قصة بعدك قاتلى
البارت الرابع عشر 14والاخير
بقلم اسماء محمد
☆☆ بلسان رايا ،، جابوها المستشفى متأخرين هيام ولدا اتولد ميت و بعد نص ساعة هيام اتوفت ،، عمت هيام كانت مصدومة و ندمانة بكت اكتر من اي زول هي و بناتا ام هيام و رشا و ابوها صريخم ملا المستشفي جات لنا ووبعلي يا هيام صحبتي حبيبتي راحت الطيبة راحت سابتني ، جات سوسن ( الشغالة) كانت متأثرة شديد و دموعا ما وقفت نهائي اي زول كان بعرف هيام جا و بكا عليها هيام ما هينة هيام انعكاس الطيبة هيام تقية و رضية ،،،، عمار عرف بالخبر نزل السودان تاني يوم الصباح حصل الجثمان ،، كنا قاعدين في المستشفى و صانين عمار جا خاشي أشرت ليو علي الغرفة دخل ( لشنو مغطيين ليها وشا ، هيومتي اصحي حبيبتي انا جيت تاني ما راجع ح افضل جنبك على طول، هيوم سيبي ثقالة ما تسكتي ، هيام ما تزعلي امبارح اتكلمتي معاي كويس و هسي مالك ، ) صرخاتو للآن بتردد في اضاني لمن مرق من العنبر ( يمة هيام مالا؟ خالتي صحي لي هيام دا نوم شنو ، مالكم متجمدين، ما تسكتو) جا علي و ختا ايدو في كتفي عصر بقوة قالي رايا مش هيام صحبتك ليه ما قادرة تصحيا ، نزلت ايدو بقوة و صرختا ، ( عمار أنت و اهلك مسؤوليين عن موت هيام انتو قتلتوها الله لا يسامحكم) عمار كان مستغرب من كلامي قالي انت بتقولي في شنو ؟! قلت ليو اسأل امك و اخواتك ،، عاين ليم قال ( يمة هيام مالا و انتو عاملين شنو؟!!) امو حاولت تمسكو قاليها اول قولي لي رايا بتقول في شنو ، ختيت ايدي في كتفو و قبلتو علي قلت ليو امك و اخواتك قتلو هيام بحقدم و انانيتم و عمرهم ما حبوها و هسي قصدآ لمن اتوجعت ما اسعفوها الا بعد فات الأوان ، حكيت ل عمار الحصل مع هيام من يوم عرسا ليوم وفاتا عمار ما استحمل يسمع الحقيقة كنت بتكلم و هو بصرخ بأعلى صوت و خاتي ايدو في راسو نزل علي ركبو و قعد يطلع منو انين بخوف كانت آهاتو بتقطع القلب ، وصال =
قامت على حيلها بعد سمعت كلامي و قعدت تضرب كوثر كفوف في وشها الا بعدناها منها جا ابو هيام و كان ندمان قال ( هيام جات قالت عايزة تقعد معانا انا رجعتها ليك انت خنتي الأمانة يا كوثر انت انسانة قظرة و ما خلا شتيمة كعبة ما قالا ل كوثر ) ، وصال = امبارح كانت معاي اريتني لو ما خليتا ترجع ليك هسي كانت بيناتنا هي و ولدا الله يشتت شملك الله يلعنك ،، كانت أصعب مشاهد مأساوية، ،، رفعنا الجثمان من المستشفى كفنوها في البيت هي و جناها ،، بعد الدفن كوثر حاولت تتكلم مع عمار ابى يعاين في وشها ، عمار ساب البيت و ساب كسلا و ساب السودان كلو للآن ما معروف حي ولا ميت ، كوثر جنت ، و ناهد طليقها شال منها عيالا بقت حالتا صعبة و مكتئبة على طول و شهد اضطرت تخلي الجامعة عشان تهتم بامها و اختا و تشتغل كمان عشان تصرف عليم ......... ، لنا زوجوها لقيس ، و انا عرستا ولد خالتي ودوني مدني و جبتا لينا بنوتة سميتا هيام ، و رشا كبرت و خطبوها .....
♡♡ بلسان بنا = بعد سنتين من وفاة هيام ::: سكنا جيران ناس هيام و طوالي بتي بتكون مع رشا و خالتي ،،،
♡♡ رايا جات بيت خالتي لقت رشا بتنادي هيام هيومة ( بسم الله معقولة هيام رجعت من الموت) دخلت البيت و سلمت على رشا و خالتي و سألت دي بت منو رشا قالت ليها دي هيوم الصغيرة بت لنا ،، رايا= اصبري لي يا لنا كيف بتها الزرقة دي تبقى هيام ،، جيت داخلا لقيت رايا سلمنا على و بكينا و كانو هيام اتوفت الليلة لنا قالت لي شوفي لبتك اسم مافي هيام غير بتي ، قلت ليها الا دي اي زول يمسك هيامو و قعدنا نتجادل و نتخاصم و نضارب زي الشفع .
تمت بحمد الله
وايضا زورو قناتنا سما القاهر للروايات
من هنا علي التلجرام لتشارك معنا لك
كل جديد من لينك التلجرام الظاهر امامك