قصة محاولة تجاوز
البارت السابع عشر17
بقلم شذى عبد المكرم
الصباح اصبحت بنشاط وعملت ليهم الشاي ورميت الزلابية امي جات لقتني بعمل فيهم ومبسوطة ورايقة
امي: ما شاءلله تبارك الله هو بحالتو كان راجلك لو يداب مخطوبة ليهو كان حتعملي شنو . امي الله يخليها للضربات بس هههههه
اريج: امي لا يعجبك العجب ولا الصيام في رجب ههههههه
امي: لا عاجبني والله بس لو مشيتي بيتك تاني البعمل الحاجات دي منو
اريج: اضربي لي برجع بسويها ليكي
امي: انتي لو فضيتي لي البيت مع شياطينك ديل بعرف اسويهم براي
اريج: ههههههه دا طرد بالبارد والله
امي: حاشا وكلا . وضحكنا وقعدنا نشرب الشاي شوية وطلع ريان مستعجل طبعا نزل الشغل وهو اصلا بحب الرمتلة بس بتعود
امي: مالك مستعجل كدا اقعد اشرب الشاي
ريان: اتأخرت بشربو في المكتب
امي: ربنا معاك
ريان: امين . وطلع قعدنا نتونس مع امي لمن ابوي طلع شرب معانا وطلع الشغل تلفوني ضرب لقيتو الهادي بالراحة انسحب الغرفة ورديت ليهو
الهادي: صباح الخير
اريج: صباح النور
الهادي: حبيت اصبح عليكي قبل ما اطلع الشغل
اريج: وليه اتاخرت كدا
الهادي: هو الزول متين قدر ينوم من الفرحة امس . خجلت فسكتا ساي
اريج: خلاص امشي عشان ما ااخرك
الهادي: نتلاقى بعدين حنجيكم نحدد عقدنا
اريج: اوكي
الهادي: ماف كلمة جاي ولا جاي . عرفتا قاصد شنو
اريج: ههههه امشي ربنا يهديك
الهادي: في بيت بلمنا يلا باي
اريج: في امان الله
الهادي: احياااا انا.. ضحكت وقفلت الخط قعدت اضحك ساي على حركاتو دي ودخلت لبست تامر للروضة ووديتو ضربت لي هادية تصرخ
هادية: يا معفنة ما بتحكي لي
اريج: الموضوع حصل امس بس متين اصبحنا
هادية: لو 1 صباحا تتصلي لي
اريج: المرة الجاية حبيبتي
عادية: دايرة تتزوجي كم مرا انتي .. وضحكنا
العصر لمن ابوي جا من المكتب
ابوي: جهزو نفسكم الناس ديل حيجو يشربو معاكم شاي المغرب
امي: تمام
بالفعل بدينا تجهير مع امي وخلصنا
امي: بعد دا امشي استحمي احتمال يجو في اي زمن
اريج: تمام . مشيت دخلت الحمام ولبست لي فتسان بيتي عادي وغيرت للاولاد بعد المغرب ناس عمو آدم جو البيت طبعا حتى هادية وهداية جو معاهم قعدنا كلنا في الصالون وكبيت ليهم الشاي ووزعتو
عمو آدم: اها بعد دا نحدد موعد العقد
ابوي: جدا
الهادي: الجمعة الجاية كيف . يعني بعد اربعة يوم
امي: لالا الجمعة قريبة شديد
عمتو مريم: انا مع فاطمة الجمعة قريبة وفي تجهيزات حتى اريج محتاجة زمنها صح
امي: ايي وانت مالك مستعجل كدا يا عبد الهادي
الهادي: داير استقر
عمتو مريم: حتستقر تلاتة شهور ما حتفرق معاك
الهادي: تلاتة شهور شنو . قالها بخلعة كدا الصالون كلو ضحك على ردة فعلو
الهادي: الجمعة بعد الجاية والله ما بزيد يوم زيادة
ابوي: انا ذاتي معاك في دي مناسبة وانتو النساوين دبرو حالكم في الاسبوعين ديل
امي: خلاص تمام
عمو آدم: معناهو اتفقنا على الجمعة البعد الجاية نعمل كرامة صغيرة كدا
الهادي: تمام .
