قصة اختارتك انتى
البارت الاول1
بقلم نجلاء فتحي
《فى غرفة نوم 》
الأم/ كل دة نوم أصحى يوةةةة نوارة يا نوارة قومى بطلى كسل
نوارة بأثر النوم/ صباح الخير يا ماما أتأخرت فى النوم
الأم بحنان / لا فوقى كدة وأطلعى عشة الفراخ ولمى البيض وأسلقية لحد م أغلى اللبن
نوارة/ لا أغلى أنا اللبن وأنتى هاتى البيض فى ديك رومى بيجرى ورايا
الام/ هههههه مش عيب كبيرة وتقولى كدة دة أنتى قدة ٤ مرات
نوارة بحزن/ للدرجادى تخينة
الأم / مالة التخن دة عز
نوارة/ بلبس هدوم أكبر من سنى
الام/ هى الحشمة وحشة ها وبعدين عايزة تخسى فى أيدك ياحبيبتي أنتى جميلة كفاية أنك بنتى
نوارة/ نفسى ألبس ذى البنات
الام/ طب أغلى اللبن علشان الفطار ونشوف موضوع لبسك دة بعدين
نوارة/ حاضر ،،،ثم قامت من السرير وتوجهت للحمام ومنها للمطبخ
الام/ ربنا يجبر بخاطرك يا بنتى ثم صعدت للسطح لجلب البيض
وبعد وقت جهزت نوارة الفطار بعد ما غسلت المواعين وصحت باباها من النوم وفطروا هما الثلاثة ثم جهزت ونزلت لمدرستها التى تبعد عن بيتها بمسافة كبيرة
((أستوب نعرف نوارة ))
بنوتة قلبوظة عندها ١٧سنة سنة فى ٢ ثانوى فنى قسم خياطة بشرتها صافية و قمحى فاتح اللون وملامحها صغيرة ووشها مدور أو بيضاوي وحيدة أبوها وأمها ومش بتحب المذاكرة ولا الصوت العالى وبتعشق الأغانى ورومانسية ونفسها تتجوز بسرعة علشان تلبس الفسان الأبيض ويعلقوا ليها زينة على البيت وخلاص وفكرة الزواج عندها ذى م بتشوف فى الدراما التركية وورد وفطار ودلع وشوكولاتة يا ترى نصيبها ذى خيالها تابعونى وبس وعايشة فى عالم لواحدة بسبب الأغانى والتلفزيون وبسبب وزنها تميل للوحدة والعزلة وبتعشق الأكل بشراهة وساذجة لأبعد حد ودموعها قريبة ،،،،باباها صاحب محل بقاله صغير و عادى وأمها أوقات بتنزل تساعدة فى المحل ويعيشون فى شقة إيجار
بقلم نجلاء فتحى عاشقة الكلمات
《《 فى مكان أخر 》》
((فى شقة زياد ))
الأم/ يابنى حرام عليك السجاير دى صحتك
زياد / لما أتعب أبطلها
الأم/ أنت طالع لمين كدة
زياد/ لو سمحتى السجاير دى عشقى مش عايز كلمة عنها
الأم/أوووف مشكله كل يوم الفطار على السفرة عايز تطفح تعال مش عايز عنك عيل مقر'ف
زياد/ تجاهل كلامها بسبب تكرار الحديث هذا كل يوم وأخرج الفون وأتعصب فى الساعة عدت الساعة ٩ ونصف ثم خرج من الشقة متعصب وتجاهل كلامها وهى بتنادي علية
الأب/ هو صغير بتنادي علية
الام/ مش عايز يفطر
الأب/هو حر دة محاسب تلاقية عندة شغل
الأم/ قولتلة جدك عازمنا على العشاء النهاردة
الأب/ قولتلة الفجر وقالى هيجى على الميعاد
الام/ ميعاد أممم وصدقتة ممكن يعتذر أصلا
الاب/ لية ظن السوء كدة قالى بعد الشغل هيزور صاحبة وبعدين هيجى البيت يريح شوية وبعدين يبقا يجى على بالليل عند جدة ،،خلصت ريحى دماغك شوية
الأم/ هو أنا قولت حاجة يا ساتر عليك أنت وأبنك
الأم / أنا نازل الشغل بدل متجلط
الأم/ والفطار
الأب/ أشبعى بية سلام
الام/ هو إللى يقول الحق فى الزمن دة يحصل فية كدة براحتكم أكل أنا
.
