قصة بعدك قاتلى
البارت الرابع4
بقلم اسماء محمد
♧♤ لبستا توب هزاز و مشيت ل رايا و لقيت لنا هناك سلمت عليو وقعدتا ابكي ،، لنا = ووبعلي شوفي انفك حمر و أصابعك التقول تنقط دم كفاك يا هيام ،،، رايا = عندها نوبة بكا ما بتسكت لمن تفك منها ،،، لنا =انت جادة ؟!!! ،، رايا = طيب ما لقيت وصف غير دا دي نوبة بكا ،، لنا = دي نوبة عمارية ههههه ،، لنا قدرت تكسر جو البكا بعد سمعتا بتقول نوبة عمارية قلبتا ضحك واصلنا ضحك بدموع كمان حضنتم و قلت ليم انتو أعز أصحاب ربنا يجمعنا في الجنة كمان ،، رايا عصبية و كلام قلبا في لسانا لكن ما محظوظة في العلاقات لمن تحب بتحب بكل حواسا و ما قعدة تلقى نفس الحب عشان كدا اعتزلت العلاقات ،،،، اما لنا دي مجنونة رسمي بتحب واحد من الحلة اسمو قيس الاتنين مجانين و مشاكلم كتيرة مع ذلك بحبو بعض و ما بفترقو و ناويين على الزواج قريبآ ..
♧♤ بعد يوم طويل و مليان أحداث متنافرة صليت العشا و اتحصنتا و رقدتا ،، اتصل علي عمار و صوتو كان كويس اتحسن شديد و قالي مرق من المستشفى و حاليآ في البيت قلبي اطمن الحمد لله قالي هيام ،، قلت نعم ، قالي انت بتحبيني ؟! ، سكتا .. عمار = هيام سألتك انت بتحبيني ؟! ،، فضلت ساكتة لانو كلمة بحبك ما بتكفي انا بعشقو و بموت عليو ..... ،، هيام اذا ما عايزة تتكلمي افصلي الخط ،، هيام = لا عاوزة اتكلم لبكرة كمان ما حابة افارقك بعادك قاتلني يا عمار بحبك و على طول بشتاق ليك و كل ما اذكر انك بعيد قلبي بوجعني كنت قعدة ابكي لمن صوتي بحا ،، عمار انا اسف حبيتبي ما عرفتك بتحبيني قدر ، ما تبكي انا جاي قريب ،، هيام = كل مرة بتقولي قريب هسي مرت ٦شهور و انت بتقولي قريب ..... عمار = ما تزعلي ، جاي نهاية الشهر بعد تلاتة اسابيع تقريبآ ،،، (ما فرحتا شديد لانو كل مرة بقولي ما ادوهو اذن )،، طيب تجي بالسلامة .
♡♡ مرت الايام و حبنا بزيد ،، عمار قرر يفاجئني بجيتو اتكلم مع رشا و رشا كلمت لنا و رايا و قعدو يرتبو لليوم ،،، و فعلآ عمار نزل السودان قبل نهاية الشهر و ما قالي يومين ما اتكلم معاي عشان ما اشوف الرقم سوداني و اعرف انو جا ، عمار اتكلم مع اهلو عشان يحددو المناسبة و اتكلمو مع اهلي و حددو المناسبة و العقد بتم يوم يفاجئني بجيتو .... ،، كنت راجعة من الشغل تعبانة و قرفانه من نفسي لقيت رايا و لنا منتظرني في البيت قلت ليم من متين انتو هنا ؟؟ قالو لي ما طولنا ماشين نتحنن تمشي معانا قلت حنة شنو انا ما فاضية امشو اتحننو ساي ، لنا = يا بت سمعتا حبوبتي بتقول البت البتحنن في الشهر دا بجيها عريس في الشهر البعدو الفال تحت اللسان و غمزت لي .... بصراحة ما اقتنعتا مشيت معاهم اتحننتا في يدي الحنانة قالت لي مدي رجولك ، قلت ليها لشنو رجولي كفاية يدي انا فتا ما متزوجة عاينت ل رايا و صريت وشي قلت ليها تقولي الحقيقة ولا استخدم معاك اسلوب تاني ( رايا حكت لي الحاصل و قالت اعملي نفسك ما عارفة تمام ) قلت ليها حاضر و عيوني مليانة دموع و شوق لوشفت عمار..