قصة أحلى صدفة
البارت الرابع 4
بقلم نجلاء فتحى
فى غرفة هند
جلست على السرير وفردت ال٤ صور التى توجد فيهم الشخص اللى قابلتة فى الكافية وكأنة قاصد الدخول فى الصورة أخذت الفون وألتقطت الصور علية ثم ألقتها بأهمال على الأرض وأخذت تتشات مع صاحبتها سوما وترسل الصور ليها ويتناقشون وتوعدت لذلك الشخص
فى صباح اليوم التالى عند ذهبها للجامعة توقفت أمام الكافية فهو فى طريق جامعتها ونزلت من السيارة وترجلت للداخل بغضب لترى صاحب الصورة وتزعق لة لم تجدة تعصبت أكثر وخبطت على رأسها وقالت غبية يا هند فاكرة هيكون موجود أكيد زبون عادى خلص قاعدة ومشى ثم ركبت عربيتها وانطلقت للجامعة بعد ما أنتبهت على كلاكس سيارة خلفها أخرجت أديها وشاورت بحركة معناها أنها ماشية لو كانت نظرت من الشباك لوجدت الشخص الذى تبحث عنة وهو حسام
ثم نزل حسام من سيارتة وكمل روتين يومة عادى
مر أسبوع وهند تدخل الكافية الصبح وهى رايحة الجامعة وبعد العصر عند انتهاء جامعتها لم تجد الشخص التى تبحث عنة مع العلم انة موجود طول الوقت لكنها لم تتمكن من مشاهدتة مثلا يكون فى الحمام يكون فى مكتبة يكون أمامها وظهرة ليها او يتحدث مع شخص يحجب رؤيتة يأست فهى تريد معاقبتة وفى يوم قررت هى وأصحابها التجمع فى نفس الكافية فقد أعجبوا بالمكان بشدة وجلسوا وطلبوا الأوردر
هبة/ مش عجبنى الفيلم يا خسارة الفلوس
سوما/ فعلا المرة الجاية ندخل فيلم أكشن
هند/ بالعكس الفيلم قصتة حلوة بنت كفيفة ولاقت حب عمرها من حقها تعيش و٠٠
هبة/ NO دة كلام أفلام هتشوفه أزاى
سوما بسخرية/ مثلا بقلبها
هند/ لو أنتى مكان البطلة حرام الأ كسر الخاطر لا للتنمر
سوما/ لو أنتى مكان البطل هتقبلى تتجوزى واحد كفيف
هند/ أولا البطلة هى اللى كفيفة ثانيا لو ربنا أراد يبقا خلصت
سوما/ منطقك غريب حتى لو فى بباكى هيرفض
هند/ امممم فعلا ،،بابى مش ممكن يوافق اتجوز كدة نفسى أعيش قصة حب كلها ورد وشوكولاتة وخروجات وأهم شئ صور سيلفى
سوما وهبة نظروا لبعض وخبطوها على رأسها وضحكوا فى نفس الوقت لم تنتبة للشخص الذى يجلس خلفها ظهرة مقابل ظهرها لانة كان يرتدى نظارة شمسية ويراجع الأوراق فهى لم تنتبة لة واعتقدت انة زبون عادى نعم هو حسام سمع كلامهم بالتفصيل ويريد القيام من مكانة فهذة الفتاة مزعجة وندم أنة غير مكانة فألتزم الصمت ومازال صوتها فى أذنة
وبعد وقت أتى الجرسون وقدم المشروبات
هبة بتكبر/ أنت يا بتاع أنت هاتلى نظارتي اللى وقعت فى الأرض
الجرسون/ حاضر
هند بهجوم/ أستنا أياك تجبلها حاجة ثم وضعت أديها على خصرها وقالت وأنتى أتشليتى مش قادرة تجيبها هة أنتى اللى وقعتيها وطى جبيها الشاب مش شغال عند أهلك
هبة بغضب/ أنتى بقيتى بيئة أوووى كدة لية
حسام/ حاول التحكم فى غضبة وخصوصا كلمة أتشليتى وأخذ نفس وأخرجة وضغط على مقبض كرسية حتى أبيضت عروق إيدة
هند/ مين دى اللى بيئة أنتى اللى معندكيش أحساس لية بتهينى الناس لية
