طلعت لقيتو خلاص داير يدور العربية ركبت استغرب فيني
اريج: دايرة اتكلم معاك
الهادي: جدا. . حرك العربية وقف في محل هادئ كدا
الهادي: احكي
اريج: ليه بتتعامل معاي كدا
الهادي: يعني دا موضوعك
اريج: ايي وليه بتعاين لي وكأنك قرفان مني كدا ما عارفة المفروض يعاين للتاني منو بالنظرة دي
الهادي: على ما افترض دي عيوني وانا حر
اريج: ما حر فاهم. . صرخت فيهو طوالي قرصني حار لمن صرخت وهو لسع ماسك يدي بقرصتها
اريج: الهادي فكني بوجعني يااخ. . طوالي بكيت وهو لسع ضاغط عليها
الهادي: اياكي ترفعي صوتك فاهمة؟. . هزيت ليهو رأسي سريع من الالم حتى فكاني بكيت زيادة
الهادي: انا منعتك من الشغل مع ايمن صح واشتغلتي . سكتا واصل
الهادي: منعتك من اللبس داك ولبستيهو صح . برضو ما رديت
الهادي: اديني سبب واحد بخليني اتعامل معاكي كويس . رفعت رأسي وعاينت ليهو
اريج: دي حياتي وانا حرة وانت ما مسؤول مني . عاين لي بنفس النظرة ديك طوالي بدون ما احس ضربتو في كتفو
اريج: انا بكرهك . عاين فيني مسافة
الهادي: اريج لا اله الا الله؟ . سكتا ردد لي نفس الكلام
اريج: محمد رسول الله
الهادي: افتحي رأسك دا كويس عشان ما اكسرو ليكي يمين بالله تاني تقولي لي دي حياتي وانت ما مسؤول مني ما تلومي الا نفسك فاهمة؟ . سكتا عصب
الهادي: فاهمة؟
اريج: فاهمة
الهادي: خليني ارجعك. . وصلني البيت نزلت سريع ودخلت غرفتي بقيت ببكي بس
أستسلمت ماعاد فيني أقاوم الاشياء الي توجعني💔