قصة عشقت بنت قلبى
البارت الثامن8
بقلم نجلاء فتحي
[[فى الخارج ]]
احمد/ سيد صاحبى اتصل عليا وبيسأل
لو عندنا شقق فاضية عندنا فى البيت
محمد/ موجود شقتين واحدة فى الخامس
والثانية اللى قصادنا فى نفس الدور ودى
مش لايجار دى ملكك ولما تتجوز عاتكون
شقتك بتسأل لية
احمد/ صاحب البيت اللى ساكن فية سيد
طرد بنت وأمها علشان الأجرة اللى متأخرة
عليهم
محمد / استغفر الله الدنيا ليل هى الدنيا جرا
فيها اية اتصل على سيد يجيبهم والليلة
يباتوا فى الشقة اللى فى الدور الخامس
احمد/ بس الأجرة
محمد/ كدة كدة الشقة مقفولة عادى خير ربنا
كثير الحمد لله يا بخت من ستر عرض
الولاية وبعدين لما ربنا يفرجها عليهم يبقا
نعمل ليهم عقد لما ظروفهم تتحسن
أحمد/ كان فخور بأخية وقال على بركة الله
عابلغة انك موافق
محمد/ على بركة الله
وبعد وقت وصلت البنت وامها ومعاهم شنطة
هدومهم والأم بتبكى بشدة
محمد/ باس على دماغها وقال لية الدموع
دى يا أمى كدة كدة مافيش بهدلة وانا حكيت
لحضرتك عاتسكنى عندى
الام / ببكاء بس خايفة تطردني انا وبنتى فى
الشارع تانى
محمد/ عمرى مانعملها وبعدين اية سبب
الخلاف اصل بصراحة مش مقتنع بحكاية
الأجرة المتأخرة دى
الام / صاحب البيت المفتري متجوز ٣ حريم
ومخلى الرابعة دى احتياطي وكل بنت
اتجوزها وكانت الزوجة الرابعة ليه كانت
صغيرة فى السن المهم طلب ايد بنتى وانا
رفضت لأنها كدة كدة عاترجع ليا بعد شهرين
أو ثلاثة وممكن ترجع ليا ٢ فاقولت لا
احنا صحيح على قد حالنا لكن لا يمكن نرمى
بنتى فى النار واخذ ال ٤شهور المتأخرين علينا
حجة وطردنا حتى عفش البيت حجزة ،منه
لله
محمد/ ولا تزعلى بنتك تبقا ذى اختى
الصغيرة وانتى ذى امى تعالوا اتفضلوا
هات الشنط يلا يا احمد انت وسيد
الام / ربنا يحميك يا بنى ويكثر من امثالك
محمد / ويحميكى يا أمى
بالفعل وصلوا للدور الاول علوى اللى ساكن
فى محمد وأحمد
الام / لامؤاخذه يابنى اريح شوية اصلى عندى
السكر وتعبانة وجلست على السلم تاخذ
نفسها
أحمد بسرعة / جاب لها كرسى وجلست علية
وقعدت تدعى ليهم بدعوات حلوة من قلبها
أحمد/ اخذ محمد على جنب وقال اية رأيك
ما ياخدوا الشقة اللى قصدنا حرام الست من
اول دور جابت جاز وامال فى الدور الثالث
عاتعمل اية
محمد/ بس الشقة دى انا مخليها لما تتجوز
علشان تبقا أدام عينى
احمد/ يعنى انت شايف العروسة على الباب
كمل جميلك بقا وحيات امل عندك يا ابو امل
لتوافق
محمد/ ماشى وراح فتح ليهم الشقة وأعطى
ليهم المفتاح
وانتهى اليوم بحلوة ومرة
فى صباح اليوم التالى امل واقفة فى
المطبخ وهى حزينة بتعمل الفطار
فلاحظت ان المطبخ اللى قصدها فى حركة
غريبة
امل / السلام عليكم انتى مين
مها / أسمى مها وانتى
امل / امل هو انتم السكان الجداد ولا عروسة
احمد وجاين تشوفوا الشقة
مها/ بعدم فهم عروسة اية لا وحكت ليها كل
حاجة
امل / فرحت لان المكالمة كانت عليهم وقالت
ولا يهمك انتى فى مدرسة
مها / ايوة فى المدرسة الفنية اللى فى شارع
امل / دى مدرستى بس غريبة انا عمرى ما
شوفتك فيها قبل كدة
مها / اصل لسة ناقلة جديد وتخصصي أجهزة
دقيقة
امل / بفرحة بجد يبقا مع بعض انا برضو
أجهزة دقيقة
مها/ هو ممكن نكون اصحاب اصل ماعنديش
أصحاب قالتها بأحراج
امل / اكيد وانا كمان ماعنديش طيب
تحبى نساعدك فى حاجة
مها / كتر خيرك خلاص مافضلش غير المطبخ
والحمام واوضة كمان وبس
امل / شاطرة لو عوزتي حاجة نادى عليا
مها/ ماشى