هبة بتكبر/ اللى زى دول حشرات ومخلقين علشان يخدمونا ولا الواد عاجبك بتدافعى عنة
هند/ أنقضت عليها وأمسكتها من شعرها أنتى أحقر أنسانه شوفتها فى حياتى مش عايزة أعرفك وتركتها ثم نظرت للشاب وقالت بصوت عالى أوعا كلامها يأثر فيك أنت أنسان وكمان مش شغلتك تجيب لحد حاجة وقعت منة لما يبقا مشلول ساعدة وأشفق علية غير كدة الحسالة دى وشاورت على هبة أوعا تساعدها علشان هتاخد فوق دماغك وأنت أنت أحسن شاب فى الدنيا كفاية أنك بتشتغل عمل حلال ومكافح وخرجت من الكافية وتجرى ووراها سوما
هبة/ هند هنددددد هتندمى مش بحب اتكلم مع حد ويسبني ويمشى هندددددد
شاور حسام للأمن يخرجوا هبة برا وهنا أتعصب فهو لم يقدر يجيب حق الشاب بسبب كلمات هند الغير مقصودة والجارحة لة وأخذت تتردد فى ذهنة ذى الشلل وشفقة ومساعدة ومن غضبة رمى فى الأرض اللاب توب وتفتفت ويود الخروج من الكافية لكنة مليان زباين وهو لم يستحمل نظرة منهم حين ينتقل من الكرسى العادى للكافية لكرسية المتحرك حاول يشغل عقلة حتى ساعات العمل تنتهى وفى ذهنة أسم هند فهو لم يعلم أى بنت تحمل هذا الاسم يقصد هند وسوما فأتت فى بالة فكرة
ياترى ماهى ٠
فى فيلا حسام
تغريد/ ببكاء ، صعبان عليا حسام دة شاب ٢٨ سنة يا ناس معقول حياتة وقفت لحد كدة
الخادمة/ وحدى الله ياهانم أحمدى ربنا سى حسام ربنا نجاه
تغريد/ بحمد ربنا فى كل حال بس برضو أبنى ٢٨ سنة مين يقبل بواحد رجلة مقطو"عة يعنى برجل واحدة قلبى مقهور منها لله اللى كانت السبب
الخادمة / هى السبب فى الحادثة
الام/ أخذت منديل من العلبة وقالت لا الحادثة قضاء الله هى اللى بلغتة وقالت لا يمكن أكمل مع واحد برجل واحدة د"مرته نفسيآ ابنى مش راضى يكمل علاجة ولا حتى العلاج الطبيعى خسارة شاب طموح ذى دة حياتة تقف ملوش صحاب قافل على نفسة قفلة من البيت للمحل وبس أهئ أهئ
الخادمة/ لا حول ولا قوة الا بالله العلي العظيم
وتمر أيام ومازالت تتواعد هى وسوما فى الكافية ونسيت أمر الشخص صاحب الصورة لكن مازالت صورتة محفورة فى رأسها أما حسام لم يفهم لماذا هذة الزبونة المزعجة مداومة التردد على الكافية ويعتقد أنها معجبة بية فغير مكانة حتى لا يراها وأعطى لها ظهرة
سوما/ مش فاهمة المادة دى وبعدين
هند/ ماسكة الفون ومشغولة فية
سوما/ سيبى الفون و٠٠
هند/ أوووف سمعت خلاص الامتحان معايا هوووش
سوما/ بجد
هند/ عيب عليكى أحنا بنهزر يا حبيبتى أحنا فى كلية أدارة أعمال يعنى جامعة خاصة وصاحبها صاحب بابى الدنيا أمان ثم قفزت من على كرسيها وتوجهت لخلفية كانت على الحائط عبارة عن صورة سى السيد ووقفت أمامة وتعمل تيك توك لأنها بلوجر مشهورة
حسام شافها وعرفها وأتعصب لما وجد الشباب مركزين معاها وهى تتلوى على أغنية وأرسل شاب يعمل فى المكان ٠
هند/ يعنى أية ممنوع لا عادى
حسام/ أغلق الملف الذى يحتوي على معلومات عند تلك المزعجة وقال ملهاش كبير دى ولا أية قال كدة لانى قرأ هوسها بالمديا
