قصة بعدك قاتلى
البارت السابع7
بقلم اسماء محمد
● صحيت بدري صليت و لميت حاجاتي امي قالت لي بعد تفطري امشي ، قعدتا فطرتا عمتي لزت لي عربية ركبتا رجعتا بيتي ، لمن جيت داخلة سلمتا (السلام عليكم ) عمتي ردت علي ( و عليكم السلام ) ببرود ناهد قالت لي رجعتي بدري ولا عاينت ليها طلعتا غرفتي لقيتا مغبرة شوية نزلت و قلت لعمتي غرفتي دايرة نضافة قالت لي الخدم نقصو حفصة مشت تنفس بتها و مريم ما تقدر تنضف البيت كلو براها لبكرة انا بشوف ليك وحدة ،، قلت مافي مشكلة بنضف براي طلعتا فوق و جبتا العصاية( الممسحة) فكرتا اغير وضع الاثاث لكن براي ما بقدر اتصلت ل رايا عشان تساعدني و فعلآ جاتني و ما خلتني اشتغل حاجة ، العصر جات لنا و جابت لينا كرسبي من برة اتغدينا و النهار كلو بنضحك و حكيت ليم عن حمواتي و عمايلم معاي ،، رايا = ديل ناس حاقدين أعوذ بالله بعد طيبتك دي كارهنك بس الدنيا دي الحمد لله ،،، لمن حكيت ليم الكلام القالتو شهد عني زعلو اكتر رايا = بعدا انت ساكتة ليه ما بدافعي عن نفسك طيب وريتي عمار ، قلت ليها انا ما عايزة مشاكل حابة الدي بالسلامة ما ناوية أوري عمار ،، رايا = طيبتك دي يوم ح تجيب أجلك ،، لنا = أعوذ بالله من لسانك الوسخ دا ، ربنا يطول من عمرك حبيبتي لكن كلام رايا صح دافعي عن نفسك ،،، ما شاء الله ما قصرو معاي لمن بقو مارقين رايا لقت شهد في طريقا لزتا اتكفت على وشها صرخت ، رايا رفعتا و قالت ليها معليش انا آسفة ان شالله ما اتعورتي ، شهد من المغصة ولا ردت ل رايا فاتت ،،، بعد مرقو رايا اتصلت علي و قالت لي قصدآ لزيتا ،، هيام = استغفر الله يا بت انت ما نصيحة هسي لو جاتا حاجة عاوزة تدخلي نفسك في مشاكل ، قالت لي المرة الجاية برميها من السطوح لو ما مسكت ادبا و احترمتك ،، كنت قعدة اضحك بدموع ،، جيت صحباتي رفعت معنوياتي شديد ،،، صليت العشا و رقدتا في سريري اتصل علي عمار فيديو بالايمو الوو ،، عمار = يا قلب ،، هيام = جنبك ،،، عمار = كيفو عسلي و النونو كيف ؟ ،، انا كويسة بس النونو زعلان منك ،، عمار = معليش حبيبي عارف قصرتا معاكم لكن ضغط الشغل علي كتير بوسيهو😘 لي ،، حاضر ، عمار عاوزة مصاريف القروش المعاي انتهت ،، عمار = انا شغال عشانكم انت قاطعة مصاريف و ما قلتي لي بزعل منك يا هيام ، ليه ما شلتي من امي ؟؟ يا عمار انا باكل كتير و على طول برمرم بخجل اسأل عمتي ،، قالي خلاص تمام ، صحي انت ما عندك حساب برسليك في حساب ناهد تمشي تسحبو ليك من البنك تمام ، قلت حاضر قالي بحبك و خلي بالك على نفسك و على النونو ، قلت حاضر ،في قلبي ( علاقتي مع ناهد ما كويسة ان شالله توافق تسحب لي القروش ) ،، و فعلآ عمار رسل القروش و ناهد مشت سحبتو جابتو لي ،، حسبتو لقيتو ناقص عشرة الف و عمار قالي برسليك مية الف اتصلت لعمار و اتاكدتا قالي مرسليك مية الف ،، نزلت تحت و قلت لناهد القروش ناقصة عشرة الف قالت لي احسبيها تاني قلت ليها حسبتا كذا مرة و طلعت ناقصة عشرة الف ،، ناهد = انت قصدك شنو ناقصة، يعني انا سرقتا العشرة الف ، افتحي عينك سمح انا قروشك ما بتخلعني لولا انك حامل كنت مردغتك في الارض ، ما رديت على كلاما طلعت غرفتي و قعدتا ابكي أثناء ما كنت ببكي اتصلت امي و قالت لي انا و رشا بكرة جاينك فرحتا شديد كنت قعدة افكر اطبخ شنو ، لكن طالما معاي قروش نطلب من برة نعز نفسنا ، نمتا ، الصباح نزلتا بدري و هيئتا البيت لانو دي اول مرة امي بتزورني في بيتي ...