قصة محاولة تجاوز
البارت الثامن عشر18
بقلم شذى عبد المكرم
اصبحت الصباح اتصلت على الهادي صحيتو عشان الشغل وعملت الروتين بتاعي كلو وجا الفطور جهزتو وفطرنا مع الحجة بعدها اتصل على الهادي تاني
الهادي: انتي ما بتتصلي نهايي؟
اريج: اتصل ليه بس
الهادي: تتفقدي احوالي وكدا
اريج: الصباح اتفقدت احوالك على ما افترض كفاية
الهادي: بقيتي متبلدة المشاعر . ضحكت بكل صوتي
الهادي: بس كمان عندك ضحكة بتصحي العيان . تاني ضحكت الهادي دا بتاع تطبيل شديد
اريج: الهادي ربنا يهديك
الهادي: والله انا اتغشيت
اريج: بالنسبة
الهادي: ادوني وحدة جافة المشاعر
اريج: نصيبك يا حبيبي
الهادي: بس يشهد الله بحبك بكل حالاتك . طوالي فصلت
الهادي: ماف رد نهائي اصلا متوقع . قومت ضحكت ليهو
اريج: الهادي اسكت تمام
الهادي : تمام هسي نسيتيني سبب الاتصال
اريج: اتحفنا
الهادي: بعدين حأمر اديكي القروش الحتحتاجيهم عشان تجهزي نفسك
اريج: ما ممكن تحولهم بنكك
الهادي: لانو داير اشوفك يا عوقة انتي . ضحكت ليهو
الهادي: اقول ليكي حاجة حأحولهم ليكي بنكك ما جاي خلاص
اريج: لا تعال خلاص
الهادي: خليتو شكلو ما مرحب بي
اريج: معقولة في قمر ما برحبو بيهو
الهادي: اخيرا الجبل اتحرك يا عالم . ضحكت شديد
اريج: الهادي . قاطعني
الهادي: ربنا هديك عرفنا خلاص . تاني ضحكت لانو عرف دايرة اقول شنو اتكلمت معاهو شوية وقفل لانو عندو شغل لي زمن ما ضحكت كدا كنت مبسوطة شديد الشافني بقول كأني حبيبتو جديد ما بيناتنا ولدين نهائي
بعد ساعة كدا رسل لي رسالة واتس فتحتو لقيتها اشعار بتاعت بنكك طوالي رجعت ليهو
اريج: الهادي الاشعار دا شنو
الهادي: ما قولتي احولها ليكي بنكك
اريج: بس اتفقنا انو تجي بعدين وتجيبها
الهادي: بس دا ما كلامك
اريج: غيرتو . قام ضحك
الهادي: والله حيرتيني معاكي يا بت عبد القاسم
اريج: هسي البحصل شنو
الهادي: رجعي لي قروشي وبجيبها ليكي بعدين ههههههه
اريج: اي قروش
الهادي: الحولتها ليكي في حسابك
اريج: اي حساب
الهادي: يعني نكرتيني . وقام يضحك
اريج: ممكن تقول كدا هههههه
الهادي: ماف مشكله فداكي خلاص بعد الشغل حأمر عليكم تمام
اريج: تمام
بالفعل لمن راجع من الشغل جانا البيت وكالعادة جاب لينا مصاصات وشوكولاتات بس المرة دي اداني ليها بكل حب ورضى واداني القروش من جديد كأنو ما حول لي بنكك . المغرب ريان ناداني في غرفتو
ريان: اريج انا داير هداية
اريج: كدا قول بسم الله
ريان: بسم الله
اريج: انا قولت ليك شنو
ريان: المرة دي انا جادي دايرها عديل كدا
اريج: ريان انت صحباتك كمية وهداية صغيرة ما حمل غيرة وكدا وانا ما برضى بيها
ريان: والله العظيم الحاجات دي خليتها من اتخرجت
اريج: داير تقنعني انو ما عندك صحبات وحبيبات كمية
ريان: ما عندي ياااخ وانتي اكتر زول عارفة اني ما بكذب عليكي وعارفة اي صغيرة وكبيرة في حياتي
اريج: بس هداية ما بتاعت لعب
ريان: وانا ما داير العب
اريج: خلاص اتقدم ليها
ريان: موافق . فتحت خشمي من الخلعة
اريج: ريان انت جادي
ريان: ياااخ والله جادي
اريج: والتطورات دي حصلت متين وانا كنت وين
ريان: كنتي مشغولة مع راجلك دا . ضربتو في كتفو
اريج: عولاق اها بس هداية صغيرة لسع
ريان: عارف يااخ وانا ما داير اتزوجها الليلة ولا بكرة وانا لسع بكون في نفسي اتقدم بس عشان اضمن
اريج: قدام يا مان وانا معاك
ريان: كنت عارف ماف زول حيساعدني غيرك
اريج: عشان طلعت جادي وحابي تستقر بالجد وعلى فكرة شوفتك لمن عمو ادم سألك وانت جاوبت ونظرك كان على هداية
ريان: ومن قبيل مالك يا سجمانة
اريج: دايرة اتأكد بس هههههه
ريان: اطلعي من غرفتي . بالجد طردني من غرفتو ضحكت ومشيت غرفتي وبالليل كالعادة عندي مكالمة مع الهادي
الصباح اتصلت على هادية انو تجي تمشي معاي السوق بالجد ما خزلتني اخدت اذن من الشغل وجاتني مع هداية ومشو معاي السوق اصلا ما عندي غيرهم لانو انا وحدة ما عندي اخوات مشينا السوق واخدت الحاجات الامي كتبتهم لي حاجات الحبسة وكدا وبعض المستلزمات ورجعنا جو معاي البيت
هادية: نحنا نمش بعد دا
اريج: هسي ريان حيرجع ويوصلكم
هادية: ماف داعي
اريج: لالا انتظرو . في كلامنا دا الباب ضرب
اريج: تامر اجري افتح الباب . مشى فتحو وكان ريان
اريج: ود حلال هسي كنت منتظرينك عشان توصل هادية وهداية
ريان: جدا
هداية: بس انت راجع تعبان
ريان: ماف اي تعب اتفضلو
هادية: يلا حبيبتي . ودعوني
تامر: ريان امشي معاك؟
ريان: ارح على الاقل ما ارجع براي
تامر: يس . طبعا دي كلمة اتعلمها جديدة في الروضة وليهو يومين مكرهنا بيها ههههه جرا لبسو شبشبو وطلع مع خالو وانا مشيت رتبت الحاجات الجيبناها من السوق مع امي
امي: بكرة تبدي الحبسة
اريج: ان شاءلله ربنا يحينا
وإن سآلوني يوماً ما عن كل ماهو جميل في حياتك س اكتفي ب ذكر اسمك لهم فقط❤