قصة استغلال الحب
البارت السابع7
بقلم نجلاء فتحي
يعنى ايه ما رحتش الجامعة انا بدفع فلوس علشان تكون عندى انهاردة اقفل يا غبى وبعد ما قفل اظاهر كدة مافيش غير طريقة واحدة وهى انى استغل الحب وراكى يا نور يعنى وراكى لازم اشغل قلبك الاول لازم بس ازاى لو مارحتش الجامعة انهاردة ممكن تكون تعبانة من جلسة انبارح يبقى عاتروح بكرة امممممم بس لاقتها انا عاناخذ نمرتها من التمريض و٠٠٠٠٠وههههههههههه
""فى منزل نور ""
فى المساء والكل فى انتظار العريس وبالرغم ان نور طول اليوم كان الحمل كلة عليها من تجهيز الشقة والاكل بالإضافة إلى كلام اختها التى ضربته عرض الحائط لأنها نفسها تشارك توأمها يوم ذى دة ونسيت تعبها وكانت فراشة فى الحركة وجميلة جدا ف لبسها
ايمان/ خرجت من غرفتها وكانت ترتدى بنطلون اسود ضيق وعلية بلوزة قصيرة حمراء وحجاب قصير يجمع اللونين الأسود والأحمر وتضع كثير من مستحضرات التجميل هى كانت حلوه مش وحشة وكمان دى طريقه لبسها فى العادى
مصطفى/ ايه دة يا ايمان
ايمان/ فى ايه يا ابية
مصطفى/ ادخلى غيرى اللى انتى لابساه دة والبسى حاجة من عند نور واغسلى وشك بسرعة مافيش وقت
ايمان/ شهقت وقالت لا طبعا اولا دى طريقة لبسى يا ابية وحضرتك عارف وبالنسبة انى البس من عند نور مستحيل هو صحيح احنا توأم مافيش حاجة تفرقنا عن بعض غير لون الشعر بس يا ابية لابس نور درسات طويلة وحجاب طويل ونور عمرها مابتحط ذرة مكياج يع بنت مش مهتمة بنفسها وقالت اخر جملة بغرور
مصطفى/ لنفسة اه لو تعرفى الحقيقة
احم اسمعى هى كلمة عايزة تتجوزي المهندس اللى جاى يخطبك اسمعى الكلام انا عايزك نسخة من نور سواء فى لبسها وطريقة لف حجابها وبلاش مكياج خالص وكدة كدة يا ايمان انتى مش محتاجة القرف دة بسرعة
ايمان/ ابية يا حبيبى هو هو يعنى بجد مهندس
مصطفي/ اكتفى بهز راسة بنعم
ايمان/ لنفسها حلو اوووووى عاكون مرات البشمهندس احم ماشى يا ابية عانعمل اللى حضرتك عايزة وذهبت الى غرفة نور وفتحتها من غير استئذان بقلم نجلاء فتحى ولبست وبقت فعلا نسخة من نور لكن اللى يعرف نور صح لم ينخدع حتى لو كانت لبسة نقاب مش طرحة تدارى لون الشعر
نور/ دخلت عليها وقالت ايه دة يا عروسة انتى غيرتى لية ولية لابستى من لابسى كدة
ايمان/ لنفسها اووف لازم استغل حبك ليا لحد ماأخذ اللى انا عايزاه بتصنع وضعت ايديها على كتفها وابتسمت حبيبتى حبيت الطقم بتاعك اوى قولت عايكون احلى عليا طبعا صح مش احنا توأم برضو وانتى بتحبينى
نور/ فرحت جدا من كلام اختها وأخذتها بكل حب طبعا كل حاجتى تحت امرك يا عروسة بس حلو انك بدون مكياج بصراحة المكياج مش بيظهر جمالك الطبيعي يا ايمان
ايمان/ اتغاظت علشان مش قابلة ان نور تعدل عليها ولكن لم تظهر غير ابتسامة مصتنعة طيب يلا بقا اخرجى من الأوضة ونادى هبة
نور/ انا موجودة شوفى عايزة اية وانا خدامتك يا اختى
ايمان/ بصوت عالى قوللللت عايزة هبة اييييييييييييه غبية مش بتفهمي
نور/ على فكرة دى غرفتى وانتى قليل لما بتكوني هنا ودلوقتي بتطردينى منها اروح فين وانتى قولتى مش عايزة اشوف وشك لما العريس يجى ومن الآخر غرفتى فيها ادوية وحاجات خاصة بمرضى مش عايزة هبة تشوفها بكون محرجة
ايمان/ كويس انك عارفة ان مرضك بيحرج وبعدين عادى هبة مرات اخوكى وبنت خالتك مش عاتتكلم يعنى وتعيرك
نور/ ابوس ايدك يا ايمان بلاش هبة تتدخل هنا ماهو انتى غرفتك ممنوع ادخل فيها ومش زعلانة
ايمان/ خلاص بقا بنت بومة ووفرى دموع التماسيح دى مش بتأثر فيا انا خارجة بلاقرف اه لو شوفتك انهاردة يومك اسود
نور / لسة عاترد لاقت مامتها فى الغرفة
الام/ فى ايه يا بنات ايه دة ماشاء الله يا ايمان لبس نور عليكى حلو اوووووى بدل المسخرة اللى كنتى لابسها دى خلى طريقة لابسك كدة يا بنتى
ايمان/ هو انتى يا ماما عارفتينى ازاى
الام/ هههههههه هى فى ام ماتعرفش بنتها علشان الطرحة يعنى مدارية لون شعرك قلبى يا بنتى عقبال لما اشوفك ام كدة وأخذتها فى حضنها وانتى كمان يا نور وبيلف لاقت نور
