قصة بعدك قاتلى
البارت الثاني2
بقلم اسماء محمد
❥
الوو السلام عليكم ، كيفك هيام ،،، هيام انا كويسة الحمد لله ،، عمار = كيف ناس خالي و خالتو وصال و رشا كلكم بخير ،،، كويسين الحمد لله و انت كيفك ، امورك ماشة كيف ؟ عمار = نحمد الله ، ناقصك حاجة ،، لا ،، عمار = طيب سلمي لناس البيت ،،،، شفتو كمية النشافة العليو ،،، لنا = صراحة ناشف و بارد مرة ،، رايا = ما بتحمل النوعية دي نهائي ،،، انا مجبورة عليو ح اتحملو ، طيب انا ماشة بعدا بيناتنا شبكة ، ملل و زهج ما طبيعي رجعت البيت استحميت و صليت العصر و مسكت تلفوني ، في قلبي (مغصة لكن ، ولا بدلعني ، جفا مر ، ما بقدر اكتر من كدا ) مسكتا تلفوني اتصلت لعمار الو ،، مرحبتين هيام = ارجوك ما تعيد نفس الكلام شهر و انا بسمع منك الكلام دا اتعلم تحبني و تغازلني بصراحة انا بحب الدلع🤭 ( قعدة اقول في شنو ما يقوم يقول البت دي كهربتا زايدة ) ،، عمار = ( فك ضحكتو) بصراحة انا زاتي الوضع ما عاجبني ،، هيام طيب مالك ؟ المشكلة وين؟ ،، عمار = بصراحة انا ماشي على حسب اسلوبك شايفك انسانة محترمة و كتاباتك كلها عن الدين و زمان ما بتحبي الكلام الكتير على كدا قلت ما اتعدا حدودي معاك ،، هيام = بجد انا كدا ؟!! ، اذا مؤمنة ما معناها ما عندي مشاعر و نفسي في حاجات كتيرة ،،، عمار = طيب مالك عاملة فيها اختي المسلمة😁 ؟!! هيام = دا طبعي هادية و ما بتكلم كتير وبحب اي حاجة تخص الدين ،، عمار = دا الشي الخلاني أتجاوز الغزل و الأمور دي عبادتك هي مسكتني فيك و ما عمري ح افرط فيك بدعي ربنا يجمعنا بالحلال ،، هيام = اللهم آمين
♡♡ بجد عمار راجل بحترمني شديد و بحبني في كل حالاتي ، الحمد لله كسرنا الحواجز و بقينا نتكلم طبيعي و نشتاق لبعض و بنتسند على بعض ...... وصال = هيام تعالي اتعشي ،، ما عندي نفس ، وصال= مالك يا بت ، عيانة ؟! ،، مافي شي يمة بس نعسانة تصبحي على خير ،، كنتا منتظرة اتصال عمار خفت امشي للعشا يتصل ما نمتا نهائي خوفي يتصل يلقاني نايمة ، صحيت فترانة و حيلي مهدود رفعت تلفوني ما لقيت أي مكالمة احترتا لانو عمار ما بخلف بكلامو ، و قاطعة رصيد فتحت الشبكة لقيتو اخر ظهور امبارح النهار ، الوضع ما طبيعي ، اتصلت ل رايا و قلت ليها عمار قالي بتصليك ما اتصل و آخر ظهور ليو في الواتس امبارح النهار قلبي ما مطمن ،، رايا = يا بت عادي اصلا المغتربين ما عندم شغلة غير النوم، بس يكون نايم ،، حاولت اقنع نفسي بكلام رايا لكن ما قدرتا عمار ما من عادتو ينوم قدر دا اللهم اجعلو خير ،، هديت نفسي و حاولت اخت في بالي انو نايم مشيت شربتا الشاي مع امي و رشا ،،
♡♡كان قدمت لوظيفة في بنك الخرطوم و المقابلة الليلة ح افطر بعداك اطلع...........