وجة وقت الغدا وقامت امل بعمل صنية
عليها اكل وودتها لمها ومامتها لانهم مشغلين
فى تنظيف الشقة واكيد مش طبخوا وطبعا
هذة الخطوة استأذنت محمد ف وافق على
طول لان بنتة بتعمل خير وقلبها طيب
ووافق ان هى ومها يكونوا أصحاب عادى
_________
محمد/ يلا يا امل عاتتأخرى على المدرسة
امل / حاضر يا بابا ،بابا هو حضرتك عاتفضل
توصلنى على طول كدة
محمد/ احنا اتكلمنا فى الموضوع دة ولا بدل
مايكنش فى مدرسة خالص
امل / لا لا قلبك ابيض يا كبير
محمد/ بنت انتى ماتقعديش مع أحمد كتير
امل / هههههههه حاضر بس ينفع ناخذ مها
معانا
محمد/ مها مين
امل / مها تبقا ها قولت اية
محمد/ لانة مش بيحب حد يركب معاة
العربية وأمل معاه وبعد محايلة من امل
وافق علشان مش يزعلها
امل / فرحت وصقفت وراحت تخبط على مها
وكانت رافضة بس الام أذنت لها ومحمد
ادايق لان امل جلست فى المقعد الخلفى
بجوار مها وليست بجوارة وطول الطريق
ضحكتها الحلوة لمها وهو مش شايفها وضبط
المراية علشان يشوفها فجات المراية على مها
فادايق ف رفع المراية لفوق لان مها صحيح
مخنوق منها لكن أمانة معاة حتى النظرة ليها
أمانة
[ومرت ايام كثير ]
فى المستشفى البيطري
احمد / دكتورة هند ازى حضرتك
هند / الحمد لله
احمد/ اخذتى ميعاد مع والدك الدكتور
هند/ بتهرب ،بصراحة ماينفعش يا إحمد
أحمد/ هو اية اللى ماينفعش يعنى اترفضت
قبل ما أتقدم
هند/ مش اقصد يعنى هو ماينفعش وخلاص
ربنا يوفقك باللى أحسن منى
أحمد/ ماشى بس اعرف سبب الرفض يا هند
هند/ اصل يعنى من غير زعل ماينفعش ان
عم عيالى يكون سمكرى وجد ولادى اللى
عايشيلوا اسمة طول عمره سمكرى
وماينفعش ان نقول لعيالى ان أبوهم ساكن
فى حارة شعبية حتى بنت اخوك فى مدرسة
فنى يعنى دبلوم فى فرق يا أحمد بينا انا
صحيح دكتورة بيطرية لكن دكتورة وجلست
ووضعت رجل على رجل وأحمد كان واقف
ادامها وبابى
دكتور جراح ومامى أستاذة فى الجامعة
واخويا دكتور باطنة وعائلتي مهندسين او
دكاترة انا ساكنة فى منطقة راقية وانت فى
حارة شعبية
أحمد/ بس بس انتى كنتى موافقة
وماعندكيش اعتراض اية اللى غير رأيك كدة
هند/ انا بصراحة بحبك وبحبك اوى كمان
بس لما عرضت الأمر على اسرتى خلونى ابص
للامام واقتنعت جدا برأى عيلتى و اصحابى ،فكر
بطريقة عملية يا أحمد انت تتجوز واحدة تفرح
انها متجوزة دكتور وخلاص وميهمهاش
عيلتك اية شكلك طمعان فى اسم عيلتى يا
دكتور ،كل واحد يبص على قدة وبالمناسبة
خطوبتى بعد يومين لابن صاحب المستشفى
دى مهندس وعندة ٤ شريكات و٠٠
أحمد/ بس ماتكمليش بس الورشة اللى مش
عاجباكى دى هى اللى خلتنى الدكتور أحمد
واخويا السمكرى دة انا فخور بية ويشرفني
فى كل مكان احنا مش فقرا اخويا هو اللى
عمل ليا العيادة فى المكان الراقى واظن انك
شوفتيها وقولتى انها متجهزة على مستوى
عالى وعرببتى الأحدث موديل اخويا هو
اللى جايبها ليا انا مدفعتش جنية فيهم
حتى لما كبرت وبقا ليا وضع لسة باخد منه
مصروف كل يوم الصبح جذمة اخويا وهدوم
الشغل
بتاعتة فوق دماغى بس انا مش زعلان
بالعكس انا فرحان لأنك نسب عرة بتوع
مظاهر وأهلك باعوكى للى يدفع أكثر وبكرة
الايام تثبت لكى بقلم نجلاء فتحى مش كل
حاجة الفلوس انتى اللى خسرانة وخسرتى
انسان كان عيراعى فيكى ربنا اة قبل ما
انسى الحارة الشعبية اللى مش عجباكى اقلل
واحد فيها برقبة ابوكى يا بنت
ياةةةةيارب قد اية انت كريم عليا وعرفتني
قبل ما اندب فيها وسابها ومشى