ايه دة مالك يا نور بتعيطى لية
ايمان/ خافت ان نور تحكى لمامتها على شىء ومامتها ترفض العريس،،
ها لا لااا بلاش احكى احسن انتى مش بتصدقي حاجة على نور
الام/ لا قولى
ايمان/ اصل يا مامتى زعلت علشان اخذت من هدومها وكمان زعلانة ومقهوره انى عاتجوز وهى لا وسكتت شوية والأم كانت مصدومة فى نور
ايمان/ اهو انتى دخلتى فجأه كدة يا ماما وشوفتيها عاملة ازاى فأنا قولت ليها لو مش عايزه انى اتجوز بلاش يا نور المهم انك تكونى سعيدة يا توأمى
راحت قالت اشمعنى انتى وانا لا يارب تكونى تعيسة فى حياتك و٠٠
الام/ بس كفاية مش عايزة اسمع كلمة زيادة اخص عليكي يا نور وانا اللى كنت وسكتت شوية وقالت حقيقى مصدومة فيكى طلعتى سودة من جوا يلا يا ايمان العريس على اول الشارع يلااا يا بنتى وانتى يا نور اياكى تخرجى
نور / جلست على ركبتها فى الأرض ووضعت اديها على وجهها وأخذت تبكى وتقول ماحصلش يا ماما ايمان كدابة لكن لم تسمعها امها لأنها خرجت من غرفتها وقالت يارررررررررررررب
"فى الخارج "
الام/ الجرس بيرن فين مصطفى
هبة/ فى الحمام يا خالتى
الام/ هوده وقتة طيب بسرعة ادخلوا الأوضة وانا عافتح الباب
بس افتكرت انها مش لابسة الطرحة وبسرعة دخلت غرفة نور وقالت يا نور بسرعة انتى لابسة افتحى الباب لحد مانلبس
نور / مش انتى قولت ماخرجش
الام/ انجزى يا سودة القلب الناس عاتمشى
نور/ مسحت دموعها بظهر اديها ومن غير ما تنظر لنفسها فى المراية وخرجت وفتحت الباب وقالت وهى وجهها فى الأرض لان دى طبعتها اهلا وسهلا اتفضلوا لحد ما ابية مصطفى يجى ووصلتهم الى غرفة الضيوف ودخلت غرفتها تانى ونامت على السرير بهدومها
"فى غرفة الضيوف "
العريس/ ايه رايك يا ماما العروسة اللى فتحت الباب
ام العريس/ ماشاء الله لابسها محتشم جدا ومش بتحط مكياج يعنى جمال رباني ودة اللى عاجبنى فيها
العريس/ انا شوفتها مرة واحدة وعلقت معايا
ام العريس/ بس يا بنى مافيش عروسة تفتح الباب دول عارفين ان احنا جايين ممكن تكون اختها هى ليها اخت
العريس/ مش عارف بس لا تقريبا،
لان بصراحة ياماما طول عمرك عايزانى اتجوز وانا أرفض بس من ساعت لما شوفتها مرة واحدة بس حاسيت ان دى ام عيالي واللى اقدر اسلمها أسمى وانا مطمن ولما فتحت الباب حسيت نفس الاحساس
ام العريس/ هههههههه كل دة من مرة دى لو سحرالك مش عاتكون كدة على العموم حبيتها اووى وخصوصا انها وشها فى الأرض ربنا يجعلها من نصيبك
(دخل مصطفى وأمة الغرفة وبعد السلام والترحيب )
الام/ يا اهلا وسهلا شرفتونا ونورتونا
ام العريس/ البيت منور بأصحابة بصى بقا يا ام العروسة من غير لف ودوران انا ابنى دة بشمهندس اد الدنيا ومخلفتش غيرة وابوه مات من هو صغير وانا كمان كنت صغيرة و رافضت اتجوز وربنا كان كريم معايا اوى لحد ما محمود وصل المكانة اللى هو فيها وبالنسبة لاخلاق محمود فاهو صاحب مصطفى ابنك فى الشغل هو بقا يتكلم فى النقطة دى والعيلة احنا من اكبر عائلات الفيوم وبنتك ايمان عاتكون بينتى قبل ماتكون مرات ابنى ها قولتى ايه واللى انتم عايزينة انا وابنى تحت أمركم
الام/ مافيش حاجة تتقال ايمان بنتك وانا مش علاقى احسن من المهندس محمود ليها بس المهم عندى انك تراعى فيها ربنا ولو غلطت فيك هاتها لحد البيت هنا وتكون مشكور يا بنى وانا عانجيب حقك
العريس محمود/ بتسرع لا غلط ايه ربنا مايجيب غلط دى الآنسة ايمان وجهها فى الأرض و محترمة اكيد اللى ذى دى انا اللى ازعلها وهى لا عرفتى تربى يا حماتى
الام/ هههههههه حماتى مرة واحدة لا يا بنى قولى ماما ذى ما مصطفى بيقولى ،،
((وبينها ويبن نفسها هو الواد دة متأكد انة شاف ايمان قلبى بيقولى ان الوصف دة لنور ))
ام العريس/ على بركة الله عايزة اسلم على العروسة
مصطفى/ بس كدة ماما نادى على العروسة
الام/ بتسرع لأنها كانت عقلها مشغول بكلام العريس ووصفة للعروسة ها حاضر ثانية واحدة وعانادى لنور
مصطفي/ بتسرع ٠٠٠