اسير الملكة
البارت الرابع عشر14
بقلم نجلاء فتحي
((أتى يوم الفرح ))
الملكة رغم أعتراضها يأتى الشيطان ويحلو لها زين فتهدأ وجهزت نفسها زى أى عروسة الجميع فرحان بالملكة لم يعلم من هو العريس الذى نال فلوس وخير الملكة وأبوها ،،،،،،،
معلمين المد'بح والخضار حضروا فالجميع يظن أن العريس معلم مثلهم أو أبن شخصية مهمة أما الشارع كانت الزينة على كل بيت فرح يتحاكى علية أهل الحارة والحارات المجاورة فقد رفض سويلم أقامتة فى فندق أو قاعة بسبب القواعد التى تفرضها هذة الأماكن ومنع الممنوعات
سويلم/ مبروك يا شمس
شمس بحزن/ كدة ترمينى لعيل بيقضى باقى عشاه نوم
سويلم / دة إللى يستاهل الملكة صح نوح مش وحش دة راجل والظروف ممرمطة إللى جابة
شمس/ زعلانة منك يا سويلم
سويلم/ بكرة لما قلبك يدق وتعيشى سنك وتدلعى تدعيلى يا بنتى أخيرا شوفتك عروسة وأطمنت عليكى أمو'ت وأنا مستريح وأمانة عليكى روحية فى عينك أوعى تزعليها لو بتحبى أبوكى
شمس بخضة / بعد الشر عنك يا بابا مليش غيرك كدة توجع قلبى
سويلم / ياااااااه بقالى زمن مسمعتش بابا دى منك يا ملكة وحشتنى بلاش تكسفى أبوكى أدام الناس مهما كان أنا معلم برضو أدى فرصة لقلبك الفلوس مش كل حاجة الحب أحلى من الفلوس كنت أتمنى روحية أم نوح أتجوزها فى شبابى هيجى يوم والكل يبعد وممكن الفلوس تروح والحب الحقيقى هو إللى بيفضل ويقوى ويسند أعقلى الكلام فى دماغك عارف مش متعلمة بس الشارع وهبك شهادة الدكتوارة يا ملكة لازم تخلفى من نوح لو مش حصل الشرع بيقول فى ورث لو البشارة بانت هكتب كل ما أملك ليكى ولحفيدى وروحية كمان دى لحد دلوقتى مش طلبت قرش تجيب دبوس لنفسها إللى ذى دى عنيها هى وأبنها شبعانه وعملت ليها كذا أمتحان ونجحت لازم الملكة تكون ليها سلسال سلسال سويلم لازم يكون لية جدر فى الدنيا وأساسة نوح بكرة الصبح أدينى التمام علشان أكون جد ثم طبع قبلة على رأسها وقال ربنا يسعدك وخليكي لجوزك ست بجد وهو الراجل وأدام الناس ياخد أحترامة وقبل خروجة قال كدبتى وأتبليتى على نوح أنة قرب وزنقك فى الحمام لعلمك أنا واثق فى الواد دة يا ملكة
شمس/ جلست تفكر فى كلام أبوها
وبعد وقت دخلت روحية وقالت بضيق، معرفش أبنى أتجوزك لية الأصد دور الصايع إللى عايشة فية دة يتساب حاسة سويلم مخلف واد وضاحك علينا السنين دى
شمس بقوة مصتنعة/ لو ليكى بنت فى يوم ذى دة وحد قالها كلام ذى دة يوم فرحها هتعملى أية
روحية بغل/ كنت جبتها من شعرها وأدافع عن بنتى
شمس بسخرية / أنا بقا معنديش إللى يدافع عنى ويجيبك من شعرك
روحية بقلب أم صعبت عليها بدون مقدمات جذبتها لحضنها وقالت وأنا روحت فين دة أنتى بنت الغالى رغم لسانك عايز قطعة بس يلا أعتبرك بنتى
شمس / تريد لف أديها عليها شعرت بحنان بطعم مختلف ولأخر لحظة بعدت برفق قالت سويلم بينادي عليكى
روحية/ مفيش حد بينادي
شمس/ أهو سامعة
روحية بلوية بوز مدام سامعة ماشى تلقية عايز سؤال هايف ما أنا عارفة أبوكى عقلة زمبلك و فوت
شمس/ جلست على حرف السرير
ترتب أفكارها وتمنت وجود أم أو أخت كبيرة فى حياتها تمنت وجود عنصر نسائي تثق فية ينصحها ماذا تفعل كلام أبوها جعلها مشتتة الذهن وحضن روحية زاد تعبها أكثر
بقلم نجلاء فتحى عاشقة الكلمات
((فى شقة نوح ))
منتصف/ أيوة يا عم إللى هيغوص فى العسل الليلة
نوح بمكر / بس بس أبعد عينك السودا دى ومين قالك هغوص فى العسل
منتصف بصدمة/ نهارك *** أوعا تكون ملكش
نوح/ هتخيب ولا أيييية أضبط كدة كل الحكاية حابب ألعب وهى فى بيتى ومش هكمل جوازنا أدام الله غير لما تكون هنا فى البيت بنت وزوجة بجد وتحس أن فى راجل شكمها ولية كلمة
منتصف/ هى قوية بالفلوس
نوح/ وأنا قوى بحبى ومراعاة الله فيها
منتصف/ مش عارف أقولك أية
نوح بغمزة/ قول مبروك بقيت أسير الملكة