(أستوب نعرف زياد)
زياد ٣٤ سنة محاسب مش بيضحك همة فى الدنيا شغلة وبرستيجة وبيشرب سجاير كتيييييير وشكلة عادى ذى أى شاب مهتم بجسدة بفعل الجيم والرياضية ومش بخيل على نفسة عايش لنفسة وبس ومانع نفسة من الجواز لسبب ما سوف أكشف عنة فى القصة جاف المعاملة ومتكبر مثل الطاووس وهذا يجعل بنات العائلة يودون التقرب منة بسبب تجاهلة لهم لدية أخ صغير من ذو الهمم عندة ٢٠ عام مثل الطفل ويتعامل كذلك أبوة يعمل فى التجارة والاعمال الحرة وميسور الحال ويعشون فى عمارة تتكون من ١٠ أدوار فى كل دور شقتين بمعنى ٢٠ شقة ملكهم
وأهم شئ أبن عم نوارة
💞💞💞💞💞
وصل زياد بسيارتة للأمام مدرسة وجدها أغلقوا الباب فقال الله يسامحك يا ماما أتأخرت لازم سم البدن بكلامك أووووف ثم تحرك لعملة
💞💞💞💞💞
((داخل فصل فى مدرسة فنية ))
تجلس نوارة فى مقعد فى نهاية الفصل
زميلة/ قاعدة لوحدك لية يا حجة
نوارة/ أسمى نوارة مش حجة
زميلة بسخرية/ أممم عندك حق ،،شكلك متجوز ومعاه عيال ههههه
نظرت نوارة لزميلها إللى بيضحكوا عليها وخرجت من الفصل تجرى وجدت مدرس فى الممر قال براحة يا بتتتتت جاموسة بتجرى خلعتى كتفى
نوارة/ أسفة يا أستاذ
المدرس/ على فصلك
نوارة/ حمام
المدرس/ بسرعة وعلى فصلك
جريت من أمامة ودخلت الحمام وجدت بعض من صديقاتها إللى بيتنمروا عليها تسحبت للخلف بهدوء وجريت لمكان مهجور فى المدرسة فى الحديقة تبكى وتصرخ لوحدها ثم مسحت وجهها ودموعها بطرف الجيب الأزرق وعادت للفصل كأن لم يحدث شئ
وأنتهى اليوم على كدة فى المدرسة ورجعت البيت لوحدها
الام/ يلا بسرعة غيرى هدومك وسعدينى
نوارة/ أخذ نفسى طيب الجو نار عطشانة
الام/ طيب يا روحى خدى راحتك وبعدين نشرى الغسيل عليا وأفرشى الشقة علشان نلحق نشطف ونروح العزومة
نوارة بحنق / مدام رايحين عند جدو تعبة نفسك فى الغسيل لا أية شكل الشقة كأنة يوم عيد دة أنتى ناقص تشيلى الحيطة تغسليها
الام/ ألحق عليا بنضفكم
نوارة/ محدش بيبهدل
الام/ سمعتى قولت أية
نوارة/ الشقة محتاجة عصاية الساحرة إللى فى سندريلا
الام بغضب / أنجزى لسة هنروح نطبخ للعزومة
هند/ دبدبت فى الأرض برجليها ،أووووف حاااااضر يارب مفيش راحة حتى فى البيت ماهى ناقصة شغل البيت كمان
الام/ بتبرطمى بتقولى أية سمعينى ما أنا معرفتش أربى
نوارة/ بقول نفسى أكون سندريلا
الام/ وهى تضع ملابس فى الغسالة ،،،،،،،، نفسك تكونى خدامة لمرات أبوكى ها طب أخدمى أمك الأول غورى يابت غيرى لبس المدرسة وحطية على الكوم دة أغسلة مع الغامق أةةة خدى هدوم نظيفة من الدولاب علشان هدومك أتغسلت
نوارة،/ نعمممم دة أنا لابستها أنبارح بالليل بس
الأم/ أمشى يا مفعنة ،،هنفضل طول اليوم نرغى
نوارة/ اوووووف ،الصبر يارب
وجريت لغرفتها بسبب سلاح الام الطائر الشبشب طبعا هههههه
وبعد وقت خلصت الأم الغسيل ونوارة نشرت الملابس وفرشت وجهزت الشقة وشطبت المطبخ ونظفت الحمام والبلكونة والسلم وغسلت أوانى الأكل والمياة للطيور ثم أخذت شاور ولابست ملابس خروج ونظرت للمراية وقالت ٠