هند/ صاحب المكان على نفسة انا هنا بفلوسى ثم فتحت فيديو وقالت شايفبن يا فنزاتى أنا فى كافية معفن أسمة ***** وجدت فيه مخالفات وفاكهة فاسدة بلا"غ جماعى ok
وهنا لم يتحمل حسام كذبها حاول يقوم لم يقدر فقال بتتتتتتتتتتت كذاببببببة
هند/ أتنفضت ولفت لمصدر الصوت وجدتة صاحب الصورة أغلقت الفيديو وتوجهت لة أهلا أهلا بالمتطفل أنت أزاى تسمح لنفسك تتصور معايا ها
حسام مش فاهم بتتكلم على أية واتجاهل ذلك هو يهتم بأمر الفيديو وقال أمسحى الفيديو وأياكى تنشرية
هند/ أما واحد عديم الذوق قوم أقف راجل لراجل
حسام/ بحزن ياريت أقدر وكنت عارفتك مقامك
هند/مغرور لا قوم و ورينى مقامى وخبطتة برجليها فى رجلة ولسوء الحظ جات فى القدم الصناعي فألتوت فقام حسام فى الخفاء بعدل وضعيتها حتى لا يلاحظ أحد وهنا تحول لبركان ،،، أمشى مش عايز أشوف وشك تانى
هند/ لا مش ماشية أنا هنا بفلوسى متعصبنيش أقف وأنت بتكلمنى مش خدامة عنك وأمسكت لياقة قميصة
حسام/ أما بنت مش متربية اوعا أيدك أهلك مش ربوكى
هند/ مكنوش فاضين عارف لية
حسام/ لية يا بلوة
هند/ علشان كانوا بيربوا أهلك وأعطت لة بالرأس فى مقدمة رأسة وقالت دى علشان تتصور معايا .يا جعيدى يارب ماتقدر تقوم تانى من على الكرسى يا أستاذ مشلول أنت وسارت خطوتين ثم نظرت لة وبثقت علية وأخذت شنطتها وركبت سيارتها وتذكرت أنها لم تقابل مدير الكافية فذلك الشخص التى كانت تبحث عنة سيطر على تفكرها وأخرجت الفون لتمسح الفيديو وشهقت فقط أنتشر بالخطأ ووجدت أنها عملت لايف مش فيديو فقالت بصدمة يانهار الكافية أتقفل مكنش قصدى وذهبت للمنزل لم تجد والدها جلست فى الحديقة تنتظرة تأكل فى أظافرها ورفضت الصعود لغرفتها
حسام/ وصل بيتة وصعد غرفتة وأغلق على نفسة بالمفتاح وهو يصرخ وكلماتها الغير مقصودة تتردد فى زهنة ،،،،،،لااااااااااا عايز أموووووووت لية سبتنى كنت خدنى كلهم ذى بعض كلهم يهمهم المنظر ثم خلع الطرف الصناعي وألقاة بقوة فى الحائط بسببك منعتنى أقف أدامها بسببك أهانتنى أةةةةةةةةةةةة
الام بالخارج، ،،،أفتح الباب حسااااام حرااام اللى بتعملة أستغفر ربك يا ضنايا قلبى وجعنى عليك كفايا أبوك وأخوك أنت راجلى يا حسام أرحم أمك يا بنى
حسام/ تعبت يا مامااااااااا مش قادر عايز أمممموت
الام بلهفة/ لااااا لاااااا اللى زعلك أرمى وراء ظهرك أنا عايشة علشانك وسمع الخادمة وهى بتصرخ فتح الباب وجد أمة فى الأرض بين إيد الخادمة وبتنهج وواضعة ايدها على قلبها
حسام تحرك بالكرسي ليها ماما أسف حقك عليا
الام تحسست الجزء المب"تور من رجلة لم تجد الطرف الصناعي قالت بتعب ،،،،أحمد ربنا بكرة تتعدل عايزنى أبقا كويسة بلاش اشوفك كدة انت بطل وقوى يا نور عينى
حسام شعر بالعجز فهو غير قادر على مساعدتها فى النهوض
نسبهم مع بعض شوية
هل نشر الفيديو هيعدى على خير
ما موقف عادل أبو هند من تصرفات بنتة
موقف حسام لهند