هند/ يع مش معقول بابى واخويا عندهم
حق دة انسان بيئة اوى ازاى ضيعت وقتى
معاة دة ممكن يمد ايدة عليا لما نتجوز
صحيح تربية حوارى اتفوة ،،أحمد بقا يلف
فى الشوارع بالعربية لانة بجد حب هند
وانصدم من كلامها واخيرا بعد وقت قرر
يرجع البيت لما هدى شوية
دخل احمد البيت وهو متعصب ومش شايف
ادامة وطلع على السلم بكل عصبية وفى نفس
الوقت هند نازلة جرى وخبطوا فى بعض وقبل
ما تقع أحمد وضع يدة على ظهرها بحماية
وجذبها له وهند مسكت فى لاقية قميصة
وغمضت عنيها وكل منهما كانت حركتة غير
ارادية
أحمد/ انتبه للوضع قال انا اسف ماختش
بالى وكان محرج جدا
مها/ نظرت فى الأرض وقالت لا انا اللى اسفة
اصل ماما تعبانة والسكر تقريبا على عليها
فاقولت انزل اجيب دكتور
احمد/ طب اطلعى للحاجة وانا عانجيب
دكتور وممنوع اعتراض يلا ماينفعش تنزلي فى
وقت ذى دة والحارة مش امان بالليل وانطلق
سريعا يبحث عن دكتور
مها/ ابتسمت ثم استغفرت ربها وطلعت
لمامتها وحكت لها اللى حدث
وبعد وقت الدكتور كشف على ام مها وبلغهم
ضرورة اخذ العلاج لانها كانت على وشك
غيبوبة سكر
مها/ ان شاء الله مش عاتفوت جرعة
الدكتور/ وكمان لازم تغذية شكل الحاجة
عندها انميا حادة
أحمد/ لاحظ انها مش معاها فلوس وصعب
عليه حالهم فأخذ الدكتور ودفع له أجرة
الكشف وجاب الدواء وشوية طلبات
تكفى لمدة شهر
احمد/ اتفضلى
مها/ بكسوف واحراج شكرا مش عاقدر نقبلهم
كفاية ان حضرتك واقفت معانا واخو حضرتك
الأستاذ محمد مش بيأخذ مننا فلوس
الإيجار
أحمد/ اعتبريه دين ولما ربنا يفرجها ابقى سدى
قال كدة علشان مش يحرجها
مها/ بس الدين حبل ملفوق حولين رقبتى
ومش عارفة عانقدر نسدة ولا لا
أحمد/ يا آنسة بلاش كلام كثير ووضع
الأكياس على الأرض داخل شقتها وأغلق
الباب ودخل شقتة ثم غرفتة ورمى نفسة
بأهمال على السرير وقال
تعالى بقا يا هند هانم تشوفى بنات الحارة الشعبية اللى
عندهم عزة نفس وكرامة وخجل مش
موجدين فى الوسط بتاعكم وافتكر الموقف
اللى على السلم وابتسم ونام
[[فى القاهرة ]]
مرزوق / فى مكتبة وبيلعب هو واصحابة
ق٠م٠ا٠ر وخسر فلوسة اللى بيلعب بيها كلها
وطرد أصحابة بقلم نجلاء فتحى وهما
اتوعدوا له بالكثير
رأفت / لو كنت تعبان فى الفلوس دى ماكنتش
ضيعتها كدة يا خسارة
__________
((امام مدرسة أمل ))
محمد مستنيها فى العربية ولاحظ انها اتأخرت
ووجد مها خارجة لوحدها
محمد/ نزل بسرعة من العربية وقال مها فين
امل انتم داخلين مع بعض وفصل واحد
مها/ بأستغراب انا فكرتها انها روحت ونسيت
شنطتها ورفعت شنطة امل التى كانت
ماسكها فى ايدها
محمد/ بعصبية اخر مرة شوفتيها امتى واية
اللى حصل
مها / بخوف من نيرة صوتة ،الاستاذ
جرجاوى قال تعالى يا امل عايزك فى اخر
حصة وبعد كدة الحصة خلصت وأمل مش
جات فاقولت أن حضرتك اخذتها ونسيت
شنطتها
محمد/ تعرفى مكان جرجاوى الزفت دة
مها/ ايوة هو ماسك المعمل بس اعتقد روح
لان العملى بيكون اول حصتين وهو بيروح
على الظهر والمعمل بيتقفل لتانى يوم وعمرة
ما بيقعد لحد المرواح الساعة ٣ دة
محمد/ قلبة حس ان صغيرتة فى خطر واخذ
مها تعرفة مكان المعمل
مها / المعمل اهو يا استاذ محمد بس ازاى
مفتوح واحنا مروحين
محمد/ وجد المعمل وكأنة منفصل عن
المدرسة وتحت السلم وكأنة معزول وسمع
صوتها امل كفاية بقا يا استاذ انا تعبت فقال
ل مها انها تذهب وتجلس فى سيارتة
ومتعرفش حد انة دخل المدرسة
ودخل المعمل وانصدم من اللى شافة