هادية: ما حتسالو اريج من رأيها
الهادي: لا اريج حتأجل اكتر خلاص اتفقنا على الجمعة الجاية
اريج: تمام . عاين فيني ما اتوقع اوافق كدا ابتسمت ليهو ابتسم لي وبكدا خلص التفاوض على موضوع العقد
عمو آدم: وانت يا ريان ما ناوي تكمل نص دينك
ريان: قريب ان شاءلله . ووجه عينو على هداية بس هي كنت مدنقرة في تلفونها ماف زول انتبه عليهو غيري ناس عمو آدم قعدو معانا لحدي ما صلو العشا معانا وطلعو بعد ساعة اتصلت علي هادية
هادية: دايرة اكلمك حاجة ما لقيت زمن قبيل لمن كنا معاكم
اريج: احكي في شنو
هادية: عندي زميلي في الشغل قال داير يتقدم لي
اريج: عليك الله والله فرحت ليكي دا منو المحظوظ دا
هادية: اسمو سليمان
اريج: وان شاءلله زول كويس
هادية: ما شاءلله عليهو خلقة واخلاق
اريج: وانتي رايك شنو
هادية: هو انا ذاتي كنت معجبة بيهو وتعاملي معاهو كانت في حدود بس جنتل مان ما شاءلله عليهو
اريج: دي حاجة كويسة
هادية: قال حيجي البيت بس حأقول ليهو بعد يخلص عقدك انتي والهادي
اريج: ممكن برضو وربنا يتم ليكي على خير لانك تستاهلي كل الخير
هادية: اللهم آمين يارب تسلمي حبيبتي . وقعدنا نتناقش مع بعض دخلت لي مكالمة كانت من الهادي بس انا مشغولة مع هادية بعد قفلت منها رجعت ليهو
الهادي: كنتي مشغولة مع منو
اريج: كدا سلم الاول
الهادي: السلام عليكم
اريج: وعليكم السلام
الهادي: كنتي مشغولة مع منو
اريج: هادية
الهادي: وهي ما عارفة انو دا زمني . قومت ضحكت
اريج: لسع ما بقى زمنك
الهادي: زمني يا زولة
اريج: خلاص زمنك
الهادي: بعد دا ابدي تجهيز عشان ترجعي بيتك
اريج: ياااخ الجمعة البعد الجاية قريبة
الهادي: انا قولت القدامنا دي بس امك اعترضت لو علي بكرة القريبة دي بسوقك . ساكتة ساي وبسمع فيهو وبتكشم
اريج: اممممم
الهادي: والله للان ما مصدق انو حنرجع نتلم في بيت واحد وانو بعد ارجع من الشغل القاكي قاعدة في بيت ويومي قبل ما اطلع الشغل اتصبح بوشك ووش اولادي وتتمني لي يوم سعيد وحلو ذيك كدا والله اشتقت لايامنا الزمان انتي ما اشتقتي ليها
اريج: داير الصراحة؟
الهادي: ايي
اريج: اشتقت ليها
الهادي: حنرجع ليها تاني ان شاءلله
اريج: ان شاءلله
الهادي: دا كان درس واتعلمت منو وابدا ما حأفرض فيكم تاني واهو اتعاقبت بمرض السكري دا
اريج: ما تقول كدا كلها لخير
الهادي: ونعم بالله . وقعدنا نتونس مع بعض تقريبا ساعة كاملة ما حسينا بالوقت اصلا الزول لمن يتكلم مع زول بحبو ما حيحس بالوقت ابدا واكيد نصكم عارف الشي دا
اريج: الهادي انت بكرة شغال بدري يلا عالنوم
الهادي: تمام اتصلي لي الصباح صحيني اوكي
اريج: اوكي
الهادي: تصبحي على جنة
اريج: وانت من اهلها . وقفلنا عاينت للتلفون وابتسمت ونومت......
يُمكنني التخلي عن موعد نومي واستيقاظي
وإستبدالهُم بالموعد الخاص بك، حيثُ أكون
أخر من تُخاطبُه ليلًا، وأول فكرة تجول في
خاطرك صباحًا.😴❤