منتصف/ أةةةة عقبالى
نوح/ عقبالك يا بت يا زينبو
منتصف بخضة / أدعيلى أنا
نوح/ بدعى تكون ليك يا بأف وضربة على رأسة بخفة وضحكوا
بقلم نجلاء فتحى عاشقة الكلمات
خرج نوح من شقتة وذهب لشقة الملكة فى نفس الدور والزراغيط تعلو فى المكان وروحية ترمى علية الملح وصلى على النبي ،وجلس على كرسى
سويلم/ أستقبلة بالحضن وقال قاعد لية أدخل لمراتك
نوح/ أهدأ لنتكشف ثم بعدوا عن حضن بعض
سويلم لكى يحرج نوح أمام الجميع / نوح أدخل للعروسة هى عيزاك ولا مكسوف يا عريس
الجميع/ فى صدمة من نوح وهمهمات من الحاضرين وسكتتوا أحترامآ لسويلم
((فى غرفة الملكة ))
نوح/ أحم السلامو عليكم
الملكة/ أهلا
نوح/ يخربيت أبو إللى جابك أية إللى لابساة دة أمال أنا ألبس أية فستان أمشى يا بت غيرى الأرف دة
الملكة بضيق/ لم لسانك بدل منقل منك مالوا لبسى عادى
نوح حاول يتحكم فى اعصابة فالجميع بالخارج وهى ترتدى عباية بيضاء رجالى وشال أبيض مطرز باللون الذهبى على كتف واحد وشال من نفس اللون والخامة على شعرها كأنة عَمةَ ومتزية بالذهب والمكياج
،،،،، فى عروسة تلبس راجل ولزمتة أية المكياج والذهب كدة كدة مش فارقة معايا غورى أدامى يا قدم الفقر وزقها فى كتفها وبداخلة يقول أعملى إللى تعملية كدة كدة على أسمى يا قدم الخير عليا
الملكة لم تتوقع يقبلها كدة كانت متأكدة من رفضة بالجوازة بسبب شكلها
خرجت للجميع وندمت داخليا من شكلها فهذة ملابسها ووسام على صدرها والجميع متعود عليها كدة أما الان هى عروس وليس معلمة فى المد'بح
نوح/ فى أية الملكة معتزة بملابسها ذى الضابط إللى بيحضر فرحة بالبدلة بتاعة الشغل وغيرة وغيرة تحترم ولا أية يا أهل الجدعنة
زال التوتر واقنع الناس الطيبة البسيطة بكلامة بدون مجهود فمهما كان يريد أن يفرحها وهى أبتسمت داخليا
وبعد وقت تم كتب الكتاب الوهمى ولم ينتبه لة احد لأنها أساسآ مراتة رسمى وقف منتصف ورقص وشد نوح الذى يرتدى طقم خروج شيك جدا أهداة لة منتصف هدية بمناسبة زواجة فهو رفض يلبس بدلة سواء وبيكرها ورقص على نغمة إللى أبوة صعيدى ميخافش لمحمود الليثى أتغاظت بسبب عيون حريم الحارة فمنهم تريدة لبنتها وبنات الحارة تريدة لنفسها وهنا شعرت بالغيرة نعم الغيرة كيف تثبت للحارة أنة ملكية خاصة ومن ممتلكات الملكة أعتدلت فى وقتها وواقفت بجوارة ولفت زراعها اليمين على كتفة وأديها الاخرى على خصرها
نوح أبتسم وفهم دماغها ،،فلف زراعة على خصرها وشدها لحضنة ورقص بيها
روحية/ شهقت،،، الواد طلع شقى لو أحضر معاة الليلة
سويلم/ دة أبنك راجل مش هيقبل خليكى معايا أنا وعلمينى وغمز ليها
روحية / خهههه، أتلم
سويلم/ أنا العاشق الولهان فى حب أم عين عسلى النبى عسل يلم النحل يا نحلة زن زن زنننننن
روحية / زن زن ونحلة طب شوف مين هتدلعك يا عجوز وأتقمصت ومشيت
سويلم/ دى عبيطة هى زعلت لية أنا قصدى النحلة بتاعة العسل ولا تكون فهمت دبور لا شوية وترجع كدة كدة متقدرش على بعدى أعمل كمان زعلان علشان تصالحني للصبح هههههههه
بقلم نجلاء فتحى عاشقة الكلمات
الملكة/ مش عايزة تبعد عن حضنة تريد ختم الرقصة بقُبلة ومنتظرها منة
نوح لنفسة / عارف تفكيرك عينك فضحاك بعينك وأنا هموت عليها أبغى أبكى أهئ أهئ
وأخيرا أنتهى الفرح والمعزمين أتكلوا على الله
سويلم وهو محاوط روحية أيوة اتصالحوا عادى ،، على بيتك يا بنى وخد شمس معاك
شمس بأعتراض / بيت مين أنا أسكن ويتقفل عليا باب أنا والجعر دة
روحية بغضب زقت زراع سويلم / أما بت ناقصة ربابة وحيات ابوكى لكون ،،، سويلم وضع أيدة على فمها ،،، هووووش ليها راجل يربيها ملناش دعوة يلا خد مراتك على شقتك عايز أنام
شمس بغضب / مستحيل دة اتفوة عليك يا عرة الرجالة يا وخلعت شبشبها فى حركة خفيفة وضر'بتة على وشة بية
نوح /٠٠٠٠٠٠